Էդվարդ Հովհաննիսյան

Դադարեցվել է իմ հրամանով. ՊԵԿ նախագահը` Մեղրիի մաքսային պահեստում եղած խախտումների մասին

69
(Թարմացված է 15:12 27.04.2021)
Համացանցում տեղեկություններ էին տարածվել, որ հայ–իրանական սահմանին՝ Մեղրիի անցակետի մոտ, Հայաստանից Իրան ուղևորվող բեռնատարների խոշոր կուտակումներ կան, և որ մաքսային անցակետը չի գործում։

ԵՐԵՎԱՆ, 27 ապրիլի -Sputnik. Մեղրիի մաքսային պահեստում հայտնաբերվել են խախտումներ, որոնք անհամատեղելի են եղել գործունեության հետ։ Այսօր ԱԺ–ում լրագրողների հետ ճեպազրույցում տեղեկությունը հայտնեց ՀՀ ՊԵԿ նախագահ Էդվարդ Հովհաննիսյանը` մեկնաբանելով մաքսային պահեստի գործունեության լիցենզիան դադարեցնելու մասին` ապրիլի 26-ին ՊԵԿ–ում կայացված որոշումը։

«Մաքսային պահեստին ներկայացվող բազմաթիվ պահանջներ կան, այդ թվում` ռենտգեն սարքավորումների առկայությունը։ Կոնկրետ տվյալ մաքսային պահեստում այդ սարքավորումը չի աշխատել։ Արձանագրվել են նաև մի շարք այլ խախտումներ, որոնք շտկվելուց հետո ընկերությունը կարող է դիմել նոր լիցենզիա ստանալու խնդրանքով»,– ասաց Հովհաննիսյանը։

Նա նշեց նաև, որ մյուս մաքսային պահեստներում ևս խախտումների դեպքեր եղել են, բայց դրանց տեսակից ու բնույթից կախված` մաքսային պահեստի գործունեությունը չի դադարեցվել։

Ինչ վերաբերում է Մեղրիի պահեստին, ՊԵԿ նախագահը հայտնեց, որ դրա լիցենզիան դադարեցվել է իր հրամանով։ Մինչդեռ մամուլում լուրեր էին տարածվել, որ պահեստը փակելու հրահանգը տվել էր ՊԵԿ նախագահի տեղակալ Շուշանիկ Ներսիսյանը։

ՊԵԿ նախագահը նաև վստահեցրեց, որ Իրանից ներմուծումներն այս պահեստի չգործելու հետևանքով չեն տուժի։

«Բեռները, որոնք մաքսազերծվում էին տվյալ մաքսային պահեստում, կպահպանվեն այլ պահեստում, մինչև խնդիրները կվերացվեն, և նորից կդիտարկենք տվյալ մքսային պահեստին թույլտվություն տալու հարցը»,– ասաց ՊԵԿ նախագահը։

Մեղրիի մաքսակետին կից կառուցվել են ավտոկայանատեղի և գյուղատնտեսական շուկա

Հիշեցնենք` ապրիլի 26-ին համացանցում տեղեկություններ էին տարածվել, որ հայ–իրանական սահմանին՝ Մեղրիի անցակետի մոտ, Հայաստանից Իրան ուղևորվող բեռնատարների խոշոր կուտակումներ կան, և որ մաքսային անցակետը չի գործում։

Ավելի ուշ ՊԵԿ–ը պարզաբանել էր, որ դադարեցվել է ոչ թե մաքսային անցակետի, այլ մաքսային պահեստի գործունեությունը։

Մաքսային սահմանը պետք է գտնվի մինչև այդ տարածք մտնելը. փոխվարչապետը` «Մեղրի» ԱԱԳ–ի մասին

69
թեգերը:
Մեղրի, Էդվարդ Հովհաննիսյան (ՊԵԿ նախագահ), Պետական եկամուտների կոմիտե (ՊԵԿ)
Ըստ թեմայի
ՊԵԿ-ը կեղծ ձեռնարկատիրությամբ զբաղվելու փորձեր է կանխել
Իմացել են, որ երկրի վարչապետը գալու է ու մեծ ուրախությամբ ներկա են գտնվել. ՊԵԿ նախագահ
Կլինի երկնիշ աճ, թե ոչ` ժամանակը ցույց կտա. ՊԵԿ նախագահը հորդորում է սպասել
Մելիքսեթ Խաչիյան

Արոնյանի նախկին մարզիչը ՖԻԴԵ-ի կողմից ճանաչվել է լավագույն առաջին մարզիչ

4
Լևոն Արոնյանը մեկ անգամ չէ, որ գովեստով է խոսել իր առաջին մարզիչ Մելիքսեթ Խաչիյանի մասին։

ԵՐԵՎԱՆ, 11 մայիսի – Sputnik. Գրոյսմաստեր Լևոն Արոնյանի նախկին մարզիչ Մելիքսեթ Խաչիյանը Շախմատի համաշխարհային կազմակերպության (ՖԻԴԵ) կողմից ճանաչվել է լավագույնը «առաջին մարզիչ» անվանակարգում։ Այդ մասին տեղեկացնում է շախմատային chess-news.ru կայքը։

«Մելիքսեթ Խաչիյանը սկսել է աշխատել Արոնյանի հետ, երբ նա 9 տարեկան էր։ Հետագայում նշանավոր գրոյսմաստերը մեկ անգամ չէ, որ գովեստով է խոսել իր առաջին մարզչի մասին»,-նշված է կայքում։  

Գլխավոր մրցանակը ստացավ ուզբեկ գրոյսմաստեր Ռուստամ Կասիմջանովը, որն օգնել է հնդիկ Վիշվանաթան Անանդին շախմատային թագի համար մղված 3 մրցամարտում։

Չինացի գրոյսմաստեր Նի Հուան ճանաչվել է կանանց լավագույն մարզիչ։

Պատանեկան մրցաշարերի լավագույն մարզիչ է ճանաչվել ուզբեկ գրոյսմաստեր Սերգեյ Զագրեբելնին։

«Մանկական մարզիչ» (մինչև 14 տարեկան) անվանակարգում լավագույնն է ճանաչվել ռուս Յակով Գելլերը։

Լևոն Արոնյանը New in chess մրցաշարում զբաղեցրել է 4-րդ տեղը

4
թեգերը:
մարզիչ, Շախմատի միջազգային ֆեդերացիա (ՖԻԴԵ), Լևոն Արոնյան
Ըստ թեմայի
«Ինձ հասկացրել են, որ իմ կարծիքը ոչինչ չարժե». Լևոն Արոնյանն անկեղծացել է
Հայ շախմատիստուհին 2-րդ տեղն է գրավել Բելառուսում անցկացված տղամարդկանց առաջնությունում
Արոնյանն առցանց մրցաշարում հանդես է գալիս Հայաստանի դրոշի ներքո
Նիկոլ Փաշինյան. արխիվային լուսանկար

Վարչապետի աշխատակազմում պարգևավճարները գերազանցել են աշխատավարձի չափերը

85
(Թարմացված է 19:45 11.05.2021)
Ամենամեծ պարգևավճարները տրվել են դեկտեմբերին, երբ 500 աշխատակցի վճարվել է 235 441 900 դրամ։

ԵՐԵՎԱՆ, 11 մայիսի – Sputnik. ՀՀ վարչապետի աշխատակազմում 2020թ–ի ընթացքում 363 178 700 դրամի պարգևավճար է վճարվել։ Ընդ որում, որոշ աշխատաիկիցներ իրենց աշխատավարձը գերազանցող պարգևավճարներ են ստացել։

Նման բացահայտւմ է արել ՀՀ Հաշվեքննիչ պալատը` վարչապետի աշխատակազմի 2020թ–ի հունվարի 1-ից դեկտեմբերի 31-ի պետբյուջեի կատարման հաշվեքննության արդյունքում։

Ըստ այդմ, վարչապետի աշխատակազմին 2020 թ–ին «աշխատավարձեր և հավելավճարներ» հոդվածով վճարվել է 2 566 055 800 դրամ, որի շուրջ կեսը` 1 234 181 400 դրամը` որպես աշխատավարձ, 363 178 700–ը` պարգևավճար, մնացածը` եկամտահարկ, արձակուրդային, տարբեր նպաստներ ու սոցվճարներ և այլն։

Հետաքրքրական է, որ ամենամեծ պարգևավճարները տրվել են դեկտեմբերին, երբ 500 աշխատակցի վճարվել է 235 441 900 դրամ։

«Բա ճիշտ ենք արել, հլը ավելի շատ պարգևավճար պետք ա տանք ոստիկաններին». Ալեն Սիմոնյան

Համեմատության համար նշենք, որ սեպտեմբերին 504 աշխատողների վճարվել է 56 735 900 դրամ։

Հենց դեկտեմբերյան պարգևավճարների այս չափն էլ, ամենայն հավանականությամբ, գրավել է նաև հաշվեքննողների ուշադրությունը։ Իսկ արդեն մանրակրկիտ հաշվարկը պարզել է, որ վարչապետը որոշել է որոշ աշխատակիցների պարգևատրել իրենց աշխատավարձը գերազանցող գումարներով։

«Աշխատավարձի ֆոնդի տնտեսված միջոցներից հատկացված պարգևատրման ժամանակ ՀՀ վարչապետի` 2020 թվականի դեկտեմբերի 25–ի թիվ 1428-Ա որոշմամբ բարեխիղճ աշխատանքի համար խրախուսված որոշ աշխատակիցների պարգևատրման գումարը գերազանցել է մեկ ամսվա պաշտոնային դրույքաչափը»,– ասված է հաշվեքննության մեջ:

Հաշվեքննության հեղինակները միաժամանակ արձանագրում են, որ վարչապետի այս որոշումը հակասում է «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» ՀՀ օրենքին։

Հաշվեքննությունը փաստում է, որ այդ օրենքի 22–րդ հոդվածի 10-րդ մասի համաձայն՝ «պետական ծառայողը հատուկ առաջադրանքների և/կամ որակյալ աշխատանքի կատարման համար պարգևատրվում է իր մինչև մեկ ամսվա պաշտոնային դրույքաչափով»:

Վարչապետի աշխատակազմում, սակայն, ՀՊ–ի այս դիտարկման հետ չեն համաձայնում` բացատրելով, որ վարչապետի հիշյալ որոշման մեջ հղում է արվել օրենքի ոչ թե 22–րդ հոդվածի 10-րդ մասին, ինչպես նշել է ՀՊ–ն, այլ 6-րդ հոդվածի 6-րդ մասին, այսինքն` աշխատավարձը գերազանցող պարգևավճարը տրվել է ոչ թե «հատուկ առաջադրանքների և (կամ) որակյալ աշխատանքի» համար, այլ «բարեխիղճ աշխատանքի», հետևաբար, այդ պարգևատրման չափը սահմանափակված չէ։

Պարգևավճարի փոխարեն` բարձր աշխատավարձ. Երևանի ավագանու անդամները նոր առաջարկ ունեն

Պարգևավճարների չափերից բացի, հաշվեքննության արդյունքում նաև պարզվել է, որ ՀՀ վարչապետի աշխատակազմի ղեկավարի 2019 թվականի դեկտեմբերի 1-ի հրամանով հաստատված 700 հաստիքից 143-170–ը 2020թ–ի ընթացքում համալրված չեն եղել։

Արդյունքում` 700 աշխատակցի համար նախատեսված աշխատավարձի ֆոնդից վճարումներն իրականացվել են 530-557 աշխատակցի։

85
թեգերը:
Վարչապետ, աշխատավարձ, պարգևավճար, Նիկոլ Փաշինյան
Ըստ թեմայի
Պատգամավորները կես տարի կաշխատեն առանց պարգևավճարների
Ոչ թե պարգևավճար, այլ 13-րդ աշխատավարձ. ինչ են ստացել ԱԺ աշխատակիցները
Ավագանին հաստատեց Երևանի 2021-ի բյուջեն. ինչքան ծախս, եկամուտ և պարգևավճար է նախատեսվում