Սյունիքի մարզ, արխիվային լուսանկար

Ադրբեջանցիները քաշքշել են հովվին, հարվածել աչքին. Արավուսում սահմանը 100-500 մետրի վրա է

769
(Թարմացված է 17:34 26.04.2021)
Ադրբեջանցիները հարձակվել են Սյունիքի մարզի Արավուս գյուղի հովվի վրա և պահանջել, որ անասունները արածեցնելիս հեռավորություն պահի սահմանից։ Բնակչության մեծամասնությունը վաճառել է անասուններին. արոտավայր չկա։

ԵՐԵՎԱՆ, 26 ապրիլի - Sputnik. Օրեր առաջ Սյունիքի մարզի Արավուս գյուղում ադրբեջանցիները քաշքշել են արավուսցի հովվին, որն անասուններին տարել էր արածեցնելու։ Sputnik Արմենիայի հետ զրույցում դեպքի մասին պատմեց համայնքի ղեկավար Արգամ Հովսեփյանը։

«Մեր հովվին քաշքշել են, մի հատ էլ աչքին հարվածել ու ասել, որ սահմանից 100 մետր հեռավորության վրա արածեցնի անասուններին։ Բայց արդեն նորմալ տեղ էլ չկա արածեցնելու, իսկ հովիվը մեր տարածքում է եղել։ Գյուղի տղերքը տեսել և մոտեցել են, իսկ ադրբեջանցիներն էլ փախել են։ Հիմա չգիտեմ` ի՞նչ էին ուզում հովվին անել` առևանգել, թե վախեցնել»,–ասաց Հովսեփյանը։

Գյուղապետի խոսքով` դրանից հետո հովիվը նորից տարել է անասուններին արածեցնելու և էլի է տանելու։ Նա հայտնեց նաև, որ գյուղում անասուն գրեթե չի էլ մնացել` մարդիկ վաճառել են իրենց ունեցածը, քանի որ Ադրբեջանի վերահսկողության տակ է անցել համայնքի 63 հեկտար` վարած–ցանած հողատարածքը։

Հովսեփյանն ասաց` տեղում ժամկետային զինծառայողներն են սահմանը պահում, սակայն իրենք դիմել են, որպեսզի աշխարհազորային ստեղծվի, և գյուղի տղամարդիկ էլ ներգրավվեն սահմանը պահելու գործում։

Սյունիքի սահմանին փոխհրաձգություն է եղել. Կապանի համայնքապետ

«Ադրբեջանն այս կողմում 13 պոստ ունի, բայց մեր կողմում 4.7 կմ շառավղով բաց է տարածությունը` ես ու իմ գյուղի տղաներն են պահում այդ հատվածը։ Մեր խնդրանքն է, որպեսզի գրանցեն, մենք էլ օրինական պահենք սահմանը։ 3 պատերազմ անցած իմ ջոկատը կազմ–պատրաստ է, որպեսզի սահմանները պահենք. մարդիկ բանակից փախչում են, մենք էլ ուզում ենք սահման պահել` չեն գրանցում»,–ասաց Հովսեփյանը։

Հետաքրքրվեցինք, թե ինչո՞վ են այժմ ապրում տեղի բնակիչները, եթե անասունները վաճառել են, ինչին ի պատասխան Հովսեփյանը նշեց, որ ինքն էլ չգիտի։ Նա հայտնեց, որ բնակելի տները սահմանից հեռու են 100-500 մետր, և չնայած դրան, որևէ մեկը գյուղից հեռանալ չի ուզում։

ՊՆ-ն հերքում է․ Սյունիքի սահմաններին Ադրբեջանի հետ փոխհրաձգություն չի եղել

Հիշեցնենք` ապրիլի 25-ին համացանցում տեսանյութ էր հայտնվել, որտեղ ասվում էր, թե հայկական կողմը Սյունիքում ռազմավարական նոր դիրքեր է հանձնել ադրբեջանական ուժերին։

Նույն օրը ՀՀ պաշտպանության նախարարությունը բացարձակ սուտ էր որակել այդ տեղեկությունը` հայտարարելով, որ Հայաստանի զինված ուժերը որևէ դիրք չեն հանձնել ադրբեջանական կողմին, սահմանի ամբողջ երկայնքով գտնվում են իրենց զբաղեցրած դիրքերում և լիարժեք կատարում են առաջադրված խնդիրները:

769
թեգերը:
հովիվ, Ադրբեջան, Սյունիքի մարզ, Հայաստան
Սերգեյ Լավրով

Տրանսպորտային հանգույցը կարող է բարելավել Երևանի ու Բաքվի հարաբերությունները. Լավրով

30
(Թարմացված է 00:37 11.05.2021)
ՌԴ արտաքին քաղաքական գերատեսչության ղեկավարը շեշտել է, որ Ռուսաստանը հետաքրքրված է Ադրբեջանի և Հայաստանի միջև հարաբերությունների կարգավորմամբ։

ԵՐԵՎԱՆ, 11 մայիսի – Sputnik․ Հարավային Կովկասում տրանսպորտային հանգույցի ստեղծման հարցերը կնպաստեն Հայաստանի և Ադրբեջանի հարաբերությունների բարելավմանը։ ՌԻԱ Նովոստիի փոխանցմամբ՝ հայտարարել է Ռուսաստանի արտգործնախարար Սերգեյ Լավրովը Բաքվում Ադրբեջանի նախագահի հետ հանդիպման ժամանակ։

«Մենք անկեղծորեն շահագրգռված ենք Ադրբեջանի և Հայաստանի միջև հարաբերությունների կարգավորմամբ։ Կարծում ենք, որ ձգձգված հակամարտությունից դուրս գալու տնտեսական կողմի վրա կենտրոնանալու համատեղ աշխատանքը դրա համար օպտիմալ միջավայր է ստեղծում», - ասել Է Լավրովը։

ՌԴ արտաքին քաղաքական գերատեսչության ղեկավարի խոսքով՝ մարդիկ պետք է զգան, որ իրական բարելավում է տեղի ունենում։

Նա ընդգծել է, որ Ռուսաստանի, Ադրբեջանի և Հայաստանի փոխվարչապետերը երեք երկրների ղեկավարների ստեղծած աշխատանքային խմբի շրջանակներում պարբերաբար հանդիպում են, քննարկում են Հարավային Կովկասում բոլոր տնտեսական և տրանսպորտային հաղորդակցությունների ապաշրջափակման պայմանավորվածության շուրջ առկա գործնական հարցերը:

Լավրովն ընդգծում է՝ դա պոտենցիալ շատ լուրջ տրանսպորտային հանգույց է, որի նշանակությունը դուրս է գալիս տարածաշրջանային շրջանակներից։

Բայց չէ՞ որ ամենակարևորը ինքդ քեզ չկորցնելն է. Սոլովյովը`Հայաստանի ապաշրջափակման մասին

30
թեգերը:
Ադրբեջան, Հայաստան, Սերգեյ Լավրով
Ըստ թեմայի
Ապաշրջափակումն առայժմ քննարկվում է միայն փորձագիտական մակարդակով. փոխվարչապետ
Ապաշրջափակման անվան տակ խորը շրջափակում է լինելու. Օհանյանը` ԱԽՔ–ի հայտարարության մասին
Ադրբեջանը խոչընդոտելու է տարածաշրջանի ապաշրջափակմանը. ՀՀ վարչապետի պաշտոնակատար
Դավիթ Հարությունյան

Հայտնի է, թե ով կղեկավարի «Պատիվ ունեմ» դաշինքի ընտրական շտաբը. «Փաստինֆո»

61
(Թարմացված է 00:16 11.05.2021)
ՀՀ նախագահ Արմեն Սարգսյանը մայիսի 10-ի հրամանագրով խորհրդարանական արտահերթ ընտրությունների օր է նշանակել հունիսի 20-ը։

ԵՐԵՎԱՆ, 11 մայիսի - Sputnik. «Պատիվ ունեմ» դաշինքի ընտրական շտաբը կղեկավարի ՀՀ արդարադատության նախկին նախարար Դավիթ Հարությունյանը։ Այս պահին հիմնական թեկնածուն նա է, տեղեկացնում է «Փաստինֆոն»։

Հիշեցնենք, որ «Պատիվ ունեմ» դաշինքի մաս են կազմում ՀՀԿ և «Հայրենիք» կուսակցությունները, որոնք արտահերթ ընտրություններին կմասնակցեն միասին, իսկ ընտրացուցակը կգլխավորի «Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանը։

ՀՀ նախագահ Արմեն Սարգսյանը մայիսի 10-ի հրամանագրով խորհրդարանական արտահերթ ընտրությունների օր է նշանակել հունիսի 20-ը։

«Սպաներ, միացեք». ԱԱԾ պահեստազորի սպաների միությունը վերահսկելու է գալիք ընտրությունները

61
թեգերը:
Դավիթ Հարությունյան, Ընտրություններ, «Հայրենիք» կուսակցություն, Հայաստանի Հանրապետական կուսակցություն (ՀՀԿ)
Ըստ թեմայի
Արտահերթ ընտրություններն անցկացվելու են այս պահին գործող օրենքով. Հովակիմյան
ՀՀ նախագահը խառնեց պլանները. Հայաստանում հնարավոր է` ընտրությունների երկրորդ փուլ անցկացվի
ԱԺ–ն երկրորդ անգամ չընտրեց Փաշինյանին. Հայաստանը գնում է արտահերթ ընտրությունների