Արա Խազմալյան

«Բացառում եմ, ավելի շուտ հրաժարական կտամ». Խզմալյանը` ներկայացումներ չեղարկելու մասին

122
(Թարմացված է 14:21 26.04.2021)
ԿԳՄՍ փոխնախարար Արա Խզմալյանը վրդովված է մամուլում հայտնված անհիմն շահարկումներից։ Նա վստահ է, որ իրեն ճանաչող ցանկացած մարդ այդ տեղեկություններին չէր հավատա։

ԵՐԵՎԱՆ, 26 ապրիլի – Sputnik. ՀՀ կրթության, գիտության, մշակույթի և սպորտի փոխնախարար Արա Խզմալյանը բացառում է քաղաքական նպատակներով որևէ ներկայացման չեղարկումը։ Փոխնախարարն այդ մասին հայտարարեց լրագրողների հետ զրույցում` անդրադառնալով վերջին օրերի բուռն քննարկումներին։

Նշենք, որ մամուլում լուրեր տարածվեցին, թե Երևանի պետական կամերային թատրոնի տնօրեն Լուսինե Երնջակյանին է զանգահարել ԿԳՄՍ փոխնախարար Արա Խզմալյանը և պահանջել հանել դերասան Հրանտ Թոխատյանի` վերջերս բեմադրած «Նազա՛ր, Նազա՛ր մինչև վերջ» ներկայացումը՝ սպառնալով` քանի որ թատրոնը պետական է, կարող է ֆինանսավորումը կտրել:

«Շնորհակալ եմ, որ առիթ տվեցիք այս մասին խոսելու, քանի որ առանձին հարկ չեմ համարում։ Սա մի երևույթ է, որը, ներողություն եմ խնդրում, բայց պետք է անվանել անամոթություն կամ գիտակցված ապատեղեկատվություն։ Ինձ ճանաչող մարդիկ դժվար կպատկերացնեն պրոցեսը, երբ ես վերցնում եմ հեռախոսը և քաղաքական ենթատեքստի պատճառով որևէ ներկայացում եմ չեղարկում։ Ըստ էության դրա մեխանիզմներն էլ չկան»,–ասաց Խզմալյանը։

Նրա խոսքով` Կամերային թատրոնի տնօրեն Լուսինե Երնջակյանն արդեն հերքել է այդ լուրը։ Նա բացատրել է, որ ներկայացումը ոչ թե հանվել է, այլ պարզապես Հրանտ Թոխատյանը գործուղման է մեկնել արտասահման, և այդ պատճառով չեն խաղում։

Ըստ Խզմալյանի` նույնիսկ մամուլում հրապարակված նյութն անձամբ Լուսինե Երնջակյանն է փոխնախարարին ուղարկել։

Հայտնի հայերը երիտասարդ տաղանդների են փնտրում. հաղթողները դրամաշնորհ կստանան

«Ես ոլորտի շարքերից եմ այս պաշտոնին եկել։ Եկել եմ զուտ մասնագիտական չափանիշներից ու նկատառումներից ելնելով և կվերադառնամ նորից այդ ոլորտ։ Ես ինձ այստեղ դիրքավորում եմ որպես ոլորտի ներկայացուցիչը կառավարությունում, իշխանության մեջ։ Բացառում եմ քաղաքական նպատակներով ներկայացման չեղարկումը, ես ավելի շուտ հրաժարական կտամ, կհրաժարվեմ այս պաշտոնից, քան ինձ թույլ կտամ կաշկանդելու ստեղծագործական ազատությունը, եթե դա ստեղծագործական ազատություն է։ Ցավոք սրտի, ազատություն ասելով` մենք հասկանում ենք արվեստի և մասնագիտության հետ կապ չունեցող հայհոյախոսությունը։ Այո, պետական կառույցների տնօրենները պետք է պատասխանատվություն կրեն այն բովանդակության համար, որը լսվում է իրենց բեմերից, բայց պատասխանատվություն որակի, չափի զգացման տեսակետից, ոչ թե քաղաքական»,–ասաց նա։

Սանահինի ու Հաղպատի գաղտնիքները կներկայացվեն բացառիկ ցուցադրությամբ

Նշենք, որ «Նազա՛ր, Նազա՛ր մինչև վերջ» ներկայացումը (ըստ Դ.Դեմիրճյանի «Քաջ Նազար» հեքիաթի) առաջին անգամ բեմադրվել է 1983 թվականին։ Ներկայացումը հյուրախաղերով եղել է Տալլինում, Ռիգայում, Սանկտ Պետերբուրգում, Մոսկվայում, ԱՄՆ–ում (Լոս Անջելես, Սան Ֆրանցիսկո), Սիրիայում (Հալեպ)։

ԵՊՀ-ն այս պահին շատ ավելի վատ վիճակում է, քան մինչև հեղափոխությունը. Սերոբ Խաչատրյան

122
թեգերը:
թատերական ներկայացում, Արա Խզմալյան, Հայաստան
Նիկոլ Փաշինյան. արխիվային լուսանկար

Սա դիվերսիոն անցում է. Փաշինյանը` Սյունիքի դեպքերի մասին

158
(Թարմացված է 00:35 13.05.2021)
ԱԽ նիստում Նիկոլ Փաշինյանն արձանագրել է, որ իրավիճակն առնվազն մերձճգնաժամային է, եթե չասենք ճգնաժամային, բայց կրակոցների, փոխհրաձգությունների, մարտական գործողությունների, վիրավորների, զոհերի մասին տեղեկությունները որևէ կապ չունեն իրականության հետ:

ԵՐԵՎԱՆ, 13 մայիսի – Sputnik. Սյունիքում կատարվածն իր բնույթով դիվերսիոն անցում է։ Այսպես է գնահատել ադրբեջանական ԶՈւ գործողությունները ՀՀ վարչապետի պաշտոնակատար Նիկոլ Փաշինյանը Սյունիքի մարզի Սև լիճ տեղանքում ստեղծված իրավիճակի և հետագա քայլերի մասին հրավիրված Անվտանգության խորհրդի արտահերթ նիստում: Տեղեկությունը հայտնում են կառավարության մամուլի ծառայությունից։

Նիկոլ Փաշինյանն իր խոսքում հիշեցրել է, որ այսօր առավոտյան Ադրբեջանի զինված ուժերը Սյունիքի Սև լիճ տեղանքում հատել են Հայաստանի Հանրապետության պետական սահմանը և խորացել մինչև 3,5 կիլոմետր` ըստ էության, փորձ անելով պարփակել Սև լիճը:

«Իհարկե այս գործողություններն անհանդուրժելի են Հայաստանի Հանրապետության համար, որովհետև դա ոտնձգություն է ՀՀ ինքնիշխան տարածքի նկատմամբ և իհարկե առանձին քննարկման առարկա է, թե ինչու և ինչպես է հնարավոր դարձել նման գործողությունը, բայց պետք է արձանագրել, որ սա իր բնույթով, ըստ էության, դիվերսիոն անցում է»,–ասել է վարչապետի պաշտոնակատարը:

Նա նշել է, որ ՀՀ զինված ուժերը վաղ առավոտից արձագանքել են տեղի ունեցող իրադարձություններին, իրականացվել են անհրաժեշտ մարտավարական տեղաշարժեր և այլ գործողություններ: Ադրբեջանական զինված ուժերի գործողությունները չեն զուգորդվել հրաձգային կամ որևէ այլ զենքի կիրառմամբ, և նրանք փորձում են հիմնավորել իրենց գործողություններն ինչ-որ քարտեզներով, որոնք մեր առաջին իսկ դիտարկմամբ մտացածին և կեղծ են, որովհետև մեր տրամադրության տակ է դեռևս Խորհրդային Միության ժամանակներում Սովետական Հայաստանի և Սովետական Ադրբեջանի միջև հաստատված, նաև Կենտրոնական իշխանության կողմից հաստատված քարտեզ, որտեղ հստակ երևում է, թե Հայաստանի և Ադրբեջանի միջև սահմանագիծն ինչպես է անցնում:

«Այնուամենայնիվ, ստեղծված իրավիճակն անընդունելի է, Հայաստանի Հանրապետությունը չի կարող ուղղակի համակերպվել ստեղծված իրավիճակի հետ, բայց նաև հաշվի առնելով իրադրությունը՝ մեր առաջնային ծրագիրը բանակցությունների միջոցով, նաև դիվանագիտական եղանակներով այս խնդիրը լուծելն է: Բայց սա տարբերակներից մեկն է»,–ասել է Փաշինյանը:

Նա նշել է, որ ՀՀ–ն որևէ կերպ չի կարող հանդուրժել ու համակերպվել ստեղծված իրավիճակի հետ, և Անվտանգության խորհրդի նիստում պետք է քննարկվի այս պահին առկա իրավիճակն ու հետագա անելիքները, հնարավոր սցենարները և այդ սցենարների միջև առկա ներքին փոխկապակցվածությունները:

Ադրբեջանը սադրիչ քայլերով փորձում է ճնշում գործադրել ՀՀ-ի վրա և պարտադրել իր պահանջները

«Հարկ եմ համարում ընդգծել, որ ինչպես և կարելի էր, ցավոք սպասել, իրավիճակը նաև ներքաղաքական շահարկումների առիթ է դառնում և դարձել: Ես ուզում եմ կրկին կոչ անել, որ արտաքին անվտանգության հետ կապված իրավիճակները փորձ չարվի օգտագործել ներքաղաքական նպատակների համար, որովհետև սա ազգային անվտանգության հարց է, և տվյալ իրավիճակում մեզ պետք է կենտրոնանալ խնդրի ու նրա լուծման վրա»,–ասել է Փաշինյանը:

Վարչապետի պաշտոնակատարն արձանագրել է, որ կրակոցների, փոխհրաձգությունների, մարտական գործողությունների, վիրավորների, զոհերի մասին տեղեկությունները որևէ կապ չունեն իրականության հետ, մյուս կողմից, սակայն, պետք է արձանագրել, որ իրավիճակն առնվազն մերձճգնաժամային է, եթե չասենք ճգնաժամային: «Ամեն դեպքում այս իրավիճակում մեզ անհրաժեշտ է պահպանել սառնասրտություն, մյուս կողմից անհրաժեշտ է լինել հետևողական մեր պետական և ազգային շահերի պաշտպանության տեսանկյունից, և մենք նաև այսօր պետք է որոշումներ կայացնենք անելիքների ու հետագա գործիքակազմի վերաբերյալ»,–ասել է Փաշինյանը:

Հիշեցնենք` լրատվամիջոցներում ու սոցկայքերում լուրեր էին տարածվել, թե Սյունիքի մարզի Իշխանասար գյուղի հատվածում թշնամին մարտական գործողություններ է սկսել։

Գորիսի փոխհամայնքապետ Իրինա Յոլյանը Facebook-ում գրել էր, որ թշնամին Իշխանասարի հատվածում պետական սահմանն անցել է և ևս երեք կիլոմետր առաջ եկել դեպի Վերիշեն բնակավայր։

«Հրամանատարն ասաց, որ Ադրբեջանը որևէ ոտնձգություն չի արել». Թագուհի Թովմասյան

ՀՀ ՊՆ մամուլի ծառայությունն էլ հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

158
թեգերը:
Անվտանգության խորհուրդ, Իշխանասար, Սյունիք, Հայաստան, Նիկոլ Փաշինյան
Ըստ թեմայի
Ռուսաստանի ներկայացուցիչը Սյունիքում է, բանակցություններ են ընթանում. Անդրանիկ Քոչարյան
Դըմփ-դըմփ-հու, Շուռնուխի օրինակը պետք է դաս լինի. Արշակյանը` Սյունիքի դեպքերի մասին
Սև լիճն անցել են, մտել մեր գոտի. Առուշանյանը`Սյունիքում ադրբեջանցիների առաջխաղացման մասին 
Արման Թաթոյանը Սյունիքում

Սյունիքում ադրբեջանական զինվորներին նկատել է հովիվը, որին հետո սպառնացել են. Արման Թաթոյան

236
(Թարմացված է 23:57 12.05.2021)
Այս ամենը մեկ անգամ հաստատում է, որ Սյունիքի շուրջ պետք է հրատապ կարգով ստեղծվի անվտանգության գոտի, իսկ ճանապարհներին գտնվող ադրբեջանական զինվորականները, նրանց դրոշներն ու ցուցանակները պետք է հեռացվեն:

ԵՐԵՎԱՆ, 12 մայիսի- Sputnik. Սյունիքում ադրբեջանական զինվորականներին նկատել է Գորիս համայնքի Վերիշեն գյուղի հովիվն իր մակատեղիից, որտեղ պահվում են կենդանիներ: Տեղեկությունը հայտնում է ՀՀ մարդու իրավունքների պաշտպան Արման Թաթոյանը` անդրադառնալով այսօր Սյունիքում տեղի ունեցած դեպքերին։

Այսօր լրատվամիջոցներում ու սոցկայքերում լուրեր էին տարածվել, թե Սյունիքի մարզի Իշխանասար գյուղի հատվածում թշնամին մարտական գործողություններ է սկսել։ ՀՀ ՊՆ մամուլի ծառայությունն էլ հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում։

«Ահազանգերով նշվել է, որ հովվի մակատեղին գտնվում է բնակիչների կողմից օգտագործվող արոտավայրի տարածքում՝ Սև լճից դեպի Վերիշեն բնակավայրն ընկած տարածքում. Սև լիճը գտնվում է ՀՀ տարածքում: Ըստ ահազանգերի՝ ադրբեջանական զինվորականները զենքի ցուցադրումով սպառնացել են Վերիշենի հովիվին»,–նշվածէ ՄԻՊ–ի ֆեյսբուքյան էջում տարածված հաղորդագրության մեջ։

Դրանից բացի, ինչպես սահմանային բնակիչները, այնպես էլ համայնքային մարմինները Թաթոյանին վստահեցրել են, որ Սև լիճն իրեն հարող արոտավայրերով խորհրդային տարիներից սկսած` գտնվել է Հայաստանի տարածքում: Բնակիչների ու համայնքային մարմինների գնահատմամբ՝ ադրբեջանական զինվորականները Սև լճից անգամ առաջացել են մի քանի կիլոմետր քաղաքացիական բնակավայրերի ուղղությամբ և տեղակայվել այդ վայրերում:

Զինվորականի փորձով Սյունիքի մարզպետը չէր կարող ասել, որ թշնամին մոլորվել է. մարզպետարան

Մարդու իրավունքների պաշտպանի ուսումնասիրությունները հաստատում են, որ Սև լճին հարակից վայրերն անփոխարինելի նշանակություն ունեն սահմանային բնակավայրերի բնակիչների համար: Հարցն այն է, որ այդ տարածքներն օգտագործվում են որպես արոտավայրեր, ինչպես նաև այդ վայրերից են գոյանում հարակից համայնքների խմելու և ոռոգման ջրային պաշարները:

Խոսքը մասնավորապես Տեղ, Սիսիան, Գորիս համայնքների, այդ համայնքների Խնածաղ, Վաղատուր, Խոզնավար, Վերիշեն և մյուս բնակավայրերի մասին է:

Թաթոյանն արձանագրում է, որ ադրբեջանական զինված ուժերի ծառայողների այս արարքները կոպտորեն խախտում են ՀՀ սահմանային բնակիչների իրավունքները, ունեն նրանց ահաբեկելու նպատակ: Ադրբեջանական զինվորականների արարքները բացահայտ սարդանք են ՀՀ բնակչության նկատմամբ:

Նշվում է նաև, որ մարդու իրավունքների պաշտպանն այս հայտարարությունը կուղարկի միջազգային մարմիններին՝ արձանագրելով, որ այս ամենը մեկ անգամ հաստատում է, որ Սյունիքի շուրջ պետք է հրատապ կարգով ստեղծվի անվտանգության գոտի, իսկ ճանապարհներին գտնվող ադրբեջանական զինվորականները, նրանց դրոշներն ու ցուցանակները պետք է հեռացվեն:

Հիշեցնենք` լրատվամիջոցներում ու սոցկայքերում լուրեր էին տարածվել, թե Սյունիքի մարզի Իշխանասար գյուղի հատվածում թշնամին մարտական գործողություններ է սկսել։

Գորիսի փոխհամայնքապետ Իրինա Յոլյանը Facebook-ում գրել էր, որ թշնամին Իշխանասարի հատվածում պետական սահմանն անցել է և ևս երեք կիլոմետր առաջ եկել դեպի Վերիշեն բնակավայր։

«Հրամանատարն ասաց, որ Ադրբեջանը որևէ ոտնձգություն չի արել». Թագուհի Թովմասյան

ՀՀ ՊՆ մամուլի ծառայությունն էլ հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

236
թեգերը:
Հայաստան, Ադրբեջան, Իշխանասար, Արման Թաթոյան, Սյունիք
Ըստ թեմայի
Ռուսաստանի ներկայացուցիչը Սյունիքում է, բանակցություններ են ընթանում. Անդրանիկ Քոչարյան
Դըմփ-դըմփ-հու, Շուռնուխի օրինակը պետք է դաս լինի. Արշակյանը` Սյունիքի դեպքերի մասին
Սև լիճն անցել են, մտել մեր գոտի. Առուշանյանը`Սյունիքում ադրբեջանցիների առաջխաղացման մասին