ԵՐԵՎԱՆ, 24 ապրիլի - Sputnik․ Հայ-ռուսական միացյալ զորախմբի համատեղ գործողություններն ու առաջիկա ծրագրերը քննարկել են ՀՀ պաշտպանության նախարար Վաղարշակ Հարությունյանն ու ՌԴ պաշտպանության նախարար, բանակի գեներալ Սերգեյ Շոյգուն։ Տեղեկությունը հայտնում է ՀՀ պաշտպանության նախարարությունը` հավելելով, որ այսօր կայացել է նախարարների հեռախոսազրույցը։
«Երկու երկրների պաշտպանական գերատեսչությունների ղեկավարները քննարկել են Արցախում տեղակայված ռուսական զորախմբի խաղաղապահ առաքելության ընթացքը, ՀՀ զինված ուժերում սկիզբ առած լայնածավալ բարեփոխումների հիմնական ուղղությունները»,–նշվածէ հաղորդագրության մեջ։
Անդրադարձ է կատարվել նաև տարածաշրջանային խնդիրների։
Հիշեցնենք, որ մարտի 10-ին և 23–ին նույնպես երկու գերատեսչությունների ղեկավարները հեռախոսազրույց էին ունեցել։ Զրույցի ընթացքում կողմերը քննարկել էին երկկողմ ռազմական և ռազմատեխնիկական համագործակցությանն առնչվող հարցեր։
Վաղարշակ Հարությունյանն ու Սերգեյ Շոյգուն քննարկել են Սյունիքի անվտանգության հարցը
