Ֆրանսիայի Սենատի պատվիրակությունը

«Ես հայ չեմ, բայց այս պահին սիրտս հայի սրտի պես է բաբախում»․ Ֆրանսիայի Սենատի նախագահ

55
Ժերար Լարշեի գլխավորած պատվիրակությունը հարգանքի տուրք մատուցեց Ծիծեռնակաբերդում։ Սենատի նախագահն ընդգծեց, որ պատվիրակության ներսում քաղաքական տարակարծություններ ունեն, բայց ապրիլի 24-ի պես օրերին համախմբվում են։

ԵՐԵՎԱՆ, 24 ապրիլի - Sputnik․ Ծիծեռնակաբերդի հուշահամալիրը սովորեցնում է, որ ռազմական գործողությունները, անգամ եթե հաջողված են համարվում, հաղթանակ չեն։ Այսօր Ծիծեռնակաբերդի բարձունքում ասաց Ֆրանսիայի Սենատի նախագահ Ժերար Լարշեն՝ անդրադառնալով արցախյան 44-օրյա պատերազմին։

Делегация Сената Франции во главе с председателем Жираром Ларше и спикер Парламента Армении Арарат Мирзоян в Мемориальном комплексе Цицернакаберд (24 апреля 2021). Еревaн
© Sputnik / Asatur Yesayants
Ֆրանսիայի Սենատի պատվիրակությունը

«Թվում էր՝ հայերի դեմ սպառնալիքը մարել է, բայց վերջին հարձակումը, որին ենթարկվեցին հայերը, որն ուղեկցվում էր վայրագություններով, ագրեսիայով, ատելությամբ, վանդալիզմով, մարտահրավեր է նետում անցյալին։ Կենդանի հիշողությունը պատմության կրկնության դեմ լավագույն պատվարն է», - ասաց նա։

Նա նշեց, որ աշխարհում քիչ են Ծիծեռնակաբերդին համարժեք վայրեր, որոնցից հեռանում ես փոխված։

«Ես հայ չեմ, ոչ էլ հայկական ծագում կամ արմատներ ունեմ, բայց այսօր իմ սիրտը հայի սրտի պես է բաբախում», - ասաց Լարշեն։

Նա անմար կրակի մոտ ծաղիկներ խոնարհեց իր պատվիրակության հետ միասին։ Սենատի նախագահն ընդգծեց, որ պատվիրակության ներսում նրանք քաղաքական տարակարծություններ ունեն, սակայն ապրիլի 24-ի պես օրերին համախմբվում են։

Делегация Сената Франции во главе с председателем Жираром Ларше и спикер Парламента Армении Арарат Мирзоян в Мемориальном комплексе Цицернакаберд (24 апреля 2021). Еревaн
© Sputnik / Asatur Yesayants
Ֆրանսիայի Սենատի պատվիրակությունը

«1915-ից հետո բազմաթիվ հայեր ապաստան գտան Ֆրանսիայում, և մենք լավ պատկերացնում ենք՝ ինչքան բանով է Ֆրանսիան նրանց պարտական։ Քսան տարի առաջ Ֆրանսիան ընդունեց օրենք` ճանաչելով Հայոց ցեղասպանությունը։ Դա կատարվեց նախագահ Ժակ Շիրակի նախաձեռնությամբ։ Մենք` ֆրանսիացիներս, երբեք չպետք է մոռանանք դա», - ասաց Լարշեն։

Նա իր ելույթը ամփոփեց «Կեցցե Հայաստանը» կոչով։

Մեր հարևանները պիտի հասկանան, որ հայրենիքից որևէ տեղ չենք պատրաստվում հեռանալ. Միրզոյան

Նշենք, որ Ֆրանսիայում մեծ թիվ են կազմում Ցեղասպանության զոհերի հիշատակին նվիրված հուշարձանները։ 2003 թ.-ի ապրիլի 24-ին Փարիզի կենտրոնում տեղադրվեց Դավիթ Երևանցու՝ Կոմիտասի 4-մետրանոց բրոնզե արձանը՝ «Երգահան Կոմիտասի և 1915 թ.-ին Օսմանյան կայսրությունում իրականացված 20-րդ դարի առաջին ցեղասպանության զոհ 1.5 միլիոն հայերի հիշատակին» մակագրությամբ։ Ֆրանսիայի շատ քաղաքներում փողոցները կրում են Հայաստանի աշխարհագրական վայրերի և նշանավոր հայերի անուններ։ Օրինակ՝ Լիոնում կա Հայաստան անունով, Վալանսում՝ Երևան անունով փողոցներ և այլն։ Մեծ թիվ են կազմում նաև Ֆրանսիայի և Հայաստանի քույր քաղաքները, ինչպիսիք են Փարիզն ու Երևանը, Բանյոն ու Վանաձորը, Վալանսն ու Իջևանը և այլն։

Ֆրանսիայում 900 հազար հայ է ապրում։

Հայաստանը բավական թանկ գին է վճարել ազատության համար. Կարոլինա Ֆերնանդես

55
թեգերը:
հայ, Ծիծեռնակաբերդ, Ցեղասպանություն, Ֆրանսիա, Հայաստան
թեմա:
Ապրիլի 24. Հայոց ցեղասպանության չմոռացվող էջը (128)
Կանադայի արտաքին գործերի նախարար Մարկ Գարնո

Կանադայի արտգործնախարարն անդրադարձել է հայ-ադրբեջանական սահմանին ստեղծված իրավիճակին

12
(Թարմացված է 14:56 15.05.2021)
Կանադայի արտգործնախարարը նշել է, որ բոլոր այն գործողությունները, որոնք կարող են խաթարել հրադադարի ռեժիմը և սրել լարվածությունը, պետք է դադարեցվեն։

ԵՐԵՎԱՆ, 15 մայիսի- Sputnik. Կանադայի արտաքին գործերի նախարար Մարկ Գարնոն խոր մտահոգություն է հայտնել Սյունիքում հայ-ադրբեջանական սահմանին ստեղծված իրավիճակի վերաբերյալ:

«Մենք մտահոգված ենք Հայաստանի և Ադրբեջանի միջև լարվածության աճի, Հայաստանի տարածք ներխուժելու մասին հաղորդագրություններով: Մենք հորդորում ենք բոլոր կողմերին ամբողջությամբ հարգել նոյեմբերի 10-ին ձեռք բերված հրադադարի մասին համաձայնագիրը, շարունակել բանակցել մշտական և խաղաղ կարգավորման համար: Բոլոր այն գործողությունները, որոնք կարող են խաթարել հրադադարի ռեժիմը և սրել լարվածությունը, պետք է դադարեցվեն»,- Twitter–ի իր միկրոբլոգում նշել է Կանադայի ԱԳ նախարարը:

​Հիշեցնենք` ՀՀ ՊՆ մամուլի ծառայությունը հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

ԱՄՆ-ը սադրանք է համարում Ադրբեջանի գործողությունները Հայաստանի սահմանների մոտ. Պետդեպ

Նույն օրը ՀՀ վարչապետի պաշտոնակատար Նիկոլ Փաշինյանն Անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

12
թեգերը:
Սյունիք, Սահման, Նախարար, Կանադա
Ըստ թեմայի
ՀՀ–ն բարձր է գնահատում միջազգային գործընկերների ջանքերը Սյունիքի հարցով. հայտարարություն
ՀԱՊԿ Հավաքական անվտանգության խորհրդի նախագահը Սյունիքի հետ կապված կարգադրություններ է տվել
Իշխանասարում ադրբեջանցիների ներկայությունը վտանգում է Սյունիքի խմելու ջրի հասանելիությունը
ՀԱՊԿ–ն առաջիկա օրերին Սյունիքի իրավիճակի վերաբերյալ խորհրդակցություններ կանցկացնի
Դավիթ Հարությունյան. արխիվային լուսանկար

Կան մոտեցումներ, որոնք տարբերվում են. Հարությունյանը` Քոչարյանի հետ դաշինք կազմելու մասին

56
(Թարմացված է 14:30 15.05.2021)
Դավիթ Հարությունյանը վստահեցնում է, որ համագործակցում են Ռոբերտ Քոչարյանի հետ, քանի որ իրենց նպատակը նույնն է։ Նա չբացառեց նաև ՀԱԿ–ի հետ դաշինք կազմելը։

ԵՐԵՎԱՆ, 15 մայիսի- Sputnik. «Պատիվ ունեմ» դաշինքը չմիավորվեց ՀՀ երկրորդ նախագահ Ռոբերտ Քոչարյանի հետ, քանի որ կան որոշակի մոտեցումներ, որոնք տարբերվում են։ Այս մասին հայտնեց «Պատիվ ունեմ» նախընտրական շտաբի ներկայացուցիչ, արդարադատության նախկին նախարար Դավիթ Հարությունյանը` պատասխանելով հարցին, թե ինչո՞ւ դաշինք չկազմեցին Քոչարյանի հետ։

Նշենք, որ ՀՀԿ–ն և «Հայրենիք» կուսակցությունն այսօր դաշինք կազմավորելու մասին հուշագիր ստորագրեցին։ Նրանք ընտրություններին կմասնակցեն «Պատիվ ունեմ» դաշինքով:

«Մեր նպատակները նույնն են` ունենալ անվտանգ և զարգացող Հայաստան, հեռացնել գործող իշխանություններին։ Սակայն կան մոտեցումներ էլ, որ տարբեր են, բայց սա չի նշանակում, որ մենք չենք համագործակցում։ Մենք համագործակցում ենք, սակայն ընտրողներին նաև այլընտրանք են առաջարկել»,–ասաց Հարությունյանը։

Հարությունյանը հավելեց` այն, որ ընդդիմադիր ուժերը տարբեր ճակատներով են պայքարի գնում, ամենևին էլ չի նշանակում ուժերի փոշիացում։ Ավելին, իրենք կարծում են, որ այդպես ավելի ճիշտ և արդյունավետ է։

Մեկ այլ հարցի, թե հնարավո՞ր է, որ ՀԱԿ–ն էլ միանա իրենց դաշինքին` Հարությունյանը նշեց, որ ոչինչ չի բացառում և միայն իշխանության կողմից ստեղծված կեղծ ընդդիմադիր ուժերի հետ համագործակցությունն են բացառում։

Հիշեցնենք, որ հունիսի 20-ին Հայաստանում նախատեսված են արտահերթ խորհրդարանական ընտրություններ։

Վանեցյանը ժամանակին գիտակցեց շնագայլերի էությունը. Սերժ Սարգսյանը` դաշինք կազմելու մասին

56
թեգերը:
«Հայրենիք» կուսակցություն, Հայաստանի Հանրապետական կուսակցություն (ՀՀԿ), «Պատիվ ունեմ» դաշինք, Ռոբերտ Քոչարյան, Դավիթ Հարությունյան
Ըստ թեմայի
Պատկերացնո՞ւմ եք` ընտրություններում հաղթի Քոչարյանը, իսկ Երևանի քաղաքապետ մնա դերասանը
Ի՞նչ ցույց տվեց Ռոբերտ Քոչարյանի, ՀՅԴ–ի ու «Վերածնվող Հայաստանի» հանրահավաքը
Սերժ Սարգսյանի և Քոչարյանի շահերից է բխում, որ ՀԱԿ-ը մասնակցի ընտրություններին․ «Հրապարակ»