Նիկոլ Փաշինյան

Թուրքիայի հետ պատրաստ ենք երկխոսության, բայց․․․ Նիկոլ Փաշինյանի ուղերձը

522
(Թարմացված է 10:00 24.04.2021)
ՀՀ վարչապետը շեշտում է` թող որևէ մեկը չկարծի, որ որևէ հայ, Հայաստանի կամ սփյուռքի որևէ քաղաքական հոսանք երբևէ կդավաճանի մեր անմեղ զոհերի հիշատակը և կդառնա Հայոց ցեղասպանության մեղսակից։

ԵՐԵՎԱՆ, 24 ապրիլի - Sputnik․ ՀՀ վարչապետ Նիկոլ Փաշինյանը ուղերձ է հղել Հայոց ցեղասպանության զոհերի հիշատակի 106-րդ տարելիցի կապակցությամբ, որը հրապարակվել է վարչապետի կայքում։

Նշվում է, որ հազարամյակներ էլ անցնեն, հայերը շարունակելու են հիշել և աշխարհին թույլ չեն տալու մոռանալ Հայոց ցեղասպանությունը՝ զանգվային կոտորածներ, հայրենիքի կորուստ, անգնահատելի վնասներ հայ ժողովրդի մշակութային և կրոնական ժառանգությանը հասցված վնասները։ Վարչապետի ուղերձում ասվում է` միանշանակ է, որ սարսափելի հանցագործությունների մեղավորն ու պատասխանատուն Օսմանյան կայսրության երիտթուրքական կառավարությունն էր։ Նա նշում է, որ, ի տարբերություն, ավելի ուշ տեղի ունեցած Հոլոքոստի, Հայոց ցեղասպանությունը չի դատապարտվել ամբողջ աշխարհում և նացիզմի պես պանթյուրքիզմը չի դրոշմվել որպես հանցավոր գաղափարախոսություն։

«Հայկական սփյուռքը Հայոց ցեղասպանության ճանաչման հարցը կարողացավ լսելի դարձնել Երկրորդ համաշխարհային պատերազմին հաջորդած տասնամյակներին։ Սակայն այդ ժամանակաշրջանում պանթյուրքիզմը համարվում էր պատմական անցյալ։ Հայոց ցեղասպանությունը և այն ծնած գաղափարախոսությունը մնացին անպատիժ։ Իսկ անպատիժ մնացած հանցագործությունները և դրանց սնած գաղափարախոսություններն ունեն կրկնվելու և վերստին ի հայտ գալու սովորություն: Ղարաբաղյան երկրորդ պատերազմը, Արցախում հայ ժողովրդի բնաջնջմանն ուղղված ադրբեջանա-թուրքական ագրեսիան, Թուրքիայի ծավալապաշտական արտաքին քաղաքականությունը, Հայաստանի հանդեպ տարածքային նկրտումները ցեղասպան գաղափարախոսության վերածննդի վկայությունն են։ Հայատյացությունը պանթյուրքիզմի էության մեջ է, իսկ դրա ամենազազրելի դրսևորումներն այսօր տեսնում ենք Ադրբեջանում՝ այդ երկրի իշխանությունների կատարմամբ», - գրված է վարչապետի ուղերձում։

Փաշինյանը ներկայացրել է, թե ինչպես Հայաստանը պետք է արձագանքի նեոպանթյուրքիստական սպառնալիքին։ Նրա խոսքով՝ միակ տարբերակը առաջատար տնտեսություն ու ամուր, ժամանակակից և հզոր դաշնակիցներ ունենալն է։

«Ասվածը, սակայն, որևէ կերպ չի կարելի մեկնաբանել որպես տարածաշրջանային երկխոսության ժխտում։ Մենք պատրաստ ենք դրան: Սակայն մեր պատկերացրած երկխոսությունը չի կարող լինել ուժի դիրքերից։ Այն կարող է տեղի ունենալ միայն իրավահավասարության սկզբունքով: Մենք երբևէ հարցականի տակ չենք դնի Հայոց ցեղասպանության եղելությունը, և թող որևէ մեկը չկարծի, որ որևէ հայ, Հայաստանի կամ Սփյուռքի որևէ քաղաքական հոսանք երբևէ կդավաճանի մեր անմեղ զոհերի հիշատակը և կդառնա Հայոց ցեղասպանության մեղսակից։ Ցեղասպանության ճանաչումն ու դատապարտումն է, որ պետք է կանգնեցնի նոր ոճրագործությունները», - գրել է վարչապետը։

Նա ամփոփել է ուղերձը` ասելով, որ կարևորագույն հետևությունը, որ կարելի է անել, այն է, որ նախորդ դարասկզբին հայ ժողովրդի առջև ծառացած մարտահրավերներն այսօր էլ գոյություն ունեն: Եվ միայն առաջատար տնտեսություն, արդիական անվտանգային և քաղաքական համակարգ ունեցող Հայաստանը, որն իր շուրջը կհամախմբի ողջ հայությանը, կարող է դիմակայել այդ մարտահրավերներին:

522
թեգերը:
Հայոց ցեղասպանություն, ուղերձ, Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան (1197)
Ըստ թեմայի
Հայ արվեստագետները հիշեցրել են Ցեղասպանության ու կարմիր կակաչներով պատերազմի մասին
Հայոց ցեղասպանության անպատժելիությունն այսօր ոգեշնչում է նոր հանցանքներ ծրագրողներին. ԱԳՆ
Սև, միանման դիմակներ, վառվող ջահեր. Հայոց ցեղասպանության տարելիցի երթը` լուսանկարներով
Մելիքսեթ Խաչիյան

Արոնյանի նախկին մարզիչը ՖԻԴԵ-ի կողմից ճանաչվել է լավագույն առաջին մարզիչ

14
(Թարմացված է 20:33 11.05.2021)
Լևոն Արոնյանը մեկ անգամ չէ, որ գովեստով է խոսել իր առաջին մարզիչ Մելիքսեթ Խաչիյանի մասին։

ԵՐԵՎԱՆ, 11 մայիսի – Sputnik. Գրոսմայստեր Լևոն Արոնյանի նախկին մարզիչ Մելիքսեթ Խաչիյանը Շախմատի համաշխարհային կազմակերպության (ՖԻԴԵ) կողմից ճանաչվել է լավագույնը «առաջին մարզիչ» անվանակարգում։ Այդ մասին տեղեկացնում է շախմատային chess-news.ru կայքը։

«Մելիքսեթ Խաչիյանը սկսել է աշխատել Արոնյանի հետ, երբ նա 9 տարեկան էր։ Հետագայում նշանավոր գրոսմայստերը մեկ անգամ չէ, որ գովեստով է խոսել իր առաջին մարզչի մասին»,-նշված է կայքում։  

Գլխավոր մրցանակը ստացավ ուզբեկ գրոսմայստեր Ռուստամ Կասիմջանովը, որն օգնել է հնդիկ Վիշվանաթան Անանդին շախմատային թագի համար մղված 3 մրցամարտում։

Չինացի գրոսմայստեր Նի Հուան ճանաչվել է կանանց լավագույն մարզիչ։

Պատանեկան մրցաշարերի լավագույն մարզիչ է ճանաչվել ուզբեկ գրոսմայստեր Սերգեյ Զագրեբելնին։

«Մանկական մարզիչ» (մինչև 14 տարեկան) անվանակարգում լավագույնն է ճանաչվել ռուս Յակով Գելլերը։

Լևոն Արոնյանը New in chess մրցաշարում զբաղեցրել է 4-րդ տեղը

14
թեգերը:
մարզիչ, Շախմատի միջազգային ֆեդերացիա (ՖԻԴԵ), Լևոն Արոնյան
Ըստ թեմայի
«Ինձ հասկացրել են, որ իմ կարծիքը ոչինչ չարժե». Լևոն Արոնյանն անկեղծացել է
Հայ շախմատիստուհին 2-րդ տեղն է գրավել Բելառուսում անցկացված տղամարդկանց առաջնությունում
Արոնյանն առցանց մրցաշարում հանդես է գալիս Հայաստանի դրոշի ներքո
Նիկոլ Փաշինյան. արխիվային լուսանկար

Վարչապետի աշխատակազմում պարգևավճարները գերազանցել են աշխատավարձի չափերը

117
(Թարմացված է 19:45 11.05.2021)
Ամենամեծ պարգևավճարները տրվել են դեկտեմբերին, երբ 500 աշխատակցի վճարվել է 235 441 900 դրամ։

ԵՐԵՎԱՆ, 11 մայիսի – Sputnik. ՀՀ վարչապետի աշխատակազմում 2020թ–ի ընթացքում 363 178 700 դրամի պարգևավճար է վճարվել։ Ընդ որում, որոշ աշխատաիկիցներ իրենց աշխատավարձը գերազանցող պարգևավճարներ են ստացել։

Նման բացահայտւմ է արել ՀՀ Հաշվեքննիչ պալատը` վարչապետի աշխատակազմի 2020թ–ի հունվարի 1-ից դեկտեմբերի 31-ի պետբյուջեի կատարման հաշվեքննության արդյունքում։

Ըստ այդմ, վարչապետի աշխատակազմին 2020 թ–ին «աշխատավարձեր և հավելավճարներ» հոդվածով վճարվել է 2 566 055 800 դրամ, որի շուրջ կեսը` 1 234 181 400 դրամը` որպես աշխատավարձ, 363 178 700–ը` պարգևավճար, մնացածը` եկամտահարկ, արձակուրդային, տարբեր նպաստներ ու սոցվճարներ և այլն։

Հետաքրքրական է, որ ամենամեծ պարգևավճարները տրվել են դեկտեմբերին, երբ 500 աշխատակցի վճարվել է 235 441 900 դրամ։

«Բա ճիշտ ենք արել, հլը ավելի շատ պարգևավճար պետք ա տանք ոստիկաններին». Ալեն Սիմոնյան

Համեմատության համար նշենք, որ սեպտեմբերին 504 աշխատողների վճարվել է 56 735 900 դրամ։

Հենց դեկտեմբերյան պարգևավճարների այս չափն էլ, ամենայն հավանականությամբ, գրավել է նաև հաշվեքննողների ուշադրությունը։ Իսկ արդեն մանրակրկիտ հաշվարկը պարզել է, որ վարչապետը որոշել է որոշ աշխատակիցների պարգևատրել իրենց աշխատավարձը գերազանցող գումարներով։

«Աշխատավարձի ֆոնդի տնտեսված միջոցներից հատկացված պարգևատրման ժամանակ ՀՀ վարչապետի` 2020 թվականի դեկտեմբերի 25–ի թիվ 1428-Ա որոշմամբ բարեխիղճ աշխատանքի համար խրախուսված որոշ աշխատակիցների պարգևատրման գումարը գերազանցել է մեկ ամսվա պաշտոնային դրույքաչափը»,– ասված է հաշվեքննության մեջ:

Հաշվեքննության հեղինակները միաժամանակ արձանագրում են, որ վարչապետի այս որոշումը հակասում է «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» ՀՀ օրենքին։

Հաշվեքննությունը փաստում է, որ այդ օրենքի 22–րդ հոդվածի 10-րդ մասի համաձայն՝ «պետական ծառայողը հատուկ առաջադրանքների և/կամ որակյալ աշխատանքի կատարման համար պարգևատրվում է իր մինչև մեկ ամսվա պաշտոնային դրույքաչափով»:

Վարչապետի աշխատակազմում, սակայն, ՀՊ–ի այս դիտարկման հետ չեն համաձայնում` բացատրելով, որ վարչապետի հիշյալ որոշման մեջ հղում է արվել օրենքի ոչ թե 22–րդ հոդվածի 10-րդ մասին, ինչպես նշել է ՀՊ–ն, այլ 6-րդ հոդվածի 6-րդ մասին, այսինքն` աշխատավարձը գերազանցող պարգևավճարը տրվել է ոչ թե «հատուկ առաջադրանքների և (կամ) որակյալ աշխատանքի» համար, այլ «բարեխիղճ աշխատանքի», հետևաբար, այդ պարգևատրման չափը սահմանափակված չէ։

Պարգևավճարի փոխարեն` բարձր աշխատավարձ. Երևանի ավագանու անդամները նոր առաջարկ ունեն

Պարգևավճարների չափերից բացի, հաշվեքննության արդյունքում նաև պարզվել է, որ ՀՀ վարչապետի աշխատակազմի ղեկավարի 2019 թվականի դեկտեմբերի 1-ի հրամանով հաստատված 700 հաստիքից 143-170–ը 2020թ–ի ընթացքում համալրված չեն եղել։

Արդյունքում` 700 աշխատակցի համար նախատեսված աշխատավարձի ֆոնդից վճարումներն իրականացվել են 530-557 աշխատակցի։

117
թեգերը:
Վարչապետ, աշխատավարձ, պարգևավճար, Նիկոլ Փաշինյան
Ըստ թեմայի
Պատգամավորները կես տարի կաշխատեն առանց պարգևավճարների
Ոչ թե պարգևավճար, այլ 13-րդ աշխատավարձ. ինչ են ստացել ԱԺ աշխատակիցները
Ավագանին հաստատեց Երևանի 2021-ի բյուջեն. ինչքան ծախս, եկամուտ և պարգևավճար է նախատեսվում

Կրակոցներ ու զոհեր՝ Կազանի թիվ 175 դպրոցում. լուսանկարներ

0
  • Փրկարարներն ու բուժաշխատողները Կազանի թիվ 175 դպրոցի մոտ
  • Կազանի թիվ 175 դպրոցը կրակոցներից հետո
  • Իրավապահներն աշխատում են Կազանի թիվ 175 դպրոցի մոտ
  • Իրավապահները Կազանի թիվ 175 դպրոցի մոտ
  • Հարազատները Կազանի թիվ 175 դպրոցի մոտ
  • Կինը գրկում է թիվ 175 դպրոցից կրակոցներից հետո դուրս եկած աշակերտուհուն
  • Հարազատները Կազանի թիվ 175 դպրոցի մոտ
  • Հարազատները Կազանի թիվ 175 դպրոցի մոտ
  • Հարազատները Կազանի թիվ 175 դպրոցի մոտ
  • Տղամարդը ծաղիկներ է դնում Կազանի թիվ 175 դպրոցի մոտ
  • Խաղալիքներ ու ծաղիկներ՝ Մոսկվայում Թաթարստանի ներկայացուցչության առջև
ՌԴ նախագահին ցավակցություններ են հայտնել ՀՀ նախագահ Արմեն Սարգսյանն ու ՀՀ վարչապետի պաշտոնակատար Նիկոլ Փաշինյանը։

Այսօր՝ մայիսի 11-ին, Կազանի (ՌԴ) թիվ 175 դպրոցում կրակոցներ են հնչել, երեխաներ են մահացել, տասնյակ վիրավորներ կան։ Թաթարստանի իշխանությունների տվյալներով` մահացածներից յոթը երեխաներ են, մեկը` ուսուցչուհի, վիրավորվել է 21 մարդ։

Թաթարստանի նախագահ Ռուստամ Միննիխանովը հայտարարել է, որ հրաձգությունը կազմակերպել է 19-ամյա մի երիտասարդ, որի անունով զենք կա գրանցված: ՌԴ ՔԿ-ն քրեական գործ է հարուցել ՌԴ ՔՕ 105-րդ հոդվածի 2-րդ մասով (երկու և ավելի անձանց սպանություն):

Ռուսաստանի նախագահ Վլադիմիր Պուտինը ցավակցություն է հայտնել զոհված երեխաների ծնողներին և շուտափույթ ապաքինում մաղթել տուժածներին:

Իրենց հերթին՝ ՌԴ նախագահին ցավակցություններ են հայտնել ՀՀ նախագահ Արմեն Սարգսյանն ու ՀՀ վարչապետի պաշտոնակատար Նիկոլ Փաշինյանը։

Մայիսի 12-ը Թաթարստանում սգո օր է հայտարարվել։

0
  • Փրկարարներն ու բուժաշխատողները Կազանի թիվ 175 դպրոցի մոտ
    © Sputnik / Максим Богодвид

    Փրկարարներն ու բուժաշխատողները Կազանի թիվ 175 դպրոցի մոտ

  • Կազանի թիվ 175 դպրոցը կրակոցներից հետո
    © AFP 2020 / ROMAN KRUCHININ

    Կազանի թիվ 175 դպրոցը կրակոցներից հետո

  • Իրավապահներն աշխատում են Կազանի թիվ 175 դպրոցի մոտ
    © REUTERS / PRESS OFFICE OF TATARSTAN PRESIDENT

    Իրավապահներն աշխատում են Կազանի թիվ 175 դպրոցի մոտ

  • Իրավապահները Կազանի թիվ 175 դպրոցի մոտ
    © Sputnik / Максим Богодвид

    Իրավապահները Կազանի թիվ 175 դպրոցի մոտ

  • Հարազատները Կազանի թիվ 175 դպրոցի մոտ
    © Sputnik / Максим Богодвид

    Հարազատները Կազանի թիվ 175 դպրոցի մոտ

  • Կինը գրկում է թիվ 175 դպրոցից կրակոցներից հետո դուրս եկած աշակերտուհուն
    © REUTERS / Courtesy of Max Zareckiy via REUTERS

    Կինը գրկում է թիվ 175 դպրոցից կրակոցներից հետո դուրս եկած աշակերտուհուն

  • Հարազատները Կազանի թիվ 175 դպրոցի մոտ
    © Sputnik / Максим Богодвид

    Հարազատները Կազանի թիվ 175 դպրոցի մոտ

  • Հարազատները Կազանի թիվ 175 դպրոցի մոտ
    © Sputnik / Максим Богодвид

    Հարազատները Կազանի թիվ 175 դպրոցի մոտ

  • Հարազատները Կազանի թիվ 175 դպրոցի մոտ
    © Sputnik / Максим Богодвид

    Հարազատները Կազանի թիվ 175 դպրոցի մոտ

  • Տղամարդը ծաղիկներ է դնում Կազանի թիվ 175 դպրոցի մոտ
    © Sputnik / Максим Богодвид

    Տղամարդը ծաղիկներ է դնում Կազանի թիվ 175 դպրոցի մոտ

  • Խաղալիքներ ու ծաղիկներ՝ Մոսկվայում Թաթարստանի ներկայացուցչության առջև
    © REUTERS / EVGENIA NOVOZHENINA

    Խաղալիքներ ու ծաղիկներ՝ Մոսկվայում Թաթարստանի ներկայացուցչության առջև

թեգերը:
Սպանություն, դպրոց, կրակոց, Կազան