Արխիվային լուսանկար

Անհանդուրժողականություն ու փոխադարձ ատելություն. ՀՀ–ում բռնության զոհ է դարձել 8 լրագրող

112
(Թարմացված է 13:18 23.04.2021)
Հայաստանում առկա անհանդուրժողականության, փոխադարձ ատելության մթնոլորտն ամենևին էլ բարենպաստ պայմաններ չէին կարող ստեղծել լրագրողական գործունեության համար։

ԵՐԵՎԱՆ, 23 ապրիլի – Sputnik. 2021թ–ի առաջին երեք ամիսները հայաստանյան լրագրողների ու լրատվամիջոցների համար եղել է ծայրահեղ լարված ու լրագրողական գործունեության համար խիստ անբարենպաստ։ Այս մասին այսօր մամուլի ասուլիսում հայտնեց Խոսքի ազատության պաշտպանության կոմիտեի (ԽԱՊԿ) նախագահ Աշոտ Մելիքյանը` ներկայացնելով Հայաստանում խոսքի ազատության վիճակի և լրագրողների ու ԶԼՄ-ների իրավունքների խախտումների մասին 2021թ. առաջին եռամսյակի զեկույցը:

Ашот Меликян (11 марта 2021). Еревaн
© Sputnik / Asatur Yesayants
Աշոտ Մելիքյան

«Հետպատերազմյան շրջան, լարվածություն, պառակտվածություն հասարակության մեջ. այս ամենը լրագրողների համար չէին կարող ստեղծել բարենպաստ միջավայր։ Բոլորս հիշում ենք, թե այս տարվա առաջին երեք ամիսների ընթացքում ինչպիսի իրադարձություններ եղան քաղաքական դաշտում. ընդդիմության բողոքի ակցիաներ, և լրագրողներն ու օպերատորներն ինչպիսի ճնշումների ենթարկվեցին։ Պետք է ասել, որ նույնը մենք նկատում էինք նաև իշխանական ատյաններում։ Նույնը մենք տեսնում էինք նաև ԱԺ–ում, երբ լրագրողները փորձում էին մեկնաբանություններ վերցնել իշխանական ներկայացուցիչներից։ Այդ անհանդուրժողականության, ես կասեի` նույնիսկ փոխադարձ ատելության մթնոլորտն ամենևին էլ բարենպաստ պայմաններ չէին կարող ստեղծել լրագրողական գործունեության համար»,– ասաց Մելիքյանը։

Ինչ վերաբերում է թվային ցուցանիշներին, այս տարվա առաջին եռամսյակում ԽԱՊԿ–ը արձանագրել է բռնության 7 դեպք` 8 տուժողով, այն դեպքում, երբ 2020–ի նույն ժամանակահատվածում բռնություն չի գրանցվել, իսկ 2019-ին գրանցվել է 2 դեպք։ Բացի այդ, 2020թ–ի ամբողջ տարվա ընթացքում գրանցվել է լրագրողների նկատմամբ բռնության 6 դեպք։

Աշոտ Մելիքյանը նշեց, որ լրագրողներն ու լրատվամիջոցներն այս տարի դժգոհում են նաև պետական գերատեսչություններից տեղեկատվության չտրամադրման կամ անհարկի ձգձգումների դեպքերից։ Արձանագրված այսպիսի 15 դեպքերից 2-ում լրատվամիջոցները դիմել են դատարան` գերատեսչությանը պարտավորեցնելու, որպեսզի տրամադրի հարցվող տեղեկատվությունը։

Փոխարենը լրագրողների ու լրատվամիջոցների վերաբերյալ դատարաններում 12 հայց է եղել, որոնց գերակշիռ մասը վիրավորանքի և զրպարտության դեպքերով, երբ լրատվամիջոցները ներագրավված են եղել որպես երրորդ կողմ։ Այսօրինակ հայցերից 6-ը ներկայացվել են ներկա ու նախկին պաշտոնյաների ու նրանց հետ փոխկապակցված անձանց կողմից։

Հակոբ Արշակյանը հարձակվել է լրագրողի վրա. դեպքը կքննի ՀՔԾ–ն

Հաշվի առնելով առաջիկայում նախանշված արտահերթ ընտրությունները` Աշոտ Մելիքյանը կանխատեսում է, որ լրատվամիջոցների նկատմամբ ճնշումներն էլ ավելի կարող են սրվել։

«Շատ լավ կլիներ, որ այս ընտրույթյունները բացառություն լինեին, բայց դժվար է միանշանակ ասել։ Այս առումով բնական է, որ լրատվամիջոցները կարող են և՛ առողջացնող դեր խաղալ, և հակառակը` շատ ավելի վատ իրավիճակի հանգեցնել։ Երբ լրատվամիջոցը դառնում է քարոզչամիջոց և սպասարկում է կոնկրետ քաղաքական ուժի շահերը, միջոցների մեջ խտրականություն չի դնում, դա ընդհանուր ֆոնն ավելի վատացնում է»,– ասաց նա։

Մելիքյանը կարծիք հայտնեց, որ առաջին հերթին քաղաքական վերնախավը պետք է քաղաքակիրթ պայքարի օրինակ ծառայի։ Հակառակ դեպքում` նույն պատվերը ստանում է նաև այդ քաղաքական ուժին ծառայող լրատվամիջոցը։

Լրագրողական ՀԿ-ները դատապարտում են ԶԼՄ-ների ներկայացուցիչների նկատմամբ հարձակումները

112
թեգերը:
Հայաստան, Աշոտ Մելիքյան (ԽԱՊԿ նախագահ), Բռնություն, Լրագրող
Ըստ թեմայի
Փաշինյանը կատարեց լրագրողին տված խոստումը. Շուշին հայկակա՞ն է, թե՞ ադրբեջանական
Հակոբ Արշակյանի ու լրագրողի աղմկահարույց դեպքի առնչությամբ նորից քրգործ է հարուցվել
ՄԻՊ–ը և դատախազությունն արձագանքել են լրագրողին հասցեին սպառնալիքներ հնչեցնելու դեպքին
Արարատ Միրզոյան

Արարատ Միրզոյանի գլխավորած պատվիրակությունը պաշտոնական այցով կմեկնի Լիտվա

8
ԱԺ պաշտոնական կայքէջը տեղեկացնում է, թե պատգամավորներից ովքեր են ներգրրաված պատվիրակության կազմում։

ԵՐԵՎԱՆ, 11 մայիսի – Sputnik. Ազգային ժողովի նախագահ Արարատ Միրզոյանի գլխավորած պատվիրակությունն այսօր պաշտոնական այցով կմեկնի Լիտվայի Հանրապետություն: Տեղեկությունը հայտնում են ԱԺ մամուլի ծառայությունից։

«Պատվիրակության կազմում են ԱԺ ֆինանսավարկային և բյուջետային հարցերի մշտական հանձնաժողովի նախագահ Արկադի Խաչատրյանը, հանձնաժողովի փոխնախագահ Արտակ Մանուկյանը, Հայաստան-Լիտվա բարեկամական խմբի ղեկավար Անուշ Բեղլոյանը, ԵԱՀԿ խորհրդարանական վեհաժողովում հայկական պատվիրակության ղեկավար Հայկ Կոնջորյանը»,–գրված է հաղորդագրության մեջ:

Տեղեկացվում է, որ պաշտոնական այցի շրջանակներում սպասվում են հանդիպումներ Լիտվայի Հանրապետության բարձրագույն ղեկավարության հետ:

Առանց հայ գերիների վերադարձի վստահություն չի լինի․ Լիտվայի արտգործնախարար

8
թեգերը:
Արարատ Միրզոյան, Հայաստան, Լիտվա
Ըստ թեմայի
Արարատ Միրզոյանն ու Քերոլայն Քոքսը հանդիպել են և պայմանավորվածություն ձեռք բերել
Արարատ Միրզոյանը շնորհակալական նամակ է հղել Լատվիայի Սաեյմայի նախագահին
Նիկոլ Փաշինյանն ու Արարատ Միրզոյանն այցելել են «Հաղթանակ» զբոսայգի. լուսանկարներ
Էդմոն Մարուքյան

Կուսակցաշինության բումը, կամ ո՞ր տեղի համար կպայքարեն ՀԱԿ-ն ու ԼՀԿ-ն. «Հրապարակ»

43
(Թարմացված է 09:29 11.05.2021)
Մայիսի 15-ին երեք նորաստեղծ ուժերի հիմնադիր համագումարն է նշանակված՝ «Ձայն», «Ապագայի երկիր», «Արդար Հայաստան»։

ԵՐԵՎԱՆ, 11 մայիսի – Sputnik. «Հրապարակ» թերթն իր այսօրվա համարում անդրադարձել է առաջիկա արտահերթ ընտրություններին և նկատել, որ ընտրություններին ընդառաջ, կուսակցաշինության բումը և արդեն իսկ դաշտում գոյություն ունեցող կուսակցությունների համագումարների շքերթը շարունակվում են։

«Մայիսի 15-ին համագումար է նշանակել Էդմոն Մարուքյանի «Լուսավոր Հայաստանը»՝ կառավարման նոր խորհուրդ են ընտրելու։ Կուսակցության աղբյուրներից տեղեկացանք, որ անակնկալ դեմքեր կհամալրեն առկա կազմը։

Նույն օրը երեք նորաստեղծ ուժերի հիմնադիր համագումարն է նշանակված՝ «Ձայն», «Ապագայի երկիր», «Արդար Հայաստան»։ Ավելին՝ երկու անգամ հետաձգված ՀԱԿ-ի համագումարը ևս պլանավորել էին մայիսի 15-ին, բայց հետաձգեցին 16-ին»,–գրում է թերթը։

«Հրապարակի»  տվյալներով` թե՛ ՀԱԿ-ը, թե՛ ԼՀԿ-ն ընտրարշավին մասնակցելու դեպքում պայքարելու են, այսպես կոչված, երրորդ ուժի տեղի համար, այսինքն՝ նախկիններին և ներկաներին մերժողների էլեկտորատի վրա են աշխատելու։ «Համագումարներում պաշտոնապես կհայտարարվի ընտրություններին մասնակցել-չմասնակցելու և մասնակցության ձևաչափի մասին»,–գրում է թերթը:

Նյութն ամբողջությամբ կարդացեք այսօրվա համարում։

Հիշեցնենք` 2021թ–ի մարտի 18-ին վարչապետ Նիկոլ Փաշինյանը հայտարարել էր, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատել էր Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։

Ապրիլի 25-ին Նիկոլ Փաշինյանը հայտարարեց իր հրաժարականի մասին։

ՀՀ նախագահ Արմեն Սարգսյանը մայիսի 10-ի հրամանագրով խորհրդարանական արտահերթ ընտրությունների օր է նշանակել հունիսի 20-ը։

43
թեգերը:
կուսակցություն, Լևոն Տեր-Պետրոսյան, Էդմոն Մարուքյան, «Լուսավոր Հայաստան» կուսակցություն, Ազգային ժողովի ընտրություններ, Հայաստան
Ըստ թեմայի
Արտահերթ ընտրություններն անցկացվելու են այս պահին գործող օրենքով. Հովակիմյան
ՀՀ նախագահը խառնեց պլանները. Հայաստանում հնարավոր է` ընտրությունների երկրորդ փուլ անցկացվի
ԱԺ–ն երկրորդ անգամ չընտրեց Փաշինյանին. Հայաստանը գնում է արտահերթ ընտրությունների