Նիկոլ Փաշինյանն ու Հայկակ Արշամյանը. արխիվային լուսանկար

Փաշինյանն առաջարկեց տող առ տող ներկայացնել` որքան գումար է ծախսվել «Հայաստան» հիմնադրամից

128
(Թարմացված է 12:35 22.04.2021)
ՀՀ գոյության 28 տարվա ընթացքում, մինչև 2020թ–ի սեպտեմբերը, հիմնադրամում հավաքագրվել է 247 մլն դոլար գումար, իսկ 44-օրյա պատերազմի ընթացքում` 221 մլն դոլար։

ԵՐԵՎԱՆ, 22 ապրիլի - Sputnik. 2020թ–ի ռազմական դրությամբ պայմանավորված ծախսերի համար ՀՀ կառավարությունը 120 մլրդ դրամ է հատկացրել։ Այս մասին այսօր ՀՀ կառավարության նիստում հայտնեց ՀՀ վարչապետ Նիկոլ Փաշինյանը` անդրադառնալով «Հայաստան» համահայկկան հիմնադրամի գումարների վերաբերյալ առկա շահարկումներին։

«Կար և գուցե հիմա էլ կա մի կարևոր շահարկում։ Խոսքը «Հայաստան» համահայկկան հիմնադրամի կողմից փոխանցված գումարների մասին է։ Գիտեք, թե ինչ շահարկումներ կային, որ այդ գումարները կառավարությունը պարգևավճարներ է վճարել, այլ կարիքներ է հոգացել։ Ես ուզում եմ մեր բոլորի ուշադրությունը հրավիրել մի փաստի վրա, որ ռազմական դրությամբ պայմանավորված կառավարությունը տրամադրել է շուրջ 120 մլրդ դրամի հատկացում։ Այդ 120 մլրդ դրամից 52 մլրդ դրամն է, որ հատկացվել է ՀՀՀ–ի կողմից, այսինքն` 50 տոկոսից պակաս»,– ասաց Փաշինյանը։

Նա շեշտեց, որ 2021թ–ի մարտիկ կայացած հիմնադրամի հոգաբարձուների խորհրդի նիստում խորհուրդը վստահություն է հայտնել, որ պատերազմի ընթացքում հավաքագրված գումարները նպատակային են ծախսվել։

Զինծառայողների ապահովագրության հիմնադրամին ավելի քան 4 մլն դրամ է ուղղվել գինու աճուրդից

Վարչապետը նաև հայտնեց, որ ՀՀՀ գոյության 28 տարվա ընթացքում, մինչև 2020թ–ի սեպտեմբեր, հիմնադրամում հավաքագրվել է 247 մլն դոլար գումար, իսկ 44-օրյա պատերազմի ընթացքում` 221 մլն դոլար։

Այդուհանդերձ, թեման վերջնականապես ու անշրջելիորեն փակելու համար Փաշինյանն առաջարկեց ԱԺ–ում, 2020թ–ի բյուջեի կատարողականի քննարկման ժամանակ, դռնփակ ռեժիմով ներկայացնել նաև հիմնադրամի ծախսերը` տող առ տող։

Արցախում զոհվածների ու վիրավորվածների 1671 ընտանիքներ հիմնադրամից փոխհատուցում են ստացել

128
թեգերը:
Հայաստան, կառավարություն, Նիկոլ Փաշինյան, «Հայաստան» համահայկական հիմնադրամ
Ըստ թեմայի
Զինծառայողների ապահովագրության հիմնադրամը հաշվետվություն է ներկայացրել
Զինծառայողների հիմնադրամն արդեն աջակցում է ավելի քան 1 500 ընտանիքի. վճարումների կարգը
«Հայաստան» հիմնադրամը COVID-19–ի հաղթահարման համար 325 մլն դոլար գումար է ստացել
Էդուարդ Շարմազանով

Չենք գնդակահարի. Շարմազանովը խոսել է Վանեցյանի հետ դաշինքի և երկրում տիրող իրավիճակի մասին

1
Քաղաքական ուժերի մեծ մասն արդեն կողմնորոշվել է, թե ինչ ձևաչափով է մասնակցելու խորհրդարանական արտահերթ ընտրություններին։ ՀՀԿ–ն ընտրությունների է գնում «Հայրենիք» կուսակցության հետ դաշինքով։

ԵՐԵՎԱՆ, 7 մայիսի – Sputnik. ՀՀԿ ներկայացուցիչ Էդուարդ Շարմազանովը Sputnik Արմենիայի հետ զրույցում վստահեցրեց` ԱԱԾ նախկին տնօրեն Արթուր Վանեցյանի «Հայրենիք» կուսակցության և ՀՀԿ–ի դաշինքի համամասնական ցուցակում ընդգրկվելու համար պայքար չի գնում։

Ըստ նրա` ցուցակում կընդգրկվեն ինչպես պրոֆեսիոնալ, այնպես էլ ավելի երիտասարդ քաղաքական գործիչներ։ Միևնույն ժամանակ չի բացառվում, որ հանրությանը հայտնի գործիչներ չլինեն։

Վանեցյանի կուսակցության հետ միավորվելու հարցին ի պատասխան Շարմազանովն ասաց, որ որոշումը ՀՀԿ առաջնորդը չի պարտադրել, այլ ընդունել է ամբողջ կուսակցությունը։ Ընդ որում` կոնսենսուսի գալը բավական դժվար է եղել, քանի որ որոշ կուսակիցներ կտրուկ դեմ են եղել։

Շարմազանովը չի թաքցնում, որ ՀՀԿ–ի այսպես կոչված ռեբրենդինգ է տեղի ունենում, և Վանեցյանի հետ դաշինք կազմելուն կողմ արտահայտված հանրապետականներին չեն ընկճում նույնիսկ նրա սկանդալային հայտարարությունները` կապված ներկայիս համախոհների կոռումպացված լինելու հետ։

«Հրաժարականից հետո Վանեցյանը եկել է այն կարծիքին, որ Հայաստանը Փաշինյանի հետ ապագա չունի։ Վերջին 1.5 տարվա ընթացքում Վանեցյանն ու նրա կուսակցությունը մասնակցել են բոլոր ընդդիմադիր ձևաչափերին։ Բացի այդ, մեր քաղաքական դաշտում չկա որևէ կուսակցություն կամ քաղաքական գործիչ, որ իր կարծիքը փոխած չլինի», – ասաց նա։

Տվյալ համատեքստում Շարմազանովը մեկնաբանեց նաև Վանեցյանի սկանդալային հայտարարությունը, երբ վերջինս պնդում էր` եթե նախկին իշխանությունները (ՀՀԿ–ն) վերադառնան, իրեն և Քննչական կոմիտեի ղեկավար Սասուն խաչատրյանին կգնդակահարեն։ Շարմազանովի խոսքով` ԱԱԾ նախկին տնօրենն այժմ համոզված է, որ իրեն ձեռք չեն տա, քանի որ հանրապետականները օրինական պետության կողմնակից են։

«Մենք նույնիսկ Նիկոլ Փաշինյանին չենք գնդակահարի։ Կա դատարան, ժողովրդավարություն և ինստիտուտներ, որոնք կզբաղվեն այդ հարցով», – ասաց նա։

Շարմազանովի խոսքով` իր կուսակցությունը պատրաստ է դաշինք կազմել գաղափարապես մոտ բոլոր քաղաքական ուժերի հետ, բացի Նիկոլ Փաշինյանից ու նրա թիմից, «սորոսականներից» և «ահաբեկիչներից»։ Նա չբացառեց նաև ՀՀ երկրորդ նախագահ Ռոբերտ Քոչարյանի հետ դաշինքի ստեղծումը։

Արդեն հայտնի է, որ Քոչարյանը կգլխավորի ՀՅԴ և «Վերածնվող Հայաստան» կուսակցությունների դաշինքը. հենց նրան են փորձագետները համարում Փաշինյանի (ընտրությունների է գնում միայնակ իր «Քաղաքացիական պայմանագիր» կուսակցության հետ) հիմնական մրցակիցը։

Հիշեցնենք` Փաշինյանը հայտարարել է, որ հունիսի 20-ին Հայաստանում ԱԺ արտահերթ ընտրություններ են լինելու: Սահմանադրության համաձայն` եթե վարչապետի հրաժարականից հետո 2 շաբաթում 2 անգամ անընդմեջ չի ընտրվում նոր վարչապետ, դրանից հետո ոչ շուտ, քան 30 և ոչ ուշ, քան 45 օր հետո նշանակվում են նոր ընտրություններ։ Մայիսի 3-ին պատգամավորները վարչապետ չընտրեցին, երկրորդ քվեարկությունը կլինի մայիսի 10-ին։

Ընտրողները 2 հոգու են տեսնում վարչապետի պաշտոնում. քաղտեխնոլոգը` ընտրությունների մասին

1
թեգերը:
Արթուր Վանեցյան, Էդուարդ Շարմազանով, Հայաստանի Հանրապետական կուսակցություն (ՀՀԿ), Հայաստան
Ըստ թեմայի
Փաշինյանը որոշել է ցուցակում ընդգրկել բիզնեսմենների. ասել է՝ «նեղանալ չլինի». «Փաստ»
Տեր–Պետրոսյանը փորձել է իր առաջարկով իսկապես փաստի առաջ կանգնեցնել Փաշինյանին. Սուրենյանց
«Սպաներ, միացեք». ԱԱԾ պահեստազորի սպաների միությունը վերահսկելու է գալիք ընտրությունները
Ազգային ժողովի նիստ

Ընտրական օրենսգիրքը փոփոխվեց միաձայն

6
(Թարմացված է 19:42 07.05.2021)
Նախագիծը մշակած «Իմ քայլը» խմբակցության ներկայացուցիչները մեկ անգամ ևս նշեցին, որ այս փոփոխությունները չեն կիրառվելու սպասվող արտահերթ ընտրությունների ժամանակ:

ԵՐԵՎԱՆ, 7 մայիսի – Sputnik. Ազգային ժողովը արտահերթ նիստում երկրորդ ընթերցմամբ ընդունեց «Ընտրական օրենսգրքի» փոփոխությունների փաթեթը: Այն ընդունվեց 81 կողմ ձայնով:

Փաթեթով առաջարկվում է նվազեցնել ԱԺ ընտրություններին մասնակցող կուսակցության (կուսակցությունների դաշինքի) ընտրական գրավի չափը: Գործող օրենքով կուսակցությունների դեպքում այն 10 միլիոն դրամ է, առաջարկվում է դարձնել 7,5 մլն, դաշինքի դեպքում՝ 15 մլն դրամ:

Կուսակցությունների դեպքում անցողիկ շեմը 5%-ից իջեցվում է 4%-ի, դաշինքի դեպքում, եթե այն կազմված է 2 կուսակցություններից, 7 տոկոսից բարձրանում է 8 տոկոս: Երեք կուսակցություններից կազմված դաշինքի դեպքում անցողիկ շեմը կլինի 9 տոկոս, իսկ 4 եւ ավելի կուսակցություններից կազմված դաշինքի դեպքում՝ 10 տոկոս:

Փոխվում է նաև քաղաքական կոալիցիաներ ձևավորելու կարգը: Առաջնահերթ կոալիցիա ձևավորելու հնարավորություն է տրվում այն կուսակցությանը կամ դաշինքին, որը ընտրությունների արդյունքով ձայների մեծամասնություն է ստացել: Վերջինս 14 օրվա ընթացքում կարող է կոալիցիա կազմել մանդատների բաշխմանը մասնակցած մյուս կուսակցությունների (կուսակցությունների դաշինքների) հետ, եթե նրանց օգտին տրված ձայների գումարը բավարար է մանդատների ընդհանուր թվի 52 տոկոսը ստանալու համար, և նրանք համաձայնություն ունեն վարչապետի թեկնածուի վերաբերյալ։

Քաղաքագետն ասել է` ինչ ազդեցություն կունենա Սերժ Սարգսյանն ընտրական գործընթացի վրա

Այժմ պատգամավորների նվազագույն թիվը 105 է (101+չորս ազգային փոքրամասնությունների ներկայացուցիչ)։ Նման նվազագույն թիվ է հավաքվում, եթե որևէ կուսակցություն կամ դաշինք հաղթում է ընտրություններում ՝ հավաքելով ձայների 50-ից 66 տոկոսը։

Եթե կուսակցությունը հավաքում է ավելի քան 66 տոկոս ձայն, ապա ընդդիմությանը տրվում են լրացուցիչ մանդատներ, որպեսզի նրանց պատգամավորները խորհրդարանում կազմեն առնվազն մեկ երրորդը։ Եթե հաղթած կուսակցությունը հավաքում է ավելի քան 50 տոկոս, բայց 54 տոկոսից պակաս, նրանց տալիս են լրացուցիչ մանդատներ, որպեսզի կարողանան հավաքել մինչև 54 տոկոս ձայն՝ նույնիսկ բացակա կամ գործուղված պատգամավորների դեպքում խորհրդարանում կայուն մեծամասնություն ապահովելու համար։

Նախագիծը մշակած «Իմ քայլը» խմբակցության ներկայացուցիչները մեկ անգամ ևս նշեցին, որ այս փոփոխությունները չեն կիրառվելու սպասվող արտահերթ ընտրությունների ժամանակ:

6
թեգերը:
ԱԺ, Ընտրական օրենսգիրք
Ըստ թեմայի
Նախագահը չի ստորագրել «Ընտրական օրենսգրքում» փոփոխությունների փաթեթը, բայց ՍԴ էլ չի դիմի
Համաձայն չեմ ՀՀ նախագահի մտահոգության հետ. Վարդանյանը` «Ընտրական օրենսգրքի» մասին
Վենետիկի հանձնաժողովը ՀՀ ընտրական օրենսգրքի վերաբերյալ կարծիք է հայտնել. մանրամասներ