Ցեղասպանության թանգարանում բացված նոր ցուցադրություն

Ձախողել չկա. թանգարանը «գնացել» է Հայոց ցեղասպանությունը վերապրածների ընտանիքների հետքերով

171
(Թարմացված է 09:05 22.04.2021)
Ցեղասպանության թանգարանում նոր ցուցադրություն է գործում. առաջին անգամ հավաքագրվել են անհատների պատմությունները, որոնց գերդաստանները Հայոց ցեղասպանության զոհ են դարձել։

ԵՐԵՎԱՆ, 22 ապրիլի - Sputnik. Հայոց ցեղասպանության 106-րդ տարելիցին ընդառաջ Ցեղասպանության թանգարանում նոր ցուցադրություն է բացվել։ Թանգարան–ինստիտուտի տնօրեն Հարություն Մարությանը Sputnik Արմենիայի հետ զրույցում նշեց` ցուցադրությունը կրում է «Հայոց ցեղասպանությունը վերապրածների ընտանիքների հետքերով» խորագիրը, և այնտեղ ներկայացված են 30 պատմություններ։

Посетители в музее Геноцида армян
© Sputnik / Aram Nersesyan
Ցեղասպանության թանգարանում բացված նոր ցուցադրություն

«Թանգարանում կա ավանդույթ` ամեն տարվա ապրիլի 24-ին ընդառաջ ժամանակավոր ցուցադրություն ունենալ։ Այս անգամ ցուցադրությունը նվիրված է շարքային մարդկանց, նրանց, ովքեր վերապրեցին և սերունդներին պատմեցին իրենց ընտանիքների պատմությունները»,–ասաց Մարությանը։

Посетители в музее Геноцида армян
© Sputnik / Aram Nersesyan
Ցեղասպանության թանգարանում բացված ցուցադրություն

Նրա խոսքով` Ցեղասպանությունից հետո արդեն 3-4-րդ սերունդն է եկել, և մի շարք պատմություններ մոռացվել են, սակայն թանգարանի ֆոնդերում նույնպես կան վերապրածների պատմություններ, որոնք կհրատարակեն։

Экспозиция музея Геноцида армян
© Sputnik / Aram Nersesyan
Ցեղասպանության թանգարանում բացված ցուցադրություն

Նոր բացված ցուցադրությանը ներկայացված են նաև բանահավաք Վերժինե Սվազյանի հավաքած պատմություններից, և սա, ըստ Մարությանի, առաջին ցուցադրությունն է, որտեղ այսքան մեծ թվով պատմություններ են ներկայացված։

«Հուսանք` այս մոտեցումն իր շարունակությունը կունենա, քանի որ անհատների պատմություններն էլ շատ կարևոր են»,–ասաց նա։

Նշենք, որ ցուցադրությունը երկլեզու է՝ հայերեն և անգլերեն, ներկայացված են ինչպես Հայոց ցեղասպանությունը վերապրածների ընտանիքների պատմությունները, այնպես էլ անձնական իրեր` ակնոց, դրամապանակ, գուլպաներ։

Экспозиция музея Геноцида армян
© Sputnik / Aram Nersesyan
Գուլպաներ
Экспонат музея Геноцида армян
© Sputnik / Aram Nersesyan
Դրամապանակ

Ներկայացված են նաև հատվածներ Հայոց ցեղասպանությունը վերապրածների տեսագրություններից:Նշենք, որ ներկայացվող պատմություններից մեկն էլ արգենտինահայ Արմեն Արսլանյանի ընտանիքի մասին է։ Արսլանյանն այս օրերին Հայաստանում է, եկել է, որ մասնակցի ցուցադրությանն ու տեսնի ներկաների արձագանքը։

Потомок пережившего геноцид, Армен Арсланян, в музее Геноцида армян
© Sputnik / Aram Nersesyan
Արմեն Արսլանյան

«Իմ տատն ու պապն ապրել են Թուրքիայի Հաճն քաղաքում, նրանք կլայեկագործ էին (խմբ. կլայեկագործությունը պղնձե տարաներն անագով պատելու (կլյակելու) արհեստն է)։ 1915-ին գերդաստանս երկու խմբով աքսորվեց Դեր–Զոր և Հոմս։ Դեր–Զոր գնացող 25 անձից որևէ մեկը ողջ չմնաց, իսկ Հոմս գնացողներից ողջ մնացին պապս` Ստեփան Արսլանյանը, տատս` Օվսաննան, և նրանց 3 զավակներից մեկը։ Տատս պատմում էր, որ 2 ամիս միայն խոտ են կերել»,–ասում է Արմեն Արսլանյանը։

Экспозиция музея Геноцида армян
© Sputnik / Aram Nersesyan
Արմեն Արսլանյանի ընտանիքը

Ջարդից հետո ծնվել է վերջինիս հայրը, իսկ ընտանիքը Հաճն վերադառնալ չի կարողացել և բռնել է գաղթի ճամփան` հաստատվելով նախ Աթենքում, հետո մեկնելով Բուենոս Այրես։ Արմեն Արսլանյանի տատն ու պապը 1970-ականներին են մահացել։

«Ապրելով սփյուռքում` պետք է կամուրջ լինենք ու ամեն ինչ անենք, որպեսզի Հայոց ցեղասպանությունը վերջնականապես ճանաչվի։ ԱՄՆ–ն ու Եվրոպան միշտ մարդկանց իրավունքների մասին են խոսում, բայց երբ գալիս է քայլեր անելու հերթը, այլ կողմ են նայում։ Մեր պարտականությունն է իբրև հայ ու իբր եղեռն տեսածների թոռներ, այնպես անել, որ աշխարհը ճանաչի Հայոց ցեղասպանությունը։ Ամբողջ աշխարհը մեզ պարտք է, ձախողել չկա այս հարցում»,–ասում է Արսլանյանը։

Նշենք, որ ցուցադրությունը կգործի մինչև սեպտեմբերի 10-ը: Մուտքն ազատ է։

  • Ցեղասպանության թանգարանում բացված նոր ցուցադրություն
    Ցեղասպանության թանգարանում բացված նոր ցուցադրություն
    © Sputnik / Aram Nersesyan
  • Ցեղասպանության թանգարանում բացված նոր ցուցադրություն
    Ցեղասպանության թանգարանում բացված նոր ցուցադրություն
    © Sputnik / Aram Nersesyan
  • Ցեղասպանության թանգարանում բացված նոր ցուցադրություն
    Ցեղասպանության թանգարանում բացված նոր ցուցադրություն
    © Sputnik / Aram Nersesyan
  • Ցեղասպանության թանգարանում բացված նոր ցուցադրություն
    Ցեղասպանության թանգարանում բացված նոր ցուցադրություն
    © Sputnik / Aram Nersesyan
  • Ցեղասպանության թանգարանում բացված նոր ցուցադրություն
    Ցեղասպանության թանգարանում բացված նոր ցուցադրություն
    © Sputnik / Aram Nersesyan
1 / 5
© Sputnik / Aram Nersesyan
Ցեղասպանության թանգարանում բացված նոր ցուցադրություն

Կորոնավիրուսի հետևանքով Ցեղասպանության թանգարանի այցելուների թիվը կրճատվել է 19 անգամ

171
թեգերը:
ցուցադրություն, ընտանիք, Թանգարան, Ցեղասպանություն, Հայաստան
թեմա:
Ապրիլի 24. Հայոց ցեղասպանության չմոռացվող էջը (128)
Ըստ թեմայի
Բայդենի վարչակազմը պատասխանել է Հայոց ցեղասպանության վերաբերյալ հայ պատմաբանների նամակին
ԱՄՆ–ի կողմից Ցեղասպանության ճանաչումը կարող է սաստել Թուրքիային. Հարություն Մարության
Ցեղասպանության թանգարան–ինստիտուտի քաղաքականությունը փոխելու փորձ չի եղել. Մարության
Սերգեյ Լավրով

Տրանսպորտային հանգույցը կարող է բարելավել Երևանի ու Բաքվի հարաբերությունները. Լավրով

67
(Թարմացված է 00:37 11.05.2021)
ՌԴ արտաքին քաղաքական գերատեսչության ղեկավարը շեշտել է, որ Ռուսաստանը հետաքրքրված է Ադրբեջանի և Հայաստանի միջև հարաբերությունների կարգավորմամբ։

ԵՐԵՎԱՆ, 11 մայիսի – Sputnik․ Հարավային Կովկասում տրանսպորտային հանգույցի ստեղծման հարցերը կնպաստեն Հայաստանի և Ադրբեջանի հարաբերությունների բարելավմանը։ ՌԻԱ Նովոստիի փոխանցմամբ՝ հայտարարել է Ռուսաստանի արտգործնախարար Սերգեյ Լավրովը Բաքվում Ադրբեջանի նախագահի հետ հանդիպման ժամանակ։

«Մենք անկեղծորեն շահագրգռված ենք Ադրբեջանի և Հայաստանի միջև հարաբերությունների կարգավորմամբ։ Կարծում ենք, որ ձգձգված հակամարտությունից դուրս գալու տնտեսական կողմի վրա կենտրոնանալու համատեղ աշխատանքը դրա համար օպտիմալ միջավայր է ստեղծում», - ասել Է Լավրովը։

ՌԴ արտաքին քաղաքական գերատեսչության ղեկավարի խոսքով՝ մարդիկ պետք է զգան, որ իրական բարելավում է տեղի ունենում։

Նա ընդգծել է, որ Ռուսաստանի, Ադրբեջանի և Հայաստանի փոխվարչապետերը երեք երկրների ղեկավարների ստեղծած աշխատանքային խմբի շրջանակներում պարբերաբար հանդիպում են, քննարկում են Հարավային Կովկասում բոլոր տնտեսական և տրանսպորտային հաղորդակցությունների ապաշրջափակման պայմանավորվածության շուրջ առկա գործնական հարցերը:

Լավրովն ընդգծում է՝ դա պոտենցիալ շատ լուրջ տրանսպորտային հանգույց է, որի նշանակությունը դուրս է գալիս տարածաշրջանային շրջանակներից։

Բայց չէ՞ որ ամենակարևորը ինքդ քեզ չկորցնելն է. Սոլովյովը`Հայաստանի ապաշրջափակման մասին

67
թեգերը:
Ադրբեջան, Հայաստան, Սերգեյ Լավրով
Ըստ թեմայի
Ապաշրջափակումն առայժմ քննարկվում է միայն փորձագիտական մակարդակով. փոխվարչապետ
Ապաշրջափակման անվան տակ խորը շրջափակում է լինելու. Օհանյանը` ԱԽՔ–ի հայտարարության մասին
Ադրբեջանը խոչընդոտելու է տարածաշրջանի ապաշրջափակմանը. ՀՀ վարչապետի պաշտոնակատար
Դավիթ Հարությունյան

Հայտնի է, թե ով կղեկավարի «Պատիվ ունեմ» դաշինքի ընտրական շտաբը. «Փաստինֆո»

81
(Թարմացված է 00:16 11.05.2021)
ՀՀ նախագահ Արմեն Սարգսյանը մայիսի 10-ի հրամանագրով խորհրդարանական արտահերթ ընտրությունների օր է նշանակել հունիսի 20-ը։

ԵՐԵՎԱՆ, 11 մայիսի - Sputnik. «Պատիվ ունեմ» դաշինքի ընտրական շտաբը կղեկավարի ՀՀ արդարադատության նախկին նախարար Դավիթ Հարությունյանը։ Այս պահին հիմնական թեկնածուն նա է, տեղեկացնում է «Փաստինֆոն»։

Հիշեցնենք, որ «Պատիվ ունեմ» դաշինքի մաս են կազմում ՀՀԿ և «Հայրենիք» կուսակցությունները, որոնք արտահերթ ընտրություններին կմասնակցեն միասին, իսկ ընտրացուցակը կգլխավորի «Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանը։

ՀՀ նախագահ Արմեն Սարգսյանը մայիսի 10-ի հրամանագրով խորհրդարանական արտահերթ ընտրությունների օր է նշանակել հունիսի 20-ը։

«Սպաներ, միացեք». ԱԱԾ պահեստազորի սպաների միությունը վերահսկելու է գալիք ընտրությունները

81
թեգերը:
Դավիթ Հարությունյան, Ընտրություններ, «Հայրենիք» կուսակցություն, Հայաստանի Հանրապետական կուսակցություն (ՀՀԿ)
Ըստ թեմայի
Արտահերթ ընտրություններն անցկացվելու են այս պահին գործող օրենքով. Հովակիմյան
ՀՀ նախագահը խառնեց պլանները. Հայաստանում հնարավոր է` ընտրությունների երկրորդ փուլ անցկացվի
ԱԺ–ն երկրորդ անգամ չընտրեց Փաշինյանին. Հայաստանը գնում է արտահերթ ընտրությունների