Նիկոլ Փաշինյան. արխիվային լուսանկար

«Որոշում է կայացվել Սյունիքի սահմանագիծը համաձայնեցնել ՀԱՊԿ սահմանագծին». Նիկոլ Փաշինյան

923
(Թարմացված է 17:53 21.04.2021)
ՀՀ վարչապետ Նիկոլ Փաշինյանը հայտարարել է, որ Սյունիքի սահմանը պիտի հսկեն ԱԱԾ սահմանապահ զորքերը, իսկ անվտանգությունն ապահովեն ՀՀ Զինված ուժերը։

ԵՐԵՎԱՆ, 21 ապրիլի - Sputnik. Սյունիքի մարզպետարանում անցկացրած խորհրդակցության ժամանակ ՀՀ վարչապետ Նիկոլ Փաշինյանն անդրադարձել է 44-օրյա պատերազմից հետո Ադրբեջանի հետ ՀՀ Սյունիքի մարզի նոր սահմանագծի խնդրին։

«Մի իրավիճակում, երբ մեր պաշտպանական կարողությունները բավարար և պատշաճ չէին, որոշում է կայացվել Սյունիքի սահմանագիծը համաձայնեցնել ՀԱՊԿ սահմանագծին, որպեսզի մենք այդտեղ կոլեկտիվ անվտանգության համակարգերը կարողանանք աշխատեցնել»,– ասել է Փաշինյանը։

Նա նաև շեշտել է, որ ռուս–հայկական ռազմաքաղաքական դաշինքը տարածվում է ՀՀ սահմանների երկայնքով ու դրանցից ներս։ Իսկ թե որն է այդ սահմանը, Փաշինյանն այսպես մեկնաբանեց.

«Հատուկ ուզում եմ ընդգծել, որ այդ սահմանները ՀՀ–ն ինքը որոշել և տեղորոշել է (արդեն դրա մասին բազմիցս խոսել եմ) ՀՀ վարչատարածքային բաժանման մասին օրենքով` ընդունված 2010թ–ի մայիսի 24-ին»,– ասել է Փաշինյանը` օրենքից մեջբերելով Շուռնուխ և Որոտան համանքների վարչական սահմանների մասին նկարագրությունը, որտեղ նշված է, որ այն սահմանակից է Ադրբեջանի հետ ՀՀ–ի պետական սահմանին։

Ըստ Փաշինյանի` այս օրենքով ՀՀ–ն 2010թ–ին նկարագրել է իր տարածքը, որտեղ գործում է ՀԱՊԿ պայմանագիրը։

«Ուզում եմ հրավիրել բոլորիս ուշադրությւնը, որ չի նշվել, որ սահմանագիծը համընկնում է ՀՀ–ի ու Արցախի հանրապետության սահմաններին, այլ գրվել է, որ սահմանագիծը համընկնում է ՀՀ և Ադրբեջանի պետական սահմանի հետ։ Սրանք են այն իրողությունները, որոնք բերել են այսօրվա ստատուս քվոյին»,– ասել է նա։

Ինչ վերաբերում է Սյունիքի սահմանին, Փաշինյանը հայտարարեց, որ դրա անվտանգության մակարդակը պետք է բարձրացնել։ Դրա համար սահմանը պիտի հսկեն ԱԱԾ սահմանապահ զորքերը, իսկ անվտանգությունն ապահովեն Հայաստանի զինված ուժերը։

Ադրբեջանի ղեկավարը փորձում է վիժեցնել գործընթացը. Փաշինյանն արձագանքել է Ալիևին

Հիշեցնենք` Նիկոլ Փաշինյանն ապրիլի 20-ից Սյունիքի մարզում է։

Նշենք, որ այս պահին մարզպետարանում անցկացվող խորհրդակցությունը դեռ շարունակվում է։ Դրան մասնակցում են ՀՀ տարածքային կառավարման և ենթակառուցվածքների նախարար Սուրեն Պապիկյանը, ՀՀ ԱԱԾ տնօրեն Արմեն Աբազյանը, ոստիկանապետ Վահե Ղազարյանը, մարզպետ Մելիքսեթ Պողոսյանը, մարզպետի տեղակալները, 4-րդ բանակային կորպուսի հրամանատար, գեներալ-մայոր Արտակ Բուդաղյանը:

Այցի առաջին օրը` ապրիլի 20-ի գիշերը, վարչապետն այցելել է Շուռնուխ համայնք, որտեղ բնակիչները նրան ընդունել են վրդովված և սառը։

Այսօր վարչապետին վիրավորական արտահայտություններով ու բողոքի ակցիաներով են դիմավորել նաև Ագարակում, Մեղրիում ու Կապանում, իսկ Քաջարան նա ընդհանրապես չմտավ, որովհետև բնակիչները փակել էին քաղաքի մուտքը։

Քաջարանում վիճակը լարված է․ զոհերի հարազատները թույլ չեն տալու վարչապետին մտնել գերեզման

923
թեգերը:
Հավաքական անվտանգության պայմանագիր կազմակերպություն (ՀԱՊԿ), ՀՀ ազգային անվտանգության ծառայություն. ԱԱԾ, Սյունիք, Որոտան, Նիկոլ Փաշինյան
Ըստ թեմայի
Նույնիսկ եթե զիջումներով ԼՂ հարցի կարգավորման գնայինք, նորից պատերազմ էր լինելու. Փաշինյան
Ընդդիմության նվերը, կամ ինչպե՞ս կընթանա Փաշինյան-Քոչարյան «շախմատային պարտիան»
Հայաստանն Ադրբեջանին ճանապարհ կտա ճանապարհի դիմաց. Փաշինյան
Արխիվային լուսանկար

Ոստիկանության հատուկ նշանակության ուժերը գործողություն են իրականացրել Երևանում. տեսանյութ

45
(Թարմացված է 17:46 20.06.2021)
Sputnik Արմենիայի ընթերցողներից մեկը քիչ առաջ Երևանի Գյուլբենկյան փողոցում նկարահանել է ոստիկանության ներքին զորքերի հատուկ նշանակության վաշտի ծառայողների գործողությունը։

ԵՐԵՎԱՆ, 20 հունիսի - Sputnik. Ոստիկանության հատուկ նշանակության ուժերը գործողություն են իրականացրել Երևանի Արաբկիր վարչական շրջանում։

Sputnik Արմենիայի ընթերցողներից մեկը քիչ առաջ Երևանի Գյուլբենկյան փողոցում, «Նոր Զովք» սուպերմարկետի հարևանությամբ նկարահանել է ոստիկանության ներքին զորքերի հատուկ նշանակության վաշտի ծառայողների իրականացրած գործողությունը։

Sputnik Արմենիային ոստիկանության լրատվական ծառայությունից հայտնեցին, որ մի մարդ, որը Գյուլբենկյան փողոցի բնակիչ է, պատուհանից հրազենով կրակել է։ Ըստ նախնական տեղեկությունների` նա որսորդական հրացան է կիրառել։ Ոստիկանության ծառայողները վնասազերծել են տղամարդուն ու բերման ենթարկել նրան։

45
թեգերը:
Երևան, կրակոց, ոստիկան
Ըստ թեմայի
30 հազար դրամ՝ 2-ին. Վեդիում ոստիկանները ընտրակաշառքի դեպք են բացահայտել
Իրականացվել են ապօրինի խուզարկություններ և ձերբակալություններ. «Պատիվ ունեմն» ահազանգում է
Զենքով ընտրատեղամաս մուտք գործելու ու բռնություն գործադրելու փաստով քրգործ է հարուցվել
20 06 2021թ.

Զենքով ընտրատեղամաս մուտք գործելու ու բռնություն գործադրելու փաստով քրգործ է հարուցվել

28
(Թարմացված է 17:32 20.06.2021)
ՔԿ–ում գրանցված ընդհանուր 15 դեպքերից 3–ը տեղի են ունեցել Արմավիրի, 1-ը` Արարատի, 3-ը` Կոտայքի, 1-ը` Շիրակի, 1-ը` Լոռու, 2-ը` Տավուշի, 2-ը` Գեղարքունիքի և 1-ական դեպք` Երևանի Ավան Նոր Նորք և Մալաթիա–Սեբաստիա վարչական շրջաններում։

ԵՐԵՎԱՆ, 20 հունիսի – Sputnik. Այսօր` հունիսի 20-ին, մինչև ժամը 15։00, ՀՀ քննչական կոմիտեում ստացվել են նյութեր` ընտրախախտումներին վերաբերող 15 դեպքերով։ Այս մասին այսօր ԿԸՀ–ում կայացած ասուլիսում հայտարարեց ՀՀ քննչական կոմիտեի ՀԿԳ քննության գլխավոր վարչության պետի տեղակալ Կամո Սահակյանը։

«15 դեպքերից 10–ը վերաբերում են 1–ից ավելի կամ այլ անձի փոխարեն քվեարկելուն, 4-ը` քվեարկության գաղտնիությունը խախտելուն, 1-ը` զենքով տեղամասային կենտրոն մուտք գործելուն ու տեղամասային կենտրոնում կամ դրան հարակից տարածքում բռնություն գործադրելուն»,– ասաց Սահակյանը։

15 դեպքերից միայն 1-ով` զենքով տեղամասային կենտրոն մուտք գործելու կամ տեղամասային կենտրոնում ու դրան հարակից տարածքում բռնություն գործադրելու դեպքով հարուցվել է քրեական գործ, մյուսներով նյութեր են նախապատրաստվում։

Կամո Սահակյանը նաև նշեց, որ հիշյալ 15 դեպքերից 3–ը տեղի է ունեցել Արմավիրի, 1-ը` Արարատի, 3-ը` Կոտայքի, 1-ը` Շիրակի, 1-ը` Լոռու, 2-ը` Տավուշի, 2-ը` Գեղարքունիքի և 1-կան դեպք` Երևանի Ավան, Նոր Նորք, և Մլաթիա–Սեբաստիա վարչական շրջաններում։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

28
թեգերը:
Հայաստան, Քրեական գործ, Բռնություն, Ընտրություններ
Ըստ թեմայի
Աբովյանի ընտրատեղամասերից մեկում ընտրողը փորձել է դուրս հանել քվեաթերթիկը
Ընտրողների 26.82 տոկոսն արդեն իսկ մասնակցել է ընտրություններին
ՄԻՊ աշխատակազմն ուսումնասիրել է ընտրություններին վերաբերող 59 ահազանգ ու 570 հրապարակում