Բժիշկ Անահիտ Սարուխանյանը պատվստում է քաղաքացուն. Երևանի թիվ 8 պոլիկլինիկա

Ի՞նչ մթնոլորտ է պոլիկլինիկաներում. կորոնավիրուսի դեմ պատվաստումներն արդեն սկսվել են

321
(Թարմացված է 19:34 20.04.2021)
Sputnik Արմենիայի թղթակիցն այցելել է երևանյան պոլիկլինիկաներից մեկը և տեսել` ինչ տրամադրվածությամբ են մարդիկ գալիս պատվաստվելու։

ԵՐԵՎԱՆ, 20 ապրիլի - Sputnik. Հայաստանում կորոնավիրուսի դեմ պատվաստումներն արդեն սկսվել են։ Երևանի թիվ 8 պոլիկլինիկայում արդեն հաշվառվել է շուրջ 1600 անձ, որոնք պատվաստման կարիք ունեն։ Այս օրերին տեղամասային բժիշկները զանգահարում են բնակիչներին և տեղեկացնում, որ ցանկության դեպքում կարող են պատվաստվել։

Արմեն Սարգսյանն ու նրա կինը պատվաստվել են արտերկրում

Նշենք, որ Հայաստանում այս պահին 2 պատվաստանյութ կա` «Սպուտնիկ  V» և «AstraZeneca»։ «Սպուտնիկ V» պատվաստանյութի առաջին 15 հազար չափաբաժինը կստանան բուժաշխատողները, խրոնիկ հիվանդություններ ունեցողները, սոցիալական հաստատությունների աշխատողները։ 55 տարեկանից բարձր քաղաքացիներն այժմ պատվաստվում են «AstraZeneca»–ով։ Ռուսական դեղամիջոցով նրանք կպատվաստվեն, երբ Ռուսաստանից նոր չափաքանակներ մատակարարվեն։

Буклеты с информацией о вакцинации в приемной поликлиники №8
© Sputnik / Asatur Yesayants
Буклеты с информацией о вакцинации в приемной поликлиники №8

Մեր` պոլիկլինիկա այցի ժամանակ էլ արդեն երկու անձ սպասում էր, որ պատվաստվի։ Պոլիկլինիկայի վարակաբան Անահիտ Սարուխանյանը հայտնում է` ապրիլի 15-ից են սկսել պատվատումների գործընթացը։

«Դեռ միայն 5 հոգու ենք պատվաստվել։ Հիմա բոլորը տեղեկացված են, քանի որ սոցկայքերից օգտվում են, տարբեր հոդվածներ են կարդում ինչպես վարակի, այնպես էլ պատվաստումների վերաբերյալ։ Մենք էլ իրազեկում ենք միայն, չենք պարտադրում. գիտակից մարդիկ են` իրենք պետք է որոշեն»,–ասաց տիկին Սարուխանյանը։

Врач-инфекционист поликлиники №8 Анаит Саруханян с ампулой вакцины в руках
© Sputnik / Asatur Yesayants
Բժիշկ Անահիտ Սարուխանյանը պատվստում է քաղաքացուն. Երևանի թիվ 8 պոլիկլինիկա

Թիվ 8 պոլիկլինիկայում այս պահին միայն «AstraZeneca» են ստացել, սակայն, ըստ Սարուխանյանի, հետաքրքրվածությունը մեծ է ռուսական «Սպուտնիկ V»-ի նկատմամբ` շատերը նախապատվությունը տալիս են հենց ռուսականին։

«Ես ինքս էլ վարակվել եմ կորոնավիրուսով և առողջացել, և ինքս էլ եթե պատվաստվելու լինեմ, ապա «Սպուտնիկ» կուզեմ»,–ասաց Սարուխանյանը։

Մինչ բժշկի հետ ենք զրուցում, ներս է մտնում 73-ամյա Վլադիմիր Քյուրքչյանը, որը եկել է պատվաստվելու։ Նրան հարցնում եմ` կարելի՞ է լուսանկարել, ինչին ի պատասխան հումորով ասում է. «Իհարկե, գուցե վերջին նկարս լինի»։

Владимир Кюркчян до вакцинации в процедурной палате поликлиники №8
© Sputnik / Asatur Yesayants
Բժիշկ Անահիտ Սարուխանյանը պատվստում է Վլադիմիր Քյուրքչյանին. Երևանի թիվ 8 պոլիկլինիկա

Տիկին Սարուխանյանը տղամարդուն ներս է հրավիրում և ասում, որ ձեռքը բացի, որպեսզի վերևի հատվածում ներարկեն։ Տղամարդը նայում է մեր լուսանկարչին ու նորից կատակում, որ եթե դա էլ պիտի նկարեն, ապա գոնե սիրուն նկար ստացվի։ Անգամ պատվաստվելու ընթացքում է տղամարդը կատակում, թե` վերջում ձեր նյութում գրելո՞ւ եք` դերերը կատարեցին այսինչ այսինչյանը...

«Ես վստահում եմ մասնագետներին, ինչի համար էլ եկել եմ պատվաստվելու։ Քանի որ ես բժշկության մեջ հեղինակություն չեմ, դրա համար էլ ճիշտ է բժիշկներին հավատալ։ Սակայն մինչև արդյունքը չտեսնեմ պատվաստման, մյուսներին չեմ կարող խորհուրդ տալ»,–ասաց Քյուրքչյանը` հավելելով, որ պատվաստման ընթացքը սովորականի պես էր` հատուկ որևէ բան չզգաց։

Նշենք, որ պատվաստումից հետո որոշ ժամանակ պատվաստվողները պետք է պոլիկլինիկայում մնան` բժիշկների հսկողության ներքո։ Որոշ ժամանակ անց Քյուրքչյանը հեռանում է` մեզ ու բժիշկներին ասելով. «Հուսամ էլի կհանդիպենք»։

Այդ ընթացքում հաջորդ պատվաստվողն է մոտենում, որը նույնպես տղամարդ է` 60 տարեկան։ Նա էլ է պատվաստվում և  ասում, որ պատվաստանյութերի մասին տարբեր լուրերը սուտ են` խորհուրդ է տալիս պատվաստվել։

Վարակաբանը, ի դեպ, բոլոր պատվաստվողներին հորդորում է մեկ օր լոգանք չընդունել, ու նշում` եթե այտուց լինի պատվաստված տեղում, ապա անհրաժեշտ է սառը թրջոց դնել, իսկ մյուս բոլոր գանգատների դեպքում տեղյակ պահել տեղամասային բժշկին։ Նշենք նաև, որ պատվաստողների հետ 3 օր կապ է պահպանում տեղամասային բժիշկը, իսկ 8-12 շաբաթ ընդմիջումով նրանք նաև երկրորդ դեղաչափն են ընդունում։

Дезинфекция койки после вакцинации в процедурной палате поликлиники №8
© Sputnik / Asatur Yesayants
Երևանի թիվ 8 պոլիկլինիկա

Հիշեցնենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 667–ով և դարձել 209 485։

321
թեգերը:
«AstraZeneca» պատվաստանյութ, կորոնավիրուս, պատվաստանյութ, պատվաստումներ, Երևան, Հայաստան, Սպուտնիկ V
Ըստ թեմայի
«Սպուտնիկ V»-ով պատվաստումը Հայաստանում կսկսվի ապրիլի 19-ից
Pfizer-ով ու Moderna-ով պատվաստումը թրոմբոզի առաջացման ռիսկ է պարունակում. հետազոտություն
Ֆրանսիայում կորոնավիրուսի դեմ պատվաստումից հետո մահվան նոր դեպքեր են գրանցվել
«Համալիր անվտանգություն-2021». ՌԴ-ում լայնածավալ ցուցադրական վարժանք է անցկացվել

«Համալիր անվտանգություն-2021». ՌԴ-ում լայնածավալ ցուցադրական վարժանք է անցկացվել

0
Այս տարի առաջին անգամ ներկայացվել է մինչև 250 կմ հեռահարությամբ անօդաչու թռչող սարք:

ԵՐԵՎԱՆ, 17 մայիսի - Sputnik. ՀՀ ԱԻ նախարարի պաշտոնակատար Անդրանիկ Փիլոյանը և Փրկարար ծառայության տնօրեն Արմեն Գասպարյանը ներկա են գտնվել մայիսի 16-ին «Համալիր անվտանգություն -2021» անվտանգության ապահովման միջոցների 13-րդ միջազգային սրահի շրջանակներում ՌԴ ԱԻՆ Նոգինսկի փրկարարական կենտրոնի մարզադաշտում անցկացված արտակարգ իրավիճակների կանխարգելման և վերացման միասնական պետական համակարգի ուժերի և սարքավորումների լայնածավալ ցուցադրական վարժանքին։ Տեղեկությունը հայտնում են Արտակարգ իրավիճակների նախարարությունից։

Մեկնարկն ազդարարել է ՌԴ Քաղաքացիական պաշտպանության, արտակարգ իրավիճակների և աղետների հետևանքների վերացման նախարար Եվգենի Զինիչևը: Միջոցառմանը ներգրավված է եղել 800 մարդ, շուրջ 200 միավոր տեխնիկա, ինչպես նաև արտակարգ իրավիճակների նախարարության 14 ինքնաթիռ և 10 ուղղաթիռ, անօդաչու թռչող սարքեր, մասնագիտացված ռոբոտային համակարգեր:

Մասնակցել են նաև արտակարգ իրավիճակների ծառայությունների ղեկավարներ և անձնակազմեր՝ ընդհանուր առմամբ ավելի քան 200 մասնագետ 56 երկրից:

Վարժանքի ժամանակ գործնականում կիրառվել են հատուկ և հրշեջ-փրկարարական սարքավորումներ, նորարարական տեխնոլոգիաներ՝ տուժածներին օգնություն ցուցաբերելու գործում: Այս տարի առաջին անգամ ներկայացվել է մինչև 250 կմ հեռահարությամբ անօդաչու թռչող սարք:

Միջոցառումը եզրափակվել է ՌԴ ԱԻՆ անձնակազմի հանդիսավոր երթով: 

0
Встреча министров обороны Армении и России Вагаршака Арутюняна и Сергея Шойгу (21 ноября 2020). Еревaн

Սերգեյ Շոյգուն Վաղարշակ Հարությունյանի հետ քննարկել է արցախյան խնդիրը

2
(Թարմացված է 17:38 17.05.2021)
Հայաստանի իր պաշտոնակցի հետ հեռախոսազրույցում քննարկվել են նաև երկկողմ համագործակցության հարցեր։

ԵՐԵՎԱՆ, 17 մայիսի – Sputnik․ ՌԴ պաշտպանության նախարար, բանակի գեներալ Սերգեյ Շոյգուն հեռախոսազրույց է ունեցել ՀՀ պաշտպանության նախարար Վաղարշակ Հարությունյանի հետ։ Տեղեկությունը հայտնում է ՌԻԱ Նովոստին։

Հայաստանի իր պաշտոնակցի հետ հեռախոսազրույցում քննարկվել են երկկողմ համագործակցության հարցեր։

«Հեռախոսազրույցի ընթացքում քննարկվել են նաև տարածաշրջանային հարցեր և Լեռնային Ղարաբաղում Ռուսաստանի խաղաղապահ զորախմբի խնդիրների կատարումը», - ասել են նախարարությունում:

Այլ մանրամասները չեն բացահայտվում։

2
թեգերը:
տարածաշրջան, Լեռնային Ղարաբաղ, Արցախ, Վաղարշակ Հարությունյան, Սերգեյ Շոյգու, Ռուսաստան, Հայաստան