Դավիթ Խաչատրյան

Երևանի ավագանու «Իմ քայլը» խմբակցության անդամներից մեկը վայր է դրել մանդատը

34
(Թարմացված է 11:45 20.04.2021)
Փոխնախարարը որոշել է այլևս չզբաղվել ավագանու հարցերով: Ըստ լրատվամիջոցների` նրան փոխարինողը վոկալի ուսուցչուհի է։

ԵՐԵՎԱՆ, 20 ապրիլի - Sputnik. Երևանի ավագանու «Իմ քայլը» խմբակցության անդամ Դավիթ Խաչատրյանը վայր է դրել մանդատը: Տեղեկությունը ավագանու այսօրվա նիստում հայտնեց Երևանի քաղաքապետ Հայկ Մարությանը։

««Իմ քայլը» կուսակցությունների դաշինքի ընտրական ցուցակով հաջորդ մանդատը տրվում է «Քաղաքացիական պայմանագիր» կուսակցության անդամ Աննա Պապյանին», – ասաց նա։

Նշենք, որ Պապյանը ավագանու նիստին ներկա չէր։

Հավելենք, որ Դավիթ Խաչատրյանը 2020 թվականի դեկտեմբերի 22-ից զբաղեցնում է ՀՀ աշխատանքի և սոցիալական հարցերի նախարարի տեղակալի պաշտոնը:

Հայտնի է` ով կղեկավարի «Իմ քայլի» նախընտրական շտաբը. Արսեն Թորոսյանը որոշ փակագծեր բացեց

Չնայած «Երևան քաղաքում տեղական ինքնակառավարման մասին» օրենքը թույլ է տալիս ավագանու անդամին համատեղել փոխնախարարի պաշտոնը, նա որոշել է չզբաղվել ավագանու հարցերով:

Փաշինյանն անձամբ է կազմել ցուցակը. ովքե՞ր կլինեն «Իմ քայլի» առաջին տասնյակում. «Հրապարակ»

Ըստ ԶԼՄ–ների` Աննա Պապյանը վոկալի ուսուցչուհի է, դասավանդում է Երևանի երաժշտական դպրոցներից մեկում։

«Իմ քայլը» նոր պատգամավոր ունի. նա երդմամբ ստանձնեց մանդատը

34
թեգերը:
մանդատ, Երևանի ավագանի, Հայաստան
Արամ Սարգսյանն ու Տիգրան Արզաքանցյանը

ՀԴԿ առաջնորդն ընտրություններին կմասնակցի Տիգրան Արզաքանցյանի հետ

10
(Թարմացված է 18:14 18.05.2021)
Շուտով տեղի կունենա Հայաստանի դեմոկրատական կուսակցության համագումարը, որում կներկայացվի ընտրական ցուցակը։

ԵՐԵՎԱՆ, 18 մայիսի - Sputnik. Հայաստանի դեմոկրատական կուսակցության առաջնորդ Արամ Սարգսյանն ու նախկին պատգամավոր, գործարար Տիգրան Արզաքանցյանը համագործակցության ու առաջիկա խորհրդարանական ընտրություններին մասնակցելու հուշագիր են ստորագրել:

Лидер Армянской демократической партии Арам Саркисян и основатель благотворительного фонда Тигран Арзаканцян пожимают друг другу руки во время церемонии подписания меморандума (18 мая 2021). Еревaн
© Sputnik / Asatur Yesayants
Արամ Սարգսյանն ու Տիգրան Արզաքանցյանը

Սարգսյանը նշել է, որ ընտրություններին համատեղ մասնակցելու վերաբերյալ որոշումը պայմանավորված է մի քանի գործոններով, ինչպես նաև մի շարք նախագծեր իրականացնելու ցանկությամբ։ Այդ նախագծերն ուղղված են լինելու Հայաստանը ճգնաժամային իրավիճակից հանելուն։ Մասնավորապես, խոսքը երկրի անվտանգության ապահովման, դրա տնտեսական զարգացման և արտաքին գործընկերների հետ որակապես նոր հարաբերությունների հաստատման մասին է։

Лидер Армянской демократической партии Арам Саркисян на церемонии подписания меморандума (18 мая 2021). Еревaн
© Sputnik / Asatur Yesayants
Արամ Սարգսյան

«Մենք մտադիր ենք հաղթել և կյանքի կոչել երկիրը ստեղծված իրավիճակից դուրս բերելուն ուղղված մեր ծրագիրը։ Մենք հինգ տոկոսի համար չենք ընտրությունների գնում, մենք այլ ծրագրեր ունենք», - նշել է քաղաքական գործիչը։

Лидер Армянской демократической партии Арам Саркисян на церемонии подписания меморандума (18 мая 2021). Еревaн
© Sputnik / Asatur Yesayants
Արամ Սարգսյան

Արզաքանցյանն իր հերթին ընդգծել է, որ որոշել է համագործակցել հենց դեմոկրատական կուսակցության հետ, քանի որ դրա գաղափարախոսությունը մոտ է իրեն: Բացի այդ, նախկինում Արամ Սարգսյանի հետ համագործակցության փորձ արդեն եղել է, և Արզաքանցյանն այն հաջողված է համարում։ Նա հայտարարել է, որ ընտրություններին վճռական է տրամադրված, մտադիր չէ հրաշքների սպասել:

Основатель благотворительного фонда Тигран Арзаканцян на церемонии подписания меморандума (18 мая 2021). Еревaн
© Sputnik / Asatur Yesayants
Տիգրան Արզաքանցյան

«Ես անձամբ եղել եմ Ադրբեջանի հետ շփման գծում՝ Գեղարքունիքի մարզում, Վերին Շորժայում, տեսել եմ, թե ինչպես է հակառակորդն առաջ գալիս մեր հողով։ Անհրաժեշտ է միջոցներ ձեռնարկել նրան դիմակայելու համար», - ասել է գործարարը։

Основатель благотворительного фонда Тигран Арзаканцян на церемонии подписания меморандума (18 мая 2021). Еревaн
© Sputnik / Asatur Yesayants
Տիգրան Արզաքանցյան

Օրերս կայանալու է Հայաստանի դեմոկրատական կուսակցության համագումարը, որում ներկայացվելու է ընտրական ցուցակը, ինչպես նաև հայտնի է դառնալու, թե ով է այն գլխավորելու։ Վարչապետի թեկնածու ընտրելիս հաշվի կառնվի նրա հնարավորություններն ու ներուժը։

Лидер Армянской демократической партии Арам Саркисян и основатель благотворительного фонда Тигран Арзаканцян на церемонии подписания меморандума (18 мая 2021). Еревaн
© Sputnik / Asatur Yesayants
Արամ Սարգսյանն ու Տիգրան Արզաքանցյանը

Ազգային ժողովի արտահերթ ընտրությունները տեղի կունենան հունիսի 20-ին: ՀՀ նախագահ Արմեն Սարգսյանը ստորագրել է հրամանագիրը մայիսի 10-ին:

10
թեգերը:
Հայաստան, Ընտրություններ, Տիգրան Արզաքանցյան, Արամ Սարգսյան
Ըստ թեմայի
4 «օրենքով գողի» ազատություն է տրվել` ընտրությունների վրա ազդեցություն ունենալու համար
Կառավարությունը կգործադրի բոլոր ջանքերը. Արսեն Թորոսյանը խոսել է ընտրությունների մասին
Լևոն Տեր–Պետրոսյանը կլինի վարչապետի թեկնածուն, եթե ՀԱԿ–ը մասնակցի ընտրություններին
Սերժ Սարգսյանի և Քոչարյանի շահերից է բխում, որ ՀԱԿ-ը մասնակցի ընտրություններին․ «Հրապարակ»
(0:43 / 4.53Mb / просмотров видео: 66)

Հրդեհ է բռնկվել Երևանի երեքհարկանի շենքերից մեկի տանիքում. տեսանյութ

19
(Թարմացված է 17:59 18.05.2021)
Հայտարարվել է հրդեհի բարդության «1 ԲԻՍ» կանչ․ դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս երկու մարտական հաշվարկ և մեկ ավտոսանդուղք։

ԵՐԵՎԱՆ, 18 մայիսի– Sputnik. Երևանի Պուշկին-Սարյան փողոցների խաչմերուկի երեքհարկանի շենքի տանիքում հրդեհ է բռնկվել։ Տեղեկությունը հայտնում է ՀՀ ԱԻՆ մամուլի ծառայությունը։

Հայտնում են, որ Ճգնաժամային կառավարման ազգային կենտրոն ահազանգը ստացվել է մայիսի 18-ին, ժամը 17:04-ին։ Տեղեկացրել են, որ երեքհարկանի շենքի տանիքում, հրդեհ է բռնկվել։

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ, Ճգնաժամային կառավարման ազգային կենտրոնի և Հրդեհաշիջման և փրկարարական աշխատանքների կազմակերպման բաժնի օպերատիվ խմբերը։

Չինաստանում երկնաքերը հանկարծ թեքվել է, մարդիկ սարսափահար փախել են. տեսանյութեր

Հայտարարվել է հրդեհի բարդության «1 ԲԻՍ» կանչ․ դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս երկու մարտական հաշվարկ և մեկ ավտոսանդուղք։

Ըստ նախնական տվյալների՝ հրդեհը բռնկվել է շենքի տանիքում (240 քմ)։

19
թեգերը:
շենք, Երևան, ՀՀ արտակարգ իրավիճակների նախարարություն (ԱԻՆ), հրդեհ