Արման Թաթոյան

ՄԻՊ–ը գերիների հարցով դիմել է ԵԱՀԿ նախագահին, ՄԽ համանախագահներին և այլ մարմինների

30
(Թարմացված է 12:09 19.04.2021)
Մարդու իրավունքների պաշտպանն արձանագրում է, որ Ադրբեջանը ոչ միայն արհեստական ձգձգում է գերիների վերադարձը, այլև դիտավորյալ չի հայտնում գերիների իրական թիվը։

ԵՐԵՎԱՆ, 19 ապրիլի – Sputnik. ՀՀ մարդու իրավունքների պաշտպան Արման Թաթոյանը պաշտոնական նամակով դիմել է ԵԱՀԿ գործող նախագահին, ԵԱՀԿ Մինսկի խմբի համանախագահներին, ԵԽ և ՄԱԿ-ի մարդու իրավունքների հանձնակատարներին և միջազգային այլ մարմինների` լրացուցիչ տվյալներ ներկայացնելով Ադրբեջանում պահվող հայ գերիների իրական վիճակի, նրանց վերադարձի հրատապության, անհետ կորածների ու նրանց ընտանիքների իրավունքների պաշտպանության հարցերով:

Գերիների հարցով աշխատանքային նոր խումբ են ուզում ձևավորել. «Հրապարակ»

«Նամակում առաջնահերթ ցույց է տված, որ առկա է ընթացիկ, բաց զինված հակամարտություն (armed conflict): Միջազգային [մարդասիրական] իրավունքի տեսանկյունից սա նշանակում է, որ անկախ նրանից` 2020թ. նոյեմբերի 9-ի եռակողմ հայտարարությունից հետո են գերեվարվել, թե ոչ, նրանք կարգավիճակով գերի են և պետք է անհապաղ ազատ արձակվեն: Այս հարցը արհեստական ձգձգվում է՝ իրավական գործընթացների բացահայտ չարաշահմամբ, նրանց ներկայացնելով՝ իբրև ահաբեկիչներ ու անազատության մեջ պահելը, միջազգային կանոնների խախտմամբ, օգտագործելով՝ որպես պատիժ»,– Facebook-ի իր էջում գրել է Թաթոյանը։

Արա Այվազյանը ԵՄ հատուկ ներկայացուցչին է ներկայացրել գերիների խնդիրը և Արցախի իրավիճակը

ՄԻՊ–ն արձանագրում է, որ Ադրբեջանը ոչ միայն արհեստական ձգձգում է գերիների վերադարձը, այլև դիտավորյալ չի հայտնում գերիների իրական թիվը` խախտելով գերիների իրավունքներն ու հոգեկան տառապանքներ պատճառելով նրանց ու անհետ կորածների ընտանիքներին։

«Մարդու իրավունքների պաշտպանի աշխատակազմի հավաքագրած ապացույցները հաստատում են, որ Ադրբեջանում պահվող գերիների թիվն ավելի շատ է, քան ադրբեջանական իշխանությունները հաստատել են: Դա վերաբերում է նաև մինչև 2020թ. 44 գերիների վերադարձին»,– նշում է Թաթոյանը:

Գերիներին ազատ արձակելու հարցը ՄԻՊ–ը կարևորում է նաև Ադրբեջանում պետական մակարդակով քարոզվող հայատյացության ու թշնամանքի քաղաքականության համատեքստում։

«Շատ ծանր հարված կլինի Ադրբեջանի համար». ԵԽԽՎ-ում կքննարկվի՞ հայ գերիների խնդիրը

30
թեգերը:
գերի, նամակ, ԵԱՀԿ Մինսկի Խումբ, Արման Թաթոյան, Հայաստան
Ըստ թեմայի
Միջազգային իրավունքի համաձայն`գերիների հարցը երբեք չի կարող քաղաքականացվել. Ղազինյան
ՀՀ ՄԻՊ-ը Եվրամիությանը հորդորել է կոնկրետ քայլեր ձեռնարկել հայ գերիներին ազատելու համար
Երևանը չի բացառում, որ ԵԱՏՄ նիստին Ադրբեջանի մասնակցությանը պայման կդնի գերիների հարցը
Начальник Полиции Армении Владимир Гаспарян

Վովա Գասպարյանի Սևանի առանձնատանը կրկին ապամոնտաժման աշխատանքներ են արվելո՞ւ. «Ժողովուրդ»

1
(Թարմացված է 10:40 11.05.2021)
Շքեղ ամառանոցը գտնվում է Սևանի արևելյան ափում՝ Սևան-Շորժա ճանապարհի հարևանությամբ՝ Ծիծեռնակ և Դրախտիկ գյուղերի միջև ընկած հատվածում։

ԵՐԵՎԱՆ, 11 մայիսի – Sputnik. «Ժողովուրդ» օրաթերթն իր այսօրվա համարում անդրադարձել է ՀՀ նախկին ոստիկանապետ Վլադիմիր Գասպարյանի՝ Սևանում գտնվող առանձնատան տարածքում իրականացվող չափագրումներին։

Թերթը գրում է, որ դա նշանակում է, որ առաջիկայում այդ տարածքում կրկին ապամոնտաժման աշխատանքներ են իրականացվելու:

ъԻնչպես հայտնի է, դեռ 2020թ. սեպտեմբերի 6-ին Սևանում ապամոնտաժվեցին նախկին ոստիկանապետ Վլադիմիր Գասպարյանի առանձնատան տարածքում գտնվող այն շինությունները, որոնք տեղակայված են սահմանված նիշից (1903 մ-խմբ.) ներքև։ Այդ ժամանակ հայտարարվեց, թե ապամոնտաժումը արվում է Վլադիմիր Գասպարյանի համաձայնությամբ ու գիտությամբ: Սակայն այժմ, փաստորեն, չափագրման նոր աշխատանքներ են կատարվելու, և կրկին ապամոնտաժում կկատարվի»,–գրում է թերթը։

«Ժողովուրդը» հիշեցնում է, որ տարածքը Գասպարյանի զոքանչի՝ Հեղուշ Գալստյանի անունով է գրանցված։ Շքեղ ամառանոցը գտնվում է Սևանի արևելյան ափում՝ Սևան-Շորժա ճանապարհի հարևանությամբ՝ Ծիծեռնակ և Դրախտիկ գյուղերի միջև ընկած հատվածում։ Երկու պարսպով պաշտպանված, ներսում փոքր մատուռով հսկա տարածքն առաջին անգամ կառուցապատվել է 2004-ին։

«Փաստորեն՝ հետպատերազմական Հայաստանում միակ խնդիրը, որ մնացել է լուծելու, Գասպարյանի առանձնատան որոշ մասերն են. դա որ քանդվի, մնացած հարցերը ինքնաբերաբար կկարգավորվեն»,–գրում է թերթը:

Նյութն ամբողջությամբ կարդացեք թերթի այսօրվա համարում։

1
թեգերը:
առանձնատուն, Սևան, Վլադիմիր Գասպարյան
Վարազդատ Հարոյան

Վարազդատ Հարոյանը «Աստանայից» կտեղափոխվի եվրոպական ակումբ

28
(Թարմացված է 10:15 11.05.2021)
Մեր հավաքականի կենտրոնական պաշտպան Վարազդատ Հարոյանն այս մրցաշրջանում «Աստանայի» կազմում անցկացրել է 8 հանդիպում։

ԵՐԵՎԱՆ, 11 մայիսի – Sputnik. Հայաստանի ազգային հավաքականի պաշտպան Վարազդատ Հարոյանը «Աստանայից» կտեղափոխվի եվրոպական ակումբ։ Տեղեկությունն իր  Տելեգրամ-ալիքում հայտնել է լրագրող Արարատ Մամբրեյանը։

«Ըստ իմ աղբյուրների, Հայաստանի ազգային հավաքականի կենտրոնական պաշտպան Վարազդատ Հարոյանը շուտով կփոխի իր ակումբը:

«Աստանայի» և Հայաստանի ազգային հավաքականի պաշտպան Վարազդատ Հարոյանը շուտով կհայտնվի եվրոպական մեկ այլ ակումբում: Սպասեք հաճելի անակնկալի»,- գրել է Մամբրեյանը:

Մեր հավաքականում մի բան կա, որ չկա ոչ մի այլ տեղ. Բայրամյանը` ֆուտբոլի և ընտանիքի մասին

Նշենք, որ մեր հավաքականի կենտրոնական պաշտպան Վարազդատ Հարոյանն այս մրցաշրջանում «Աստանայի» կազմում անցկացրել է 8 հանդիպում։ «Աստանան» միանձնյա գլխավորում է մրցաշարային աղյուսակը։

28
թեգերը:
Եվրոպա, Ղազախստան, ֆուտբոլիստ, ֆուտբոլ, Վարազդատ Հարոյան
Ըստ թեմայի
«Ուրարտուն» հյուրընկալել է Արթուր Աբրահամին. 11-մետրանոցներ են եղել
Մոուրինյոն նոր ակումբի պատվին փոխել է հեռախոսի պատյանը
Ճակատագրի հեգնանք. Մխիթարյանը վերադարձավ «Օլդ Թրաֆֆորդ», իսկ Մոուրինյոն կգլխավորի «Ռոման»