Օնիկ Գասպարյան

Պետք է քննիչ հանձնաժողով ստեղծել. Օնիկ Գասպարյանը հայտարարություն է տարածել

285
(Թարմացված է 13:56 16.04.2021)
Օնիկ Գասպարյանն իր հայտարարության մեջ անդրադարձել է ԱԽ նիստերի արձանագրություններին և նշել, որ գործող իշխանությունն էժանագույն վարքագիծի է դրսևորում։

ԵՐԵՎԱՆ, 16 ապրիլի – Sputnik. Անվտանգության խորհրդի քարտուղարության` ապրիլի 15-ին հրապարակած  արձանագրությունների ընտրովի հատվածները ամբողջական չեն արտահայտում զեկույցների բովանդակությունը` դրանով միտումնավոր խեղաթյուրվում է իրականությունը, որն էժանագույն վարքագծի դրսևորում է գործող իշխանության կողմից։ ArmLur.am-ի միջոցով նման հայտարարությամբ է հանդես եկել ՀՀ ԶՈՒ գլխավոր շտաբի նախկին պետ Օնիկ Գասպարյանը` հավելելով, որ անհրաժեշտ է պատերազմի հանգամանքների ԱԺ քննիչ հանձնաժողով ստեղծել։

«Այս ամենն իրական սպառանալիք է դարձել մեր ազգային անվտանգության համար, խարխլում է մեր հանրային համերաշխությունը, բարոյալքում է մեր զինված ուժերը և, որպես հետանք, խոցելի է դարձնում մեր պետությունը` թշնամու հետագա հնարավոր ոտնձգությունների առաջ»,–ասում է Գասպարյանը։

Նրա խոսքով`գլխավոր շտաբը ողջ այս ընթացքում առավելագույն զսպվածություն է դրսևորել այս հարցում, խուսափել է որևէ կերպ հանրայնացնել պատերազմին վերաբերող և պետական գաղտնիք հանդիսացող տեղեկատվությունը։ Սակայն, ըստ նրա, վերջին շրջանում ավելացող շահարկումները, որոշ պետական և քաղաքական գործիչների կողմից հնչեցվող անպատասխանատու հայտարարությունները և գաղտնի տեղեկատվության արտահոսքն անհրաժեշտ են դարձնում իրավականորեն կանոնակարգել պատերազմին առնչվող բոլոր հանգամանքների պետական քննության գործընթացը։

Գասպարյանը քննիչ հանձնաժողով ստեղծելու կոչով դիմել է ԱԺ նախագահ Արարատ Միրզոյանին, ԱԺ պաշտպանության և անվտանգության մշտական հանձնաժողովի նախագահ Անդրանիկ Քոչարյանին, «Իմ քայլը» խմբակցության ղեկավար Լիլիթ Մակունցին, ԲՀԿ ղեկավար Գագիկ Ծառուկյանին և ԼՀԿ ղեկավար Էդմոն Մարուքյանին։

«Համոզված եմ, որ այդպիսի հանձնաժողովի աշխատանքը հնարավորություն կտա բացահայտել անցած պատերազմի հետ կապված հիմնական հանգամանքները, կարևոր դասեր քաղել ապագա հնարավոր ռազմական գործողություններին առավել արդյունավետ նախապատրաստվելու նպատակով, ինչպես նաև լիցքաթափել շիկացած հանրային մթնոլորտը։ Իմ կողմից պատրաստակամություն եմ հայտնում առավելագույնս օժանդակել ապագա քննիչ հանձնաժողովի աշխատանքներին»,–իր խոսքն ամփոփել է Գասպարյանը։

Օնիկ Գասպարյանն այս դիմումը ուղարկել է նաև Ազգային ժողով:

Հիշեցնենք` ՀՀ վարչապետ Նիկոլ Փաշինյանը ապրիլի 14-ին Ազգային ժողովի ամբիոնից ասել էր, որ Գասպարյանի հայտարարությունը, թե անհրաժեշտ է 2-3 օրվա ընթացքում պատերազմը կանգնեցնել, իրականության հետ որևէ աղերս չունի։
ՀՀ Անվտանգության խորհրդի գրասենյակն էլ, ի հավաստում վարչապետի ասածների, երեկ հրապարակել էր Օնիկ Գասպարյանի՝ 2020 թվականի նոյեմբերի 17-ի հայտարարության, այսպես կոչված, գաղտնազերծված փաստաթղթերը: Հետաքրքրական է, որ նիստի քաղվածքի 3 հրապարակված էջերի շուրջ 90 տոկոսի գաղտնիությունը պահպանված է։ Բացված է միայն դրա չնչին հատվածը, որի սակավությունը, սակայն, ընթերցողին թույլ չի տալիս հստակ դատողություններ անել` հօգուտ կողմերից որևէ մեկի։ Մասնավորապես, հրապարակված քաղվածքի օրակարգում նշվում է. «Աա է իրավիճակը, շարունակում ենք մեր խնդիրը կատարել ու մինչև վերջ շարունակելու ենք կատարել»: Իսկ թե ինչ իրավիճակ է ու ինչ խնդիր, դժվար է ենթադրել։

285
թեգերը:
հայտարարություն, Օնիկ Գասպարյան, Հայաստան
Ըստ թեմայի
Որպես հերքում հրապարակել են մի բան, որը ոչինչ չի հերքում. Վրթանեսյանը`ԱԽ փաստաթղթերի մասին
Մի նիստի պատմություն․ ինչպես է Փաշինյանը «գրաքննում» ԳՇ նախկին պետի խոսքերը
5-րդ զորամիավորումում մարտավարական զորավարժություն է անցկացվել

5-րդ զորամիավորումում մարտավարական զորավարժություն է անցկացվել

5
Զորամիավորման հրամանատարությունը բարձր է գնահատել ներգրավված անձնակազմի պատրաստությունն ու ստորաբաժանումների փոխգործակցության կազմակերպման մակարդակը։

ԵՐԵՎԱՆ, 14 մայիսի - Sputnik. Մայիսի 14-ին 5-րդ զորամիավորումում, տարբեր ստորաբաժանումների ներգրավմամբ, անցկացվել է մարտավարական զորավարժություն, տեղեկացնում են Պաշտպանության նախարարությունից։

Тактические учения армянской армии с участием различных подразделений
5-րդ զորամիավորումում մարտավարական զորավարժություն է անցկացվել

Հաղթահարելով լեռնային բարդ տեղանքը, տանկային ստորաբաժանումները զբաղեցրել են նախորոշված շրջաններն ու կատարել առաջադրված խնդիրը, հնարավորություն ստեղծելով զորավարժությանը ներգրավված այլ ստորաբաժանումների՝ նպաստավոր դիրքերի զբաղեցման և պայմանական հակառակորդի գործողությունների վերահսկման համար։

Զորամիավորման հրամանատարությունը բարձր է գնահատել ներգրավված անձնակազմի պատրաստությունն ու ստորաբաժանումների փոխգործակցության կազմակերպման մակարդակը։

5
Արմեն Գրիգորյան. արխիվային լուսանկար

Որ դեպքում ՀԱՊԿ անդամները հայ-ադրբեջանական սահմանային իրավիճակի վերաբերյալ նիստ կհրավիրեն

56
(Թարմացված է 20:54 14.05.2021)
ՀՀ ԱԽ քարտուղարը նշեց, որ ՀԱՊԿ կոմիտեները գնահատական կտան իրավիճակին եռօրյա ժամկետում։

ԵՐԵՎԱՆ, 14 մայիսի– Sputnik. Եթե եռօրյա ժամկետում հայ-ադրբեջանական սահմանային միջադեպերի հետ կապված ՀԱՊԿ անդամ կոմիտեները որոշակի լուծումներ առաջարկեն, ապա կարող է և ՀԱՊԿ խորհրդի նիստ չկայանալ, բայց եթե իրավիճակին գնահատական չտրվի և իրադարձություններն այլ կերպ զարգանան, ապա ՀԱՊԿ խորհրդի նիստ կգումարվի։

Այսօր ԱԺ-ում հրավիրված արտահերթ նիստի ժամանակ հայտարարեց ՀՀ անվտանգության խորհրդի քարտուղար Արմեն Գրիգորյանը։

«Եռօրյա ժամկետում ՀԱՊԿ կոմիտեները գնահատական կտան իրավիճակին և ըստ այդ գնահատականի՝ կորոշվի խորհրդի նիստ հրավիրելու հարցը։ ՀԱՊԿ խորհրդի նիստը պարտադիր չէ, եթե այս 3 կոմիտեները եզրակացություններ են ներկայացնում»,- ասաց նա։

Այնուհետև Գրիգորյանը մանրամասն ներկայացրեց ՀԱՊԿ-ին դիմելու ընթացակարգը։

ՀԱՊԿ անդամ երկրներից որևէ մեկից դիմում ստանալու դեպքում մեկ օրվա ընթացքում նախագահող երկրի (այժմ Տաջիկստանն է-խմբ.) հանձնարարականով մշտական խորհրդի նիստ է հրավիրում, բացի նիստից, եռօրյա ժամկետում ՀԱՊԿ անդամ երկրների քարտուղարների կոմիտեն, ԱԳ նախարարների, ինչպես նաև ՊՆ նախարարների կոմիտեն իրավիճակը գնահատելու ուղղությամբ աշխատանքներ են սկսում։

«Կան տեղեր, որտեղ Ադրբեջանի ԶՈւ–ն լքել է մեր սահմանը». Փաշինյանը նամակ է հղել Պուտինին

«Տեղեկացնեմ, որ և ՀՀ ԱԳ նախարարը, և պաշտպանության նախարարը, ինչպես նաև ես` ԱԽ քարտուղարս, այս ուղղությամբ նախնական աշխատանքներ իրականացրել ենք, մենք խոսել ենք ՌԴ մեր գործընկերների հետ, ներկայացրել ենք իրավիճակը, ԱԳ և ՊՆ նախարարները խոսել են ՀԱՊԿ գլխավոր քարտուղարի հետ, և կարող ենք ասել, որ նախապատրաստական աշխատանքները սկսել ենք, որ եռօրյա ժամկետում մեր կոմիտեները կարողանան ընդհանուր իրավիճակի վերաբերյալ գնահատական տալ»,- նշեց անվտանգության խորհրդի քարտուղարը։

Հիշեցնենք` ՀՀ ՊՆ մամուլի ծառայությունը հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Նույն օրը ՀՀ վարչապետի պաշտոնակատար Նիկոլ Փաշինյանն Անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

ԱԽ նիստ կայացավ նաև մայիսի 13-ին։ Փաշինյանը հայտարարեց, որ հանձնարարել է ՀԱՊԿ պայմանագրով նախատեսված խորհրդակցություններ սկսել։

Այս պահին սահմաններին տիրող իրավիճակի հարցով ԱԺ արտահերթ նիստ է ընթանում։

56
Ըստ թեմայի
Սև լիճը ՀՀ հարավային ամենանեղ հատվածում է. Փաշինյանը բացահայտել է Ադրբեջանի նպատակը
Ռուսաստանը 3,2 մլն դոլար կհատկացնի Հայաստանի առանձին շրջանների վերականգնման համար
ՀԱՊԿ–ով գործարկել ենք մեխանիզմ, որը քաղաքական և ուժային լուծում է նախատեսում. Փաշինյան