Արխիվային լուսանկար

Իրանում հայտնված ինքնաթիռը Հայաստան չի եկել. Պապիկյանը բացատրեց` ինչու

106
(Թարմացված է 18:51 14.04.2021)
ՀՀ փոխվարչապետ Տիգրան Ավինյանն ավելի վաղ հայտնել էր, որ հնարավոր է` ինքնաթիռը Հայաստան վերադառնա մարտի 3-ին։

ԵՐԵՎԱՆ, 14 ապրիլի - Sputnik․ Իրանում հայտնված «Fly Armenia Airways»–ին պատկանող ինքնաթիռը դեռ գտնվում է այնտեղ։ Այս մասին այսօր ԱԺ–ում հայտարարեց ՀՀ տարածքային կառավարման և ենթակառուցվածքների նախարար Սուրեն Պապիկյանը։

«Ինքնաթիռն ունի տեխնիկական խնդիրներ։ Դրանք վերացնելու խնդիր կա։ Մյուս կողմից` կա հարուցված քրեական գործ, և իրավապահ մարմինները զբաղվում են պատճառները հասկանալու համար։ ՀՀ–ն այս ամենում դերակատարություն տեղի չի ունեցել։ Այն, ինչ տեղի է ունեցել, տեղի է ունեցել առանց մեր պատկան մարմնի մասնակցության»,– ասաց Պապիկյանը։

Նախարարը նաև շեշտեց, որ այդ ինքնաթիռը Հայաստանում երբևէ չի եղել։ ՀՀ Քաղավիացիայի կոմիտեին ներկայացված հայտով թռիչքն իրականացվել է այլ ուղղությամբ։

«Դուք ամեն անգամ ասում եք` ՀՀ–ից ինքնաթիռը գնացել է։ Մի՛ խեղաթյուրեք իրականությունը։ ՀՀ–ում այդ ինքնաթիռը չի եղել»,– ասաց նա։

Հիշեցնենք` վերջին օրերին լուրեր էին տարածվել, թե Իրանում հայտնված օդանավն ապամոնտաժվել է։ Քաղաքացիական ավիացիայի կոմիտեն հերքել էր այս լուրերը։

Փետրվարի 22-ից մամուլում լուրեր են շրջանառվում, որ «Fly Armenia airways» ավիաընկերության «Boeing 737» տիպի օդանավն առևանգվել է։
ՀՀ վարչապետի նախկին խորհրդական Հակոբ Ճաղարյանը Facebook-ի իր էջում գրել էր, թե փետրվարի 21-ին ՀՀ քաղաքացիական ավիացիայի կոմիտեն հեռագիր է ստացել Միացյալ Արաբական Էմիրությունների Քաղաքացիական ավիացիայի գլխավոր վարչության կողմից հայկական գրանցմամբ EK-FAA համարանիշով Boeing-737 օդանավի առևանգման մասին:

«Կարծում եմ՝ տեխնիկական խնդիրներ կան». ԱԱԾ փոխտնօրենը` անհետացած Boeing օդանավի մասին

Ճաղարյանը նշել էր, որ օդանավը թռիչք է կատարել Էստոնիայի Տալլին քաղաքից և, ըստ պլանի, պետք է վայրէջք կատարեր Երևանում: Բայց դրա փոխարեն օդում որոշվել է գնալ Արաբական Էմիրություններ` տեխսպասարկման, և «տեխնիկական անսարքության պատճառով» այն վայրէջք է կատարել Թեհրանում:

ՀՀ փոխվարչապետ Տիգրան Ավինյանն ավելի վաղ հայտնել էր, որ հնարավոր է` ինքնաթիռը Հայաստան վերադառնա մարտի 3-ին։

ԱԱԾ–ում քրգործ է հարուցվել. ինչպես է հայկական ինքնաթիռը հայտնվել Իրանում

106
թեգերը:
Սուրեն Պապիկյան, ինքնաթիռ, Իրանի Իսլամական Հանրապետություն
Ըստ թեմայի
Առևանգված օդանավում ուղևորներ չեն եղել․ քաղավիացիա
«Առևանգված» հայկական Boeing 737 ինքնաթիռն այսօր կվերադառնա Հայաստան. Ավինյան
Վթար է տեղի ունեցել Իրանի միջուկային օբյեկտներից մեկում
ՀՀ ԱԺ

Հայաստանը կասեցնելու է Ադրբեջանի ռազմական ագրեսիան. ԱԺ–ն հայտարարություն է ընդունել

10
ՀՀ խորհրդարանականները հայտարարում են նաև, Հայաստանի Հանրապետությունը չի հանդուրժի ստեղծված իրավիճակը:

ԵՐԵՎԱՆ, 14 մայիսի – Sputnik. ՀՀ ԱԺ–ն այսօր գումարված արտահերթ նիստում հայտարարություն է ընդունել, որում մասնավորապես արձանագրել է, որ Հայաստանը ձեռնարկվելու են բոլոր համարժեք միջոցները Ադրբեջանի ռազմական ագրեսիան կասեցնելու և ՀՀ պետական սահմանն ու ժողովրդին պաշտպանելու նպատակով։

«Կոչ ենք անում միջազգային հանրությանը դատապարտել՝  Ադրբեջանի կողմից Հայաստանի Հանրապետության տարածքային ամբողջականության դեմ ուղղված սադրիչ գործողությունները, ուժի գործադրման սպառնալիքներն ու փաստացի գործադրումը»,– ասված է հայտարարության մեջ։

Խորհրդարանականները հայտարարում են նաև, Հայաստանի Հանրապետությունը չի հանդուրժի ստեղծված իրավիճակը:

ՀՀ ԱԺ–ն այսօր` մայիսի 14-ին արտահերթ նիստ էր գումարել` քննարկելու Սյունիքում, Գեղարքունիքում ու Վայոց Ձորում ՀՀ սահմաններին ստեղծված իրավիճակը։

Նիստը գումարվել է Ազգային ժողովի «Բարգավաճ Հայաստան» խմբակցության նախաձեռնությամբ։

ԱԺ ընդունած հայտարարության տեքստը ևս խորհրդարանի հաստատմանն է ներկայացրել ԲՀԿ–ն։

10
թեգերը:
Նիստ, Ադրբեջան, ԱԺ, Սյունիք, Սահման
թեմա:
Սահմանային խախտումներ. իրադրությունը Սյունիքում և Գեղարքունիքում
Ըստ թեմայի
Իշխանասարում ադրբեջանցիների ներկայությունը վտանգում է Սյունիքի խմելու ջրի հասանելիությունը
«Կոչ ենք անում պատրաստ լինել ցանկացած սցենարի». «Հայաստան» դաշինքի հայտարարությունը
Ջեյհուն Բայրամովը հայ–ադրբեջանական սահմանի լարվածությունը քննարկել է Ստեֆանո Սաննինոյի հետ
5-րդ զորամիավորումում մարտավարական զորավարժություն է անցկացվել

5-րդ զորամիավորումում մարտավարական զորավարժություն է անցկացվել

7
Զորամիավորման հրամանատարությունը բարձր է գնահատել ներգրավված անձնակազմի պատրաստությունն ու ստորաբաժանումների փոխգործակցության կազմակերպման մակարդակը։

ԵՐԵՎԱՆ, 14 մայիսի - Sputnik. Մայիսի 14-ին 5-րդ զորամիավորումում, տարբեր ստորաբաժանումների ներգրավմամբ, անցկացվել է մարտավարական զորավարժություն, տեղեկացնում են Պաշտպանության նախարարությունից։

Тактические учения армянской армии с участием различных подразделений
5-րդ զորամիավորումում մարտավարական զորավարժություն է անցկացվել

Հաղթահարելով լեռնային բարդ տեղանքը, տանկային ստորաբաժանումները զբաղեցրել են նախորոշված շրջաններն ու կատարել առաջադրված խնդիրը, հնարավորություն ստեղծելով զորավարժությանը ներգրավված այլ ստորաբաժանումների՝ նպաստավոր դիրքերի զբաղեցման և պայմանական հակառակորդի գործողությունների վերահսկման համար։

Զորամիավորման հրամանատարությունը բարձր է գնահատել ներգրավված անձնակազմի պատրաստությունն ու ստորաբաժանումների փոխգործակցության կազմակերպման մակարդակը։

7