Արմեն Սարգսյան, 2018 թվականի ընտրություններ

Արտահերթ ընտրությունները երկիրը ճգնաժամից դուրս չեն բերի. Արմեն Սարգսյան

224
(Թարմացված է 13:43 09.04.2021)
ՀՀ նախագահը ողջունում է համակարգային փոփոխություններին ուղղված ցանկացած նախաձեռնություն, սակայն դրանք չպետք է ձևական լինեն։

ԵՐԵՎԱՆ, 9 ապրիլի – Sputnik. Հայաստանի նախագահ Արմեն Սարգսյանն արտահերթ ընտրություններում քաղաքական, տնտեսական, սոցիալական և ամենակարևորը` բարոյահոգեբանական ճգնաժամից երկիրը դուրս բերելու գործիքակազմ չի տեսնում։ Նա իր այս կարծիքը հայտնել է Sputnik Արմենիային տված հարցազրույցում՝ պատասխանելով հարցին, թե որքանով է նպատակահարմար ընտրություններ անցկացնել և դրանից հետո միայն սահմանադրական բարեփոխումները անել։

Նրա խոսքով՝ քաղաքական ցանկացած գործընթաց ունի իր տրամաբանությունը։ Տվյալ դեպքում տրամաբանական է այն կարգը, որով նախ իրականացվում են համակարգային բարեփոխումներ, ինչը զգալի որակական և քանակական ռեսուրսներ է պահանջում։ Միայն այդ բարեփոխումների արդյունքում, ներառյալ Սահմանադրության փոփոխությունը, կարելի է անցկացնել ընտրություններ, որոնք բովանդակային բնույթ կունենան։

«Հակառակ դեպքում կստացվի` մենք ընտրություններն անցկացվում են զուտ հանուն ընտրությունների։ Ես դրանում չեմ տեսնում երկիրը քաղաքական, տնտեսական, սոցիալական և ամենակարևորը՝ բարոյահոգեբանական ճգնաժամից դուրս բերելու գործիքակազմ։ Չէ՞ որ հենց դա է մեր խնդիրը՝ վերագործարկել պետությունն ու ազգը։ Եվ մեր բոլոր գործողությունները, իմ կարծիքով, պետք է ուղղված լինեն այդ խնդրի լուծմանը», - նշեց Սարգսյանը։

Փաշինյանն անձամբ է կազմել ցուցակը. ովքե՞ր կլինեն «Իմ քայլի» առաջին տասնյակում. «Հրապարակ»

Անդրադառնալով ՀՀ վարչապետ Նիկոլ Փաշինյանի և նրա թիմի նախատեսած սահմանադրական բարեփոխումներին, մասնավորապես կիսանախագահական կառավարման համակարգին վերադառնալուն` նախագահն ընդգծեց, որ ողջունում է համակարգային փոփոխություններին միտված ցանկացած նախաձեռնություն: Այս համատեքստում նա հիշեցրեց իր իսկ խոսքերն այն մասին, որ դեռևս 2015-ին գրված գործող Սահմանադրությունը թույլ չի տալիս պետական կառավարման հավասարակշռված համակարգ ստեղծել։ Նրա խոսքով՝ իրական ժողովրդավարությունը մեծամասնության կամ փոքրամասնության իշխանություն չէ, այլ իշխանության հավասարակշռված համակարգ, որը պետք է ճիշտ և արդյունավետ կառավարի համազգային ներուժը։ Սակայն Հայաստանում այժմ իշխանության առյուծի բաժինը պատկանում է կառավարությանը՝ ի դեմս վարչապետի, իսկ մյուս ինստիտուտները զրկված են իշխանության զսպման լուրջ մեխանիզմներից։ Ինչ վերաբերում է կիսանախագահական կառավարման ձևին վերադառնալուն, ՀՀ նախագահն ընդգծեց, որ կարևորը ոչ թե ձևն է, այլ այն, թե ինչ բովանդակությամբ կլցվի այն։

«Կառավարման ներկա ձևն իր ֆորմալ հատկանիշներով այնքան էլ վատը չէ և շատ ոգեշնչող է հնչում՝ խորհրդարանական հանրապետություն։ Բայց երբ սկսում ենք վերլուծել դրա կառուցվածքը, տեսնում ենք, որ այն հեռու է պառլամենտարիզմից։ Դրա վառ ապացույցը գործող Սահմանադրությունն է։ Դրա համար, եթե խոսքը բովանդակային բարեփոխումների մասին է, ես դրա կողմնակից եմ, իսկ եթե ամեն ինչ տեղի ունենա «գումարելիների տեղափոխության» բանաձևով, ապա, ինչպես հայտնի է, գումարը չի փոխվի», - ասաց նա։

Պուտինը փորձում է հասկանալ Փաշինյանի ու Քոչարյանի դիրքորոշումն Արցախի հարցում. Հակոբյան

ՀՀ նախագահը մատնանշեց այն խնդիրները, որոնց լուծմամբ պետք է զբաղվի ընտրություններում հաղթած քաղաքական ուժը կամ ուժերը։ Նրա խոսքով՝ գլխավոր խնդիրը պետության կենսունակության վերականգնումն է ու ճանապարհային քարտեզի ձևավորումը, որը թույլ կտա սկսել ազգային ու պետականաշինության բովանդակային գործընթացը:

«Առանձին խնդիրներ առաջանում են և մշտապես են առաջանալու, քանի դեռ գլխավոր խնդիրների լուծումները չեն գտնվել։ Հայաստանն ու հայ ազգը բացարձակապես ապակողմնորոշված են, և դա օբյեկտիվ է, չէ՞ որ չկա ո՛չ առաքելություն, ո՛չ ապագայի տեսլական, ո՛չ էլ տարածաշրջանում ու աշխարհում սեփական տեղն ունենալու ընկալում։ Այդ պատճառով մենք ապրում ենք հրդեհից հրդեհ ու անընդհատ մտածում ենք, թե ինչու են այդ հրդեհներն առաջանում ու ինչպես դրանք մարենք», - նշեց Սարգսյանը։

Նախագահը կարծում է, որ գոյության նման փիլիսոփայությունը կործանարար է ու տանում է դեպի անդունդ, պետք է գոյատևման ռեժիմից անցնել կանխարգելիչ արարման ռեժիմի: Նշանակում է` Հայաստանը պետք է իմանա, կարողանա կանխատեսել և կանխել ինչպես ներքին, այնպես էլ արտաքին սպառնալիքները։

Ռոբերտ Քոչարյանը ռևանշ կանի՞ Արցախում, եթե իշխանության գա. նա պատասխանել է այս հարցին

Հիշեցնենք՝ մարտի 18-ին վարչապետ Նիկոլ Փաշինյանը հայտարարեց, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատեց Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։ Փաշինյանը մարտի 1-ի հանրահավաքում հայտարարել էր նաև սահմանադրական հանրաքվե անցկացնելու ու կառավարման կիսանախագահական ձևին վերադառնալու մտադրության մասին, թեև իր վարչապետության սկզբում ձախողված էր համարում այն։

Մեզ համար սպառնալիք է ոչ այնքան Թուրքիան, որքան ՀՀ գործող իշխանությունը. Լոքմագյոզյան

224
թեգերը:
Ընտրություններ, Արմեն Սարգսյան, Հայաստան
թեմա:
ԱԺ արտահերթ ընտրություններ 2021 (200)
Ըստ թեմայի
Հարցերը մնում են օդից կախված. ՀՅԴ գործիչը` Քոչարյանի հայտարարության մասին
Ադրբեջանցի պաշտոնյան փորձում է Հայաստանի ներքաղաքական լարվածությունը մեծացնել. Բաբայան
Փաշինյանը փաստի առաջ է կանգնեցրել յուրայիններին. «Հրապարակ»
Արմեն Չարչյան

Չարչյանն ընդունել է ձերբակալման օրը գործընկերների հետ ունեցած զրույցի փաստը. Աբրահամյան

40
(Թարմացված է 10:11 19.06.2021)
Դատախազը միջնորդություններ է ներկայացրել ԿԸՀ, որպեսզի Արմեն Չարչյանի նկատմամբ քրեական հետապնդում իրականացնելու համաձայնություն ստանան։

ԵՐԵՎԱՆ, 19 հունիսի – Sputnik. «Իզմիրլյան» բժշկական կենտրոնի տնօրեն Արմեն Չարչյանն ընդունել է ձերբակալման օրը առավոտյան գործընկերների հետ ունեցած զրույցի փաստը։ Տեղեկությունը հայտնում է գլխավոր դատախազի խորհրդական Գոռ Աբրահամյանը։

Ավելի վաղ հայտնի էր դարձել, որ բժշկական հաստատության ղեկավարի կողմից տվյալ կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՀ ՀՔԾ-ում քննվող քրեական գործի շրջանակում ձերբակալվել է 2021թ. հունիսի 20-ին կայանալիք ԱԺ արտահերթ ընտրություններին մասնակցող կուսակցությունների դաշինքի պատգամավորության թեկնածուների ցուցակում ընդգրկված Չարչյանը: ՀՔԾ–ի հաղորդագրության համաձայն` Չարչյանը ճնշում է գործադրել աշխատակիցների նկատմամբ։

«Քրեական գործով ձեռք բերված բավարար ապացույցներով հաստատվել է ձայնագրության մեջ առկա դեպքի փաստն ու բովանդակությունը։ Չարչյանն ընդունել է զրույցի փաստը»,– Facebook–ի իր էջում գրել է Աբրահամյանը։

Նա նշել է` քրեական գործի նախաքննության օրինականության նկատմամբ հսկողություն իրականացնող դատախազն օրենքով սահմանված կարգով ՀՀ կենտրոնական ընտրական հանձնաժողով միջնորդություններ է ներկայացրել նրա նկատմամբ քրեական հետապնդում հարուցելուն և նրան ազատությունից զրկելուն համաձայնություն տալու վերաբերյալ՝ հաշվի առնելով այն հանգամանքը, որ վերջինս հանդիսանում է ԱԺ պատգամավորության թեկնածու:

Հիշեցնենք` երեկ համացանցում հայտնված ձայնագրությունում Չարչյանն ասում է, որ տնօրինությունը «շատ կոշտ, խիստ համարժեք վերաբերմունք է ցուցաբերելու» նրանց նկատմամբ, ովքեր ընտրություններին չեն մասնակցի։

Մայր աթոռը կոչ է անում ազատ արձակել Արմեն Չարչյանին

40
թեգերը:
Գոռ Աբրահամյան, ձայնագրություն, Արմեն Չարչյան
Pop it

Միֆ և իրականություն. ի՞նչ պետք է իմանան հայ ծնողները «Pop it» խաղալիքների մասին

47
(Թարմացված է 19:36 17.06.2021)
Ճանաչված հոգեբան Անի Խուդոյանը Sputnik Արմենիայի հետ զրույցում մանրամասն ներկայացրել է ծնողներից շատերին մտահոգող խաղերի, երեխաների ագրեսիայի առաջացման հիմնական պատճառների մասին և ոչ միայն։

Վերջին ամիսներին Հայաստանում թրենդային են դարձել ամբողջ աշխարհում հայտի «Pop it» խաղալիքները, որոնք նախատեսված են երեխաների նյարդերը թուլացնելու համար։ Սակայն համացանցում այս խաղալիքների հանդեպ ծնողների կարծիքները խիստ հակասական են։ Օրեր շարունակ Facebook սոցիալական ցանցի հայկական տիրույթի մի շարք խմբերում ծնողներն ահազանգում են, որ նշված խաղալիքները «խիստ վտանգավոր» են երեխաների համար և խանգարում են ուղեղի բնականոն աշխատանքին։

Sputnik Արմենիան խաղալիքի օգուտների և վնասների մասին խոսել է հոգեբանական գիտությունների թեկնածու, հոգեբան Անի Խուդոյանի հետ։

«Երբ մարդու հոգին լարված է, մարմինը փորձում է հանգստացնել այն։ Շատերն անգիտակցաբար կրկնվող գործողություն են անում, որպեսզի լարվածությունը թուլացնեն։ Ելնելով այդ առանձնահատկությունից խաղալիք արտադրողները ստեղծել են Pop it–ն ու դրա նման խաղալիքներ, որոնք նյարդերը հանգստացնող ազդեցություն ունեն»,–ասում է հոգեբանը։

Նրա խոսքով` այլ հարց է, թե արդյո՞ք երեխաներն այնքան լարված իրավիճակում են, որ անհրաժեշտ է նրանց նյարդերը թուլացնել։

Игрушка-антистресс Попит
© Sputnik / Andranik Ghazaryan
Pop it

«Ես փորձել եմ մի փոքր հետազոտություն անել այն ծնողների հետ, որոնց երեխաները խաղում են «Pop it»–ով։ Կարող եմ ասել, որ դա ընդամենը թրենդային խաղալիքի մակարդակից ավել չի անցել ու որևէ բացասական ազդեցություն այս պարագայում դժվար թե նկատվի։ Երեխան ուզում է կամ ունի «Pop it» , որովհետև դրանից ունի իր ընկերը, դասարանցին... Ծնողները փաստում են, որ երեխաներն այդ խաղալիքը 1-2 անգամ օգտագործելուց հետո ուղղակի մի կողմ են դնում, այնուհետև պարզապես ասում, որ իրենք էլ դրանից ունեն։ Կա տեսակետ, մտահոգություն, որ այդ խաղալիքը անջատում է երեխայի ուղեղը, չի թողնում, որ այն լավ աշխատի։ Կարճ ասեմ` դա այն խաղալիքը չէ, որի հետևանքով երեխան կկտրվի աշխարհից։ Ուղղակի եթե երեխայի մոտ նյարդային լարվածություն կա, այս խաղալիքը կարող է թեթև, աննշան դրական ազդեցություն ունենալ»,–նշում է մասնագետը։

Բայց նման խաղալիքները հակացուցուցված են հատուկ կարիքներ ունեցող երեխաներին, որոնք չափազանց դյուրագրգիռ են։

«Օրինակ` աուտիզմով երեխաները ուրախանում են կրկնվող գործողություններից, կարող են ձեռքերը թափահարել, ծափ տալ, նրանց դեպքում նման խաղալիքը հակացուցված է, դա կարող է երեխայի մոտ ստիմային վարքի (ինքնախթանում) առաջացմանը նպաստել, երեխան դրանից ոգևորվում է, ու նորից սկսում են ստիմերը ակտիվանալ»,–զգուշացնում է Խուդոյանը։

Հոգեբանի խոսքով` երեխաների հետ աշխատանքում իրենք էլ են լարվածությունը արհեստականորեն թուլացնող խաղեր կիրառում։

Օրինակ` փուչիկի մեջ ալյուր են լցնում, երեխան լարվածության ժամանակ այն սեղմում–թողնում է, կամ լոբին խառնում են ձավարի հետ, երեխային խնդրում են` դրանք իրարից առանձնացնի և այլն։

Խուդոյանը շեշտում է, որ երեխաների ագրեսիվ վարքի պատճառները պետք է հասկանալ, հետո միայն փորձել նրան օգնել։ Իսկ ամենաառաջին պատճառը հենց ծնողի վարքի ընդօրինակումն է։

«Եթե ծնողը երեխայի հետ բղավելով է խոսում, ապա երեխան կրկնօրինակում է։ Եթե չի կարող ծնողի վրա բղավել, բղավում է ընկերոջ կամ խաղալիքի վրա։ Ամերիկացի հոգեբան Ալբերտ Բանդուրան «Բոբո» տիկնիկի փորձով ապացուցում է, որ երեխան ագրեսիվ վարքը ընդօրինակելու հատկություն ունի. երեխան նստում է մեծ էկրանի դիմաց և նայում, թե ինչպես է մեկ այլ երեխա ծեծում տիկնիկին, դրանից հետո երեխային տալիս են այդ նույն տիկնիկը ու սպասում, թե նա ինչ պետք է անի։ Երեխան սկսում է ծեծել տիկնիկին։ Այսինքն` նախադպրոցական տարիքում երեխայի ընդօրինակման ֆունկցիան շատ զարգացած է»,–ասում է մասնագետը։

Նրա խոսքով` նախ պետք է հասկանալ, թե ծնողների մոտ ինչն է առաջին հերթին ագրեսիա առաջացնում։ Առաջին տեղում համացանցն է, որտեղ կա հսկայական տեղեկատվություն։ Ծնողների մեծ մասը չի տարբերում ճշտված լուրը չճշտվածից, անընդհատ սթրեսի մեջ են ընկնում, դրան գումարվում է երկրի դրությունը, հետպատերազմական իրավիճակը, ընտանեկան խնդիրները և այլն։

Համացանցի պատճառով մի շատ վատ էֆեկտ է տարածվում մարդկանց մեջ` իրենց ընտանիքը լավն է, մերը` վատը։ Օրինակ` երբ կինը համացանցում տեսնում է ինչ–որ մեկին ամուսնու հետ ջերմ գրկախառնված, մտածում է, որ ինքն այդպիսի նկար չի կարող հրապարակել, որովհետև գուցե բավարար սիրված չէ, ու նրա մոտ արդեն սթրես է սկսվում։ Այդ պահին մարդու մոտ ներքին չարություն է կուտակվում։

Հոգեբանը բացատրում է, որ ստեղծված իրավիճակը իրականում շատ հեշտ է հաղթահարել։ Պետք է ընդամենը դուրս գալ համացանցից և ժամանակը հատկացնել սեփական երեխային, ընտանիքին, իսկ համացանցը օգտագործել որպես կարճ ժամանակում տեղեկություն ստանալու միջոց։

Մասնագետի խոսքով`երկրորդ կարևոր գործոնը, որը ազդում է երեխայի վրա, նրա նայած մուլտֆիլմներն են, յութուբյան տեսանյութերը։

«Ցանկացած մուլտֆիլմ, տեսանյութ կարող է ունենալ բացասական հետևանք, եթե ծնողը չի բացատրում երեխային դրա իմաստը։ Եթե երեխայի համար մուլտֆիլմ եք միացնում ու գնում եք ձեր գործերն անելու, ու երեխան 2-3 ժամ նայում է, օրինակ, թե ինչպես է Մաշան («Մաշան և արջը» մուլտֆիլմի գլխավոր հերոսը ) չարություններ անում, ապա նա անգիտակցաբար դա կրկնելու է, բայց եթե ծնողը նստի երեխայի կողքին, բացատրի, թե ինչն է ճիշտ, ինչը` սխալ, ապա երեխան վատ բանը չի անի։ Այստեղ կրկին պետք է խոսել Ալբերտ Բանդուրան «Բոբո» տիկնիկի երկրորդ փորձից, որի ժամանակ ծնողը երեխային բացատրում է, որ մյուս երեխան սխալ է անում, երբ ծեծում է տիկնիկին, ու երբ տեսանյութից հետո երեխային նույն տիկնիկը տալիս են, նա այլևս տիկնիկին չի ծեծում»,–բացատրում է Խուդոյանը։

Հոգեբանը երեխաների ագրեսիայի 3–րդ պատճառը համարում է համակարգչային «կռիվ–կռիվ» խաղերը, որոնք ուղղակի չեն կարող ագրեսիա չառաջացնել։ Իհարկե դրա հակատեսությունն էլ կա. որոշ մասնագետներ նշում են, որ երեխաները խաղի միջոցով դուրս են հանում իրենց ագրեսիան, բայց հետազոտություններն այլ բան են ցույց տալիս։

Փաստ է, որ միայն 6-7 տարեկանում է երեխայի մոտ ձևավորվում տրամաբանական մտածողությունը, ու նա սկսում է ինքնուրույն վերլուծություններ անել, թե որն է ճիշտ, որը` սխալ, բայց մինչ այդ, երեխային պետք է օգնել։ Երեխայի դաստիարակության համար բաց թողնված տարիները, ոչ բավարար ուշադրությունը անդառնալի հետևանքներ կարող են ունենալ։

Ինչպես ազատվել սթրեսից ու նյարդային լարվածությունից․ 6 արդյունավետ միջոց

47
թեգերը:
Խաղ, հոգեբան, ծնող, երեխա, Հայաստան
Ըստ թեմայի
Ո՞րն է երեխայի սեռական դաստիարակության սահմանը. պարզաբանում է հոգեբանը
Կոմունիկատորի վստահելիություն. հոգեբանն ասել է` որ դեպքերում են մարդիկ տրվում ասեկոսեներին
Ինչ հոգեբանական խնդիրներ կարող է առաջացնել կորոնավիրուսը. պարզաբանում է մասնագետը