ԵՐԵՎԱՆ, 8 ապրիլի – Sputnik. ՀՀ վարչապետի աշխատակազմի ղեկավարի տեղակալ Տարոն Չախոյանը վստահեցնում է, որ Նիկոլ Փաշինյանի ու «Հայ իրավաբանների ասոցիացիայի» երեկվա հանդիպումից առաջ նախօրոք հարցեր չեն բաժանվել։
«Վարչապետի և «Հայ իրավաբանների ասոցիացիայի» ներկայացուցիչների հանդիպումը եղել է դռնփակ, և անտրամաբանական էր ու իմաստ չուներ անգամ դռնփակ հանդիպմանը նախօրոք նախապատրաստել վարչապետին տրվող հարցերը»,– Facebook–ի իր էջում գրել է նա։
Ի՞նչ ցույց տվեց Փաշինյանի և Պուտինի հանդիպումը․ ռուս փորձագետի կարծիքը
Չախոյանը շեշտել է, որ Փաշինյանի և «Հայ իրավաբանների ասոցիացիայի» ներկայացուցիչների հետ հանդիպումն անցել է ջերմ մթնոլորտում, ինչից հետո վարչապետը զրուցել և լուսանկարվել է նաև հյուրանոցի մուտքի մոտ հավաքված քաղաքացիների հետ։
Հիշեցնենք` երեկ տեղեկություն տարածվեց, որ հանդիպմանը Փաշինյանին ուղղվելիք հարցերը նախապես են մշակվել ու տրվել մասնակիցներին, հանդիպման մուտքը եղել է նախապես հաստատված ցուցակով:
Պուտինի հետ փաստաթուղթ չենք ստորագրել, քննարկել ենք․ Փաշինյանը` Մոսկվայի հայ իրավաբաններին