Նիկոլ Փաշինյանն ու Վլադիմիր Պուտինը. արխիվային լուսանկար

Ի՞նչ ցույց տվեց Փաշինյանի և Պուտինի հանդիպումը․ ռուս փորձագետի կարծիքը

1275
(Թարմացված է 21:21 07.04.2021)
Կրեմլում կայացավ Հայաստանի և Ռուսաստանի առաջնորդների հանդիպումը։ Քննարկվել է հարցերի լայն շրջանակ՝ Լեռնային Ղարաբաղի իրավիճակի հանգուցալուծումից մինչև առևտրային հարաբերություններ։ Ի՞նչ է մտածում այդ մասին քաղաքագետ Սերգեյ Մարկեդոնովը։

ԵՐԵՎԱՆ, 7 ապրիլի – Sputnik. Հայաստանի վարչապետ Նիկոլ Փաշինյանի և Ռուսաստանի նախագահ Վլադիմիր Պուտինի բանակցությունները ցույց են տալիս Մոսկվայի բարձր դերը հանրապետության ներքին քաղաքականության մեջ, սակայն կոնկրետ այս հանդիպումից որևէ բեկումնային փոփոխություն ակնկալել պետք չէ։ Sputnik Արմենիային տված հարցազրույցում նման կարծիք է հայտնել Մոսկվայի Միջազգային հարաբերությունների պետական ինստիտուտի Միջազգային հետազոտությունների ինստիտուտի առաջատար գիտաշխատող Սերգեյ Մարկեդոնովը։

«Հայաստանը նեքաղաքական ճգնաժամ է ապրում, իսկ Ռուսաստանը նրա գործընկերն է, ուստի երկրների համար կարևոր է քննարկել ընթացիկ իրավիճակը»,-նշեց Մարկեդոնովը։

Նախևառաջ, ըստ փորձագետի, հանդիպումը ցույց տվեց, որ ՌԴ-ն պատրաստ է աշխատել Հայաստանի գործող իշխանության հետ, ընդ որում՝ ցանկացած իշխանության հետ, որը երկու երկրների միջև հարաբերություններում հավատարիմ կլինի ռազմավարական պարտավորություններին։

«Նիկոլ Փաշինյանը երբեք կասկածի տակ չի դրել ռուս-հայկական հարաբերությունների առանցքային կողմերը՝ Գյումրու ռազմակայանը կամ ՌԴ-ի դերը ղարաբաղյան կարգավորման հարցում։ Հայաստանը Ռուսաստանի դաշնակիցն է։ Այդպես եղել է, այդպես էլ մնացել է։ Իսկ ի՞նչ այլընտրանքներ կան։ Թուրքիան ՆԱՏՕ-ի անդամ է։ Պետք չէ դա մոռանալ։ Ռուսաստանը ներհայաստանյան քաղաքականության գործիք է, ուստի և՛ գործող իշխանությունը, և՛ ընդդիմությունը հիմա մրցակցում են Մոսկվայի բարեհաճության համար»,-ասաց Սերգեյ Մարկեդոնովը։

«Քննարկելու շատ հարցեր կան». Պուտինը Փաշինյանին ասել է` որն է ամենահրատապ խնդիրը

Ընդ որում. մասնագետի կարծիքով` Վլադիմիր Պուտինի վերջին զրույցը Հայաստանի երկրորդ նախագահ Ռոբերտ Քոչարյանի հետ պետք է դիտարկել միայն որպես հանրապետությունում դատական իշխանության ինքնավարություն:

«Բավական է հիշել Օնիկ Գասպարյանի վերաբերյալ Վերաքննիչ դատարանի որոշումը, որին թույլ են տվել շարունակել գլխավոր շտաբի պետի պարտականությունները»,-օրինակ բերեց փորձագետը:

Վլադիմիր Պուտինի և Նիկոլ Փաշինյանի հանդիպումը կայացել է Մոսկվայում ապրիլի 7-ին։ Բանակցությունների ընթացքում կողմերը քննարկել են առևտրատնտեսական կապերի և տրանսպորտային երթուղիների վերականգնումը, խաղաղապահների օգնությամբ Լեռնային Ղարաբաղում իրավիճակի կարգավորումը, ինչպես նաև եվրասիական տարածքում ինտեգրացիոն միավորումներում փոխգործակցության հեռանկարները:

Մեկնարկել է Փաշինյան-Պուտին հանդիպումը. տեսանյութ

1275
թեգերը:
Նիկոլ Փաշինյան, Վլադիմիր Պուտին
Ըստ թեմայի
Փաշինյանը խախտել է չգրված կանոնները. Մարկեդոնովը՝ Քոչարյանի վերադարձի մասին
Փաշինյանի գահավիժող վարկանիշն ու նախկինները. ռուս փորձագետը` սպասվող ընտրությունների մասին
ՀՀ նախագահն այլևս «ժապավեն կտրող» չէ, այլ իր տեսլականն ունեցող խաղացող․ Մարկեդոնով
Կաթնամթերք. արխիվային լուսանկար

Կաթնամթերքի գնի էական բարձրացում չկա, բայց արտադրողները մոլորեցնում են սպառողին

14
(Թարմացված է 11:51 12.04.2021)
ՏՄՊՊՀ–ն արտադրողներից պահանջում է հստակ տարանջատել կաթ պարունակող ու բուսական յուղ պարունակող մթերքները և ապրանքի վրա գրել իրականությանը համապատասխանող տեղեկություններ։

ԵՐԵՎԱՆ, 12 ապրիլի - Sputnik. ՀՀ Տնտեսական մրցակցության հանձնաժողովն ուսումնասիրություններ է իրականացնում կաթնամթերքի շուկայում։ Տեղեկությունը լրագրողներին հայտնեց ՏՄՊՊՀ նախագահ Գեղամ Գևորգյանը։

«Խնդիրն այն է, որ կաթ ու բուսական յուղ պարունակող մթերքները պետք է իրարից հստակ տարանջատվեն, և այն տվյալները, որոնք զետեղված են ապրանքի վրա, պետք է համապատասխանեն իրականությանը, որպեսզի հասարակությանը մոլորության մեջ չգցեն»,– ասաց Գևորգյանը։

Դրա համար, նրա խոսքով, անհրաժեշտ է իրականացնել օրենսդրական փոփոխություններ։

Օրինակ` պանիրն ու կարագը համարվում են կաթնային մթերքներ, հետևաբար դրանց արտադրության մեջ արգելվում է օգտագործել ոչ կաթնային ծագման յուղեր ու ճարպեր։ Մածունը, կաթնաշոռն ու թթվասերը թեևթև կաթանային բաղադրությամբ մթերքներ են, որոնցում ևս ոչ կաթնային բաղադրիչների կիրառությունն արգելվում է։

Այս մթերքների արտադրության մեջ կարող են կիրառվել միայն կաթնային ճարպի փոխարինիչներ` ոչ ավելի, քան 50 տոկոս։ Եվ դրա կիրառման մասին արտադրողը պետք է պարտադիր գրի մակնշման մեջ, ընդ որում` խոշոր տառատեսակներով։

Գևորգյանը նաև հայտնեց, որ այս շուկայում գնի էական բարձրացում չկա։ Շուկան կենտրոնացած չէ, ոլորտի արտադրողները թիվը Հայաստանում մի քանի տասնյակ է, հետևաբար մեծ է նաև մրցակցությունը, ինչը նվազեցնում է հակամրցակցային համաձայնությունների ռիսկը։

Գևորգյանը շեշտեց, որ անցնող 2 տարիների ընթացքում հանձնաժողովը պարբերաբար ստուգումներ է իրականացրել կաթնամթերքի շուկայում, և ամեն հաջորդ ստուգման արդյունքներով ավելի քիչ խախտումներ են արձանագրվել։

Առաջ կարողանում էինք 10 000 դրամով նորմալ գնումներ անել. քաղաքացիները` թանկացումների մասին

«Սակայն այսօր չենք կարող ասել, որ դաշտն ամբողջությամբ զերծ է իրավախախտումներից։ Հիմա հավաքել ենք նաև տնտեսվարող սուբյեկտներին, որպեսզի ցույց տանք, թե ինչպես է պետք մակնշումը կատարել»,– ասաց Գևորգյանը։

Նշենք, որ կաթնամթերքի արտդրությամբ զբաղվող գործարարների հետ քննարկումը նախատեսված է Գևորգյանի ասուլիսից անմիջապես հետո։

Ինչու և ինչքան են Հայաստանում թանկացել ապրանքները վերջին մեկ տարում

14
թեգերը:
Գեղամ Գևորգյան, արտադրություն, Հայաստան, թանկացում, Կաթնամթերք
Ըստ թեմայի
Արտաքին պարտքի ավելացումը՝ գնաճի «հարուցիչ». ինչո՞վ է զբաղված կառավարությունը
«Հակառակ դեպքում ես այսօր չէի գա». ԿԲ փոխնախագահը վստահեցրել է` գնաճը կառավարելի է
ԿԲ նախագահը գնաճի վերաբերյալ տեղեկություններ է ներկայացրել Արմեն Սարգսյանին
«ԱՐՄԵՆԱԼ»

«Արմենալը» 24 հազար քմ չօգտագործվող հող ռեկուլտիվացիայի կենթարկի. մրցույթ կհայտարարվի

6
(Թարմացված է 11:36 12.04.2021)
Քիմիական հետազոտության արդյունքներից հետո կսկսվի թույլատրության փաստաթղթային ձևակերպումը բնապահպանական մարմինների և Երևանի քաղաքապետարանի հետ:

ԵՐԵՎԱՆ, 12 ապրիլի - Sputnik. «ԱՐՄԵՆԱԼ»-ը սկսել է չօգտագործվող հողերի ռեկուլտիվացիայի ծրագրի իրագործումը գործարանի տարածքում: Տեղեկությունը հայտնում է ընկերության մամուլի ծառայությունը։

Նշվում է,  որ վերականգնման է ենթակա 24 հազար քառ. մետր տարածությամբ տեղամաս, որտեղ գտնվել են Քանաքեռի ալյումինի գործարանի (ԿանԱԶ)  էլեկտրոլիզի երկու արտադրամասերը:

Ռեկուլտիվացիայի աշխատանքներին նախորդել է էլեկտրոլիզային մասնաշենքերի ապամոնտաժը Հայաստանի ԱԻՆ մասնագետների հսկողությամբ և արդյունաբերական անվտանգության կանոնների պահպանմամբ: Մաքրված տարածքում մինչև երեք մետր խորությամբ հողի նմուշառում է կատարվել 20 մետաղների պարունակության ստուգման համար:

«Ծրագիրը նախատեսում է հողի մակերեսային շերտի փուլային ռեկուլտիվացիա: Քիմիական հետազոտության արդյունքներից հետո կսկսվի թույլատրության փաստաթղթային ձևակերպումը բնապահպանական մարմինների և Երևանի քաղաքապետարանի հետ:Հաջորդ քայլը կլինի վերականգնված տարածքների իրացումը»,–նշված է հաղորդագրության մեջ:

«ԱՐՄԵՆԱԼ»-ի աշխատանքի պահպանության, արդյունաբերական անվտանգության և էկոլոգիայի բաժնի պետ Վահե Թամրազյանը հայտնել է, որ կանցկացնեն մրցույթ մասնագիտացված կազմակերպությունների միջև:  Հաղթողին կհանձնարարեն մշակել մի քանի տարբերակներ, օրինակ, կանաչ գոտու ստեղծում, արևային մարտկոցների համալիր կամ մարզահրապարակ գործարանի հրշեջ ծառայության վարժանքների համար հատվածով։

Աշխատակիցների անվտանգությունն ապահովված է. «Արմենալը» շարունակում է արտադրանք թողարկել

Հիշեցնենք` ԿանԱԶ-ի էլեկտրոլիզային արտադրությունը դադարեցվել էր բնապահպանական պատճառներով 1984 թ., որից հետո ձեռնարկությունն ամբողջապես անցել էր ալյումինե փայլաթիթեղի արտադրության:

«Արմենալը» ստեղծվել 2000 թ. մայիսին  Երևանում Քանաքեռի ալյումինի գործարանի հիմքի վրա: Այն Հայաստանի խոշորագույն արդյունաբերական ձեռնարկություններից է, Կովկասում և Կենտրոնական Ասիայում ալյումինե փայլաթիթեղի միակ արտադրողը: «Արմենալը» «ՌՈՒՍԱԼ»-ի կազմի մեջ է մտել 2000 թվականից:

6
թեգերը:
մրցույթ, Հող, Արմենալ
Ըստ թեմայի
Հայաստանի տնտեսության 1,7% անկում. Եվրասիական զարգացման բանկի կանխատեսումը
Թվեր և փաստեր. Հայաստանը 6 տարվա ընթացքում որքա՞ն առևտուր է արել ԵԱՏՄ–ում
Հայկական փայլաթիթեղը սպառնո՞ւմ է ԱՄՆ-ի ազգային անվտանգությանը. դասեր՝ Հայաստանի համար

Խաղաղապահներն Ասկերանի բնակիչներին օգնել են վերականգնել Մեծ հայրենականի զոհերի հուշարձանը

0
Հումանիտար արձագանքման կենտրոնի կողմից գրանցվել է Հայրենական մեծ պատերազմի զոհերի հիշատակին նվիրված 58 հուշարձան։

Լեռնային Ղարաբաղի Ասկերանի շրջանում ռուսական խաղաղապահ զորախմբի զինծառայողները տեղի բնակիչներին օգնել են վերականգնել Հայրենական մեծ պատերազմի հերոսների հուշարձանը:

Ինչպես հայտնում են Հումանիտար արձագանքման կենտրոնից, զինվորականների օգնությամբ Ասկերանի շրջանի բնակիչների հետ միասին վերանորոգվել ու ներկվել է հուշարձանի ցանկապատը, մաքրվել հարակից տարածքը։

Վերանորոգված հուշարձանը կառուցվել է 1960-ական թվականներին։

Ընդհանուր առմամբ, Հումանիտար արձագանքման կենտրոնի կողմից գրանցվել է Հայրենական մեծ պատերազմի զոհերի հիշատակին նվիրված 58 հուշարձան։

Խաղաղապահներն իրենց առաքելությունը շարունակում են ցանկացած եղանակի դեպքում․ տեսանյութ

0
թեգերը:
Հայրենական մեծ պատերազմ, Հուշարձան, խաղաղապահ, Ասկերան
Ըստ թեմայի
Շուշիի մոտակայքում խաղաղապահների օգնությամբ վերացվել է գազատարի վթարը․ տեսանյութ
Ադրբեջանցիների սադրանքներն ուղղված են ռուս խաղաղապահների և ՌԴ–ի դեմ. Տիգրան Աբրահամյան
Ռուս խաղաղապահները մարդասիրական օգնություն են հասցրել Վարդաձորի բնակիչներին