Թթվածնի ապարատ

ԵՄ-ն և ԱՀԿ-ն Հայաստանին 100 թթվածնի խտացուցիչ են նվիրել

21
(Թարմացված է 18:17 07.04.2021)
Առաջիկա ամիսներին Հայաստանը կստանա նաև 22 արհեստական շնչառության սարք։

ԵՐԵՎԱՆ, 7 ապրիլի- Sputnik. Եվրոպական միությունը (ԵՄ) և Առողջապահության համաշխարհային կազմակերպությունը (ԱՀԿ) ՀՀ առողջապահության նախարարությանն են նվիրաբերել 100 թթվածնի խտացուցիչ։ Տեղեկությունը հայտնում է նախարարության մամուլի ծառայությունը։ Սարքերը կօգնեն COVID-19-ով հիվանդներին։

«Թթվածնի խտացուցիչները COVID-19-ով հոսպիտալացված հիվանդներին թթվածնով ապահովելու ոչ ինվազիվ միջոց են: Նման հավելյալ թթվածինն առաջին անհրաժեշտ քայլն է COVID-19-ի ծանր ընթացքի դեպքում արյան մեջ թթվածնի ցածր մակարդակ ունեցողների բուժման համար»,- նշված է հաղորդագրության մեջ։

Նախարարությունից հիշեցնում են, որ համավարակի հետևանքով ստեղծված ճգնաժամի սկզբից ի վեր ԵՄ-ն և ԱՀԿ-ի Եվրոպական տարածաշրջանային գրասենյակն ակտիվորեն աջակցում են Հայաստանին կորոնավիրուսային հիվանդության դեմ պայքարում: Այս աջակցությունը ևս տրամադրվում է COVID-19-ի համավարակին ուղղված ԵՄ արձագանքման շրջանակում։ Դեռ 2020 թվականին ծրագրի շրջանակում տրամադրված 100 թթվածնի խտացուցիչները բաշխվել են COVID-19 սպասարկող հիվանդանոցներին՝ օգնելով հարյուրավոր հիվանդների։

Բժիշկը հերքել է կորոնովիրուսի դեմ պատվաստման միջոցով բնակչության «չիպավորման» միֆը

Բացի այդ, տրամադրվել են նաև 50 հազարից ավելի անհատական պաշտպանիչ միջոցներ, 20 էլեկտրասրտագրության սարք և 11 պացիենտի մոնիտոր։ Ազգային լաբորատորիաներին տրամադրվել է 20 հազար բարձրորակ ՊՇՌ թեստ։ Առաջիկա ամիսներին Հայաստան կառաքվեն 22 արհեստական շնչառության սարք և 7 ֆլյուրոսկոպիայի ստացիոնար սարքավորում։

21
թեգերը:
կորոնավիրուս, Եվրամիություն, Առողջապահության համաշխարհային կազմակերպություն (ԱՀԿ), Հայաստան
Ըստ թեմայի
«Սպուտնիկ V»-ն ավելի լավ է պաշտպանում է COVID-ի նոր շտամներից, քան Pfizer-ը. աղբյուր
Դժբախտ պատահար COVID-19 սպասարկող ԲԿ–ներից մեկում. 72-ամյա պացիենտը նետվել է պատուհանից
ԱՄՆ-ն Հայաստանին հավելյալ 1 մլն դոլար է տրամադրում COVID-19-ի դեմ պատվաստման համար
Կոպիրկինը հանդիպել է Ծառուկյանի հետ

«Ռուս և հայ ժողովուրդները միասնական ապագա ունեն». Կոպիրկինը հանդիպել է Ծառուկյանի հետ

5
(Թարմացված է 15:30 22.04.2021)
Գագիկ Ծառուկյանն անդրադարձել է երկրի ներսում հակառուսական տրամադրություններ արթնացնողներին` ասելով, որ նրանք մեր երկրի թշնամին են։

ԵՐԵՎԱՆ, 22 ապրիլի - Sputnik. Ռուսաստանի համար շատ կարևոր է ԲՀԿ–ի և անձամբ ԲՀԿ առաջնորդ Գագիկ Ծառուկյանի անձնական աջակցությունը հայ–ռուսական հարաբերությունների ամրապնդման հարցում։ Ծառուկյանի հետ հանդիպման ժամանակ նման կարծիք է հայտնել Հայաստանում Ռուսաստանի դեսպան Սերգեյ Կոպիրկինը, տեղեկանում ենք Ծառուկյանի ֆեյսբուքյան պաշտոնական էջից։

«Դուք միշտ հանդես եք եկել ի պաշտպանություն հայ–ռուսական հարաբերությունների զարգացման, ինչը շատ կարևոր է հատկապես հիմա ինչպես Հայաստանի, այնպես էլ տարածաշրջանի ու ամբողջ աշխարհի համար»,–ասել է Կոպիրկինը։

Ի պատասխան Ծառուկյանը նշել է, որ հայ–ռուսական հարաբերությունների ամրապնդումն այլընտրանք չունի.«Ռուս և հայ ժողովուրդները միասնական ապագա ունեն։ Ես արդեն 15 տարի է` համոզմունք եմ հայտնում, որ մեր երկրները պետք է համատեղ բարգավաճեն»։

Ծառուկյանն անդրադարձել է երկրի ներսում հակառուսական տրամադրություններ արթնացնողներին` ասելով, որ նրանք, ովքեր Հայաստանում հակառուսական գործունեությամբ են զբաղվում, նրանք նաև հակահայկական գործունեությամբ են զբաղվում` նրանք մեր երկրի թշնամիներն են։

Նշենք, որ հանդիպման ընթացքում քննարկվել են տարածաշրջանում հետպատերազմական իրավիճակը, ռազմագերիների վերադարձի գործընթացը և ներքաղաքական օրակարգին առնչվող կարևորագույն այլ հարցեր:

5
Քրիստինե Պեպելյան

Կարևորը մոմն է, որը «սքոչել են» ձմերուկին. Քրիստինե Պեպելյանը նշում է ծննդյան 41-ամյակը

26
(Թարմացված է 14:49 22.04.2021)
Ճանաչված երգչուհու ծննդյան օրը նրա ընկերուհին զվարճալի անակնկալ է մատուցել, որը ուրախացրել է բոլորին։

ԵՐԵՎԱՆ, 22 ապրիլի –Sputnik. Ճանաչված երգչուհի Քրիստինե Պեպելյանն այսօր նշում է իր  ծննդյան 41-ամյակը: Նշենք, որ երգչուհի Քրիստինե Պեպելյանը մշտական բնակություն հաստատել ԱՄՆ-ում:

Ծննդյան տոնի առթիվ, երգչուհին զվարճալի տեսանյութ  է հրապարակել Instagram-ի իր էջի «story»– ի բաժնում։

Տեսանյութում երևում է, որ երգչուհուն յուրահատուկ անակնկալ է արել ընկերուհին` Անի Աղայանը։ Նա  մի ձմերուկ է գնել, որի վրա կպչուն ժապավենով վառվող մոմ է ամրացրել։

«Այս տարի, իմ ծննդյան տարեդարձին, ես տորթ չունեմ, դե հիմա այդպես է ստացվել, բայց ո՞վ է ասում, որ տորթն է կարևոր, կարևորը մոմն է, որը «սքոչել են» ձմերուկին։ Միայն Անին կարող էր այսպիսի բան մտածել։ Հիմա ձեզ մոտ հարց կառաջանա, մի թե ողջ Լոս Անջելեսում մեկ հատ տորթ չկա՞ր, ոչ, այս ժամին չկար», – կատակում է երգչուհին, այնուհետև երգում «Happy birthday to me» երգն ու փչում մոմը։

Կյանքս կյանքիդ գնով. Քրիստինե Պեպելյանի հուզիչ երգը ընկած տղաների հիշատակին

Չնայած երգչուհին հյուրախաղերով և համերգներով եղել է աշխարհի բազմաթիվ երկրներում, նախընտրել է բնակվել Լոս Անջելեսում։

Երգչուհին թողարկել է «Որ հիշես» (2004թ.), «About me» (2005թ.), «Live in concert» (2006թ.), «Շնորհակալ եմ» (2013թ.) ձայնասկավառակները և 2 տեսասկավառակ: Նկարահանել է ավելի քան 20 տեսահոլովակ:

26
թեգերը:
Լոս Անջելես, տորթ, ձմերուկ, ծնունդ, Քրիստինե Պեպելյան
Ըստ թեմայի
«Ամուսինս Արցախում է. ո՛չ մեկնելուց ենք գրել, ո՛չ էլ սպասել է, որ իրեն կանչեն». Սիրուշո
Ինչ է պատրաստել Նազենի Հովհաննիսյանն այսօր. դերասանուհին պահքի ուտեստներ է ներկայացրել
Նազենի Հովհաննիսյանն առաջին անգամ խմորեղեն է թխել, Սոֆի Մխեյանն էլ նկարել է. տեսանյութ