Նիկոլ Փաշինյան

Ուժեղ, ծաղկուն հայրենիքն է, որ պիտի սպեղանի դառնա. Փաշինյանը շնորհավորական ուղերձ է հղել

85
(Թարմացված է 10:33 07.04.2021)
Փաշինյանը շնորհավորանքի իր ուղերձում սփոփանքի խոսքեր է հղել գերեվարված մեր հայրենակիցների մայրերին, կանանց, դուստրերին և քույրերին։ Նա նշել է, որ ամեն հնարավորն արել և անում են՝ նրանց հայրենիք վերադարձնելու համար:

ԵՐԵՎԱՆ, 7 ապրիլի – Sputnik. ՀՀ վարչապետ Նիկոլ Փաշինյանը շնորհավորական ուղերձ է հղել Մայրության և գեղեցկության տոնի առթիվ:Տեղեկությունը հայտնում են ՀՀ կառավարության մամուլի ծառայությունից։

«Արդեն երկու տարի անընդմեջ այս տոնը մենք անցկացնում ենք բարդ ժամանակաշրջանում. նախ համավարակը, ապա նաև Արցախի դեմ սանձազերծված պատերազմը բոլորիս պահեցին տագնապի և ցավի մեջ: Այս ծանր ժամանակաշրջանում դուք ձեր ուժով և էներգիայով կարողանում եք գոտեպնդել ձեր ընտանիքներին, մտերիմներին, միմյանց, ինքներդ էլ մնալ ամուր` ձեր ուսերին կրելով ծառացած խնդիրների ու դժվարությունների ծանր բեռը՝ տանը, ռազմի դաշտում, բուժհաստատությունում, ուսումնական հաստատությունում, աշխատանքային և հանրային ցանկացած ոլորտում, որտեղ գործունեություն եք ծավալում։

Խոնարհվում եմ ձեր առաջ՝ այն դաստիարակության և կրթության համար, որ դուք տալիս եք ձեր զավակներին` մեր երկրի արժանի քաղաքացիներին։ Խոնարհումի առանձնակի խոսքեր եմ հղում Արցախյան պատերազմներում նահատակված մեր եղբայրների մայրերին, կանանց, քույրերին ու դուստրերին»,–ասված է վարչապետի ուղերձում։:

Նա նշել է, որ հասկանում է, որ ոչինչ այսօր չի կարող սփոփել հայ կանանց, բայց և վստահ է՝ ուժեղ, ծաղկուն, ինքնավստահ ու զարգացող հայրենիքն է, որ պիտի սպեղանի դառնա նարնց վերքերին:

«Սփոփանքի խոսքեր եմ հղում մեր գերեվարված հայրենակիցների մայրերին, կանանց, դուստրերին և քույրերին. մենք ամեն հնարավորն արել եւ անում ենք՝ մեր եղբայրներին հայրենիք վերադարձնելու համար: Ցավով եմ հիշում, որ մեր գերեվարված հայրենակիցների մեջ դեռևս կին կա, և իմ ցավը թող ուժ ու կորով դառնա նրա ու մեր բոլոր գերեվարված հայրենակիցների համար՝ միասին հաղթահարելու այս փորձությունը»,–ասել է Փաշինյանը:

Նա ընդգծել է, որ համոզված է, որ միասին՝ ուս ուսի տված, կկարողանանք մեր երկիրը ոտքի կանգնեցնել` աշխատելով հանուն զարգացող, շենացող ու առաջ նայող Հայաստանի ու Արցախի։

Ամառը չի եկել, բայց նրանք արդեն լողազգեստով են. աստղային հայուհիների կրքոտ լուսանկարները

Փաշինյանը նաև վստահություն է հայտնել որևէ դժվարություն չի կարող ընկճել հայ կանանց։ Նա նշել է, որ հայրենիքը շեն ու բարեկեցիկ, ազատ ու երջանիկ տեսնելու մեր ոգին երբեք չի հանձնվի:

Ապրիլի 7-ին Հայ Առաքելական Եկեղեցին նշում է Ս. Մարիամ Աստվածածնի Ավետման տոնը։ Ապրիլի 7-ին բոլոր եկեղեցիներում Ս. Պատարագ է մատուցվում, որպես մայրերի և մայրության բերկրանքին սպասող կանանց օրհնության օր։

85
թեգերը:
Կին, Հայաստան, շնորհավորանք, Նիկոլ Փաշինյան
Արխիվային լուսանկար

Երևանում և մարզերից 5–ում ժամեր շարունակ էլեկտրական հոսանք չի լինելու

1
(Թարմացված է 09:18 23.04.2021)
ՀԷՑ–ից հիշեցնում են, որ սպառած էլեկտրաէներգիայի, անջատումների, ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել շուրջօրյա գործող հեռախոսահամարներով:

ԵՐԵՎԱՆ, 23 ապրիլի – Sputnik. «Հայաստանի էլեկտրական ցանցեր» ընկերությունը տեղեկացնում է, որ ապրիլի 12-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը.

Երևան քաղաքում՝

10:00-16:00 Նոր Նորք 3-րդ զանգ.՝ Գյուրջյան փ. 5, 11/3, 11/4, 15/1, 17, 17/3 շենքեր, Քոչարյան փ. 4 շենք, Քոչարյան նրբ. 5 շենք, Գայի պող. 26, 28, 32 շենքեր և հարակից ոչ բնակիչ-բաժանորդներ, Սարի Թաղի 2-10 շարքեր մասնակի, Մյասնիկյան պող. 12-35 սեփական տներ և հարակից ոչ բնակիչ-բաժանորդներ, Աէրացիա թաղ. 6 շենք, Աէրացիա թաղ. 1/1 շենք և հարակից ոչ բնակիչ-բաժանորդներ,

11:00-17:00 Կիևյան փ. 10 շենք, Վաղարշյան փ. 15 շենք, Արաբկիր 49 փողոցի սեփական տները և հարակից ոչ բնակիչ-բաժանորդները, Կոմիտասի պող. 12/1 շենք, Դումանի փողոցի սեփական տներ և հարակից ոչ բնակիչ-բաժանորդներ, Մանուշյան փողոցի սեփական տներ և հարակից ոչ բնակիչ-բաժանորդներ, Արաբկիր 29 փողոցի սեփական տներ և հարակից ոչ բնակիչ-բաժանորդներ, Վ.Դավթյան փ. 1/4 շենք և հարակից ոչ բնակիչ-բաժանորդներ, Սունդուկյան փ.13, 15, 15/4 շենքեր, սեփական տները և հարակից ոչ բնակիչ-բաժանորդներ, Հր.Քոչարի փ. 14, 14/1, 14/2 շենքեր և հարակից ոչ բնակիչ-բաժանորդներ, Ռուբինյանց փ. 47/1 շենք, Շարուրի փ․ 17, 19, 21, 23, 25, 27, 29, 31, 33, 35 շենքեր, Շարուրի փողոցի օժանդակ տնտեսություն, Շևչենկո փ․ 1, 4, 6 շենքեր, Եղբայրության փ․ 4, 6, 8 շենքեր, Պապովի, Տիմիրյազևի փողոցներ սեփական տներ, Աէրացիա թաղ. 1, 2, 1/1ա, 3, 3/1, 21/ա շենքեր և հարակից ոչ բնակիչ-բաժանորդներ,

Կոտայքի մարզում՝

10։00-16։30 Եղվարդ համայնք՝ Արա Գեղեցիկի, Սաֆարյան, Նոր Թաղ, Նար-Դոսի, Պարույր Սևակի 1, 2, 3 փողոցներ և հարակից ոչ բնակիչ-բաժանորդներ, Քանաքեռավան համայնք՝ 9, 10, 11 փողոցներ և հարակից ոչ բնակիչ-բաժանորդներ,

11։00-16։30 Բյուրեղավան համայնք՝ 12, 13, 14, 15, 16 շենքեր, 49 շենք և հարակից ոչ բնակիչ-բաժանորդներ,

11։00-17։00 Ձորաղբյուր, Գեղաշեն և Նոր-Գյուղ գյուղեր մասնակի,

Արարատի մարզում՝

10:00-12:00 Դարակերտ գյուղ, Խաչփառ և Ղուկասավան գյուղեր մասնակի,

10:00-14:00 Հովտաշատ գյուղ մասնակի,

10:30-16:00 Մրգավան գյուղ մասնակի,

13:30-14:30 Շահումյան գյուղ մասնակի,

13:00-15:00 Նոր Խարբերդ և Նոր Կյուրին գյուղեր մասնակի,

Վայոց Ձորի մարզում՝

10:00-15:00 Եղեգնաձոր քաղաք՝ Իսրայել Օրի, Նալբանդյան, Կոմիտասի, Գագարինի , Սևակի, 26 Կոմիսարների, Աթարբեկյան, Ավագյան, Արսենյան, Թամանցիների, Թումանյան, Իսակովի, Իսահակյան, Լևոնյան, Խանջյան, Խաչատրյան, Միկոյան, Մյասնիկյան, Մոմիկի, Նալբանդյան, Նարեկացու, Շահումյան, Սպանդարյան, Օրբելու, Բաղդասարյան, Բաղրամյան փողոցներ մասնակի, Գետափ գյուղ մասնակի,

10:00-16:00 Վայք քաղաք՝ Ջերմուկի խճուղու 51, 53 և Սարավանի 23 շենքեր,

Տավուշի մարզում՝

11:00-13:00 Դիլիջան քաղաք՝ Կամո փողոց,

Լոռու մարզում՝

11:00-17:00 Արջուտ գյուղ, Արջուտ կայարան և Սավաշի Զինավան,

Սյունիքի մարզում՝

10:00-11:30 Սիսիան քաղաք` Շահումյան, Սպանդարյան, Րաֆֆի փողոցներ մասնակի, Խրիմյան, Մայիսյան, Հովնան Որոտնեցի փողոցներ,

12:00-13:30 Սիսիան քաղաք՝ Բակունցի, Տիգրան Մեծի, Առուստամյան, Աղայան, Րաֆֆի փողոցներ մասնակի և Սայաթ-Նովա փողոց,

14:00-15:00 Սիսիան քաղաք՝ Տերյան, Թումանյան, Րաֆֆի փողոցներ մասնակի և Կամո փողոց:

ՀԷՑ–ից հիշեցնում են, որ սպառած էլեկտրաէներգիայի, անջատումների, ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

Էներգետիկ առումով ծանր տարի է սպասվում. ատոմակայանը 140 օր կկանգնի

1
թեգերը:
Մարզ, Երևան, Լույս, Հայաստանի էլեկտրական ցանցեր (ՀԷՑ)
Ըստ թեմայի
Նոր ատոմակայանի, նոր պղնձաձուլարանի ու երկաթուղու բացումը մեկ շղթայի օղակներ են. Փաշինյան
Նոր ատոմակայանի կառուցումն իրատեսական չէ. Արմեն Մանվելյան
Մոսկվայում կքննարկվի Հայաստանում նոր ատոմակայան կառուցելու հնարավորությունը
Արխիվային լուսանկար

Բժիշկն ասել է՝ ինչն է ներարգանդային կյանքում ազդում երեխայի ուղեղի զարգացման վրա

7
(Թարմացված է 08:56 23.04.2021)
Բժշկական գիտությունների թեկնածու, մանկաբույժ Գալինա Ասմոլովան ՌԲԱ-ին (ռուսական բժշկական ամսագիր) ասել է՝ ինչպես պոտենցիալ տաղանդավոր երեխա ունենալ ու մեծացնել։

ԵՐԵՎԱՆ, 23 ապրիլի - Sputnik. Բարձրագույն կարգի բժիշկ, մանկաբույժ Գալինա Ասմոլովան խոսել է այն գործոնների մասին, որոնք ներարգանդային կյանքում ազդում են երեխայի ուղեղի զարգացման վրա: Նա առանձնացրել է երկու կարևորագույն չափանիշներ՝ երեխայի հուզական շրջապատն ու սնունդը, որը կինը ստանում է պտուղը կրելու ժամանակաշրջանում: Նա հայտնել է դա ռուսական բժշկական ամսագրին տված հարցազրույցում։

«Հղի կնոջ պրեկոնցեպտիկ պատրաստումը կարող է ազդել պտղի ու նորածին երեխայի ուղեղի զարգացման վրա», - ասել է Ասմոլովան:

Այս նախապատրաստումը հիմք է համարվում մանկաբարձ-գինեկոլոգների համար պատշաճ հղիության, ծննդաբերության ընթացքը ճիշտ վարելու համար ու կարևորագույն նշանակություն ունի հղիության ընթացքի համար։ 

Օրինակ, մոր կրծքի կաթը պետք է հարստացվի բազմաթիվ միկրո և մակրո տարրերով: Միշտ չէ, որ սննդամթերքը կարող է ամբողջությամբ լրացնել օրգանիզմում անհրաժեշտ տարրերի պակասը, ուստի վիտամինային համալիրների կազմում չհագեցած ճարպային թթուների օգտագործումը հիմք է հանդիսանում երեխայի ուղեղի ճիշտ զարգացման համար:

Այսպիսով, մոր ճիշտ ընտրած սնունդն ու նրա հուզական առողջությունը հիմնական պայմաններն են, որ խելացի ու մեծ ներուժով երեխա ծնվի:

Ի՞նչ պետք է ուտել քնելուց առաջ. բժիշկը խոսել է վտանգավոր սննդի մասին

7
թեգերը:
ուղեղ, երեխա, Կին, հղի
Ըստ թեմայի
Լյարդի խնդիր ունեցողները պետք է շատ սուրճ խմեն. բժիշկն ասել է` ինչու
Նարգիլեն ավելի վտանգավո՞ր է. բժիշկը զգուշացնում է ծխողներին
Բժիշկը բացատրել է՝ ինչպես է պետք սթրեսը «ջրով կտրել»