Արխիվային լուսանկար

Ի՞նչ պետք է անի Թուրքիան տարածաշրջանի խաղաղության համար. Փաշինյանի պատասխանն «Ինտերֆաքսին»

316
(Թարմացված է 12:31 06.04.2021)
Հայաստանի վարչապետ Նիկոլ Փաշինյանը նշել է, որ Անկարայի թշնամական քաղաքականությունը նոր թափ է ստացել 2020թ․-ի սեպտեմբեր-նոյեմբերին Լեռնային Ղարաբաղում մարտական գործողությունների ընթացքում։

ԵՐԵՎԱՆ, 6 ապրիլի – Sputnik. Անկարան պետք է փոխի Երևանի հանդեպ ագրեսիվ քաղաքականությունը։ Այս մասին ՀՀ վարչապետ Նիկոլ Փաշինյանը հայտարարել է «Ինտերֆաքսին» տված հարցազրույցում։

Փաշինյանը հիշեցրել է, որ հայ-թուրքական սահմանը պաշտոնական Անկարայի կողմից միակողմանի կարգով փակվել է դեռևս 1993թ․-ին։

«Հայաստանը միշտ էլ հանդես է եկել Թուրքիայի հետ հարաբերությունների կարգավորման օգտին՝ առանց նախապայմանների, բայց դա մերժել է հենց Թուրքիան»,-նշել է Փաշինյանը։

ՀՀ վարչապետն ընդգծել է, որ Անկարայի թշնամական քաղաքականությունը նոր թափ է ստացել 2020թ․-ի սեպտեմբեր-նոյեմբերին Լեռնային Ղարաբաղում մարտական գործողությունների ընթացքում։

«Մասնավորապես, Թուրքիան Ադրբեջանին ուղիղ ռազմաքաղաքական և ռազմատեխնիկական աջակցություն է ցուցաբերել՝ Ղարաբաղյան հակամարտության գոտի նետելով օտարազգի զինված գրոհայիններին։ Այդ համատեքստում, հաստատուն խաղաղության և տարածաշրջանում տնտեսական նկարագրի վերականգնման համար Թուրքիան պետք է փոխի այս ագրեսիվ քաղաքականությունը Հայաստանի հանդեպ»,-կարծում է Փաշինյանը։

Երևանի և Անկարայի միջև հարաբերությունների թեմայով բանավեճերն ակտիվացան Հայաստանի քաղաքական ղեկավարության մի քանի աղմկահարույց հայտարարություններից հետո։ Սկզբում վարչապետ Նիկոլ Փաշինյանն ասել էր, որ պետք է տարածաշրջանում բերանպաստ մթնոլորտ ձևավորել Հայաստանի շուրջ, իսկ «դրա համար մենք պետք է փոխենք մեր տեսանկյունը տարածաշրջանի նկատմամբ»։ Մի քանի օր անց Անվտանգության խորհրդի քարտուղար Արմեն Գրիգորյանը Հանրային հեռուստաընկերությանը տված հարցազրույցի ընթացքում պատասխանելով հաղորդավարի հարցին, թե արդյո՞ք Թուրքիան հանդիսանում է Հայաստանին թշնամի պետություն, հայտարարել էր, որ «մենք պետք է որոշ շտկումներ մտցնենք մեր մոտեցումներում»։

Սիրել թշնամուն` չի նշանակում հպատակվել. եպիսկոպոսը՝ թուրքերի հանդեպ վերաբերմունքի մասին

316
թեգերը:
խաղաղություն, Նիկոլ Փաշինյան, Հայաստան, Թուրքիա
Ըստ թեմայի
Ո՞ր դեպքում ռուս-թուրքական պատերազմի սցենարն իրականություն կդառնա
ՀՀ քաղաքացին թուրքական հատուկ ծառայությանը տեղեկություններ է փոխանցել. նա կալանավորվել է
Մակունցն ասաց` ինչ համատեքստում են Թուրքիայի նկատմամբ կեցվածքը փոխելու հայտարարությունները
Микаел Мелкумян

Ինչո՞ւ իջավ դոլարի գինը, ի՞նչ է կատարվում երկրում․ պատգամավորը ԿԲ-ից պատասխան է պահանջում

3
(Թարմացված է 17:56 13.04.2021)
Երբ ԱԺ-ում ՀՀ կենտրոնական բանկի նախագահի տեղակալ Ներսես Երիցյանին հարցրեցին, թե արդյո՞ք դոլարի փոխարժեքի բարձրացումն ուՀՀ-ում գրանցվող գնաճը կառավարելի են, Երիցյանն ասաց, որ հակառակ դեպքում ինքն ԱԺ չէր գա ու կզբաղվեր այդ գործով։

ԵՐԵՎԱՆ, 13 ապրիլի – Sputnik. Դոլարի փոխարժեքը շուրջ կես տարի անընդմեջ բարձրանալուց հետո վերջին մի քանի օրվա ընթացքում Հայաստանում նվազել է շուրջ 15-20 դրամով։ Այսօր այս խնդրին ԱԺ-ի ամբիոնից անդրադարձավ «Բարգավաճ Հայաստան» խմբակցության անդամ Միքայել Մելքումյանը՝ արձանագրելով, որ նման անսպասելի անկման պատճառը եղել է այն, որ ԿԲ-ն միանգամից 56 մլն դոլարի ներարկում է արել ՀՀ ֆինանսական շուկա։

«Ես ուզում եմ հասկանալ՝ երբ դոլարի գինը 530-532 դրամից 2 օրվա մեջ հասավ 545-547 դրամի, դա օրինաչա՞փ երևույթ էր»,- ասաց Մելքումյանը, ԿԲ-ից պահանջելով հրապարակավ մեկնաբանել, թե ինչ է կատարվում ՀՀ ֆինանսական շուկայում, և ի վերջո ԿԲ-ն իր գործառույթներն իրականացրե՞լ է, թե՞ ոչ։

«2 օր դու հետևում ես, որ անընդհատ աճում է ու մի կախարդական փայտիկի հարվածով իջեցնում են։ Հիմա մենք չգիտենք, թե հաջորդիվ ինչ է լինելու, 56 մլն-ը բավարա՞ր էր, թե՞ չէ։ Թող բացատրեն։ Արտարժույթ չկա՞ երկրում»,- ասաց Մելքումյանը։

Ընդդիմադիր պատգամավորը նաև կարծիք հայտնեց, որ դոլարի փոխարժեքի շարունակվող բարձրացումը հետևանք է արտահանման ծավալների կրճատման, ներդրումների դադարեցման, շինարարության ծավալների անկման և այլն, ԿԲ-ից ակնկալելով այս բոլոր հարցերի պատասխանները։

Հիշեցնենք՝ ապրիլի 6-ին, երբ ԱԺ-ում ՀՀ կենտրոնական բանկի նախագահի տեղակալ Ներսես Երիցյանին հարցրին, թե արդյո՞ք դոլարի փոխարժեքի բարձրացումն ու ՀՀ-ում գրանցվող գնաճը կառավարելի են, Երիցյանն ասաց․ «Իրավիճակը կառավարելի է, հակառակ դեպքում ես այսօր չէի գա, կզբաղվեինք այդ գործով»։

Երկու օր անց՝ ապրիլի 8-ին, ԿԲ-ն հայտարարեց, որ ՀՀ ֆինանսական շուկաների բնականոն գործունեության ապահովման նպատակով ՀՀ արտարժութային շուկայում գործառնություններ կիրականացնի։

Այդ գործառնությունների արդյունքում դոլարի փոխարժեքը Հայաստանում միանգամից նվազեց շուրջ 20 դրամով։

Ինչու է դոլարի փոխարժեքը տատանվում և ինչ զարգացումներ են սպասվում արժութային շուկայում

3
Դին տեղափոխում են շտապօգնության ավտոմեքենա, արխիվային լուսանկար

Ողբերգական դեպք Սյունիքում. պայթյունի հետևանքով 45-ամյա տղամարդ է մահացել

9
(Թարմացված է 17:45 13.04.2021)
Տղամարդը զոդման աշխատանքներ է իրականացրել Ագարակ-Կարճևան ավտոճանապարհին, այդ ընթացքում պայթյուն է տեղի ունեցել։

ԵՐԵՎԱՆ, 13 ապրիլի– Sputnik. Այսօր ողբերգական դեպք է տեղի ունեցել Սյունիքի մարզում: Ժամը 16:50-ի սահմանում ոստիկանության Մեղրիի բաժինը «Մեղրի» բժշկական կենտրոնից ահազանգ է ստացվել, որ իրենց մոտ տղամարդու դի է տեղափոխվել: Տեղեկությունը հայտնում է shamshyan.com–ը։

Հիվանդանոց են մեկնել ոստիկաններն ու քննիչները և պարզել, որ մահացածը Ագարակ քաղաքի բնակիչ, 45-ամյա Գուրգեն Աղաբեկյանն էր:

Պարզվել է նաև, որ վերջինս Ագարակ-Կարճևան ավտոճանապարհին զոդման աշխատանքներ է իրականացնելիս եղել, և այդ ընթացքում պայթյուն է տեղի ունեցել, ինչի հետևանքով էլ նա մահացել է:

Դեպքի վայր է մեկնել նաև ՀՀ արտակարգ իրավիճակների նախարարության փրկարար ծառայության Սյունիքի մարզային փրկարարական վարչության Մեղրիի հրշեջ-փրկարարական ջոկատը՝ 1 մարտական հաշվարկով:

Սիմոն Մարտիրոսյանի նկատմամբ խափանման միջոց է ընտրվել

Փաստի առթիվ Սյունիքի մարզային քննչական վարչությունում նյութեր են նախապատրաստվում:

Քննիչի որոշմամբ նշանակվել են մի շարք փորձաքննություններ, այդ թվում՝ դիակի դատաբժշկական:

Ողբերգական ավտովթար Արտաշատի կամրջի մոտ. 34–ամյա վարորդը տեղում մահացել է

9
թեգերը:
տղամարդ, Մահ, պայթյուն, Սյունիքի մարզ, Հայաստան
Ըստ թեմայի
Ողբերգական դեպք Արարատի մարզում. մեքենան մխրճվել է գնացքի մեջ, վարորդը տեղում մահացել է
Երևանի տան պատշգամբում մահացած են գտել ռուս գեներալի դստերը․ առկա է հրազենային վնասվածք
Կրակոցներ Երևանում. մի քանի մարդ հիվանդանոց է տեղափոխվել
Փրկարարները գտել են Հրազդանում կորած 55-ամյա քաղաքացու դին