Սուրեն Զոհրաբյան

Ավելի քան 70 տարվա աշխատանքային փորձ. գործընկերները հիշում են «Մարդ-լեգենդ» բժիշկին

128
Սուրեն Զոհրաբյանն այսօր կդառնար 100 տարեկան: Սաների ու կրտսեր գործընկերների սրտում վառ է ավագ ուսուցչի հիշատակը։

ԵՐԵՎԱՆ, 5 ապրիլի – Sputnik. Հանրաճանաչ ու պաշտոնատար անձանց հետ հանդիպումներն ու աշխարհի տարբեր անկյուններ ուղևորությունները բժիշկ-գիտնականի՝ 7 տասնամյակից ավելի ձգվող մասնագիտական գործունեության անբաժանելի մասն էին: «Մարդ-լեգենդ». Երևանի բժշկական համալսարանի ռեկտոր Արմեն Մուրադյանն այսպես է բնորոշել նյարդաբան, նյարդավիրաբույժ, պրոֆեսոր, ՀՀ գիտության վաստակավոր գործիչ Սուրեն Զոհրաբյանին, ով Հայաստանի բժշկագիտության իրական նվիրյալներից էր:

«Սուրեն Զոհրաբյանն այն մարդկանցից էր, ով բժշկական աշխարհում լեգենդ էր դարձել հենց կենդանության օրոք: Հայաստանում նյարդավիրաբուժության հիմնադիրներներից մեկը, որ երկիր էլ մեկներ՝ ձեռնամուխ էր լինում ոչ միայն բժշկական, այլև կրթական ծրագրերի իրականացմանն ու ներդրմանը»,- այսօր՝ բժիշկ-գիտնականի ծննդյան օրը Facebook-ում գրել է Մուրադյանը:

Սուրեն Զոհրաբյանն այսօր կդառնար 100 տարեկան:  Սաների ու կրտսեր գործընկերների սրտում վառ է ավագ ուսուցչի հիշատակը։ «Հիվանդանոցի համեստ աշխատասենյակում փակցված յուրաքանչյուր սև ու սպիտակ լուսանկար, բժշկական գործիք ու անձնական իր խնամքով փայփայված պատմություն էր», - նշում է Արմեն Մուրադյանը:

Հայտնի է բժիշկ Գեորգի Պողոսյանի մահվան պատճառը. հարազատներից մեկը մանրամասներ է պատմել

Հայաստանի նյարդավիրաբուժության դպրոցի հիմնադիր, ակադեմիկոս Սուրեն Զոհրաբյանը մահվանից 1 տարի առաջ՝ 96 տարեկան հասակում, Sputnik Արմենիային հարցազրույց էր տվել, որտեղ ասել էր, որ իր կյանքում երբեք հեշտ ուղիներ չի փնտրել և ամեն ինչի հասել է իր քրտնաջան աշխատանքի շնորհիվ։

Անգամ իր վերջին ծննդյան օրը ավելի քան 70 տարվա աշխատանքային փորձ ունեցող ակադեմիկոս Զոհրաբյանը նշել էր աշխատավայրում:

128
թեգերը:
Լևոն Աբրահամյան (Մոնրեալի համալսարանի (Université de Montréal) վարակաբանության պրոֆեսոր), Արմեն Մուրադյան, բժիշկ
Արխիվային լուսանկար

Բժիշկն ասել է՝ ինչն է ներարգանդային կյանքում ազդում երեխայի ուղեղի զարգացման վրա

0
(Թարմացված է 08:56 23.04.2021)
Բժշկական գիտությունների թեկնածու, մանկաբույժ Գալինա Ասմոլովան ՌԲԱ-ին (ռուսական բժշկական ամսագիր) ասել է՝ ինչպես պոտենցիալ տաղանդավոր երեխա ունենալ ու մեծացնել։

ԵՐԵՎԱՆ, 23 ապրիլի - Sputnik. Բարձրագույն կարգի բժիշկ, մանկաբույժ Գալինա Ասմոլովան խոսել է այն գործոնների մասին, որոնք ներարգանդային կյանքում ազդում են երեխայի ուղեղի զարգացման վրա: Նա առանձնացրել է երկու կարևորագույն չափանիշներ՝ երեխայի հուզական շրջապատն ու սնունդը, որը կինը ստանում է պտուղը կրելու ժամանակաշրջանում: Նա հայտնել է դա ռուսական բժշկական ամսագրին տված հարցազրույցում։

«Հղի կնոջ պրեկոնցեպտիկ պատրաստումը կարող է ազդել պտղի ու նորածին երեխայի ուղեղի զարգացման վրա», - ասել է Ասմոլովան:

Այս նախապատրաստումը հիմք է համարվում մանկաբարձ-գինեկոլոգների համար պատշաճ հղիության, ծննդաբերության ընթացքը ճիշտ վարելու համար ու կարևորագույն նշանակություն ունի հղիության ընթացքի համար։ 

Օրինակ, մոր կրծքի կաթը պետք է հարստացվի բազմաթիվ միկրո և մակրո տարրերով: Միշտ չէ, որ սննդամթերքը կարող է ամբողջությամբ լրացնել օրգանիզմում անհրաժեշտ տարրերի պակասը, ուստի վիտամինային համալիրների կազմում չհագեցած ճարպային թթուների օգտագործումը հիմք է հանդիսանում երեխայի ուղեղի ճիշտ զարգացման համար:

Այսպիսով, մոր ճիշտ ընտրած սնունդն ու նրա հուզական առողջությունը հիմնական պայմաններն են, որ խելացի ու մեծ ներուժով երեխա ծնվի:

Ի՞նչ պետք է ուտել քնելուց առաջ. բժիշկը խոսել է վտանգավոր սննդի մասին

0
թեգերը:
ուղեղ, երեխա, Կին, հղի
Ըստ թեմայի
Լյարդի խնդիր ունեցողները պետք է շատ սուրճ խմեն. բժիշկն ասել է` ինչու
Նարգիլեն ավելի վտանգավո՞ր է. բժիշկը զգուշացնում է ծխողներին
Բժիշկը բացատրել է՝ ինչպես է պետք սթրեսը «ջրով կտրել»
Արխիվային լուսանկար

Փաշինյանի այցից հետո բերման ենթարկված Հարթաշեն բնակավայրի ղեկավարն ազատ է արձակվել

12
(Թարմացված է 08:55 23.04.2021)
Իրավապահները բերման էին ենթարկել Մեղրիի քաղաքապետին, Շուռնուխի գյուղապետի եղբորն ու այլ սյունեցիների։ Նախնական տվյալներով` 16 մարդու։

ԵՐԵՎԱՆ, 23 ապրիլի – Sputnik. Գորիսի Հարթաշեն գյուղի վարչական ղեկավարն ազատ է արձակվել։ Տեղեկությունը Facebook–ի իր էջում հայտնել է փաստաբան Բենիկ Գալստյանը։ 

ՀՀ վարչապետ Նիկոլ Փաշինյանը ապրիլի 20–ին և 21–ին գնացել էր Սյունիք, որտեղ նրան մեղմ ասած` գրկաբաց չընդունեցին։ Քաղաքացիները տարբեր համայնքներում փողոց էին դուրս եկել ու հնչեցրին ոչ այնքան կոռեկտ արտահայտություններ վարչապետի հասցեին։ Ապրիլի 22–ի առավոտյան հայտնի դարձավ, որ իրավապահները բերման են ենթարկել Մեղրիի քաղաքապետին, Շուռնուխի գյուղապետի եղբորն ու այլ սյունեցիների։ Նախնական տվյալներով` 16 մարդու։

«Հայտնի քրեական գործի շրջանակներում ապօրինի ձերբակալված Սյունիքի մարզի Գորիս համայնքի Հարթաշեն բնակավայրի ղեկավար Արմեն Խաչատրյանը դատավոր Դավիթ Հարությունյանի օրինական որոշմամբ ազատ արձակվեց»,–գրել է նա։

Տեղեկություն կա, որ Սյունիքի նախկին մարզպետին և նրա կնոջը ձերբակալելու են. հայտարարություն

Հիշեցնենք` ՀՀ վարչապետ Նիկոլ Փաշինյանին երեկ` ապրիլի 21–ին, վիրավորական արտահայտություններով ու բողոքի ակցիաներով էին դիմավորել Ագարակում, Մեղրիում ու Կապանում: Իսկ Քաջարան մուտք գործել նրան ընդհանրապես չհաջողվեց, որովհետև բնակիչները փակել էին քաղաքի մուտքը, զոհերի հարազատները` գնացել գերեզման, որ Փաշինյանը չկարողանա մտնել այնտեղ։

Խուլիգանության հոդվածով բերման էին ենթարկել Սյունիքի 16 բնակչի։

12
թեգերը:
Գյուղապետ, Ձերբակալություն, Բողոքի ակցիա, Սյունիք
Ըստ թեմայի
«Սյունեցիների քայլերն արդարացի էին». Սյունիքի նախկին մարզպետը մասնակցում է բողոքի ակցիային
Դուք իրավասու չեք կոնկրետ գործերով գնահատական տալ. ՄԻՊ–ի կոշտ արձագանքը Սյունիքի դեպքերին
Սյունիքից բերման ենթարկվածների թիվը 16-ն է. կան նաև ինքնակամ ներկայացողներ