Արմեն Սարգսյանի և Սերգեյ Կոպիրկինի հանդիպումը. արխիվային լուսանկար

ՌԴ դեսպանն ասել է` ինչ են քննարկել նախագահ Արմեն Սարգսյանի հետ

142
(Թարմացված է 13:25 03.04.2021)
Ռուսաստանի հետ հարաբերություններում նոր ճանապարհային քարտեզ մշակելու վերաբերյալ Արմեն Սարգսյանի առաջարկը Կոպիրկինը ողջունում է, բայց մանրամասներին դեռ ծանոթ չէ։

ԵՐԵՎԱՆ, 3 ապրիլի – Sputnik. Հայաստանի նախագահի հետ հանդիպումներն ավանդական բնույթ են կրում։ Այս մասին այսօր լրագրողներին ասել է ՀՀ–ում Ռուսաստանի դեսպան Սերգեյ Կոպիրկինը՝ պատասխանելով Sputnik Արմենիայի թղթակցի հարցին:

Նշենք, որ ՀՀ նախագահ Արմեն Սարգսյանը Ռուսաստանի Արտակարգ և լիազոր դեսպանի հետ հանդիպել է ապրիլի 2-ին։

«Մեր քաղաքական երկխոսությունը չի կորցրել իր ինտենսիվությունը, և կարծում եմ՝ չի կորցնի տարբեր մակարդակներում։ Նախագահի հետ իմ հանդիպումն ավանդական է, մենք պարբերաբար հանդիպում ենք երկկողմ շփումների «ժամկետները ճշտելու», գնահատականներ փոխանակելու համար»,-ասել է Կոպիրկինը։

Նրա խոսքով՝ իր համար հետաքրքիր է իմանա, թե իրավիճակն ինչպես է գնահատում Հայաստանի նախագահը։

Կոպիրկինն անդրադարձել է նաև «Ռուսաստանի հետ հարաբերությունների նոր ճանապարհային քարտեզի մշակման անհրաժեշտության» մասին Սարգսյանի հայտարարությանը։

Դեսպանը նշել է, որ երկկողմ հարաբերությունների խորացմանն ու հետագայում նոր խնդիրներին հարմարվելուն միտված ցանկացած նախաձեռնություն միայն ողջունելի կարող է լինել:

«Ինձ համար դժվար է առավել մանրամասն խոսել, քանի որ ես ավելի մանրամասն տեղեկություններ չունեմ այն մասին, թե ինչ կարող է լինել այդ ճանապարհային քարտեզում։ Բայց ընդհանուր առմամբ՝ նմանատիպ նախաձեռնությունները միայն ողջունել կարելի է»,-նշեց Կոպիրկինը։

Ռուսաստանը կողմ է գերիների վերադարձի` «բոլորը բոլորի դիմաց» սկզբունքին. Կոպիրկին

Նախորդ հարցազրույցի ընթացքում Սարգսյանը հայտարարել էր, որ Հայաստանը պետք է արմատապես փոխի իր արտաքին քաղաքականության որակը, անհրաժեշտ է առաջին հերթին առաջնակարգ վերլուծական կենտրոններ ստեղծել, նորովի հարաբերություններ կառուցել ամենաբարեկամ երկրներից մեկի՝ Ռուսաստանի հետ։

142
թեգերը:
Սերգեյ Կոպիրկին, Դեսպան, Ռուսաստան, Հայաստան, Արմեն Սարգսյան
թեմա:
Հայաստան-Ռուսաստան համագործակցություն (172)
Ըստ թեմայի
«Ղարաբաղի հարցի լուծման բանալին գտնվում է Ռուսաստանի ձեռքում». Լևոն Տեր–Պետրոսյան
15 մլն դոլար` Ռուսաստանից. Ռուդենկոն ասել է` քանի անգամ են խոսել Փաշինյանն ու Պուտինը
100 ծառ ՝ ի հիշատակ Հայրենական պատերազմի զոհերի. Երևանը միացավ «Հիշատակի այգի» ակցիային
Հրթիռի մաս՝ Արցախի Մարտունի քաղաքի մոտակայքում

Արցախյան պատերազմի ժամանակ եղել են ցեղասպանության տարրեր. Հարություն Մարության

5
(Թարմացված է 14:12 21.04.2021)
Ցեղասպանության թանգարան–ինստիտուտը խումբ է բացել, որը կուսումնասիրի արցախյան հիմնահարցը, Նախիջևանի հայության նկատմամբ 20-21-րդ դարերում իրականացված բռնությունները։

ԵՐԵՎԱՆ, 21 ապրիլի - Sputnik. Արցախյան պատերազմի ժամանակ եղել են ցեղասպանության տարրեր։ Այսօր հրավիրված մամուլի ասուլիսի ժամանակ նման կարծիք հայտնեց Ցեղասպանության թանգարան-ինստիտուտի տնօրեն Հարություն Մարությանը։

«Ցեղասպանության տարրեր եղել են Արցախյան պատերազմի օրերին` խոսքը խաղաղ բնակչության նկատմամբ կիրառվող բռնությունների, ռմբահարումների մասին է։ Բացի այդ, խաղաղ բնակչությանն իրենց բնակավայրերից արտաքսումը նույնպես ցեղասպան դրսևորում է»,–ասաց Մարությանը։

Նա հավելեց նաև, որ պատերազմի առաջին օրվանից փորձել են կապվել իրենց գիտական գործընկերների հետ, և շուրջ 160 նամակներ են ուղարկել ցեղասպանության թանգարաններ, գիտական կենտրոններ։ Որոշ կենտրոններից արձագանքներ եղել են, որոշները լռել են։

Մարությանի խոսքով` բացի այդ, պատերազմը ցույց տվեց, որ մենք օտար լեզվով մեր գիտական նյութերը ներկայացնելու խնդիր ունենք։ Հենց դրա հետ կապված էլ 2022-ին գիտաժողով կանցկացվի, որը կանդրադառնա այն թեմային, թե ինչպես է պետք դասավանդել Հայոց ցեղասպանության թեման։ Մարությանը նշեց` այստեղ աշխատելու և մտածելու տեղ կա։

Ցեղասպանության թանգարան–ինստիտուտի քաղաքականությունը փոխելու փորձ չի եղել. Մարության

Նա հայտնեց նաև, որ թանգարան–ինստիտուտի ներքին ռեսուրսներով խումբ են բացել, որը կուսումնասիրի արցախյան հիմնահարցը, Նախիջևանի հայության նկատմամբ 20-21-րդ դարերում իրականացված բռնությունները։

5
թեգերը:
Հայոց ցեղասպանություն, Հարություն Մարության
Ըստ թեմայի
Ցեղասպանության օրվա միջոցառումների շրջանակում կներկայացվի նաև Արցախի մշակութային եղեռնը
Դա պատիվ կբերի հենց ամերիկացիներին. Բայդենը կասի՞ «ցեղասպանություն» բառը
ԱՄՆ–ի կողմից Ցեղասպանության ճանաչումը կարող է սաստել Թուրքիային. Հարություն Մարության

Բռնցքամարտիկ Հովհաննես Փափազյանը փայլուն հաղթանակ տարավ ու դուրս եկավ եզրափակիչ. տեսանյութ

2
(Թարմացված է 14:05 21.04.2021)
Գերծանր քաշային կարգի եզրափակիչ մենամարտը կկայանա ապրիլի 23-ին: Հովհաննես Փափազյանը կմրցի Ուզբեկստանի ներկայացուցչի հետ:

ԵՐԵՎԱՆ, 21 ապրիլի - Sputnik. Լեհաստանի Կելց քաղաքում ընթացող աշխարհի երիտասարդական առաջությունում Հայաստանը ներկայացնող Հովհաննես Փափազյանը դուրս է եկել եզրափակիչ: Այս մասին տեղեկացնում է Բռնցքամարտի ֆեդերացիայի մամուլի ծառայությունը։

Նշվում է, որ գերծանր քաշային կարգի կիսաեզրափակչում Փափազյանը փայլուն հաղթանակ է տարել Կուբան ներկայացնող Ֆերնանդո Արզոլա Լոպեսի նկատմամբ: 3-րդ ռաունդում հայ բռնցքամարտիկը հուժկու հարվածով տապալել է մրցակցին, որից հետո մրցավարը դադարեցրել է մարտը:

«Փափազյանը գերազանց մենամարտ անցկացրեց: Կուբացիները միշտ էլ առանձնացել են իրենց տակտիկայով և տեխնիկայով, սակայն Հովհաննեսը մեծ կամքի ուժ դրսևորեց և կարողացավ փայլուն հաղթանակի հասնել»,-ասել է Հայաստանի երիտասարդական հավաքականի գլխավոր մարզիչ Կարեն Աղամալյանը:

Գերծանր քաշային կարգի եզրափակիչ մենամարտը կկայանա ապրիլի 23-ին: Հովհաննես Փափազյանը կմրցի Ուզբեկստանի ներկայացուցչի հետ:

2