Տիգրան Ավինյան

Մեծ ուշադրություն ենք դարձնելու ռազմարդյունաբերությանը․ Ավինյանը՝ ԶՈւ բարեփոխումների մասին

112
(Թարմացված է 21:52 02.04.2021)
ՀՀ փոխվարչապետի խոսքով` պատերազմի փորձը ցույց տվեց, որ որոշ դեպքերում մեր երկիրը կարող է հայտնվել և՛ օդային, և՛ ցամաքային բլոկադայի մեջ։

ԵՐԵՎԱՆ, 2 ապրիլի – Sputnik․ ՀՀ փոխվարչապետ Տիգրան Ավինյանն այսօր Արցախի հերոս, գեներալ-մայոր Արկադի Տեր-Թադևոսյանի հոգեհանգստի ժամանակ ասաց, որ Կոմանդոսը պետք է օրինակ լինի մեր զինված ուժերի, զինծառայողների համար։

«Սա մեծ կորուստ է մեզ համար․․․ Իր կերպարը, կարծում եմ, պատմության մեջ մնալու է դարերով»,- նշեց Ավինյանը։

Նա անդրադարձավ նաև այն հարցին, թե ինչպես է կառավարությունը փորձելու զարգացնել ու ամրապնդել այն բանակը, որի ստեղծման ակունքներում կանգնած է եղել հենց լեգենդար հրամանատարը։

Հայկական արտադրության նռնականետի արկերը սերիական արտադրության փուլում են. տեսանյութ

«Հիմա զինված ուժերի բարեփոխումների լայն հայեցակարգ է մշակվել, ՊՆ նախարարը գլխավորում է բարեփոխումների այդ աշխատանքային խումբը, մենք իրապես և խորքային պետք է վերանայենք մեր մոտեցումները ԶՈւ կազմակերպման առումով և բոլոր առումներով՝ և՛ առաջին գծի մասին է խոսքը, և՛ տեխնիկայի, և՛ թիկունքի։ Կարծում եմ՝ փաստահավաք խումբը, որը պետք է գործի ԶՈւ բարեփոխումների հայեցակարգի և այդ խմբի ներքո, պետք է տա շատ հարցերի պատասխաններ՝ միտված ԶՈւ զարգացմանը»,- նշեց փոխվարչապետը։

Նա ընդգծեց, որ մեծ ուշադրություն է դարձվելու ռազմարդյունաբերությանը, քանի որ նաև պատերազմի փորձը մեզ ցույց տվեց, որ որոշ դեպքերում և՛ օդում, և՛ ցամաքում կարող ենք հայտնվել բլոկադայի պայմաններում։ Ավինյանի խոսքով՝ կարևոր է, որ աշխատանքների մեծ ծավալ կարողանանք իրականացնել ՀՀ տարածքում։ Նա շեշտեց, որ ռազմարդյունաբերության ոլորտը ԶՈւ բարեփոխումների շրջանակում շատ կարևոր տեղ է զբաղեցնում։

Աբու Դաբիի ցուցահանդեսի սկանդալի համար նախարարության 3 աշխատակից նկատողություն է ստացել

112
թեգերը:
Զինված ուժեր, Տիգրան Ավինյան, Հայաստան
Ըստ թեմայի
Հայկական «X-100» կայանը կխափանի ԱԹՍ-ների և այլ սարքերի աշխատանքը
ԱՆ-124 «Ռուսլան»․ ինչու պետք է Ռուսաստանը վերսկսի ավիահսկայի արտադրությունը
Պատերազմի մասնակիցները ծրագրավորման դասընթաց կանցնեն ու կրթաթոշակ կստանան
Անձրև

Արմավիրում տներից մեկի նկուղից 8 տոննա անձրևաջուր է հեռացվել

10
(Թարմացված է 20:06 11.04.2021)
Փրկարարները մոտոպոմպով են հեռացրել անձրևաջրերը, որոնք ամբողջությամբ ողողել էին 6քմ տարածքով նկուղը։

ԵՐԵՎԱՆ, 11 ապրիլի – Sputnik․ Արմավիրի մարզում գիշերվա հորդառատ անձրևն անհետևանք չի անցել։ ԱԻՆ մամուլի ծառայությունից հայտնում են, որ ապրիլի 11-ին՝ ժամը 10:37-ին, մարզային ճգնաժամային կառավարման կենտրոն տեղեկություն է ստացվել, որ անձրևաջրերը լցվել են Բամբակաշատ գյուղի 13-րդ փողոցի տներից մեկի նկուղ։ Անհրաժեշտ է է եղել փրկարարների օգնությունը։

Քամին վնասներ է հասցրել Երևանում ու ՀՀ մի շարք այլ բնակավայրերում

«Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ»,- նշված է հաղորդագրության մեջ։

Փրկարարները տան՝ մոտ 6քմ մակերեսով նկուղից մոտոպոմպով հեռացրել են մոտ 8 տոննա անձրևաջուր:

10
թեգերը:
նկուղ, Արմավիր, ՀՀ արտակարգ իրավիճակների նախարարություն (ԱԻՆ), Անձրև
Ըստ թեմայի
Կապան-Գորիս ճանապարհին հայտնաբերվել են հակատանկային արկեր, ականներ և զինամթերքի մնացորդներ
Covid-19–ին դեմ հանդիման. ՀՀ–ում համավարակի պատճառով ինքնասպանությունների թիվն աճե՞լ է
Խոշոր վթար Սյունիքում․ 6 վիրավորներից 2-ի վիճակը ծանր է
Ատրճանակ

Երևանի տան պատշգամբում մահացած են գտել ռուս գեներալի դստերը․ առկա է հրազենային վնասվածք

220
(Թարմացված է 19:43 11.04.2021)
Ըստ տեղեկությունների՝ դիակի կողքին հայտնաբերված ատրճանակը պատկանել է նրա հորը։

ԵՐԵՎԱՆ, 11 ապրիլի – Sputnik․ Երևանում մահացած են գտել ռուս բարձրաստիճան զինվորականի դստերը։ Տեղեկությունը հայտնում է Shamshyan.com-ը։

Կայքի տվյալներով՝ այսօր՝ ժամը 17:40-ի սահմաններում, ոստիկանություն ահազանգ է ստացվել, որ Դավիթ Անհաղթ փողոցի շենքերից մեկի պատշգամբում կնոջ դի կա:

Դեպքի վայր ժամանած ոստիկանները պատշգամբում հայտնաբարել են 40 տարեկան կնոջ դի, դիակի կողքին էլ՝ ատրճանակ: Կայքի տեղեկություններով՝ մահացածը Ժ.Հ.-ն էր, ում հայրը Ռուսաստանի Դաշնության Անվտանգության դաշնային ծառայության (ФСБ) գեներալ-լեյտենանտ է: Հայտնաբերված ատրճանակն էր պատկանում է նրա հորը:

Հարուցվել է քրեական գործ, կատարվում են անհրաժեշտ գործողություններ՝ կատարվածի բոլոր հանգամանքներւ պարզելու ուղղությամբ։

220
թեգերը:
աղջիկ, Մահ, գեներալ, Երևան
Ըստ թեմայի
Գեղարքունիքում հարսանիքի ընթացքում կրակոցներ են հնչել
Կրակոցներ Ծաղկաձորի «Ռոյալ» խաղատան մոտ. կասկածյալներից մեկը քաղաքապետ է
Կրակոցներ Երևանում. մի քանի մարդ հիվանդանոց է տեղափոխվել