Նիկոլ Փաշինյան ու Վլադիմիր Պուտինը. արխիվային լուսանկար

15 մլն դոլար` Ռուսաստանից. Ռուդենկոն ասել է` քանի անգամ են խոսել Փաշինյանն ու Պուտինը

282
(Թարմացված է 18:37 02.04.2021)
ՌԴ փոխարտգործնախարարն ընդգծել է, որ Ռուսաստանը միշտ պատրաստ է ուս ուսի կանգնել եղբայրական հայ ժողովրդի կողքին։

ԵՐԵՎԱՆ, 2 ապրիլի - Sputnik. Ռուսաստանը 15 միլիոն դոլար է հատկացրել Լեռնային Ղարաբաղում տուժածներին օգնելու համար։ Տեղեկությունը հայտնել է Ռուսաստանի փոխարտգործնախարար Անդրեյ Ռուդենկոն հայկական «Նովոյե վրեմյա» թերթին տված հարցազրույցում, որն արվել է երկու երկրների միջև դիվանագիտական հարաբերությունների հաստատման 29-ամյակին ընդառաջ։

Заместитель министра иностранных дел России Андрей Руденко перед началом заседания Совета министров Союзного государства России и Белоруссии (19 ноября 2019). Горки
© Sputnik / Александр Астафьев
Ռուսաստանի փոխարտգործնախարար Անդրեյ Ռուդենկո

Փոխնախարարն ընդգծել է, որ եռակողմ աշխատանքային խմբի գծով ակտիվ աշխատանքի արդյունքում պայմաններ են ստեղծվում Հարավային Կովկասում բնականոն կյանքի վերականգնման, «այն փոխվստահության, անվտանգության ու բարգավաճման տարածք դարձնելու համար»։

«Այս ամենը համոզիչ կերպով վկայում է, որ Ռուսաստանը միշտ պատրաստ է ուս ուսի կանգնել եղբայրական հայ ժողովրդի կողքին, միասին աշխատել հանուն ընդհանուր շահերի»,-ասել է նա:

Այս համատեքստում փոխնախարարն ընդգծել է, որ տարածաշրջանում տեղակայված ռուս խաղաղապահ զորախումբն ու մարդասիրական արձագանքման կենտրոնը անվտանգության ու կայունության երաշխավորներն են։ Նրանք տեղի բնակչության համար կենսական նշանակություն ունեցող խնդիրներ են լուծում:

«Նովոյե վրեմյա» թերթի դիտարկմանը, թե  Հայաստանի ու Ռուսաստանի երկկողմ հարաբերությունները կորցրել են իրենց բնորոշ վստահությունը, Ռուդենկոն պատասխանել է, որ համաձայն չէ նման գնահատականի հետ:

Նրա խոսքով՝ հայ-ռուսական երկկողմ հարաբերությունները, որոնք ավանդաբար խարսխված են եղբայրական բարեկամության ու փոխադարձ վստահության վրա, դինամիկ զարգանում են տարբեր մակարդակներում ու վեկտորներում՝ անկախ որևէ արտաքին կամ ներքին կոնյունկտուրայից:

«Ղարաբաղի հարցի լուծման բանալին գտնվում է Ռուսաստանի ձեռքում». Լևոն Տեր–Պետրոսյան

Ռուդենկոն հիշեցրել է, որ Ռուսաստանը նախկինի պես վստահորեն զբաղեցնում է Հայաստանի տնտեսության մեջ հիմնական օտարերկրյա ներդրողի դիրքերն ու մնում է երկրի առաջատար առևտրային գործընկերներից մեկը՝ ապահովելով հանրապետության ամբողջ արտաքին առևտրաշրջանառության գրեթե մեկ երրորդը:

Ինչ վերաբերում է Հայաստանի և Ռուսաստանի միջև քաղաքական փոխգործակցությանը` դա էլ է ինտենսիվ զարգանում, ինչի մասին, օրինակ, վկայում են պետությունների ղեկավարների մակարդակով սերտ շփումները։ Այսպես, 2020 թվականին Պուտինն ու Փաշինյանն ավելի քան 60 հեռախոսազրույց են ունեցել։ 2021-ին արդեն յոթ հեռախոսազրույց են ունեցել, իսկ հունվարի 11-ին հանդիպել են։

«Դժվար թե գտնվեն այլ երկրներ, որոնց ղեկավարները նույնքան հաճախ և արդյունավետ են շփվում։ Կառավարությունների ղեկավարներն արդեն անցկացրել են երեք հանդիպում, հինգ անգամ խոսել են հեռախոսով։ Կանոնավոր շփումներ են ունենում կառավարությունների ղեկավարները, արտաքին գործերի և պաշտպանության նախարարները, մի շարք այլ գերատեսչությունների ու կառույցների ղեկավարները», — ընդգծել է դիվանագետը:

Անդրադառնալով Հայաստանում 2021 թվականի հունիսի 20-ին նշանակված արտահերթ խորհրդարանական ընտրություններին՝ Ռուդենկոն նշել է, որ Ռուսաստանը չի կարող անմասն մնալ Հայաստանի լարված ներքաղաքական իրադրությունից, բայց հանրապետության ներքաղաքական դաշտում ընթացող գործընթացները որպես ինքնիշխան պետության ներքին գործ է դիտարկում:

Կառավարությունում կայացել է Հայաստանի և Ռուսաստանի փոխվարչապետների հանդիպումը

282
թեգերը:
Անդրեյ Ռուդենկո, Նիկոլ Փաշինյան, Ռուսաստան
Ըստ թեմայի
Երևան և Բաքու կատարած այցերի արդյունքները կներկայացվեն Պուտինին. Լավրով
Երևանը Մոսկվայի հետ քննարկում է Արցախ մեկնելու ցանկություն ունեցող օտարերկրացիների հարցը
Ռուսաստանն ԱՄՆ-ին և Ֆրանսիային տեղեկացրել է Պուտին-Փաշինյան-Ալիև հանդիպման մասին
Ղարաբաղին վերաբերող փաստաթուղթը պետք է կյանքի կոչվի. Ռուդենկոն ու դեսպանը համակարծիք են
Ատրճանակ

Երևանի տան պատշգամբում մահացած են գտել ռուս գեներալի դստերը․ առկա է հրազենային վնասվածք

19
Ըստ տեղեկությունների՝ դիակի կողքին հայտնաբերված ատրճանակը պատկանել է նրա հորը։

ԵՐԵՎԱՆ, 11 ապրիլի – Sputnik․ Երևանում մահացած են գտել ռուս բարձրաստիճան զինվորականի դստերը։ Տեղեկությունը հայտնում է Shamshyan.com-ը։

Կայքի տվյալներով՝ այսօր՝ ժամը 17:40-ի սահմաններում, ոստիկանություն ահազանգ է ստացվել, որ Դավիթ Անհաղթ փողոցի շենքերից մեկի պատշգամբում կնոջ դի կա:

Դեպքի վայր ժամանած ոստիկանները պատշգամբում հայտնաբարել են 40 տարեկան կնոջ դի, դիակի կողքին էլ՝ ատրճանակ: Կայքի տեղեկություններով՝ մահացածը Ժ.Հ.-ն էր, ում հայրը Ռուսաստանի Դաշնության Անվտանգության դաշնային ծառայության (ФСБ) գեներալ-լեյտենանտ է: Հայտնաբերված ատրճանակն էր պատկանում է նրա հորը:

Հարուցվել է քրեական գործ, կատարվում են անհրաժեշտ գործողություններ՝ կատարվածի բոլոր հանգամանքներւ պարզելու ուղղությամբ։

19
Ձախից առաջինը՝ Գոռ Մինասյան

Ծանրամարտիկ Գոռ Մինասյանը՝ Եվրոպայի փոխչեմպիոն, Վարազդատ Լալայանը՝ բրոնզե մեդալակիր

52
(Թարմացված է 19:34 11.04.2021)
Ծանրամարտի Եվրոպայի առաջնություն ավարտվեց։ Հայաստանի հավաքականի կազմում հանդես եկած գերծանր քաշայիններ Գոռ Մինասյանն ու Վարազդատ Լալայանը մեր հավաքականի մեդալների հավաքածուն վերջնական տեսքի բերեցին՝  5 ոսկե, 9 արծաթե և 9 բրոնզե մեդալ։

ԵՐԵՎԱՆ, 11 ապրիլի – Sputni, Խաչիկ Չախոյան. Գերծանր քաշայինների պայքարում Գոռ Մինասյանը երկամարտի  464 կգ  արդյունքով երկրորդն էր, իսկ Վարազադատ Լալայանը 445 կգ արդյունքով՝ երրորդը։

Գերծանր քաշային կարգի մրցումներից առաջ պարզ էր, որ վրացի Լաշա Տալախաձեի հետ հավասար պայքար մղել համարյա հնարավոր չէ։ Աշխարհի, Եվրոպայի և օլիմպիական խաղերի չեմպիոնը իր քաշային կարգում ուղղակի բացառիկություն է։ Բայց այն, որ նրան որոշակի պայքար կարող են պարտադրել հայ ծանրորդները, դա էլ պարզ էր։ Ու վրացի ծանրամարտիկի արդյունքին մոտ էին միայն հայ ծանրորդները։

Պոկում վարժությունում Գոռ Մինասյանը 216 կգ արդյունքով նվաճեց արծաթե փոքր մեդալը, իսկ Վարազդատ Լալայանը 205 կգ արդյունքով վաստակեց բրոնզե փոքր մեդալը։ Լաշա Տալախաձեն սահմանելով համաշխարհային նոր ռեկորդ՝ 222կգ, նվաճեց ոսկե մեդալը։ Պոկում վարժության ավարտից հետո, հաշվի առնելով ծանրորդների նախնական պատվերները հրում վարժության համար, պարզ էր, որ մրցանակային եռյակը երկամարտում ինչ-որ տեղ ուրվագծվել էր։

Ու ամեն ինչ այդպես էլ եղավ։ Իրենց առաջին մոտեցումներով (240 կգ) Մինասյանն ու Լալայանը հաստատեցին իրենց մեդալը երկամարտում։ Մնում էր հասկանալ թե ով ինչ մեդալ է վաստակելու։ Գոռ Մինասյանը երկրորդ մոտեցումով գլխավերևում պահեց 248 կգ-ը և քանի, որ Լալայանը երկու անգամ չիրացրեց մոտեցումները 250կգ բարձրացնելիս՝ Գոռը ապահովեց արծաթը, իսկ Վարազդատը՝ բրոնզը։

Եվրոպայի առաջնությունում Արփինե Դալալյանը 4-րդն է

Եվրոպայի առաջնության վերջին օրը մրցահարթակ դուրս եկավ նաև Արփինե Դալայանը որը երկամարտի 221կգ արդյունքով զբաղեցրեց չորրորդ տեղը։ Ընդ որում Արփինեն հրում վարժությունում կարող էր և ավելի բարձր արդյունքի հասնել, ու բարելավել երկամարտի արդյունքը։ Բայց առաջին մոտեցման ժամանակ բարձրացնելով 126 կգ կշռող ծանրաձողը՝ հայ մարզուհին հետո հրաժարվեց մյուս մոտեցումներից վնասվածքի պատճառով։

Այսպիսով Եվրոպայի առաջնությունում Հայաստանի հավաքականը ընդհանուր առմամբ  նվաճել է 5 ոսկե, 9 արծաթե և 9 բրոնզե մեդալ։ Առջևում օլիմպիական խաղերն են, որտեղ այս պահի դրությամբ Հայաստանը ունենալու է երկու ծանրորդ՝ մեկական տղամարդկանց և կանանց մրցումներում։

52
Ըստ թեմայի
Հակոբ Մկրտչյանը դարձավ Եվրոպայի առաջնության բրոնզե մեդալակիր
Սամվել Գասպարյանը դարձավ Եվրոպայի չեմպիոն, Արսեն Մարտիրոսյանը` փոխչեմպիոն
Տաթև Հակոբյանին մեդալ նվաճել չհաջողվեց