ՀՀ պաշտպանության նախարարի հրամանով ռուս զինվորականները պարգևատրվել են մեդալներով

ՀՀ պաշտպանության նախարարի հրամանով ռուս զինվորականները պարգևատրվել են մեդալներով

49
(Թարմացված է 15:39 02.04.2021)
Հայ և ռուս գործընկերների համատեղ աշխատանքի շնորհիվ հնարավոր է դարձել կանխարգելել բանակում կորոնավիրուսի տարածումը։

ԵՐԵՎԱՆ, 2 ապրիլի – Sputnik․ ՀՀ պաշտպանության նախարար Վաղարշակ Հարությունյանի հրամանով ՌԴ ՊՆ ռադիոացիոն, քիմիական, կենսաբանական պաշտպանության (ՌՔԿՊ) զորքերի մի շարք մասնագետներ մեդալներ են ստացել։

Специалисты войск радиационной, химической и биологической защиты МО России награждены приказом министра обороны Армении (2 апреля 2021). Еревaн
ՀՀ պաշտպանության նախարարի հրամանով ռուս զինվորականները պարգևատրվել են մեդալներով

«ՀՀ զինված ուժերում կորոնավիրուսային վարակի տարածումը կանխարգելող հակահամաճարակային միջոցառումների ընթացքում ցուցաբերած մասնագիտական բարձր ունակությունների, բարեխիղճ ծառայության և ռազմաբժշկական համագործակցության ոլորտում ունեցած ներդրման համար ՌԴ ՊՆ ՌՔԿՊ զորքերի 48-րդ գիտահետազոտական կենտրոնի մի շարք մասնագետներ ՀՀ պաշտպանության նախարարի հրամանով պարգևատրվել են գերատեսչական մեդալներով»,- նշված է հաղորդագրության մեջ։

Специалисты войск радиационной, химической и биологической защиты МО России награждены приказом министра обороны Армении (2 апреля 2021). Еревaн
ՀՀ պաշտպանության նախարարի հրամանով ռուս զինվորականները պարգևատրվել են մեդալներով

ՌԴ ՊՆ ՌՔԿՊ զորքերի մասնագետները շուրջ մեկ տարի մասնագիտական աջակցություն են ցուցաբերել ՀՀ ՊՆ հիգիենիկ հակահամաճարակային ծառայությունում՝ 2020թ. ապրիլի 7-ից սկսած։

Գերատեսչական մեդալները ռուսաստանցի զինվորականներին են հանձնվել առաքելության ավարտի առիթով՝ ապրիլի 2-ին կայացած հրաժեշտի պաշտոնական արարողության ընթացքում:

Ռուս մասնագետները ՀՀ ԶՈՒ ՌՔԿՊ զորքերի պետ-վարչության պետի հրամանով խրախուսվել են նաև պատվոգրերով ու հուշամեդալներով։

ՀՀ ԶՈւ ռազմաբժշկական և ՌՔԿՊ ոլորտների պատասխանատուները շնորհակալություն են հայտնել ռուս գործընկերներին արդյունավետ համագործակցության համար։

49
թեգերը:
կորոնավիրուս, Վաղարշակ Հարությունյան, ՀՀ Պաշտպանության նախարարություն (ՊՆ), մեդալ, Ռուսաստան, Հայաստան
Ըստ թեմայի
ԱԺ–ն օրակարգ չընդունեց զինվորականներին չօգտագործած արձակուրդի դիմաց վճարելու նախագիծը
Զինվորական դատախազն այցելել է կենտրոնական հավաքակայան
Բարձրաստիճան զինվորականները Եռաբլուր են այցելել. Ապրիլյան պատերազմի 5–րդ տարելիցն է
Պայթյունից վիրավորում է ստացել փրկարար

Պայթյունից վիրավորում ստացած փրկարարի առողջական վիճակը կայուն է. ԱԻՊԾ

10
(Թարմացված է 12:10 16.04.2021)
Ջրականի շրջանում անհայտ կորածների որոնումներն արդյունք չեն տվել, դրանք կշարունակվեն Որոտանի ուղղությամբ։

ԵՐԵՎԱՆ, 16 ապրիլի — Sputnik. Պատերազմի ընթացքում զոհված և անհետ կորած համարվող զինծառայողների, կամավորների, ինչպես նաև քաղաքացիական անձանց աճյունների որոնումներն այսօր փրկարարական մեկ ջոկատով իրականացվում են Ադրբեջանի վերահսկողության տակ անցած Որոտանի (Կուբաթլու) ուղղությամբ: Տեղեկությունը հայտնում Facebook–ի էջում հայտնում է Արցախի ՆԳ նախարարության արտակարգ իրավիճակների պետական ծառայությունը։

«Երեկ Ջրականի շրջանում որոնումներն արդյունք չեն տվել: Կեսօրին տեղի ունեցած ականապայթյունային պատահարից հետո աշխատանքները նույն պահին դադարեցվել են: Պայթյունից վիրավորում ստացած փրկարարի առողջական վիճակը կայուն է: Նա գտնվում է վերակենդանացման բաժանմունքում, օրվա երկրորդ կեսին կտեղափոխվի հիվանդասենյակ»,–նշված է հաղորդագրության մեջ:

Հիշեցնենք`երեկ`ապրիլի 15–ին, Արցախի վերահսկողությունից դուրս գտնվող Ջրականի շրջանում (Քենդ Հորադիզ տեղամաս) տեղի ունեցած որոնումների ընթացքում ականապայթյունային վիրավորում էր ստացել ԱԻ պետական ծառայության փրկարար ուժերի վարչության արագ արձագանքման հատուկ ստորաբաժանման օպերատիվ խմբի հրամանատար Տ.Հ.-ն (ծնված 1975թ.):

Զինադադարից հետո որոնողափրկարարական աշխատանքներ իրականացնելու ժամանակահատվածում սա նմանատիպ երրորդ դեպքն է:

Առաջին դեպքը տեղի է ունեցել Որոտանի ուղղությամբ. ականի վրա պայթել և վիրավորում են ստացել ՀՀ ԱԻն աշխատակիցները, իսկ հաջորդը՝ Մարտակերտի շրջանային բաժնի փրկարար ծառայողների հետ՝ Թալիշ-Մատաղիս հատվածում:

Բարեբախտաբար, մահվան ելքով դեպքեր չեն արձանագրվել:

Ջրականում ականի պայթյունից վիրավորվել է փրկարարական խմբի հրամանատարը

10
թեգերը:
Վիրավոր, Արցախ, պայթյուն, փրկարար
Բողոքի ակցիա. արխիվային լուսանկար

Լոռիում այնքան հանք կա, որ նորի տեղ այլևս չկա. բնակիչները բոյկոտեցին հանրային լսումները

32
(Թարմացված է 11:49 16.04.2021)
Չեխերն ուզում են Լոռու մարզում նոր հանք բացել, սակայն տեղի բնակիչները դեմ են ևս մեկ հանքի ի հայտ գալուն։ Նրանք ասում են, որ Լոռին առաջին տեղում է քաղցկեղով հիվանդների ցուցանիշով` նոր հանքի կարիք ընդհանրապես չկա։

ԵՐԵՎԱՆ, 16 ապրիլի - Sputnik. Լոռու մարզի Մարգահովիտ համայնքի բնակիչներն այսօր բողոքի ակցիա են իրականացնում` նրանք դեմ են, որ գյուղի մոտակայքում պղնձի հանք շահագործվի։ Այսօր հենց Մարգահովիտում հանրային լսումներ պետք է իրականացվեին հանքի բացման կապակցությամբ, սակայն համայնքի բնակիչները բոյկոտեցին լսումները։

«Միայն Լոռու մարզում այնքան հանք կա, որ նորն ավելացնելու տեղ էլ չի մնացել։ Լոռին արդեն իսկ տեսել է հանքարդյունաբերության վնասները, և մենք այլևս չենք ուզում նորը բացվի։ Հիմա, երբ զբոսաշրջությունը մարզի համար գերակա ուղղություն է, չենք կարող նոր հանքի մասին անգամ խոսել»,–ասում են բնակիչները։

Աշխատանքներ են տարվում, որպեսզի Սոթքի հանքավայրում հաստիքներ չկրճատվեն

Որպես հանքի ներկայացուցիչ հանրային քննարկման եկած քաղաքական գործիչ Վազգեն Խաչիկյանը, սակայն, հակառակն է պնդում` ասելով, որ հանքը Մարգահովիտից 20 կիլոմետր հեռու է լինելու և փակ է լինելու։

«Պոչամբար չի ունենալու հանքը, քանի որ ՀՀ օրենսդրությամբ մինչև կես տոննա հանքաքարի մշակումը չպետք է իրականացվի պոչամբարի միջոցով. այն չոր պոչանքներ է ունենալու միայն։ Առաջին փուլում նախ երկրաբանահետախուզական աշխատանքներ են իրականացվելու, որից հետո, եթե տեսնեն այնտեղ պղինձ կա, նոր միայն կշահագործվի։ Եթե հանքի գործունեությունը վնաս լիներ, օրենքով կարգելեին»,–ասաց Խաչիկյանը` հավելելով, որ հանքի շահագործման դեպքում հանքանյութը պարզապես դուրս է բերվելու և Արարատի մարզ է տեղափոխվելու:

Խաչիկյանն ասաց, որ ինքն էլ աշխատելու է այդ հանքում, սակայն «փայ» չունի այնտեղից.  սեփականատերերը Չեխիայի քաղաքացիներ են՝ չեխեր:

Տեղում հավաքվածները հակաճառեցին Խաչիկյանին` ասելով, որ բոլոր հանքերի բացումն էլ սկսվում է առաջին փուլով` երկրաբանահետախուզական աշխատանքներով։

«Լոռու մարզն առաջին տեղում է քաղցկեղով հիվանդների ցուցանիշով` նոր  հանքի բացումն ավելի է վտանգելու իրավիճակը։ Ով գյուղացիներին համոզում է հանք բացել, տարիներ հետո գյուղացիների աջակցությունն է խնդրում, որ փակեն հանքը, քանի որ տեսնում է` առողջությանն ինչ վնասներ է տալիս»,–ասում են բնակիչները։

Նրանք նշում են, որ արդեն իսկ Թեղուտում, Ախթալայում, Շամլուղում հանքեր կան և  կիսլատայի հոտից խեղդվում են։ Համայնքի բնակիչները ասում են նաև, որ միայն երեկ են իմացել, որ հանրային քննարկում է լինելու, իսկ օրենքով նախատեսված է, որ 7 օր առաջ պետք է այդ մասին հայտնեն։

ՀՀ տնտեսությունը պահում են հանքերն ու առողջապահությունը. 2020թ–ի տնտեսական ցուցանիշները

Նշենք, որ հանրային քննարկումներ տեղի չունեցան, քանի որ բնակիչներն այդպես էլ համաձայնության չեկան, իսկ քննարկման եկածները հեռացան համայնքից։

Առաջիկայում հանրային քննարկումներ պետք է իրականացվեն Դեբեդի, Եղեգնուտի, Վահագնիի, Վահագնաձորի բնակավայրերում, սակայն բնակիչներն ասում են, որ բոյկոտելու են նաև դրանք։

32
թեգերը:
բնակիչ, հանք, Լոռի, Հայաստան
Աղդամ. արխիվային լուսանկար

«Կիևը աջակցել, աջակցում և աջակցելու է Ադրբեջանին». Ուկրաինայի փոխվարչապետն այցելել է Աղդամ

0
(Թարմացված է 12:09 16.04.2021)
Մարուքյանը նշում է, որ փոխվարչապետը մոռացել է իր երկրի նախագահի կոչը` Ուկրաինային չներգրավել Հայաստանի ու Ադրբեջանի միջև առկա հակամարտության մեջ։

ԵՐԵՎԱՆ, 16 ապրիլի – Sputnik. ՀՀ ԱԺ «Լուսավոր Հայաստան» խմբակցության ղեկավար Էդմոն Մարուքյանն իր Facebook-յան գրառմամբ անդրադարձել է Ուկրաինայի փոխվարչապետի Օլեկսի Ռեզնիկովի` ապրիլի 15-ին Ակնա (Աղդամ) կատարած այցին, որի ընթացքում վերջինն իր օգնությունն է առաջարկել քաղաքի վերակառուցման գործում։

«Ռեզնիկովը նշել է, որ պատվիրակության և իր այցի նպատակն այդ տարածքների վերականգնման հարցում Ադրբեջանին օգնության ձեռք մեկնելն ու փորձի փոխանակումն է: Նա նաև ավելացրել է, որ Ադրբեջանն Ուկրաինայի բարեկամն է և գործընկերը, ու որ Կիևը միանշանակ աջակցել, աջակցում և աջակցելու է Ադրբեջանին: Փաստորեն, փոխվարչապետը մոռացել է իր երկրի նախագահի կոչը` Ուկրաինային չներգրավել Հայաստանի ու Ադրբեջանի միջև առկա հակամարտության մեջ»,– գրում է Մարուքյանը` հիշեցնելով, որ 2020թ–ի աշնանը Ուկրաինայի նախագահ Վլադիմիր Զելենսկին Թուրքիա կատարած այցի ժամանակ կոչ էր անում չեզոք դիրքորոշում ունենալ:

«Չնայած` նաև հիշում ենք, թե Զելենսկին ինչպես էր ուրախանում թուրքական անօդաչու թռչող սարքերի արդյունավետությամբ՝ մոռանալով միջազգային հանցագործություն համարվող ագրեսիայի և պատերազմական հանցագործությունների արդյունքում զոհված հազարավոր մարդկանց մասին»,– գրում է Մարուքյանը։

Ընդդիմադիր ուժի ղեկավարն այս ամենից եզրակացնում է, որ Թուրքիայի և Ադրբեջանի հետ Ուկրաինայի հարաբերությունները հիմնված են տնտեսական հիմքերի` ռազմական արդյունաբերության, ներդրումների և էներգետիկայի վրա:

Մարուքյանը Ուկրաինայի այսօրվա ղեկավարներին հիշեցնում է, որ Մայդանի հեղափոխությունն ընդունված է կոչել արժանապատվության հեղափոխություն:

Նա հարց է բարձրացնում, թե ինչպե՞ս կարող է արժանապատվության մասին խոսել ուկրաինացի մի պաշտոնյա, որը այդաստիճան միակամ ընդունում է պաշտոնական Բաքվի տեսակետը՝ հանուն հաջորդող տնտեսական սպասելիքների՝ մոռանալով հազարավոր զոհերի, հազարավոր վիրավորների, իրենց տունը կորցրած հազարավոր մարդկանց, հարյուրավոր անհետ կորածների, էթնիկ զտումների, քրիստոնեական մշակութային հուշարձանների ցուցադրական ոչնչացման, արգելված զինատեսակների կիրառման, ահաբեկչությունների, վարձկանների, գերության մեջ գտնվողների քաղաքացիական բնակչության ու ռազմագերիների, ինչպես նաև պատերազմական ու մարդկության դեմ ուղղված այլ հանցագործությունների մասին:

Ռուսաստանը Թուրքիային զգուշացնում է չսնել Ուկրաինայի ռազմատենչ տրամադրությունները․ Լավրով

Մարուքյանը նշում է, որ յուրաքանչյուր ոք, ով ժպիտով այցելում է Ադրբեջան, հետո՝ վերջինիս կողմից բռնազավթված արցախյան տարածքներ, պետք է հիշի այդ ամենը:

0
թեգերը:
փոխվարչապետ, Ադրբեջան, Աղդամ, Ուկրաինա, Կիև