Արսեն Թորոսյան

«Լոկդաունի կարիք չկա». Արսեն Թորոսյանը վստահում է «Սպուտնիկ V»–ին

514
ՀՀ առողջապահության նախկին նախարարն իր փորձով է վստահում «Սպուտնիկ V» պատվաստանյութին, քանի որ պատվաստվել է և դրանից հետո չի վարակվել։

ԵՐԵՎԱՆ, 30 մարտի — Sputnik. ՀՀ վարչապետի աշխատակազմի ղեկավար Արսեն Թորոսյանը Sputnik Արմենիայի հետ զրույցում վստահեցրեց, որ Հայաստանում լոկդաուն չի սպասվում։

«2020-ի մայիսին մենք արդեն որոշել ենք, որ պետք է շարունակենք բնականոն կյանքը` կանոնները պահպանելով։ Նույնն այսօր է, համաճարակային սրում կա, բայց մենք չենք կարող կանգնեցնել կյանքը», – նշեց նա։

Այդ համատեքստում էլ կանցնեն նախընտրական քարոզարշավներն ու ընտրությունները։

«Ժողովրդի կողմից իշխանության ձևավորումը բնականոն կյանքի բաղադրիչ է, և այդ իրավունքը մենք պետք է պաշտպանենք», – ասաց նա։

ՀՀ առողջապահության նախկին նախարարը իր փորձով վստահում է «Սպուտնիկ V» պատվաստանյութին, քանի որ պատվաստվել է և դրանից հետո չի վարակվել։

«Ես առաջին մարդն եմ, որ Հայաստանում պատվաստվել է կորոնավիրուսի դեմ նախորդ տարվա նոյեմբեր և դեկտեմբեր ամիսներին։ Դրանից հետո իմ ընտանիքի անդամները վարակվել են, ես` ոչ», – ասաց նա։

Նրա խոսքով` որքան էլ բյուջեի համար հարված լինի պատվաստանյութերի ձեռքբերումը, դա առաջնայնություն է Հայաստանի համար։

«Վերջերս ձեռք ենք բերել 24 հազար «AstraZeneca», 15 հազար «Սպուտնիկ V»։ Վերջինի մեկ դոզան մենք գնում ենք 11 դոլարով», – ասաց նա։

Թորոսյանի խոսքով` ամենահասանելին «Սպուտնիկ V» պատվաստանյութն է, և ծրագրվում է հարյուրհազարավոր դեղաչափեր գնել։ Սակայն անգամ եթե ամբողջ Հայաստանը պատվաստվի, կորոնավիրուսը երկրում չի վերանա. նախ` պատվաստանյութերը արտադրված չեն երեխաների համար, երկրորդ` մշտապես կա այլ երկրների հետ անցուդարձ։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։ 2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակում է գործել։

Մարտի 30-ի դրությամբ՝ Հայաստանում կորոնավիրուսով վարակվածների թիվը հասել է 191 491-ի։ Այս պահին փաստացի բուժում է ստանում 14499 մարդ (+212), կատարվել է 847475 թեստավորում (+4658), առողջացել են վարակվածներից 172605-ը (+509)։ Գրանցվել է մահվան 3497 դեպք (+21)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 8-ով և դարձել 890։

514
թեգերը:
Սպուտնիկ V, պատվաստումներ, կորոնավիրուս, Արսեն Թորոսյան, Հայաստան
Ըստ թեմայի
Ո՞ր պատվաստանյութն է ամենալավը
Ռուսաստանի առողջապահության նախարարությունը գրանցել է «Սպուտնիկ Լայթ» պատվաստանյութը
Աֆեյանի ընկերությունը պատվաստանյութի 100 մլն չափաբաժին է փոխանցել ԱՄՆ-ի կառավարությանը
Դին տեղափոխում են շտապօգնության ավտոմեքենա, արխիվային լուսանկար

Ողբերգական դեպք Սյունիքում. պայթյունի հետևանքով 45-ամյա տղամարդ է մահացել

1
Տղամարդը զոդման աշխատանքներ է իրականացրել Ագարակ-Կարճևան ավտոճանապարհին, այդ ընթացքում պայթյուն է տեղի ունեցել։

ԵՐԵՎԱՆ, 13 ապրիլի– Sputnik. Այսօր ողբերգական դեպք է տեղի ունեցել Սյունիքի մարզում: Ժամը 16:50-ի սահմանում ոստիկանության Մեղրիի բաժինը «Մեղրի» բժշկական կենտրոնից ահազանգ է ստացվել, որ իրենց մոտ տղամարդու դի է տեղափոխվել: Տեղեկությունը հայտնում է shamshyan.com–ը։

Հիվանդանոց են մեկնել ոստիկաններն ու քննիչները և պարզել, որ մահացածը Ագարակ քաղաքի բնակիչ, 45-ամյա Գուրգեն Աղաբեկյանն էր:

Պարզվել է նաև, որ վերջինս Ագարակ-Կարճևան ավտոճանապարհին զոդման աշխատանքներ է իրականացնելիս եղել, և այդ ընթացքում պայթյուն է տեղի ունեցել, ինչի հետևանքով էլ նա մահացել է:

Դեպքի վայր է մեկնել նաև ՀՀ արտակարգ իրավիճակների նախարարության փրկարար ծառայության Սյունիքի մարզային փրկարարական վարչության Մեղրիի հրշեջ-փրկարարական ջոկատը՝ 1 մարտական հաշվարկով:

Փաստի առթիվ Սյունիքի մարզային քննչական վարչությունում նյութեր են նախապատրաստվում:

Քննիչի որոշմամբ նշանակվել են մի շարք փորձաքննություններ, այդ թվում՝ դիակի դատաբժշկական:

1
թեգերը:
տղամարդ, Մահ, պայթյուն, Սյունիքի մարզ, Հայաստան
Սեյրան Օհանյանն ու Արայիկ Հարությունյանը. արխիվային լուսանկար

Ադրբեջանը հետախուզում է հայտարարել 300 հայ պաշտոնյայի նկատմամբ, ՀՀ–ն՝ ադրբեջանցի 1 խոսնակի

47
(Թարմացված է 17:44 13.04.2021)
Ադրբեջանը պատերազմի ընթացքում թույլ է տվել պատերազմական հանցագործություններ, իրականացրել է միջազգային կոնվենցիաներով արգելված գործողություններ, կիրառել զանգվածային ոչնչացման քիմիական զենքեր։ Բայց ադրբեջանցի որևէ պաշտոնյայի ու ռազմական գործչի մեղադրանք չի առաջադրվել։

ԵՐԵՎԱՆ, 13 ապրիլի – Sputnik. Ադրբեջանի դատախազությունը միջազգային հետախուզում է հայտարարել շուրջ 300 հայ պաշտոնյաների նկատմամբ։ Այս մասին այսօր ԱԺ ամբիոնից հայտարարեց անկախ պատգամավոր Թագուհի Թովմասյանը՝ հավելելով, որ ՀՀ դատախազությունը որևէ կերպ չի արձագանքել Ադրբեջանի այս քայլին։

«Ի վերջո դժվար չէ ապացույցներ ներկայացնել, որ Ադրբեջանը պատերազմի ընթացքում թույլ է տվել պատերազմական հանցագործություններ, իրականացրել է այնպիսի քրեական հանցագործություններ, որոնք մերժելի են մի շարք օրենքներով, կոնվենցիաներով, զանգվածային ոչնչացման քիմիական զենքեր է կիրառել։ Բայց որևէ հիմքով մենք չունենք Ադրբեջանի ռազմական ու քաղաքական գործիչների նկատմամբ հետախուզում»,- ասաց Թովմասյանը՝ հավելելով, որ Հայաստանն այս պահին մեկ ադրբեջանցու է հետախուզում՝ ֆուտբոլային մեկնաբանի։

Պատգամավորի համոզմամբ` հատկապես Ադրբեջանի վերջին քայլից՝ Բաքվում արցախյան պատերազմին նվիրված «պուրակի» բացումից հետո Հայաստանը պետք է մտածի այդ ուղղությամբ ու միջազգային ասպարեզում ազատ տեղաշարժի դժվարություններ ստեղծի ադրբեջանցի պաշտոնյաների համար՝ նրանց նկատմամբ միջազգային հետախուզում հայտարարելով։

Հիշեցնենք՝ 2020թ-ի նոյեմբերի 26-ին ՀՀ քննչական կոմիտեն որոշում էր կայացվել Ադրբեջանի «Ղարաբաղ» ֆուտբոլային ակումբի մամուլի և հասարակայնության հետ կապերի պատասխանատու Նուրլան Իբրահիմովի նկատմամբ քրեական գործ հարուցելու՝ ազգային և ռասայական թշնամանք, հրապարակային ցեղասպանություն հրահրելու մեղադրանքով։

Այս տարվա մարտին ՀՀ գլխավոր դատախազությունը Նուրլան Իբրահիմովի նկատմամբ հետախուզում հայտարարեց։

Դավիթ Բեկ–Շուռնուխ ճանապարհին ադրբեջանցիները քարեր են նետել հայերի մեքենայի վրա

Ադրբեջանը չի հրապարակել բոլոր այն հայ պաշտոնյաների ցանկը, որոնց նկատմամբ միջազգային հետախուզում է հայտարարել։

Մամուլից հայտնի է, որ այդ ցանկում են պաշտպանության նախկին նախարար Սեյրան Օհանյանը, Արցախի նախագահ Արայիկ Հարությունյանը, գեներալ Ջալալ Հարությունյանը, Արցախի արտաքին գործերի նախարար Դավիթ Բաբայանը։

Ադրբեջանը պիտի պատժվի Մարաղայում իրականացրած ցեղասպան գործողությունների համար. Արցախի ԱԳՆ

47
թեգերը:
պաշտոնյա, հետախուզում, Ադրբեջան, Հայաստան
Ըստ թեմայի
Հատուկ հայտարարություն կլինի. Թաթոյանը` Ադրբեջանում բացված «պուրակի» մասին
Ադրբեջանական կողմը գնդացիր է կիրառել. մանրամասներ և լուսանկարներ Սարուշենի դեպքից
Ոչ այնքան զարմանալի է Ադրբեջանի անարգանքը, որքան մյուսների անտարբերությունը. Արցախի ՄԻՊ