Հնդիկներ, արխիվային լուսանկար

ՀՀ-ում աշխատող օտարերկրացիների պայմանագրերը հասանելի կլինեն կառավարությանը

90
(Թարմացված է 22:49 30.03.2021)
ՀՀ կառավարությունը փոփոխություններ է առաջարկում «Օտարերկրացիների մասին» օրենքում: Նախագիծը համարվել է անհետաձգելի:

ԵՐԵՎԱՆ, 30 մարտի – Sputnik. Օտարերկրացուն աշխատանքի ընդունող հայաստանցի գործատուն ստիպված կլինի աշխատողին ընտրել, նրա հետ աշխատանքային պայմանագիր կնքել ու աշխատանքային հարաբերությունները դադարեցնել բացառապես կառավարության կողմից ստեղծվող միասնական էլեկտրոնային հարթակում:

Հայաստանում օտարերկրացիների աշխատանքային հարաբերությունների նոր կարգավորումներով նախագիծն արդեն խորհրդարանում է:

Իսկ նոր օրենքով սահմանված կարգը խախտող հայաստանցի գործատուների համար վարչական պատասխանատվությունը կսահմանվի ավելի ուշ՝ ՀՀ Վարչական իրավախախտումների վերաբերյալ օրենսգրքում:

Բայց մինչ տեղացի գործատուին պատժելը կառավարությունը նախ առաջարկում է «Օտարերկրացիների մասին» օրենքում փոփոխությունների նախագծով կանոնակարգել օտարերկրացիների աշխատանքային իրավունքները Հայաստանում՝ նրանց թույլ տալով էլեկտրոնային հայտով ստանալ և՛ ժամանակավոր կացության կարգավիճակ, և՛ աշխատանք մեկ միասնական էլեկտրոնային հարթակում:

ՀՀ միգրացիոն ծառայության պետի տեղակալ Իրինա Դավթյանը, Sputnik Արմենիայի հետ զրույցում մեկնաբանելով նոր օրենքով առաջարկվող փոփոխությունները, նշեց, որ դրա նպատակը գործող կարգի պարզեցումն է:

«Եթե գործող կարգով օտարերկրացին ստանում է աշխատանքի թույլտվություն, հետո դրա հիման վրա՝ կացության կարգավիճակ, ապա հիմա այս երկփուլանի գործընթացը դառնում է 1–փուլանի: Այդ էլեկտրոնային հարթակի միջոցով ստանում է հաստատում, որ ունի աշխատանքի թույլտվություն, դրա հիման վրա էլ արդեն ստանում է կացության կարգավիճակ»,- ասաց մեր զրուցակիցը:

Նոր օրենքով ժամանակավոր կացության կարգավիճակը կարող է անվավեր ճանաչել միգրացիոն ծառայությունը: Այդ դեպքում օտարերկրացին 15 օր ժամանակ կունենա Հայաստանից հեռանալու համար՝ առանց պատասխանատվության ենթարկվելու:

Հետաքրքրական է, որ կառավարությունը նոր օրենքում առաջարկել է նաև հրաժարվել գործող օրենքի 26-րդ հոդվածից, որով օտարերկրացին կարող էր աշխատանքի թույլտվության մերժումը բողոքարկել ՀՀ դատական համակարգում:

Բանն այն է, որ նոր օրենքով փոփոխվում է «աշխատանքի թույլտվություն» հասկացությունը: Այն իրենից ներկայացնելու է լիազոր պետական մարմնի կողմից տրվող էլեկտրոնային թույլտվություն, որի հիման վրա օտարերկրացին ստանալու է ժամանակավոր կացության կարգավիճակ:

Փաստորեն ՀՀ կառավարության որոշումն այդ դեպքում անբեկանելի կլինի օտարերկրացի դիմողի համար:

Փոխարենը օրենքի հեղինակները հոգացել են Հայաստանում աշխատող օտարերկրացու հետ պատահած դժբախտ պատահարների դեպքում նրա իրավունքների երաշխավորման մասին: Օրենքով սահմանվում է, որ աշխատանքի պահին օտարերկրացու մահվան դեպքում գործատուն պարտավոր կլինի հոգալ նրա դին հայրենի երկիր տեղափոխելու հետ կապված ծախսերը: Իսկ տեղափոխման անհնարինության դեպքում, ընտանիքի անդամների գրավոր համաձայնությամբ մահացած աշխատակցի հուղարկավորումը կկատարվի Հայաստանում:

Նոր օրենքը նաև բազմաթիվ բացառություններ է նախատեսում: Օրինակ՝ ԵԱՏՄ քաղաքացիները Հայաստանում ապրելու ու աշխատելու համար ժամանակավոր կացության կարգավիճակ ստանալու անհրաժեշտություն չեն ունենա:

Առանց աշխատանքի թույլտվության Հայաստանում կկարողանան աշխատել նաև դեսպանատների, դիվանագիտական ներկայացուցչությունների աշխատակիցների ընտանիքի անդամները, կինոյի, թատրոնի, համերգային շրջագայությունների նպատակով Հայաստան ժամանած գործիչներն ու տեխնիկական սպասարկման անձնակազմի անդամները, մարզիկները, մարզիչները, օտարերկրյա կապիտալով աշխատող կազմակերպությունների աշխատակիցները, ուսումնական հաստատություններում դասավանդողները, արտասահմանյան լրատվամիջոցների հավատարմագրված աշխատակիցները, ինչպես նաև համատեղ քննվող քրեական գործերում ներգրավված մասնագետները:

Արտոնությունից կօգտվեն նաև այլ երկրներում ապրող հայազգի քաղաքացիները, որոնց երկրում ստեղծվել է այնպիսի արտակարգ իրավիճակ, որը սպառնում է այդ անձանց քաղաքացիների կյանքին կամ առողջությանը, օրինակ` սիրիահայերը:

Այդուհանդերձ, ՀՀ-ում աշխատելու համար նույնիսկ այս արտոնյալ խմբերի ներկայացուցիչները ևս ստիպված կլինեն իրենց գործատուների հետ աշխատանքային պայմանագիր կնքել միասնական էլեկտրոնային հարթակի միջոցով:

Միգրացիոն ծառայության պետի տեղակալ Իրինա Դավթյանն անդրադառնալով օրենքի այս պահանջին` նշեց, որ այն հնարավորություն կտա հստակ վիճակագրություն ստանալ ՀՀ-ում աշխատող բոլոր օտարերկրացիների վերաբերյալ, այդ թվում` նրանց, ովքեր աշխատելու իրավունք ունեն առանց թույլտվության:

Միասնական հարթակը, նրա խոսքով, թույլ կտա վերահսկել նաև գործատուի ու աշխատողի հարկային պարտավորությունների կատարումը՝ բացառելով հնարավոր ստվերային գործընթացները: Միաժամանակ դա թույլ կտա նաև երաշխավորել օտարերկրացու աշխատանքային իրավունքների պաշտպանվածությունը Հայաստանում:

«Եթե ինքը գա ու «սևով» սկսի աշխատել, որը ոչ մի տեղ չերևա, ապա պետության տեսադաշտից դուրս է մնում, և եթե նրա իրավունքները խախտվում են, պետությունը չի կարողանում հայտնաբերել ու միջոցներ կիրառել»,- ասաց Դավթյանը:

Այդուհանդերձ, Իրինա Դավթյանը շեշտեց, որ օրենքի նախագծում հատուկ ամրագրվել է, որ աշխատաշուկայում առաջնահերթությունը տրվելու է ՀՀ քաղաքացուն: Նրա խոսքով` ցանկացած թափուր աշխատատեղում նախ դիտարկվելու է ՀՀ քաղաքացու միջոցով այն համալրելու հնարավորությունը և միայն դրա բացակայության դեպքում է առաջարկվելու օտարերկրացուն:

Եթե ԱԺ-ն ընդունի նախագիծը, ապա այն ուժի մեջ կմտնի 2022 թվականի հունվարի 1-ից: Նույն ժամկետում նախատեսվում է գործարկել նաև միասնական էլեկտրոնային հարթակը: Բայց հաշվի առնելով սպասվող արտահերթ ընտրությունների ու նոր ԱԺ-ի ձևավորման հնարավորությունը` չի բացառվում, որ ժամկետը հետագայում վերանայվի:

Միգրացիոն ծառայության պետի տեղակալը այս դիտարկմանը հակադարձեց, որ կառավարությունն այս նախագիծը համարել է անհետաձգելի, ու հույս հայտնեց, որ գործող խորհրդարանը կհասցնի այն ընդունել մինչև ընտրությունները:

Ի դեպ, նշենք, որ պաշտոնական վիճակագրության համաձայն` 2020թ–ի վերջին աշխատանքի նպատակով Հայաստանում ժամանակավոր կացության կարգավիճակ է ստացել 819 մարդ, ձեռնարկատիրական գործունեությամբ զբաղվելու հիմքով` 196 անձ, իսկ հատուկ կացության կարգավիճակ (որը տրվում է տնտեսական կամ մշակութային գործունեությամբ զբաղվելու համար ու հիմնականում ազգությամբ հայ արտասահմանցիներին) 2020թ–ին տրվել է ընդամենը 11 անձի։

90
թեգերը:
աշխատանք, կառավարություն, Հայաստան
Ըստ թեմայի
Fitch-ն անփոփոխ է թողել է ՀՀ–ի վարկանիշը և կանխատեսել` Փաշինյանը կհաղթի ընտրություններում
Կաթնամթե՞րք, թե՞ բուսական հավելումներով արտադրանք. սպառողն այսուհետ հեշտ կկողմնորոշվի
Մեր տարածաշրջանը, անկախ պատերազմից, ներդրողների համար միջինից բարձր ռիսկային գոտի է
Քրիստինե Պեպելյան

Կարևորը մոմն է, որը «սքոչել են» ձմերուկին. Քրիստինե Պեպելյանը նշում է ծննդյան 41-ամյակը

21
(Թարմացված է 14:49 22.04.2021)
Ճանաչված երգչուհու ծննդյան օրը նրա ընկերուհին զվարճալի անակնկալ է մատուցել, որը ուրախացրել է բոլորին։

ԵՐԵՎԱՆ, 22 ապրիլի –Sputnik. Ճանաչված երգչուհի Քրիստինե Պեպելյանն այսօր նշում է իր  ծննդյան 41-ամյակը: Նշենք, որ երգչուհի Քրիստինե Պեպելյանը մշտական բնակություն հաստատել ԱՄՆ-ում:

Ծննդյան տոնի առթիվ, երգչուհին զվարճալի տեսանյութ  է հրապարակել Instagram-ի իր էջի «story»– ի բաժնում։

Տեսանյութում երևում է, որ երգչուհուն յուրահատուկ անակնկալ է արել ընկերուհին` Անի Աղայանը։ Նա  մի ձմերուկ է գնել, որի վրա կպչուն ժապավենով վառվող մոմ է ամրացրել։

«Այս տարի, իմ ծննդյան տարեդարձին, ես տորթ չունեմ, դե հիմա այդպես է ստացվել, բայց ո՞վ է ասում, որ տորթն է կարևոր, կարևորը մոմն է, որը «սքոչել են» ձմերուկին։ Միայն Անին կարող էր այսպիսի բան մտածել։ Հիմա ձեզ մոտ հարց կառաջանա, մի թե ողջ Լոս Անջելեսում մեկ հատ տորթ չկա՞ր, ոչ, այս ժամին չկար», – կատակում է երգչուհին, այնուհետև երգում «Happy birthday to me» երգն ու փչում մոմը։

Կյանքս կյանքիդ գնով. Քրիստինե Պեպելյանի հուզիչ երգը ընկած տղաների հիշատակին

Չնայած երգչուհին հյուրախաղերով և համերգներով եղել է աշխարհի բազմաթիվ երկրներում, նախընտրել է բնակվել Լոս Անջելեսում։

Երգչուհին թողարկել է «Որ հիշես» (2004թ.), «About me» (2005թ.), «Live in concert» (2006թ.), «Շնորհակալ եմ» (2013թ.) ձայնասկավառակները և 2 տեսասկավառակ: Նկարահանել է ավելի քան 20 տեսահոլովակ:

21
թեգերը:
Լոս Անջելես, տորթ, ձմերուկ, ծնունդ, Քրիստինե Պեպելյան
Ըստ թեմայի
«Ամուսինս Արցախում է. ո՛չ մեկնելուց ենք գրել, ո՛չ էլ սպասել է, որ իրեն կանչեն». Սիրուշո
Ինչ է պատրաստել Նազենի Հովհաննիսյանն այսօր. դերասանուհին պահքի ուտեստներ է ներկայացրել
Նազենի Հովհաննիսյանն առաջին անգամ խմորեղեն է թխել, Սոֆի Մխեյանն էլ նկարել է. տեսանյութ
Շուռնուխ. արխիվային լուսանկար

«Տաքություն ունեի, մեռնում էի». Փաշինյանի այցից հետո շուռնուխցուն բերման են ենթարկել

119
(Թարմացված է 15:06 22.04.2021)
ՀՀ Քննչական կոմիտեից Sputnik Արմենիային հայտնեցին, թե ինչ գործի շրջանակներում է բերման ենթարկվել Շուռնուխի բնակիչ Արարատ Աղաբեկյանը։

ԵՐԵՎԱՆ, 22 ապրիլի - Sputnik. Համացանցում տեսանյութ է տարածվել այն մասին, թե ինչպես են ոստիկանության Սյունիքի բաժնի աշխատակիցները ՀՀ քննչական կոմիտե բերման ենթարկում առողջական խնդիր ունեցող շուռնուխցուն, որը ներկայանում է Արարատ Աղաբեկյան անուն–ազգանունով։

50-60 տարեան տղամարդը տեսանյութում ոստիկաններին հայտնում է, որ բարձր ջերմություն ունի, թոքաբորբով հիվանդ է ու տնից դուրս գալիս դեղերը չի վերցրել։

«Այս ամեն ինչի հետ ես ի՞նչ կապ ունեմ, չեմ հասկանում։ Մինչև էդ էլ տանը տաքություն ունեի, մեռնում էի։ Էսօր էլ պիտի կորոնայի թեստ հանձնեի»,– քննիչներին ասում է տղամարդը։

Տեսանյութում երևում է, որ բերման ենթարկվող քաղաքացին դժվարությամբ է շնչում ու չի կարողանում կանգնել կամ ուղիղ նստել աթոռին։

Չնայած դրան, ոստիկանները նրան բաժանմունք են բերում ձեռնաշղթաներով։

Տեսանյութը նկարահանող կինը ոստիկաններին ներկայանում է որպես իրավապաշտպան ու պահանջում, որ նրանք շտապօգնություն կանչեն։

ՀՀ Քննչական կոմիտեից Sputnik Արմենիային հայտնեցին, որ Արարատ Աղաբեկյանը բերման է ենթարկվել ՀՀ Քրեական օրենսգրքի 258 հոդվածի (խուլիգանություն) 1-ին և 3-րդ և 316 (Իշխանության ներկայացուցչի նկատմամբ բռնություն գործադրելը) հոդվածի 1-ին մասով ՔԿ–ում հարուցված քրեական գործի շրջանակներում։

Թե քրեաիրավական ինչ կարգավիճակ ունի շուռնուխցի տղամարդը, ՔԿ–ում առայժմ չեն հստակեցնում։

Ինչպես արդեն հայտնել էինք, Մեղրիի համայնքապետ Մխիթար Զաքարյանին նույնպես ոստիկանները գիշերը բերման են ենթարկել Երևան։

Քննչական կոմիտեից Sputnik Արմենիային հայտնել էին, որ նրա նկատմամբ քրեական գործ է հարուցվել ՀՀ քրեական օրենսգրքի 258-րդ հոդվածի 1-ին մասի, 258-րդ հոդվածի 3-րդ մասի (խուլիգանություն) և 316-րդ հոդվածի հատկանիշներով (իշխանության ներկայացուցչի նկատմամբ բռնություն գործադրելը):

Հիշեցնենք` ՀՀ վարչապետ Նիկոլ Փաշինյանին երեկ` ապրիլի 21–ին, վիրավորական արտահայտություններով ու բողոքի ակցիաներով էին դիմավորել Ագարակում, Մեղրիում ու Կապանում: Իսկ Քաջարան մուտք գործել նրան ընդհանրապես չհաջողվեց, որովհետև բնակիչները փակել էին քաղաքի մուտքը, զոհերի հարազատները` գնացել գերեզման, որ Փաշինյանը չկարողանա մտնել այնտեղ։

Ադրբեջանցիները կրակել են Ստեփանակերտի բնակելի տան վրա. Շուշիի՞ց են թիրախավորել

Ապրիլի 20-ի գիշերը վարչապետն այցելել էր Շուռնուխ համայնք, որտեղ նույնպես բնակիչները նրան ընդունել էին վրդովված և սառը։

«Ագարակում և Մեղրիում տեղի ունեցածը հայտնի շրջանակների կողմից կազմակերպված գործողություններ են և որևէ կապ չունեն բուն ագարակցիների ու մեղրեցիների հետ»,–ավելի ուշ Facebook-ում գրեց վարչապետի խոսնակ Մանե Գևորգյանը։

Նույնաբովանդակ մեկնաբանություն լրագրողների հետ զրույցում տվեց նաև ԱԺ «Իմ քայլը» խմբակցության անդամ Արման Եղոյանը։

Քաջարանի բնակիչները մերժեցին Փաշինյանին

119
թեգերը:
Սյունիք, Նիկոլ Փաշինյան, Քննչական կոմիտե, գյուղացի, Շուռնուխ
Ըստ թեմայի
Նիկոլ Փաշինյանին ու Ալեն Սիմոնյանին Շուռնուխում չէին սպասում
Ի նշան Փաշինյանի դեմ բողոքի՝ ընդդիմադիրները ձվեր կոտրեցին. տեսանյութ
Թաթոյանի հետ հանդիպումից էլի մի տեղ հույսի նշույլ կա. Շուռնուխի գյուղապետ
Ակնկալում եմ կտրուկ գործողություններ. Փաշինյանը` Սյունիքի ակցիաների մասին. տեսանյութ
Հակոբ Արշակյան

«Փաշինյանին քաղցր խոսք է ասել». Շուռնուխի գյուղապետի եղբորը բերման ենթարկելու մանրամասները

20
(Թարմացված է 15:18 22.04.2021)
Շուռնուխի գյուղապետ Հակոբ Արշակյանը Sputnik Արմենիային պատմել է, թե ինչպես են բերման ենթարկել եղբորը։
«Վարչապետին մի երկու քաղցր խոսք է ասել». մանրամասներ` Շուռնուխի գյուղապետի եղբորը բերման ենթարկելու գործողությունից

Կարմիր բերետավորներն առավոտ կանուխ առանց որևէ պատճառաբանության մտել են Արթուր Աղաբեկյանի տուն և նրան բերման ենթարկել։ Sputnik Արմենիայի հետ զրույցում ասաց Շուռնուխի գյուղապետ Հակոբ Արշակյանը։

Աղաբեկյանը Արշակյանի հարազատ եղբայրն է (նրանցից մեկը պապի ազգանունն է վերցրել) և վերջին 10 օրում բարձր ջերմություն է ունեցել, ենթադրվում է, որ կորոնավիրուսով է վարակված։

«Արարատը մեկ շաբաթ է, ինչ 39 աստիճան ջերմության մեջ դեղեր է ընդունում։ Ինքը տնային պայմաններում իր բուժումն անում էր, բայց առանց թեստ հանձնելու»,- ասաց Արշակյանը։

Նրա խոսքով` եղբորը բերման ենթարկելու պատճառը հավանաբար նախորդ անգամ` դեկտեմբերի 21-ին, վարչապետի առաջ Սյունիքի ճանապարհը փակելն է, որին Արարատն էլ է ակտիվ մասնակցել։ Արշակյանը չի բացառում, որ վերևներում Արարատին չեն ներել նաև տունը կորցնելուց և իր պահած դիրքերը թշնամուն հանձնելուց հետո վարչապետի հասցեին հնչեցրած խոսքերի համար։

«Ինքը տունը վառել է հունվարի 5-ին, լայվ ա մտել, մի երկու քաղցր խոսք ասել վարչապետին։ Կռված տղա է, 3 պատերազմին էլ մասնակցել է, չի կարողացել ամոթը տանի, որ իր պահած բլուրը ձեռքից վերցրին, իր տունը ձեռքից վերցրին, կոշտ է արտահայտվել, բա ո՞նց կլիներ` «Աշխարհապետն» ով է, որ իր հետ կոշտ խոսեր»,- հավելեց Արշակյանը։

Նշենք, որ առավոտյան լուրեր տարածվեցին, որ այսօր՝ առավոտյան ժամը 7։00-ին, բերման են ենթարկել Սյունիքի մարզի Գորիս խոշորացված համայնքի Շուռնուխ վարչական շրջանի բնակիչ Արարատ Աղաբեկյանին։

Հիշեցնենք, որ 2020–ի նոյեմբերի 9-ի եռակողմ հայտարարությունից հետո սահմանային իրավիճակը փոխվել է ոչ միայն Արցախում, այլև ՀՀ որոշ մարզերում` Գեղարքունիքում, Սյունիքում։

Հունվարի 5-ին Սյունիքի մարզի Շուռնուխ գյուղի 11 տները հանձնվեցին ադրբեջանցիներին։ Փետրվարի 5-ին մարզի Ներքին Խնձորեսկ գյուղից հայկական զինծառայողները նահանջել են՝ թշնամուն թողնելով 15 հեկտար հողատարածք։

Սյունեցու վախն անհիմն չէ, կամ ադրբեջանցիները Մեղրիով կարող են տեղաշարժվել 2 նախապայմանով

 

20
թեգերը:
Շուռնուխ, Հակոբ Արշակյան, Հայաստան
Ըստ թեմայի
Ակնկալում եմ կտրուկ գործողություններ. Փաշինյանը` Սյունիքի ակցիաների մասին. տեսանյութ
Տեղեկություն կա, որ Սյունիքի նախկին մարզպետին և նրա կնոջը ձերբակալելու են. հայտարարություն
Սյունիքի սահմանին փոխհրաձգություն է եղել. Կապանի համայնքապետ