Արխիվային լուսանկար

Դատախազությունը խափանեց Քոչարյանի ու մյուսների քրեական հետապնդման դադարեցումը

151
(Թարմացված է 14:49 30.03.2021)
ՀՀ երկրորդ նախագահ Ռոբերտ Քոչարյանի նկատմամբ քրեական հետապնդումը դադարեցնելու որոշումն, ըստ փաստաբանի, հետաձգվում է միայն նրա համար, որ դատախազներին հնարավորություն տրվի մեղադրանքները փոխելու:

ԵՐԵՎԱՆ, 30 մարտի – Sputnik. «Մարտի 1»-ի գործով դատական այսօրվա նիստի գրեթե ողջ ընթացքում ամբաստանյալների պաշտպանները դատարանից պահանջում էին դադարեցնել իրենց պաշտպանյալների նկատմամբ քրեական հետապնդումը՝ ՍԴ-ի որոշման հիմքով:

«Դուք պիտի հիմա արդեն քրեական հետապնդումը դադարեցրած լինեիք»,- ասաց ՀՀ երրորդ նախագահ Ռոբերտ Քոչարյանի փաստաբան Հայկ Ալումյանը՝ հիշեցնելով, որ ՍԴ-ն Քրեական օրենսգրքի 300.1 հոդվածը Սահմանադրությանը հակասող է համարել մարտի 26-ին ընդունած որոշմամբ, իսկ երեկ՝ մարտի 29-ի,ն որոշումը հրապարակվել է և օրինական ուժի մեջ մտել:

«Դուք հիմա քննարկում եք, թե նիստը հետաձգենք մինչև մյուս երեքշաբթի օրը, թե չէ՞: Դուք պատկերացնո՞ւմ եք, թե ինչ մասշտաբի օրինախախտում եք անում, դուք ուզում եք, որ ես այդ օրինախախտման անունը կոնկրետ ասե՞մ, ուզում եք ասեմ, որ դուք արդեն հանցագործությա՞ն եք մոտենում, հա՞,- ասաց Ալումյանը,- փաստորեն, դուք մտադրվել եք քրեական հետապնդումը շարունակել մի հոդվածով, որն ուրբաթ օրվանից այլևս գոյություն չունի: Դու դա լո՞ւրջ եք պատրաստվում անել»:

Ալումյանը նաև կասկած հայտնեց, թե դատավորն արդեն դատախազների հետ սցենար է նախապատրաստել, թե ինչպես է դա անելու: Իսկ քրեական հետապնդումը դադարեցնելու որոշումն, ըստ փաստաբանի, հետաձգվում է միայն նրա համար, որ դատախազներին հնարավորություն տրվի մեղադրանքները փոխելու:

Ալումյանի այս մեղադրանքներին միացան նաև Քոչարյանի ու Արմեն Գևորգյանի փաստաբանները: Իսկ ՀՀ նախկին փոխվարչապետ Արմեն Գևորգյանը դատավոր Աննա Ադիբեկյանին հիշեցրեց, որ նա էլ իր պես ՀՀ քաղաքացի է, բայց քանի որ նստած է դատավորի աթոռին, ունի նաև լրացուցիչ պարտավորություն՝ պաշտպանելու իր իրավունքները:

Ինչպես արդեն հայտնել ենք` գործով մեղադրող դատախազ Գևորգ Բաղդասարյանն այսօր դատական նիստին չէր ներկայացել և գրավոր միջնորդություն էր ներկայացրել դատարան՝ առաջարկելով հետաձգել դատական նիստը մինչև ապրիլի 6-ը, որպեսզի դատախազությունը հասցնի ՍԴ որոշման վերաբերյալ ծավալուն միջնորդություն պատրաստել ու ներկայացնել դատարան:

Չնայած պշտպանական կողմի սուր քննադատությանն ու հակազդեցությանը, դատարանն, այնուամենայնիվ, ձեռնպահ մնաց առանց դատախազության միջնորդությունն ստանալու քրեական հետապնդումը դադարեցնելու որոշում կայացնելուց: Դատական հաջորդ նիստը, որին ենթադրաբար կներկայացվի նաև խոստացված ծավալուն միջնորդությունը, նշանակվեց 2 օր հետո՝ ապրիլի 2-ի ժամը 13:00-ին:

Ռոբերտ Քոչարյանին վերագրված հոդվածը ուժը կորցրեց. ՍԴ-ն հրապարակել է որոշում

Հիշեցնենք՝ ՀՀ Սահմանադրական դատարանը երեկ՝ մարտի 29-ին, հրապարակել է ՀՀ քրեական օրենսգրքի 300.1 հոդվածի՝ Սահմանադրությանը հակասող ճանաչելու մասին որոշունը, որից հետո այն արդեն օրինական ուժ է ստացել: Այդ հոդվածով ՀՀ երկրորդ նախագահը «Մարտի 1»-ի գործով մեղադրվում էր սահմանադրական կարգի տապալման համար:

Սահմանադրական դատարանը մարտի 26-ին որոշում էր կայացրել, որով ՀՀ Քրեական օրենսգրքի 300.1 հոդվածը ճանաչվել էր Սահմանադրության 78-րդ և 79-րդ հոդվածներին հակասող:

Սահմանադրական դատարանի որոշումն ուժի մեջ է մտնում հրապարակման պահից և վերջնական է: 42 էջանոց տեքստն այսօր արդեն հրապարակվել է ՀՀ ՍԴ պաշտոնական կայքում:

Քոչարյանը դիմել էր Սահմանադրական դատարան ՝ խնդրելով պարզել իրեն առաջադրված մեղադրանքների օրինականությունը:
Իսկ արդեն ՍԴ-ի որոշումից հետո Քոչարյանի փաստաբանները հայտարարեցին, որ նախկին նախագահի դեմ հարուցված քրեական գործը պետք է կարճվի և դատարանից պահանջեցին դադարեցնել նրա քրեական հետապնդումը:

2018-ի հուլիսի 26-ին Հայաստանի հատուկ քննչական ծառայությունը մեղադրանք առաջադրեց երկրորդ նախագահ Ռոբերտ Քոչարյանին ՝ 2008 թվականի մարտի 1-ին բողոքի ցույցերը ցրելու դեպքի առթիվ հարուցված քրեական գործի շրջանակներում սահմանադրական կարգը տապալելու մեջ:

Քոչարյանը գործը համարում է շինծու և պնդում է, որ դրանով իր նկատմամբ քաղաքական հետապնդում է իրականացվում:

Գործում ներգրավված են նաև ՀԱՊԿ նախկին գլխավոր քարտուղար Յուրի Խաչատուրովը, պաշտպանության նախկին նախարար Սեյրան Օհանյանը և նախագահի աշխատակազմի նախկին ղեկավար Արմեն Գևորգյանը:

300.1 հոդվածը չի համապատասխանում Սահմանադրությանը. հրապարակվեց Քոչարյանի գործով որոշումը

151
թեգերը:
Քրեական գործ, Ռոբերտ Քոչարյան, Հայկ Ալումյան, «Մարտի 1–ի» գործով դատավարություն
թեմա:
«Մարտի 1»-ի գործը (281)
Ըստ թեմայի
Քոչարյանի կրած վնասների համար կան ռեաբիլիտացիայի հնարավորություններ. Խուդոյան
Այս գործի ավարտը լինելու է Ռոբերտ Քոչարյանի դեմ քրեական հետապնդման դադարեցումը. Վարդևանյան
Ռոբերտ Քոչարյանի նկատմամբ 300.1 հոդվածով քրեական հետապնդումը դադարեցվում է. փաստաբան
Հայկ Չոբանյան

Եվրամիությունը և ԲՏԱ նախարարությունը Հայաստանում էլեկտրոնային համակարգեր կներդնեն

3
(Թարմացված է 17:54 20.04.2021)
Ներկայումս ԵՄ-ն համագործակցում է ՀՀ-ի հետ «e-judiciary» և «e-visa» ծառայությունների ամբողջական ներդրման ուղղությամբ:

ԵՐԵՎԱՆ, 20 ապրիլի – Sputnik. ՀՀ բարձր տեխնոլոգիական արդյունաբերության նախարար Հայկ Չոբանյանը հեռավար հանդիպում է ունեցել ՀՀ-ում ԵՄ պատվիրակության ղեկավար, դեսպան Անդրեա Վիկտորինի հետ: Տեղեկացնում է նախարարության կայքը։

Նախարարը և ՀՀ-ում ԵՄ պատվիրակության ղեկավարը ողջունել են միմյանց և նշել, որ նախկինում ունեցած արդյունավետ համագործակցությունը լավ հիմք է՝ առաջիկայում գործընկերային հարաբերություններն ամրապնդելու համար: 

ՀՀ ԲՏԱ նախարար Հայկ Չոբանյանը նշել է, որ բարձր տեխնոլոգիաների ոլորտի առաջընթացը ՀՀ-ում տեսանելի է: Ոլորտում առկա է աշխատատեղերի մեծ պահանջարկ և հանրությանը դեպի տեխնոլոգիական կրթություն ուղղորդելը կարևոր ազդակ կարող է հանդիսանալ այս բնագավառի զարգացման համար։ Նախարարը դեսպանին է ներկայացրել Հայաստանի վերջին տարիների ձեռքբերումները, կատարված աշխատանքի ամփոփ պատկերը, առանձնացրել ոլորտի զարգացման հիմնական ուղղությունները:

Վիկտորինը նշել է, որ ԵՄ-ն կարևորում է էլեկտրոնային կառավարման մշտական արդիականացումը (e-government): ԵՄ-ի հետ աշխատանքներ են ընթացել նաև «e-tax», «e-police» ծառայությունների, ինչպես նաև «Mulberry» էլեկտրոնային փաստաթղթաշրջանառության համակարգի  գործարկման, ակտիվացման ուղղությամբ:  Ներկայումս ԵՄ-ն համագործակցում է ՀՀ-ի հետ «e-judiciary» և «e-visa» ծառայությունների ամբողջական ներդրման ուղղությամբ:

Մեր պատասխանն Ադրբեջանին` պետք է լինի արդյունաբերական Հայաստանը. ԲՏԱ նախարար

Չոբանյանը նշել է նաև, որ ներկայում նախարարությունը մշակում է Բարձր տեխնոլոգիական արդյունաբերության զարգացման ռազմավարությունը, որը կսահմանի ոլորտային զարգացման միջնաժամկետ և երկարաժամկետ հիմնական ուղենիշերը:

3
թեգերը:
Եվրամիություն, Անդրեա Վիկտորինի, Հայկ Չոբանյան

Նախագահը աջակցություն կցուցաբերի Շուռնուխի ու Որոտանի բնակիչներին. տեսանյութ

8
(Թարմացված է 17:38 20.04.2021)
Գյուղերի բնակիչները նախագահին ներկայացրել են մի շարք սոցիալական խնդիրներ՝ մասնավորապես կապված անասնապահության, ջրամատակարարման, գազամատակարարման, ինչպես նաև գյուղատնտեսական վարկերի մարման հետ:

Հայաստանի նախագահ Արմեն Սարգսյանը Հայաստանի մարդու իրավունքների պաշտպան Արման Թաթոյանի հետ այցելել է Սյունիքի մարզ։ Տեղեկությունը հայտնում է նախագահի կայքը։

Գորիս-Կապան մայրուղու սկզբնամասում գտնվող ՀՀ ԱԱԾ սահմանապահ զորքերի վերահսկիչ անցակետում նախագահը ծանոթացել է ծառայության պայմաններին, զրուցել զինծառայողների հետ:

«Դուք ծառայություն եք իրականացնում շատ կարևոր դիրքում։ Ամուր եղեք, առողջ եղեք: Բոլորիդ բարի ծառայություն», - ասել է նա զինծառայողներին։

Այնուհետև Սարգսյանը մարդու իրավունքների պաշտպանի հետ այցելել է Շուռնուխ համայնք, հանդիպել Շուռնուխի և Որոտանի ղեկավարների ու բնակիչների հետ։ Նախագահին են ներկայացվել առկա խնդիրները, հատկապես ընդգծվել են անվտանգության, պատշաճ կարգով սահմանազատման հետ կապված հարցերը։ Բնակիչները տեղեկացրել են, որ գյուղում սկսվել է նոր թաղամասի կառուցումը, որի տեղանքը, սակայն, նրանք այնքան էլ բարենպաստ չեն համարում: Շուռնուխցիները կենսական խնդիր են համարել իրենց միակ եկամտի աղբյուր հանդիսացող անասնապահության հնարավորությունից զրկվելը. պատերազմից հետո գյուղը զրկվել է արոտավայրերից, որոնք այժմ Ադրբեջանի վերահսկողության տակ են: Բացի այդ, անասուններն անցնում են այդ տարածքներ և չեն վերադարձվում, ինչը հավելյալ խնդիրներ է առաջացնում։ Բնակիչները ներկայացրել են նաև մի շարք սոցիալական խնդիրներ՝ մասնավորապես կապված ջրամատակարարման, գազամատակարարման, ինչպես նաև գյուղատնտեսական վարկերի մարման հետ:

Արձագանքելով սյունեցիների բարձրացրած հարցերին և ընդգծելով հատկապես անվտանգության, զբաղվածության և սոցիալական խնդիրների կարևորությունը՝ հանրապետության նախագահը Շուռնուխ և Որոտան բնակավայրերի ղեկավարներին առաջարկել է դրանք մանրամասն քննարկել նախագահի աշխատակազմի հետ՝ նախագահական ինստիտուտի լիազորությունների շրջանակում հնարավոր աջակցություն ցուցաբերելու համար։

Ի՞նչ են պարզել Արմեն Սարգսյանն ու Արման Թաթոյանը Սյունիքում. ՄԻՊ–ը մանրամասներ է հայտնում

Հիշեցնենք, որ 2020–ի նոյեմբերի 9-ի եռակողմ հայտարարությունից հետո սահմանային իրավիճակը փոխվել է ոչ միայն Արցախում, այլև ՀՀ որոշ մարզերում` Գեղարքունիքում, Սյունիքում։ 

ՀՀ պաշտպանության նախարարությունը դեկտեմբերի 20–ին տեղեկացրել է, որ ռուս սահմանապահ ուժեր կտեղակայվեն Սյունիքի մարզի Գորիս-Կապան ավտոճանապարհի 21 կիլոմետրանոց հատվածում, որի մյուս կողմում տեղակայվել են ադրբեջանցի զինծառայողներ։

Հունվարի 5-ին Սյունիքի մարզի Շուռնուխ գյուղի 11 տները հանձնվեցին ադրբեջանցիներին։ Փետրվարի 5-ին մարզի Ներքին Խնձորեսկ գյուղից հայկական զինծառայողները նահանջել են՝ թշնամուն թողնելով 15 հեկտար հողատարածք։ Մոտ 10 տուն էլ կորցրել ենք Որոտան գյուղում։

8
թեգերը:
սահմանամերձ գյուղեր, Սահման, Որոտան, Շուռնուխ, Սյունիք, Արմեն Սարգսյան
Ըստ թեմայի
Կան քննարկումներ Սյունիքում ռուսական ռազմաբազայի հենակետ ստեղծելու մասին. Փաշինյան
ԵՄ հատուկ ներկայացուցիչն այցելել է Սյունիք` տեղում ծանոթանալու իրավիճակին ու խնդիրներին
Վահե Ղազարյանը պաշտոններից ազատել է Սյունիքի մարզի և Գորիսի ոստիկանապետներին