Նիկոլ Փաշինյան

Փաշինյանը որոշել է, թե ով պիտի ղեկավարի ավելի քան կես տարի առանց նախագահի մնացած կառույցը

224
(Թարմացված է 14:38 26.03.2021)
Բարձրագույն որակավորման կոմիտեի նոր նախագահը ֆիզիկամաթեմատիկական գիտությունների թեկնածու է։

ԵՐԵՎԱՆ, 26 մարտի – Sputnik. Բարձրագույն որակավորման կոմիտեի նախագահ է նշանակվել Կարեն Քեռյանը։ ՀՀ վարչապետ Նիկոլ Փաշինյանը ստորագրել է համապատասխան որոշումը, որը հրապարակվել է կառավարության կայքում։

«Ղեկավարվելով «Հանրային ծառայության մասին» օրենքի 9-րդ հոդվածի 7-րդ մասով՝ Կարեն Քեռյանին նշանակել Բարձրագույն որակավորման կոմիտեի նախագահ»,– գրված է որոշման մեջ։

Կարեն Քեռյանը 2001-2007 թթ.–ին սովորել է Երևանի պետական համալսարանի մաթեմատիկայի ֆակուլտետում, 2007-2009թթ.–ին` ԵՊՀ մաթեմատիկայի և մեխանիկայի ֆակուլտետում։

Карен Керян
Կարեն Քեռյան

Ֆիզմաթ գիտությունների թեկնածու է։ Թեկնածուական թեզը` «Ֆրանկլինի ընդհանուր պարբերական համակարգի բազիսության հարցեր»։ ԵՊՀ կայքում հրապարակված տեղեկության համաձայն` 2013թ.-ից առ այսօր Հայաստանի ամերիկյան համալսարանի ասիստենտ է, 2009թ.-ից առ այսօր` ԵՊՀ Մաթեմատիկական անալիզի և ֆունկցիաների տեսության ամբիոնի ասիստենտ, 2008–2009թթ–ին` ԵՊՀ մաթեմատիկական անալիզի և ֆունկցիաների տեսության ամբիոնի դասախոս։

Հիշեցնենք` ԲՈԿ–ի նախկին նախագահը Սմբատ Գոգյանն էր, որ նշանակվել էր 2018–ի հունիսի 12-ին, իսկ 2020–ի մայիսի 14-ին` աշխատանքից ազատվելու դիմում ներկայացրել, բայց վարչապետը նրա ազատման հրամանն այդպես էլ չէր ստորագրում։ Որպես պաշտոնից հեռանալու դրդապատճառ Գոգյանը նշել էր, որ կրթության և գիտության բարեփոխման իր պատկերացումները չեն համընկել նախարարության ռազմավարության հետ, և ժամանակի ընթացքում այդ հակասությունները խորացել են։ Անցած տարվա սեպտեմբերի 24-ին Փաշինյանը վերջապես ստորագրեց Գոգյանին աշխատանքից ազատելու որոշումը, բայց կառույցը նոր նախագահ ունի երեկվանից, քանի որ Փաշինյանը որոշումը ստորագրել է մարտի 25-ին։

224
թեգերը:
Նիկոլ Փաշինյան, Հայաստան
ՀՀ քննչական կոմիտե

Տավուշի մարզում թունավորումից մահացած 11-ամյա աղջկա դեպքով քրգործ է հարուցվել

6
Ոչ պատշաճ բժշկական օգնություն ցուցաբերելու հատկանիշներով հարուցված քրգործով հարցաքննվել են մի շարք անձինք։

ԵՐԵՎԱՆ, 21 ապրիլի - Sputnik. Տավուշի մարզի Գետահովիտ գյուղում թունավորումից մահացած 11-ամյա աղջկա ու ընտանիքի մյուս անդամների թունավորման դեպքով քննչական կոմիտեում քրեական գործ է հարուցվել` բժշկական օգնություն և սպասարկում իրականացնողների կողմից մասնագիտական պարտականությունները չկատարելու կամ ոչ պատշաճ կատարելու հատկանիշներով։ Տեղեկությունը հայտնում է ՀՀ քննչական կոմիտեն։

Ավելի վաղ հայտնել էինք, որ ապրիլի 19-ին` ժամը 22:26-ին, Գետահովիտ գյուղից նախնական սննդային թունավորում ախտորոշմամբ Տավուշի մարզի Իջևան քաղաքի ԲԿ են տեղափոխվել Գետահովիտ գյուղում բնակվող ընտանիքի 4 անդամներ` 41–ամյա ծնողներն ու 11 և 14 տարեկան երեխաները։ 11 տարեկան աղջիկը հիվանդանոցում մահացել է։

«Նախաքննության ընթացքում կատարվել են բազմաթիվ քննչական և դատավարական գործողություններ, այդ թվում՝ դեպքի վայրի զննություն: Առգրավվել են վերոհիշյալ 4 անձանց ամբուլատոր բժշկական քարտերի բնօրինակները, շտապ բուժօգնության կանչի թերթիկը։ Նշանակվել են մի շարք փորձաքննություններ։ Կատարվել են զննություններ»,–նշված է հաղորդագրության մեջ։

ՀՀ քրեական օրենսգրքի 130-րդ հոդվածով հարուցված քրգործով հարցաքննվել են մի շարք անձինք։ Կատարվում է նախաքննություն:

Հիշեցնենք, որ Գետահովիտի համայնքապետարանի աշխատակազմի քարտուղար Սուսաննա Չաբուխյանը Sputnik Արմենիայի հետ զրույցում հայտնել էր` մահացած 11-ամյա աղջկա ու ընտանիքի մյուս անդամների թունավորման պատճառը եղել է այգուց հավաքած կանաչին։

6
թեգերը:
Մահ, աղջիկ, ՀՀ քննչական կոմիտե, Հայաստան
Ըստ թեմայի
Կրակոցներ Երևանում. ոստիկանները զինված տղամարդուն բերման են ենթարկել
Երևանում դիմակի պատճառով սպանություն կատարած տղամարդն ինքնակամ ներկայացել է ոստիկանություն
Գյումրիում ամուսինը սպանել է կնոջը հարևանի տանը
Կապան

ԱԱԾ պետն ու ոստիկանության պետը շտապ ժամանել են Սյունիք

77
(Թարմացված է 15:52 21.04.2021)
ՀՀ վարչապետի մարզային այցի մասին նախապես տեղյակ չեն պահել նաև ուժային կառույցների պատասխանատուներին։

ԵՐԵՎԱՆ, 21 ապրիլի - Sputnik. ՀՀ ԱԱԾ պետ Արմեն Աբազյանն ու ՀՀ Ոստիկանության պետ Վահե Ղազարյանը քիչ առաջ ժամանել են Կապան ու շտապ մուտք գործել Սյունիքի մարզպետարանի շենք, որտեղ այս պահին գտնվում է նաև ՀՀ վարչապետ Նիկոլ Փաշինյանը:

Նշենք, որ Նիկոլ Փաշինյանը Սյունիքում է ապրիլի 20-ից։ Նրա այցի մասին նախապես չէր հայտարարվել։ Ըստ մամուլի, վարչապետի այցի մասին նախապես տեղյակ չեն պահել նաև ուժային կառույցների պատասխանատուներին։

Նույնիսկ ճանապարհային ոստիկանությանն ընդամենը կես ժամ առաջ են տեղեկացրել, որ պետք է ուղեկցեն վարչապետին։

Երեկ երեկոյան անսպասելիորեն պաշտոնանկ էին արվել Սյունիքի ոստիկանապետը, նրա տեղակալը, Գորիսի և Կապանի ոստիկանապետները։ Միաժամանակ արվել էին նաև նոր նշանակումներ։

Ապրիլի 20-ի գիշերը վարչապետն այցելել է Շուռնուխ համայնք, որտեղ բնակիչները նրան ընդունել են վրդովված և սառը։

Այսօր Նիկոլ Փաշինյանին վիրավորական արտահայտություններով ու բողոքի ակցիաներով են դիմավորել նաև Ագարակում, Մեղրիում ու Կապանում:

Քաջարանի բնակիչները մերժեցին Փաշինյանին

Այցի ընթացքում Փաշինյանը եղել է Սյունիքի զորամասերից մեկում, որտեղ ծանոթացել է օպերատիվ իրավիճակին եւ զինծառայողների սոցիալ-կենցաղային պայմաններին։

77
թեգերը:
Նիկոլ Փաշինյան, Հայաստան, Սյունիք, Արմեն Աբազյան, Վահե Ղազարյան, ՀՀ Ոստիկանություն, ՀՀ ազգային անվտանգության ծառայություն. ԱԱԾ
Ըստ թեմայի
ՌԴ–ն կարևոր դեր է խաղացել Ղարաբաղի զինված հակամարտությունը դադարեցնելու գործում. Պուտին
Նաիրա Զոհրաբյանը գերիների մայրերի նամակը հանձնել է ԵԽԽՎ–ում գերմանացի գործընկերներին
Տրանսպորտային-լոգիստիկ միջանցքները եվրասիական գործընկերության կարկաս կդառնան. Պուտին