ՍՈւ–30 ՍՄ

Ի՞նչ հրթիռներով են կրակել ՍՈւ-երը վարժանքի ժամանակ. մեկնաբանել է ԱԽ քարտուղարը

316
(Թարմացված է 13:30 25.03.2021)
Երբ ՍՈւ-երը գնվել են, պլանավորվել է նաև դրանց զինամթերքի ու մնացած կարողությունների ձեռքբերումը: Բայց պատերազմն ավելի շուտ է սկսվել:

ԵՐԵՎԱՆ, 25 մարտի - Sputnik. ԱԽ քարտուղար Արմեն Գրիգորյանն այսօր կառավարության նիստի ավարտին լրագրողների հետ ճեպազրույցում մեկնաբանեց ՍՈւ- 30 ինքնաթիռների հետ կապված ՀՀ վարչապետ Նիկոլ Փաշինյանի՝ երեկ ԱԺ-ում արած հայտարարությունը:

«Երբ ՍՈւ-երը գնվել են, դրանց զինամթերքի ու մնացած կարողությունների ձեռքբերումը դիտարկվել է որպես ավելի երկարաժամկետ գործընթաց: Ըստ պլանավորման, դա ավելի երկարաժամկետ էր, քան պատերազմը սկսվեց»,- ասաց Գրիգորյանը:

Նա նաև հաստատեց Փաշինյանի այն հայտարարությունը, որ վարժական թռիչքի ժամանակ Սու-երը հրթիռներ են արձակել: Դրանք, ԱԽ քարտուղարի պարզաբանմամբ, եղել են ավելի ցածր կարողություններով հրթիռներ:

«Խնդիր էր դրված, որ լավագույնը ունենանք, որն ամենամեծ ազդեցությունը կարող է ունենալ: Այն, ինչ մենք ունեցել ենք մինչ այդ, դրանք որոշակի սահմանափակումներ են ունեցել»,- ասաց Գրիգորյանը:

Հիշեցնենք` վարչապետ Նիկոլ Փաշինյանը մարտի 24-ին ԱԺ-ում հայտարարել էր, որ ՍՈւ-30-ների մասին իր նախկին հայտարարություններն իրար չեն հակասում, և որ վարժական թռիչքի ժամանակ ինքնաթիռներից հրթիռներ արձակվել են, բայց դրանք եղել են ՀՀ բանակի նախկինում ունեցած սպառազինությունների հաշվեկշռում:

Մարտի 20-ին Արագածոտնի մարզի Օհանավան համայնքի բնակիչների հետ հանդիպման ժամանակ ՀՀ վարչապետ Նիկոլ Փաշինյանը հայտարարել էր. «Այո՛, մենք ինքնաթիռ ենք գնել, որոնք մայիսին են բերվել և այո, չենք հասցրել հրթիռները մինչև պատերազմը ձեռք բերել։ Բա ինքնաթիռները դուք ձեռք բերեիք, որ մենք էլ հասցնեինք հրթիռները ձեռք բերել։ 26 տարվա պետությունը ինչու չուներ կործանիչ ավիացիա»:

ՍՈւ-30 ինքնաթիռները պտտվեցին երևանյան երկնքում

Իսկ 2020թ. հուլիսի 3-ին վարչապետ Նիկոլ Փաշինյանը Facebook–ի իր էջում գրել էր. «Մեր Սու-30ՍՄ-ները երեկ «մարտական խոցումով» առաջին վարժական թռիչքներն են իրականացրել` փորձարկելով երկինք-երկիր հրթիռներ՝ «գրոհային գործողության» համար։ Բոլոր թիրախները խոցվել են բարձր ճշգրտությամբ»։

ՀՀ ՊՆ ռազմական վերահսկողության ծառայության նախկին պետ Մովսես Հակոբյանն էլ հայտարարել էր, որ Ռուսաստանից ձեռք բերված Սու-30ՍՄ կործանիչները առանց զինամթերքի են եղել, քանի որ Ռուսաստանը 130 կմ հեռահարությամբ «օդ-օդ» հրթիռներ չի վաճառում այլ երկրի, ինչի պատճառով էլ մեր ՍՈւ–երը չեն օգտագործվել պատերազմի ժամանակ: Հայաստանի իշխանություններն այդ հայտարարությունը չէին հաստատել։

316
թեգերը:
Արցախյան պատերազմ, հրթիռ, Նիկոլ Փաշինյան, Սու-30ՍՄ կործանիչ, Անվտանգության խորհրդի քարտուղար, Արմեն Գրիգորյան
Ըստ թեմայի
Կոտայքի մարզպետը չի հերքում՝ Սասուն Միքայելյանի հետ կապված մարդիկ մարզպետարանում շատ են
Դավաճանության և լրտեսության համար այսուհետ կարող են ցմահ ազատազրկման ենթարկվել
Ինչ ասել եմ, արձանագրված է. ԱԽ քարտուղարը պնդում է իր հայտարարությունը
Ալեքսանդր Չեֆերին

«Պարոնայք, սխալվել եք». ՈւԵՖԱ-ի ղեկավարը կոչ է արել վերանայել Սուպերլիգայի մասին որոշումը

7
Անգլիայի, Իսպանիայի և Իտալիայի մի շարք ակումբներ արդեն հաստատել են, որ մասնակցելու են Սուպերլիգային:

ԵՐԵՎԱՆ, 20 ապրիլի – Sputnik. Եվրոպական ֆուտբոլային ասոցիացիաների միության (ՈւԵՖԱ) ղեկավար Ալեքսանդր Չեֆերինը Սուպերլիգա ստեղծած ակումբներին հորդորել է վերանայել իրենց որոշումը: ՌԻԱ Նովոստին տեղեկացնում է, որ նա այդ մասին հայտարարել է ՈւԵՖԱ-ի կոնգրեսում։

«Դիմում եմ անգլիական որոշ ակումբների սեփականատերերին։ Պարոնայք, դուք մեծ սխալ եք գործել։ Ինչ-որ մեկը կասի` դա ագահություն է, մյուսները` ամբարտավանություն, տգիտություն, անգլիական ֆուտբոլային մշակույթի հանդեպ արհամարհանք։ Բայց դա կարևոր չէ։ Կարևորն այն է, որ ձեր կարծիքը փոխելու ժամանակ կա։ Բոլորն էլ սխալվում են։ Անգլիացի երկրպագուներն արժանի են, որ դուք ուղղեք սխալը», - ասել է Չեֆերինը։

Նա նշել է, որ իրենց հետ են ոչ միայն ֆուտբոլային հանրությունը, ֆուտբոլային ընտանիքը, այլև բոլոր կառավարությունները, երկրպագուները, լրատվամիջոցները։

«Մյուս կողմում քիչ մարդ կա, որոշ ագահներ։ Թո՞ւյլ կտանք, որ նրանք ֆուտբոլն իրենցով անեն։ Ո՛չ։ Հավատացեք` մենք դա թույլ չենք տա», - հավելել է նա։

Ավելի վաղ հայտնել էինք, որ եվրոպական 12 ակումբներ համաձայնության են եկել Սուպերլիգա ստեղծելու գաղափարի շուրջ:

Սուպերլիգան իրենց կներկայացնի 20 թիմերից կազմած մրցաշար, որոնցից 15-ը կլինեն անփոխարինելի ակումբներ: Մյուս 5 թիմերը իրավունք կստանան մասնակցելու մրցաշարին՝ հաղթահարելով որակավորման փուլը:

«Ուզում եմ Հայաստանի հավաքականում խաղալ»․ Արթուր Գալոյանը` իր նվիրական երազանքի մասին

Հիմնադիրները «Ռեալ», «Յուվենտուս», «Մանչեսթեր Յունայթեդ», «Բարսելոնա», «Ատլետիկո», «Միլան», «Ինտեր», «Մանչեսթեր Սիթի», «Լիվերպուլ», «Արսենալ», «Չելսի» և «Տոտենհեմ» ակումբներն են:

«Էությամբ խենթ եմ»․ դարպասապահ Դավիթ Յուրչենկոն՝ հայկական ծագման ու ֆուտբոլի մասին

Եվրոպական ֆուտբոլային ասոցիացիաների միությունը (ՈւԵՖԱ), Իսպանիայի ֆուտբոլի թագավորական ֆեդերացիան (RFEF), Իտալիայի ֆուտբոլի ֆեդերացիան (FIGC) և Անգլիայի ֆուտբոլային ասոցիացիան (The FA) հանդես են եկել համատեղ հայտարարությամբ, որում դատապարտել են եվրոպական Սուպերլիգայի ստեղծումը: ՈւԵՖԱ-ն նաև հայտնել է, որ Սուպերլիգայի մասնակից ակումբներին կարգելվի մասնակցել ազգային, եվրոպական ու համաշխարհային ցանկացած այլ առաջնության, իսկ ֆուտբոլիստները, ամենայն հավանականությամբ, կզրկվեն ազգային հավաքականներում խաղալու իրավունքից։

Սուպերլիգայի մրցաշարը կմեկնարկի օգոստոսին:

Հայ ըմբիշներից մեկը չի մասնակցի Եվրոպայի առաջնությանը. նա վնասվածք է ստացել

7
թեգերը:
ՈւԵՖԱ, ֆուտբոլ
Ըստ թեմայի
Շնորհակալություն, պետք չէ. հայկական ակումբն արձագանքել է Սուպերլիգայում խաղալու հրավերին
Մարմնամարզության աշխարհի չեմպիոն Արթուր Դալալոյանը վիրահատվել է
Արա Այվազյան

Արա Այվազյանը զրուցել է Արաբական Միացյալ Էմիրությունների իր գործընկերոջ հետ

8
(Թարմացված է 18:07 20.04.2021)
Հայաստանի և ԱՄԷ արտաքին գործերի նախարարները մտքեր են փոխանակել տարածաշրջանային անվտանգության և կայունության հարցերի շուրջ:

ԵՐԵՎԱՆ, 20 ապրիլի - Sputnik․ ՀՀ ԱԳ նախարար Արա Այվազյանը հեռախոսազրույց է ունեցել ԱՄԷ արտաքին գործերի և միջազգային համագործակցության նախարար Աբդալլահ բին Զայեդ Ալ Նահյանի հետ: Այս մասին տեղեկացնում է ԱԳ կայքը։

Զրուցակիցներն անդրադարձել են նախարար Այվազյանի՝ ԱՄԷ աշխատանքային այցի շրջանակներում ձեռք բերված պայմանավորվածությունների իրականացման ընթացքին, մտքեր են փոխանակել փոխադարձ հետաքրքրություն ներկայացնող ոլորտներում համագործակցությանն առնչվող հարցերի շուրջ: Քաղաքական երկխոսության ընդլայնմանն ուղղված քայլերի համատեքստում երկուստեք ընդգծվել է փոխայցելությունների և գերատեսչությունների միջև խորհրդատվությունների անցկացման կարևորությունը:

Հայաստանի և ԱՄԷ արտաքին գործերի նախարարները մտքեր են փոխանակել տարածաշրջանային անվտանգության և կայունության հարցերի շուրջ:

Նշենք, որ Հայաստանի Հանրապետության և Արաբական Միացյալ Էմիրությունների միջեւ դիվանագիտական հարաբերությունները հաստատվել են 1998-ի հունիսին։ 2015-ից Հայաստանում գործում է Արաբական Միացյալ Էմիրությունների դեսպանությունը։

Արա Այվազյանը Մոսկվայում խոսել է Ադրբեջանի ռազմական հանցագործությունների ու գերիների մասին

2018-ի հոկտեմբերից Արաբական Միացյալ Էմիրություններում Հայաստանի Հանրապետության արտակարգ և լիազոր դեսպան է Մհեր Մկրտումյանը։ 2019-ի փետրվարից ՀՀ-ում ԱՄԷ դեսպանն է Մուհամմադ Ալ Զաաբիին։

Հայաստանը ԱՄԷ-ից ներմուծում է ներկանյութեր, շինանյութ, հրուշակեղեն, պլաստմասե իրեր, կահույք, էլեկտրատեխնիկա, տրանսպորտային միջոցներ եւ այլն, իսկ արտահանում է պղինձ, ալյումին ու մարգարիտ։

8
թեգերը:
Արաբական միացյալ էմիրություններ (ԱՄԷ), Հայաստան, Արա Այվազյան
Ըստ թեմայի
Արա Այվազյանը մեկնաբանել է ԱԽ քարտուղարի սկանդալային հայտարարությունը
Արա Այվազյանն աշխատանքից չի ազատվելու
Արա Այվազյանն անհապաղ լուծում պահանջող հարցերի մասին է խոսել Պոլ Ռիչարդ Գալագերի հետ