ԵՐԵՎԱՆ, 23 մարտի - Sputnik. Երկրում ստեղծված իրավիճակը քննարկել են Հայաստանի Հանրապետության նախագահ Արմեն Սարգսյանը և վարչապետ Նիկոլ Փաշինյանը` այսօր կայացած հանդիպման ժամանակ։ Տեղեկությունը հայտնում է ՀՀ նախագահի պաշտոնական կայքը։
«Նախագահը և վարչապետը քննարկել են ներքաղաքական մթնոլորտի բարելավմանը միտված քայլերը։ Անդրադարձել են խորհրդարանական արտահերթ ընտրությունների անցկացմանը»,–նշված է հաղորդագրության մեջ։
Նշվում է, որ կարևորվել է ընտրությունների ազատ և արդար կազմակերպմանն ուղղված անհրաժեշտ քայլերի իրականացումը, այդ թվում՝ Սահմանադրության և օրենսդրական դաշտի կատարելագործման միջոցով:
