Աննա Կոստանյան

ՊԵԿ-ն ու վարչապետի աշխատակազմը 15 մլն դոլարի պարգևատրում են ստացել. պատգամավոր

200
(Թարմացված է 14:57 23.03.2021)
2020 թվականի հոկտեմբեր–նոյեմբերին, երբ Արցախում պատերազմ էր, ՊԵԿ-ի աշխատակիցները մոտ 1 մլրդ դրամ պարգևատրում են ստացել։

ԵՐԵՎԱՆ, 23 մարտի – Sputnik. ՀՀ պետական եկամուտների կոմիտեն 2020 թվականին իր աշխատակիցներին 14,2 միլիոն դոլարի պարգևատրում է տվել։ Այսօր Ազգային ժողովում նման հայտարարություն արեց «Լուսավոր Հայաստան» խմբակցության պատգամավոր Աննա Կոստանյանը։

«2020 թվականին Պետական եկամուտների կոմիտեն ստացել է 6,8 մլրդ դրամի (14,2 մլն դոլար) պարգևատրում։ Եվ դա կորոնավիրուսային համավարակի և պատերազմի պայմաններում։ 2020 թվականի հոկտեմբերին պարգևատրման չափը կազմել է 496 միլիոն դրամ, նոյեմբերին ՝ 474 միլիոն դրամ, դեկտեմբերին ՝ 1,3 միլիարդ դրամ», - ասաց Կոստանյանը ։

Նրա խոսքով` վարչապետի աշխատակազմը 2020 թվականին աշխատակիցներին 441 միլիոն դրամի (835 հազար դոլար) պարգևատրում է հատկացրել։

«Ֆինանսների նախարարը, որին ի պահ է տրված պետության ամբողջ գանձարանը, պատերազմի ամենաթեժ օրերին զերծ չի մնացել ինքն իրեն մոտ 73 մլն դրամով պարգևատրելուց», – ասաց Կոստանյանը:

«Իմ քայլը» նոր պատգամավոր ունի. նա երդվեց ԱԺ–ում

Պատգամավորը նշեց, որ այդ գումարներով պատերազմի ընթացքում կարելի էր շատ անօդաչու թռչող սարքեր գնել։

Նշենք, որ սոցիալական ցանցերում և ԶԼՄ-ներում պարբերաբար թեժ քննարկումներ են լինում պետական պաշտոնյաներին, ծառայողներին պարգևատրելու կապակցությամբ:

«Ավելի շատ աբսուրդ, պարոնա՛յք». ով ու ինչպես է ավերում Հայաստանը

200
թեգերը:
Պատգամավոր, Աննա Կոստանյան, պարգևավճար, Հայաստան
Անձրևային օր

Անձրև կգա, բայց ոչ Երևանում. եղանակի տեսություն

4
(Թարմացված է 15:29 11.04.2021)
Օդերևութաբանների կանխատեսումների համաձայն՝ տեղումները կդադարեն ապրիլի 15-ին:

ԵՐԵՎԱՆ, 12 ապրիլի - Sputnik. Հայաստանի Հանրապետության մեծ մասում ապրիլի 12-14-ի գիշերը և կեսօրից հետո առանձին շրջաններում սպասվում է անձրև և ամպրոպ։ Տեղեկությունը հայտնում են ՀՀ արտակարգ իրավիճակների նախարարությունից։

Տեղումները կդադարեն ապրիլի 15-ին:

Եղանակի կանխատեսում

Քամին՝ հյուսիս-արևմտյան՝ 5-10 մ/վ, ապրիլի 11-ին առանձին վայրերում սպասվում է քամու ուժգնացում՝ 20-25 մ/վ:

Օդի ջերմաստիճանն էապես չի փոխվի:

Երևանում ապրիլի 12-ին սպասվում է հիմնականում ամպամած, բայց առանց տեղումների եղանակ:

Օդի ջերմաստիճանը մայրաքաղաքում այսօր ցերեկը կլինի +19-ից +21, երեկոյան՝ +12-ից +14 աստիճան։

Հայաստանում եղանակային անոմալիա է գրանցվել. Գագիկ Սուրենյանը մանրամասներ է ներկայացնում

4
թեգերը:
եղանակ, Երևան, Հայաստան, Անձրև
թեմա:
Եղանակը Հայաստանում
Ըստ թեմայի
Մալթան պատրաստ է մինչև 200 եվրո վճարել յուրաքանչյուր զբոսաշրջիկի
Ծանրորդ Սիմոն Մարտիրոսյանը վնասվածք է ստացել Քարվաճառում՝ խաչքարերը դուրս բերելիս
«Սուրենյան ջան, ինչի՞ եք այդպես բարկացել». օգտատերերը միացել են օդերևութաբանի չելենջին
Ծանրամարտի Եվրոպայի առաջնություն

Եվրոպայի առաջնությունում Հայաստանը 3-րդն է երկամարտի արդյունքներով

165
Հայ ծանրորդները հայրենիք են վերադառնալու 2-ական ոսկե և արծաթե, 4 բրոնզե մեդալներով։

ԵՐԵՎԱՆ, 11 ապրիլի – Sputnik․ Մոսկվայում անցկացված ծանրամարտի Եվրոպայի առաջնությունում Հայաստանի հավաքականը երկամարտի մեդալային հաշվարկում զբաղեցրեց երրորդ հորիզոնականը։ Մեր մարզիկները Հայաստան կվերադառնան 2 ոսկե, 2 արծաթե և 4 բրոնզե մեդալներով։

Առաջին տեղում Ուկրաինան է՝ 4 ոսկե, 1-ական արծաթե և բրոնզե մեդալներ, երկրորդ տեղում Բուլղարիան է՝ 3-ական ոսկե և արծաթե, 1 բրոնզե մեդալով:

Մեր հարևանները թեպետ առաջին տասնյակում են, բայց զիջում են Հայաստանին․ Վրաստանի հավաքականը 4-րդ, Թուրքիայինը՝ 7-րդ, Ադրբեջանինը 10-րդ տեղում է։

Թիմային հաշվարկում Հայաստանի հավաքականը 5-րդն է՝ 23 մեծ ու փոքր մեդալներով: Այստեղ առաջին երկու տեղերն անփոփոխ են՝ Ուկրաինա և Բուլղարիա, երրորդ տեղում Ռումինիան է։ Թիմային հաշվարկում հարևան Վրաստանի հավաքականը 1 հորիզոնականով առաջ է անցել՝ զբաղեցնելով 4-րդ տեղը։

Սամվել Գասպարյանը դարձավ Եվրոպայի չեմպիոն, Արսեն Մարտիրոսյանը` փոխչեմպիոն

165
թեգերը:
Հայաստան, Եվրոպա, ծանրամարտ
Ըստ թեմայի
Եվրոպայի առաջնությունում Արփինե Դալալյանը 4-րդն է
Ծանրամարտի տղամարդկանց Հայաստանի առաջնության չեմպիոնները հայտնի են
Լիանա Գյուրջյանը դարձավ ծանրամարտի Եվրոպայի առաջնության բրոնզե մեդալակիր