Ախուրյանի ջրամբար

Հայաստանի խոշոր ջրամբարներում 74 մլն խմ պակաս ջուր է ամբարված, քան նախորդ տարի. Ազիզյան

110
(Թարմացված է 13:30 23.03.2021)
Անդրադառնալով գարնանային ընդհանուր վարարումներին`Լևոն Ազիզյանը նշեց, որ այս տարի կանխատեսվում է նորմային մոտ ջրաբանական տարի։

ԵՐԵՎԱՆ, 23 մարտի - Sputnik. Հիմա Հայաստանի 5 խոշոր ջրամբարներում 74 մլն խմ պակաս ջուր է ամբարված, քան նախորդ տարի։ Տեղեկությունը հայտնեց ՀՀ շրջակա միջավայրի նախարարության «Հիդրոօդերևութաբանության և մոնիտորինգի կենտրոն» ՊՈԱԿ-ի տնօրենի ժամանակավոր պաշտոնակատար Լևոն Ազիզյանն այսօր հրավիրված ասուլիսի ժամանակ։

«Աշնանային շրջանի հիդրոօդերևութաբանական պայմաններն այդքան էլ բարենպաստ չեն եղել, փոխարենը ձմեռային ժամանակաշրջանի հիդրոօդերևութաբանական պայմանները նախորդ տարվա համեմատ նպաստավոր են, և այսօրվա դրությամբ ՀՀ–ում ձնածածկույթը անցյալ տարվա համեմատ բավական շատ է։ Եթե նախորդ տարի Ջերմուկում այս օրերին կար 3 սմ ձնածածկույթ, ապա այսօր` 90 սմ, Ամբերդում նախորդ տարի 9 սմ ձնածածկույթ էր, այժմ` 100 սմ։ Այսինքն` այն հատվածներում, որտեղ ձնածածկույթ կա, նախորդ տարվա համեմատ առնվազն 3-4 անգամ շատ է»,–ասաց Ազիզյանը։

Անդրադառնալով գարնանային ընդհանուր վարարումներին`բանախոսը նշեց, որ այս տարի հանրապետությունում կանխատեսվում է նորմային մոտ ջրաբանական տարի։

«Մարմարիկի և Ազատի ջրամբարներում կանխատեսվում է 100 տոկոս լցվածություն, Ախուրյանի ջրամբարում` 80-85 տոկոս, Արփիի ջրամբարում`65-70, իսկ Ապարանի ջրամբարում` 55-60 տոկոս։ Ապրիլ–հունիս ամիսներին կանխատեսվում է Սևանա լճի ջրի մակարդակի 37-42 սմ բարձրացում, իսկ տարեկան կտրվածքով կանխատեսվում է 6-11 սմ բարձրացում»,–ասաց նա։

ՊՈԱԿ-ի տնօրենի ժամանակավոր պաշտոնակատարը շեշտեց, որ ըստ կանխատեսումների`վարարումներ կլինեն ապրիլի 3–րդ տասնօրյակից մինչև մայիսի առաջին տասնօրյակն ընկած ժամանակահատվածում։

Ազիզյանի խոսքով`ջրային ռեսուրսների տեսանկյունից Արաքս-Ախուրյան հատվածում խնդիրներ կան, և դրանք կապված են Թուրքիայի կողմից ջրամբարների կառուցման հետ: «Պատահական չէ, որ այսօր Ախուրյանում մենք նախորդ տարվա համեմատ 100 միլիոն խորանարդ մետրով քիչ ջուր ունենք: Թուրքիան 2012 թվականից ջրամբարի շինարարություն է սկսել Արաքս գետի մոտ: Այդ կապակցությամբ ջրային ռեսուրսները 30-40 տոկոսով նվազել են»,- ասաց նա:

Ազիզյանի խոսքով՝ ջրային ռեսուրսների տեսանկյունից լուրջ խնդիր է նաև կլիմայի փոփոխությունը՝ տաքացման տեսքով, որը գրանցվում է 1994 թվականից ի վեր:

«Կանխատեսվում է, որ մինչև 2040 թվականը ջրային ռեսուրսների խոցելիությունը նորմի նկատմամբ կնվազի 15 տոկոսով, 2070-ին՝ 20-25 տոկոսով, 2100-ին՝ 35-40 տոկոսով»,- շեշտեց նա:

Նրա խոսքով`Սևանա լճի մակարդակն այսօրվա դրությամբ 1900 մ 60 սմ է, այսինքն` 15 սմ–ով բարձր է նախորդ տարվա նույն ժամանակահատվածի համեմատ։

Ինչպես չգոլորշիանանք, կամ ջրային ռեսուրսները կբավականացնե՞ն Հայաստանին ու Արցախին

110
թեգերը:
ջրամբար, ջուր, Հայաստան
Ծանրամարտ

Ծանրամարտիկ Գոռ Մինասյանը՝ Եվրոպայի փոխչեմպիոն, Վարազդատ Լալայանը՝ բրոնզե մեդալակիր

11
(Թարմացված է 18:57 11.04.2021)
Ծանրամարտի Եվրոպայի առաջնություն ավարտվեց։ Հայաստանի հավաքականի կազմում հանդես եկած գերծանր քաշայիններ Գոռ Մինասյանն ու Վարազդատ Լալայանը մեր հավաքականի մեդալների հավաքածուն վերջնական տեսքի բերեցին՝  5 ոսկե, 9 արծաթե և 9 բրոնզե մեդալ։

ԵՐԵՎԱՆ, 11 ապրիլի – Sputni, Խաչիկ Չախոյան. Գերծանր քաշայինների պայքարում Գոռ Մինասյանը երկամարտի  464 կգ  արդյունքով երկրորդն էր, իսկ Վարազադատ Լալայանը 445կգ արդյունքով՝ երրորդը։

Գերծանր քաշային կարգի մրցումներից առաջ պարզ էր, որ վրացի Լաշա Տալախաձեի հետ հավասար պայքար մղել համարյա հնարավոր չէ։ Աշխարհի, Եվրոպայի և օլիմպիական խաղերի չեմպիոնը իր քաշային կարգում ուղղակի բացառիկություն է։ Բայց այն, որ նրան որոշակի պայքար կարող են պարտադրել հայ ծանրորդները, դա էլ պարզ էր։ Ու վրացի ծանրամարտիկի արդյունքին մոտ էին միայն հայ ծանրորդները։

Պոկում վարժությունում Գոռ Մինասյանը 216 կգ արդյունքով նվաճեց արծաթե փոքր մեդալը, իսկ Վարազդատ Լալայանը 205 կգ արդյունքով վաստակեց բրոնզե փոքր մեդալը։ Լաշա Տալախաձեն սահմանելով համաշխարհային նոր ռեկորդ՝ 222կգ, նվաճեց ոսկե մեդալը։ Պոկում վարժության ավարտից հետո, հաշվի առնելով ծանրորդների նախնական պատվերները հրում վարժության համար, պարզ էր, որ մրցանակային եռյակը երկամարտում ինչ-որ տեղ ուրվագծվել էր։

Ու ամեն ինչ այդպես էլ եղավ։ Իրենց առաջին մոտեցումներով (240կգ) Մինասյանն ու Լալայանը հաստատեցին իրենց մեդալը երկամարտում։ Մնում էր հասկանալ թե ով ինչ մեդալ է վաստակելու։ Գոռ Մինասյանը երկրորդ մոտեցումով գլխավերևում պահեց 248կգ-ը և քանի, որ Լալայանը երկու անգամ չիրացրեց մոտեցումները 250կգ բարձրացնելիս, Գոռը ապահովեց արծաթը, իսկ Վարազդատը՝ բրոնզը։

Եվրոպայի առաջնության վերջին օրը մրցահարթակ դուրս եկավ նաև Արփինե Դալայանը որը երկամարտի 221կգ արդյունքով զբաղեցրեց չորրորդ տեղը։ Ընդ որում Արփինեն հրում վարժությունում կարող էր և ավելի բարձր արդյունքի հասնել, ու բարելավել երկամարտի արդյունքը։ Բայց առաջին մոտեցման ժամանակ բարձրացնելով 126 կգ կշռող ծանրաձողը՝ հայ մարզուհին հետո հրաժարվեց մյուս մոտեցումներից վնասվածքի պատճառով։

Այսպիսով Եվրոպայի առաջնությունում Հայաստանի հավաքականը ընդհանուր առմամբ  նվաճել է 5 ոսկե, 9 արծաթե և 9 բրոնզե մեդալ։ Առջևում օլիմպիական խաղերն են, որտեղ այս պահի դրությամբ Հայաստանը ունենալու է երկու ծանրորդ՝ մեկական տղամարդկանց և կանանց մրցումներում։

 

 

11
Ռուս խաղաղապահների անցակետը Շուշի տանող ճանապարհին

Երևանը չի կարող, Բաքուն չի ցանկանա. փորձագետը՝ Արցախում էսկալացիայի վտանգի մասին

31
(Թարմացված է 18:13 11.04.2021)
Արցախի վերաբերյալ համաձայնագրերից «դուրս գալու» բացասական սցենար չի դիտարկվում ոչ հայ, ոչ էլ ադրբեջանցի վերլուծաբանների կողմից։

ԵՐԵՎԱՆ, 11 ապրիլի – Sputnik․ Ղարաբաղում ռազմական գործողությունների վերսկսման ռիսկը 99 տոկոսով նվազել է, բայց երկար տարիներ են պետք՝ Երևանի և Բաքվի միջև հարաբերությունների կարգավորման, տնտեսական համագործակցության հաստատման համար։ Բաքվում լրագրողների հետ հանդիպման ժամանակ նման կարծիք է հայտնել «Եվրասիական զարգացման» փորձագիտական կենտրոնի գործադիր տնօրեն Ստանիսլավ Պրիտչինը։

«Ղարաբաղում ռազմական գործողությունների վերսկսման վտանգը նվազագույն է։ Ֆորսմաժորային հանգամանքներ հնարավոր են, բայց ընդհանուր առմամբ 99 տոկոսով նվազեցվել են ռազմական գործողությունների վերսկսման ռիսկերը՝ աշխարհաքաղաքական, ռազմաքաղաքական, դիվանագիտական, միջազգային-իրավական իրավիճակի շնորհիվ»,- նշել է նա։

Փորձագետի կարծիքով՝ Հայաստանը ոչ ռեսուրս, ոչ էլ հնարավորություն ունի փոխելու գոյություն ունեցող ստատուս-քվոն, իսկ Ադրբեջանի առջև դրված են տնտեսական համագործակցության իրականացման, Երևանի հետ հարաբերությունների կարգավորման խնդիրներ։

«Ներկայիս ստատուս-քվոն բխում է Ադրբեջանի շահերից։ Իրավիճակը համեմատաբար կայուն է», - կարծում է փորձագետը։

Նրա խոսքով՝ Ղարաբաղի վերաբերյալ համաձայնագրերից «դուրս գալու» բացասական սցենար չի դիտարկվում ոչ հայ, ոչ էլ ադրբեջանցի վերլուծաբանների կողմից։

Արցախյան պատերազմում զոհված հայերի հիշատակին այգի է տնկվել Կիպրոսում

«Գործնականում իրագործվել են հայտարարության հիմնական կետերը (հրադադարի մասին-խմբ.), աստիճանաբար լուծվում են հարցերը։ Ընդունելի սցենարը բոլոր հարցերի կարգավորումն է, տնտեսական ակտիվությունը, հայ-ադրբեջանական արաբերությունների նորմալացումը։ Այո, սա այսօր մի քիչ ֆանտաստիկ է թվում։ Դրա համար տարիների աշխատանք է պետք, շատ բան պետք է որոշվի, կան «ստորջրյա խութեր» և ռիսկեր»,- ընդգծել է նա։

31
թեգերը:
Ադրբեջան, Հայաստան, Արցախ
Ըստ թեմայի
Արցախի նախագահականում քննարկվել է բռնազավթված համայնքների իրավական կարգավիճակի հարցը
ՀՀ նախագահը խոսել է Արցախի հիմնախնդրի ծագման մասին ու հիշեցրել Պուտինի խոսքերը
Զոհերի աճյունների որոնողական աշխատանքներն արդյունք չեն տվել. Արցախի ԱԻՊԾ