Արխիվային լուսանկար

Տպավորություն է, թե իշխանությունը նպատակաուղղված արշավ է սկսել մամուլի դեմ. ՀԺՄ

40
(Թարմացված է 18:04 19.03.2021)
Հայաստանի ժուռնալիստների միությունն արձանագրում է, որ ԶԼՄ-ների դեմ գործողությունները համակարգային բնույթ են ստացել։

ԵՐԵՎԱՆ, 19 մարտի – Sputnik․ Վերջին շրջանում հաճախակիացել են գործող իշխանության ներկայացուցիչների կողմից լրագրողներին թիրախավորելու դեպքերը։ Հայաստանի ժուռնալիստների միությունը հայտարարություն է տարածել՝ մատնանշելով վերջին շրջանում լայն արձագանք ստացած մի քանի դեպքերի։

Մասնավորապես, ԱԺ պաշտպանության և անվտանգության հանձնաժողովի նախագահ Անդրանիկ Քոչարյանն անցած շաբաթների ընթացքում մի քանի անգամ վիրավորել է իրենց մասնագիտական պարտականությունները կատարող լրագրողներին։ Հայտարարության մեջ ընդգծվում է, որ Քոչարյանը միշտ է աչքի ընկնում «ոչ յուրային մամուլի նկատմամբ իր հակաէթիկական վերաբերմունքով»։

Ի դեպ, «Արմնյուզ» հեռուստաընկերության լրագրող Անի Գևորգյանն արդեն դիմել է ԱԺ նախագահ Արարատ Միրզոյանին՝ Անդրանիկ Քոչարյանի դրսևորած վարքագիծը քննարկման առարկա դարձնելու համար:

ՀԺՄ-ն հիշեցնում է՝ վերջերս էլ վարչապետի մամուլի խոսնակ Մանե Գևորգյանը հրաժարվել է պատասխանել «Հրապարակ» օրաթերթի լրագրող Կորյուն Սիմոնյանի հարցերին՝ «խախտելով մասնագիտական ու պաշտոնեական վարքականոնի բոլոր նորմերը»։

Մամուլի դեմ կատարված վերջին՝ ամենաաղմկահարույց դեպքը դարձավ ԲՏԱ նախարար Հակոբ Արշակյանի հարձակումը լրագրող Փայլակ Ֆահրադյանի դեմ։ 

«Տեղի ունեցածից հետո նախարարը ներողություն է խնդրել բոլորից, բացի իր թիրախում հայտնված լրագրողից, ինչը էլ ավելի է ընդգծում իշխանության ներկայացուցչի արարքի ցինիզմը, այն դեպքում, երբ ցանկացած իրավական երկրում տվյալ պաշտոնյան ոչ միայն արդեն իսկ հրաժարական ներկայացրած կլիներ, այլ նրա արարքին կտրվեր քրեաիրավական գնահատական»,- նշված է հայտարարության մեջ։

Հայաստանի ժուռնալիստների միությունը խստորեն դատապարտում է ԶԼՄ-ների դեմ կատարվող բռնի գործողությունները և արձանագրում է, որ դրանք ստացել են համակարգային բնույթ՝ «տպավորություն թողնելով, որ իշխանությունը նպատակաուղղված արշավ է սկսել մամուլի դեմ»։

Միությունն իշխանություններից պահանջում է պատշաճ քննության ենթարկել վերը նշված և լրագրողների դեմ ուղղված բազմաթիվ այլ միջադեպերը, ապա ոչ միայն քաղաքական ու բարոյական, այլև իրավական գնահատականներ տալ կատարվածին։

Կոչ են անում ոչ միայն իշխանություններին, այլև իրավապահ մարմիններին, իրավապաշտպաններին խստորեն հետևել խոսքի ազատության և լրագրողների մասնագիտական գործունեության պատշաճ պայմանների ապահովմանն ու բացառելով մամուլի դեմ օրենքից չբխող որևէ գործողություն։

«Խոսքի ազատությունը բացարձակ արժեք է, ժողովրդավարական պետության ու հասարակության առանցքային հիմնասյուներից մեկը, և մամուլի դեմ ուղղված ցանկացած գործողություն հարված է հասցնում ժողովրդավարական կարևորագույն այդ ինստիտուտին»,- շեշտվում է հայտարարության մեջ։

Որևէ պատճառ չի կարող արդարացնել բռնությունը, առավել ևս՝ պաշտոնյայի կողմից. ՄԻՊ

ՀԺՄ-ն հիշեցնում է՝ առաջիկայում խորհրդարանական ընտրություններն են, իսկ ընտրական գործընթացներում մամուլի ազատությունը բազմապատիկ է կարևորվում։

Հիշեցնենք՝ երեկ լրագրող Փայլակ Ֆահրադյանը Facebook-ի իր էջի ուղիղ եթերում հայտարարել էր, որ բարձր տեխնոլոգիաների արդյունաբերության նախարար Հակոբ Արշակյանը բառացիորեն հարձակվել է իր վրա:

Նշենք, որ համացանցում լայնորեն տարածվեց նաև միջադեպի տեսանյութը, որում երևում է, թե ինչպես է նախարարը քաշքշում լրագրողին, նրա կին գործընկերոջը, ապա հարվածում լրագրողի դեմքին և կոտրում համակարգիչը։ Ավելի ուշ Արշակյանը Facebook-ի իր էջում ներողություն է խնդրել միջադեպին ներկա բոլոր քաղաքացիներից։ Գրառման վերջում նշել է, որ պատրաստ է պատասխանատվություն կրել արածի համար։

Այսօր մամուլում և սոցցանցերում տեղեկություններ էին տարածվել, որ Հակոբ Արշակյանը պաշտոնանկ կարվի լրագրող Փայլակ Ֆահրադյանի հետ միջադեպից հետո։ Սակայն նրա խոսնակը նշեց, որ նման տեղեկություններ իրենք չունեն և նախարարը բնականոն աշխատում է։
Կատարվածի առթիվ դատապարտող հայտարարությամբ է հանդես եկել նաև ՄԻՊ-ը՝ նշելով, որ Որևէ պատճառ չի կարող արդարացնել մասնագիտական աշխատանք կատարող լրագրողի նկատմամբ բռնությունը, առավել ևս՝ պաշտոնյայի կողմից։

Հակոբ Արշակյանը ներողություն է խնդրում

40
թեգերը:
ԶԼՄ, Բռնություն, Իշխանություն, Լրագրող
Ըստ թեմայի
Լրագրողական ՀԿ-ները դատապարտում են ԶԼՄ-ների ներկայացուցիչների նկատմամբ հարձակումները
Լրագրողը կատարեց իր խոստումը` գրավոր ներկայացրեց վարչապետի ասածը. հերթը Փաշինյանինն է
Թուրքական «Halk TV»-ի թղթակից, քրդական ծագումով լրագրող Գյուլթեքինը հարձակման է ենթարկվել
ԱԱԾ

ԱԱԾ-ն հերքում է. մի խումբ անձինք Արմավիրի հատվածից հայ-թուրքական սահմանը չեն անցել

14
(Թարմացված է 18:24 13.05.2021)
Լրատվամիջոցներում տեղեկություն էր տարածվել, որ Թուրքիայի սահմանից ՀՀ սահման են անցել այլազգի մի խումբ անձինք։

ԵՐԵՎԱՆ, 13 մայիսի- Sputnik. Ազգային անվտանգության ծառայությունը հերքում է տեղեկությունը, թե Արմավիրի հատվածից հայ-թուրքական սահմանը անցել են այլազգի մի խումբ անձինք և ԱԱԾ ու ռուս խաղաղապահներն իրականացնում են նրանց որոնողական աշխատանքները: Տեղեկությունը հայտնում է «Արմենպրեսը»։

«Ազգային անվտանգության ծառայության մամուլի կենտրոնից ասացին, որ նշված տեղեկությունները չեն համապատասխանում իրականությանը»,–գրում է լրատվամիջոցը:

Արմեն Սարգսյանը չափազանց մտահոգիչ է համարում Սյունիքում ստեղծված իրավիճակը

Այսօր լրատվամիջոցներում տեղեկություն էր տարածվել, որ Թուրքիայի սահմանից ՀՀ սահման են անցել այլազգի մի խումբ անձինք, ինչը բացահայտել են ՀՀ ԱԱԾ-ն, ռուս խաղաղապահները և կոնկրետ քայլեր են իրականացվում այդ ուղղությամբ:

Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում. ՊՆ

14
թեգերը:
ՀՀ ազգային անվտանգության ծառայություն. ԱԱԾ, Թուրքիա, Հայաստան
Ըստ թեմայի
ՀՀ ՊՆ-ին դեռ չի հաջողվել «համոզել» ադրբեջանցիներին. Գորիսի համայնքապետ
Արա Այվազյանը ՀՀ սահմանին տեղի ունեցածի մասին պատմել է Սերգեյ Լավրովին
ՊՆ ռազմական ոստիկանությունը պարզում է Սյունիքի սահմանին տեղի ունեցած դեպքերը
Արեմն Հարությունյան

«Պատրոն Դավոյի» փաստաբանը պատրաստվում է դիմել Եվրոպական դատարան

17
(Թարմացված է 18:06 13.05.2021)
Դավիթ Գալստյանի փաստաբանը պնդում է, որ իր պաշտպանյալի գործով դատավորների վրա ճնշում է գործադրվում, այդ թվում՝ այն մարդկանց կողմից, որոնք պատերազմի ժամանակ ուզում էին զենքի վաճառքի վրա գումար աշխատել։

ԵՐԵՎԱՆ, մայիսի 13 - Sputnik. Զենքի վաճառքով զբաղվող Դավիթ Գալստյանի («Պատրոն Դավո») պաշտպանությունը մտադիր է դիմել ՄԻԵԴ: Տեղեկությունը Վերաքննիչ դատարանի շենքի դիմաց լրագրողների հետ զրույցում հայտնեց փաստաբան Արմեն Հարությունյանը:

Նրա խոսքով՝ դատարաններն այդ գործը քննելիս անկախ չեն, փաստաբանները նրանց վրա ճնշում գործադրելու ապացույցներ ունեն։ Օրինակ՝ Առաջին ատյանի դատարանում Գալստյանի գործը քննում էր դատավոր Մնացական Մարտիրոսյանը, բայց նա հերթապահ չի եղել, նրան հատուկ են կանչել։ Պարզվել է՝ հաշվի առնելով այն, որ գործը վերաբերում է պետական գաղտնիքին, դատավորը պետք է ստանար ԱԱԾ-ի թույլտվությունը։ Եվ չգիտես ինչու հենց Մարտիրոսյանին են թույլ տվել։

«Համապատասխան մասով բողոքը Եվրոպական դատարան արդեն պատրաստ է, մի քանի օրվա ընթացքում կուղարկվի... աբսուրդ իրավիճակ է։ Մեր կարծիքով՝ մենք իրավական գործընթացին չենք մասնակցում», - ասաց փաստաբանը։

Նա հույս հայտնեց, որ Վերաքննիչ դատարանը հաշվի կառնի բոլոր այն փաստերը, որոնք կներկայացնի պաշտպանական կողմը։ Հարությունյանի խոսքով՝ կան որոշակի ուժեր, որոնք պատերազմի ժամանակ փորձել են «8-9 անգամ ավելի թանկ գնով պետությանը զենք ու այլ արտադրանք վաճառել»: Ի տարբերություն նրանց, փաստաբանի խոսքով, Գալստյանը «միլիոնավոր դոլարներ է նվիրաբերել պետությանը»՝ հրաժարվելով արտադրանքի մատակարարումներից ստացված եկամուտներից։

«Մենք վստահ ենք, որ այժմ այդ մարդիկ իշխանության տարբեր մարմիններում են ու կարող են ազդել դատական և իրավապահ համակարգի վրա», - նշեց Հարությունյանը՝ հրաժարվելով կոնկրետ անուններ տալ:

Նշենք, որ դատարանի շենքի դիմաց արդարադատություն իրականացնելու պահանջով հավաքվել էին Գալստյանի ընկերությունների աշխատակիցները։ «Նեյտրոն» ընկերության մամուլի քարտուղար Շուշանիկ Ավագյանի խոսքով՝ Գալստյանի ձերբակալության պատճառով մի շարք նախագծերի իրականացումը կանգ է առել։ Խոսքը նաև ռազմական նշանակության արտադրանքի արտադրության մասին է։

«Պատրոն Դավոն» դատի է տվել «Ազատություն» ռադիոկայանին

Հիշեցնենք` Դավիթ Գալստյանը  ձերբակալվել էր փետրվարի 1-ին, իսկ փետրվարի 2–ին` կալանավորվել։ ՀՀ ԱԱԾ–ն տեղեկացրել էր, որ արտերկրում գրանցված «Mosston Engineering» ընկերության խորհրդի նախագահ Դավիթ Գալստյանը, նախնական համաձայնության գալով նույն ընկերության տնօրեն Ա.Բ.-ի հետ, 2018 թվականի ընթացքում ՊՆ–ին է մատակարարել 1983-1986թթ. արտադրության հրանոթի անորակ արկեր, որոնցով, ըստ ԱԱԾ–ի, հնարավոր չի եղել լուծել մարտական խնդիրներ, բայց որոնց դիմաց Գալստյանը 1.083.000 ԱՄՆ դոլար գումար է ստացել:

Դավիթ Գալստյանն իր հերթին հայտարարություն էր տարածել` նշելով, որ իրականում մատակարարվել է պայմանագրով նախատեսված տեսականուն և տարեթվերին արտադրված զինամթերք, ինչի ապացույցները խոստացել է ներկայացնել ապագայում։

17
թեգերը:
Մարդու Իրավունքների Եվրոպական դատարան (ՄԻԵԴ), Զենք, կալանք, դատ, Դատարան, Հայաստան, Դավիթ Գալստյան (Պատրոն Դավիթ)
Ըստ թեմայի
«Պատրոն Դավոն» պատասխանել է ԱԱԾ–ին
«Պատրոն Դավիթի» կարծիքով` իրեն փորձում են տեղավորել պարտության մեղավորների թոփ հնգյակում
«Պատրոն Դավոյի» գործով պաշտոնյաներ են հարցաքննվել. «Ժողովուրդ»