Սուրեն Պապիկյան. արխիվային լուսանկար

Պապիկյանի անձնական կյանքի գաղտնիքը հանրայնացնելու մեջ մեղադրվող ԱԱԾ պաշտոնյան արդարացվել է

222
(Թարմացված է 23:00 17.03.2021)
Փաստաբան Երեմ Սարգսյանը հայտնել է` քանի որ Սերոբ Հարությունյանն այժմ ունի արդարացվածի կարգավիճակ, հետևաբար օրենքով սահմանված կարգով պետք է վերականգնվի իր նախկին պաշտոնում։

ԵՐԵՎԱՆ, 17 մարտի - Sputnik. ՀՀ տարածքային կառավարման և ենթակառուցվածքների նախարար Սուրեն Պապիկյանի անձնական կյանքի գաղտնիքը համարվող տեղեկությունը հանրայնացնելու մեջ մեղադրվող ԱԱԾ պաշտոնյան արդարացվել է։ Լուրը հայտնում է փաստաբան Երեմ Սարգսյանը` ֆեյսբուքյան իր էջում գրառում կատարելով։

Նշենք, որ 2020-ի փետրվարի 13-ին hraparak.am կայքում հրապարակվել էր մի հոդված, որտեղ նշվում էր, որ Սուրեն Պապիկյանը թաքցրել է իր դատվածության փաստը։ ՀՔԾ-ում հարուցվել էր քրեական գործ Պապիկյանի անձնական կյանքի գաղտնիք համարվող տեղեկությունն ապօրինի տարածելու համար։ Փետրվարի 28-ին Սերոբ Հարությունյանին պաշտոնեական դիրքի չարաշահման համար մեղադրանք էր առաջադրվել։

«ԱԱԾ գնդապետ Սերոբ Հարությունյանի նկատմամբ իրականացվող քրեական հետապնդումը դադարեցվեց և նա արդարացվեց։ Քրեական գործով շուրջ մեկ տարի ծավալուն քննություն է կատարվել։ Ի վերջո, հաստատվեց, որ Հարությունյանը ոչ միայն պաշտոնեական դիրքի չարաշահում չի կատարել, այլև ընդհանրապես պետական ծառայության դեմ ուղղված որևէ հանցագործություն չի կատարել»,–նշված է փաստաբանի գրառման մեջ։

Երեմ Սարգսյանը հայտնել է` քանի որ Սերոբ Հարությունյանն այժմ ունի արդարացվածի կարգավիճակ, հետևաբար օրենքով սահմանված կարգով պետք է վերականգնվի իր նախկին պաշտոնում, և ստանա նախորդ մեկ տարվա աշխատավարձը։

Հիշեցնենք` լրատվամիջոցը գրել էր, որ Սուրեն Պապիկյանն իր կենսագրությունը սրբագրել է և որոշ տհաճ էջեր թաքցրել հանրությունից։ Ըստ հրապարակման` ժամանակին քրեական հոդվածով մեղադրանք է առաջադրվել Պապիկյանին, նա անգամ դատապարտված է եղել։ Թերթի տեղեկություններով` զինծառայության ժամանակ նա իր հրամանատարին դանակով հարվածել է, և քրգործ է հարուցվել։

Полковник Службы национальной безопасности Сероб Арутюнян
Սերոբ Հարությունյանը

Հրապարակմանն ի պատասխան, Պապիկյանը Facebook–ի ուղիղ հեռարձակման միջոցով տեղեկացրել էր, որ ափսոսում է իր կյանքի այդ դրվագի համար, բայց նաև փակված է համարում այդ էջը, քանի որ ՀՀ օրենսդրությամբ, եթե որևէ դատվածություն մարված է, այդ անձը դատված չի համարվում։ Նրա խոսքով` որևէ մեկի նկատմամբ ուժ չի գործադրել, զենք չի կիրառել և համաներմամբ ազատ է արձակվել։ Նա նաև կոչ էր արել ԱԱԾ տնօրենին, ոստիկանության պետին պարզել, թե իր անձնական տեղեկությունն ինչպես է դարձել հասարակության և տարբեր լրատվականների սեփականությունը։

222
թեգերը:
Հայաստան, դատ, Դատարան, ՀՀ ազգային անվտանգության ծառայություն. ԱԱԾ, Սուրեն Պապիկյան
Ըստ թեմայի
249 գերիներից 112-ին Ադրբեջանը չի կարողացել նույնականացնել այնտեղ պահվող անձանց հետ
Կարգելվի՞ ԳՇ նոր պետի նշանակումը. Օնիկ Գասպարյանի փաստաբանը լուրեր ունի
Իշխող թիմում հասկացել են, որ ռեյտինգային ընտրակարգն այս անգամ հաջողություն չի բերի. Քեռյան
5-րդ զորամիավորումում մարտավարական զորավարժություն է անցկացվել

5-րդ զորամիավորումում մարտավարական զորավարժություն է անցկացվել

1
Զորամիավորման հրամանատարությունը բարձր է գնահատել ներգրավված անձնակազմի պատրաստությունն ու ստորաբաժանումների փոխգործակցության կազմակերպման մակարդակը։

ԵՐԵՎԱՆ, 14 մայիսի - Sputnik. Մայիսի 14-ին 5-րդ զորամիավորումում, տարբեր ստորաբաժանումների ներգրավմամբ, անցկացվել է մարտավարական զորավարժություն, տեղեկացնում են Պաշտպանության նախարարությունից։

Тактические учения армянской армии с участием различных подразделений
5-րդ զորամիավորումում մարտավարական զորավարժություն է անցկացվել

Հաղթահարելով լեռնային բարդ տեղանքը, տանկային ստորաբաժանումները զբաղեցրել են նախորոշված շրջաններն ու կատարել առաջադրված խնդիրը, հնարավորություն ստեղծելով զորավարժությանը ներգրավված այլ ստորաբաժանումների՝ նպաստավոր դիրքերի զբաղեցման և պայմանական հակառակորդի գործողությունների վերահսկման համար։

Զորամիավորման հրամանատարությունը բարձր է գնահատել ներգրավված անձնակազմի պատրաստությունն ու ստորաբաժանումների փոխգործակցության կազմակերպման մակարդակը։

1
Արմեն Գրիգորյան. արխիվային լուսանկար

Որ դեպքում ՀԱՊԿ անդամները հայ-ադրբեջանական սահմանային իրավիճակի վերաբերյալ նիստ կհրավիրեն

54
(Թարմացված է 20:54 14.05.2021)
ՀՀ ԱԽ քարտուղարը նշեց, որ ՀԱՊԿ կոմիտեները գնահատական կտան իրավիճակին եռօրյա ժամկետում։

ԵՐԵՎԱՆ, 14 մայիսի– Sputnik. Եթե եռօրյա ժամկետում հայ-ադրբեջանական սահմանային միջադեպերի հետ կապված ՀԱՊԿ անդամ կոմիտեները որոշակի լուծումներ առաջարկեն, ապա կարող է և ՀԱՊԿ խորհրդի նիստ չկայանալ, բայց եթե իրավիճակին գնահատական չտրվի և իրադարձություններն այլ կերպ զարգանան, ապա ՀԱՊԿ խորհրդի նիստ կգումարվի։

Այսօր ԱԺ-ում հրավիրված արտահերթ նիստի ժամանակ հայտարարեց ՀՀ անվտանգության խորհրդի քարտուղար Արմեն Գրիգորյանը։

«Եռօրյա ժամկետում ՀԱՊԿ կոմիտեները գնահատական կտան իրավիճակին և ըստ այդ գնահատականի՝ կորոշվի խորհրդի նիստ հրավիրելու հարցը։ ՀԱՊԿ խորհրդի նիստը պարտադիր չէ, եթե այս 3 կոմիտեները եզրակացություններ են ներկայացնում»,- ասաց նա։

Այնուհետև Գրիգորյանը մանրամասն ներկայացրեց ՀԱՊԿ-ին դիմելու ընթացակարգը։

ՀԱՊԿ անդամ երկրներից որևէ մեկից դիմում ստանալու դեպքում մեկ օրվա ընթացքում նախագահող երկրի (այժմ Տաջիկստանն է-խմբ.) հանձնարարականով մշտական խորհրդի նիստ է հրավիրում, բացի նիստից, եռօրյա ժամկետում ՀԱՊԿ անդամ երկրների քարտուղարների կոմիտեն, ԱԳ նախարարների, ինչպես նաև ՊՆ նախարարների կոմիտեն իրավիճակը գնահատելու ուղղությամբ աշխատանքներ են սկսում։

«Կան տեղեր, որտեղ Ադրբեջանի ԶՈւ–ն լքել է մեր սահմանը». Փաշինյանը նամակ է հղել Պուտինին

«Տեղեկացնեմ, որ և ՀՀ ԱԳ նախարարը, և պաշտպանության նախարարը, ինչպես նաև ես` ԱԽ քարտուղարս, այս ուղղությամբ նախնական աշխատանքներ իրականացրել ենք, մենք խոսել ենք ՌԴ մեր գործընկերների հետ, ներկայացրել ենք իրավիճակը, ԱԳ և ՊՆ նախարարները խոսել են ՀԱՊԿ գլխավոր քարտուղարի հետ, և կարող ենք ասել, որ նախապատրաստական աշխատանքները սկսել ենք, որ եռօրյա ժամկետում մեր կոմիտեները կարողանան ընդհանուր իրավիճակի վերաբերյալ գնահատական տալ»,- նշեց անվտանգության խորհրդի քարտուղարը։

Հիշեցնենք` ՀՀ ՊՆ մամուլի ծառայությունը հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Նույն օրը ՀՀ վարչապետի պաշտոնակատար Նիկոլ Փաշինյանն Անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

ԱԽ նիստ կայացավ նաև մայիսի 13-ին։ Փաշինյանը հայտարարեց, որ հանձնարարել է ՀԱՊԿ պայմանագրով նախատեսված խորհրդակցություններ սկսել։

Այս պահին սահմաններին տիրող իրավիճակի հարցով ԱԺ արտահերթ նիստ է ընթանում։

54
Ըստ թեմայի
Սև լիճը ՀՀ հարավային ամենանեղ հատվածում է. Փաշինյանը բացահայտել է Ադրբեջանի նպատակը
Ռուսաստանը 3,2 մլն դոլար կհատկացնի Հայաստանի առանձին շրջանների վերականգնման համար
ՀԱՊԿ–ով գործարկել ենք մեխանիզմ, որը քաղաքական և ուժային լուծում է նախատեսում. Փաշինյան