Անդրանիկ Մակարյան

Անդրանիկ Մակարյանին մեղադրանք է առաջադրվել

349
(Թարմացված է 15:36 09.03.2021)
Մակարյանն այն չորս զինվորականներից մեկն է, որոնք չեն միացել Զու Գլխավոր շտաբի հայտարարությանը։

ԵՐԵՎԱՆ, 9 մարտի - Sputnik. ՀՀ զինված ուժերի պատրաստության գլխավոր վարչության պետ-զինված ուժերի գլխավոր շտաբի պետի տեղակալ Անդրանիկ Մակարյանը ներգրավված է որպես մեղադրյալ ՀՀ քննչական կոմիտեի զինվորական քննչական գլխավոր վարչությունում քննվող քրգործի շրջանակներում։ Sputnik Արմենիային հայտնեց գլխավոր դատախազության հանրային կապերի բաժնի պետ Արևիկ Խաչատրյանը։

«Սակայն ինչպես քրեական գործի, այնպես էլ մեղադրանքի բովանդակության վերաբերյալ այլ տեղեկություն այժմ հայտնել չենք կարող` նախաքննության տվյալների գաղտնիության իրավական սկզբունքից ելնելով»,–ասաց Խաչատրյանը։

Հիշեցնենք, որ փետրվարի 25-ին ՀՀ Զինված ուժերի Գլխավոր շտաբը հայտարարություն էր տարածել՝ պահանջելով ՀՀ վարչապետի և կառավարության հրաժարականը։ Մակարյանն այն չորս զինվորականներից մեկն է, որոնք չեն միացել ԳՇ–ի հայտարարությանը։

Մամուլում լուրեր էին շրջանառվում, որ Մակարյանը ԳՇ պետի պաշտոնը ստանձնելու հավակնություններ ունի։

Ահա թե որտեղ է թաղված շան գլուխը. Մակարյանը չի ստորագրել, որ Գասպարյանի տե՞ղը զբաղեցնի

349
թեգերը:
Մեղադրանք, Անդրանիկ Մակարյան, Հայաստան
Ըստ թեմայի
Ովքեր են ԳՇ պետի հավանական թեկնածուները. ընտրությունն այնքան էլ հեշտ չէ. «Փաստ»
Ինչո՞ւ չի միացել ԳՇ–ի հայտարարությանը. Անդրանիկ Մակարյանը հարցին հարցով պատասխանեց
Վաղարշակ Հարությունյանն այցելել է ԶՈւ ստորաբաժանումներ
Արմեն Գրիգորյան

Արմեն Գրիգորյանը բացատրել է` ինչպես են ադրբեջանցիները մտել Հայաստանի տարածք

9
Անվտանգության խորհրդի քարտուղարն ընդգծել է` այնպես չէ, որ 1994 թվականին ամբողջ սահմանը կահավորված է եղել, դրա համար երկար ժամանակ է պահանջվել։ Այս դեպքում էլ որոշակի ժամանակ կպահանջվի:

ԵՐԵՎԱՆ, 13 մայիսի - Sputnik. Հայաստանի Անվտանգության խորհրդի քարտուղար Արմեն Գրիգորյանը բացատրել է, թե ինչպես է ստացվել, որ Ադրբեջանի զինված ուժերը կարողացել են մուտք գործել Հայաստանի պետական սահմանից ներս: Գրիգորյանը նշել է, որ նոյեմբերի 9-ի եռակողմ հայտարարությունից հետո սահմանային փոփոխություններն են եղել, և ձմռան պատճառով չեն կարողացել ամբողջ սահմանը կահավորել:

«Գիտեք, որ սահմանագիծը երկարել է, և այս պայմաններում բոլոր խնդիրները միանգամից լուծել չի հաջողվել, բայց միանշանակ է, որ ժամանակի ընթացքում բոլոր հարցերը կկարգավորենք»,–ասել է Գրիգորյանը։

Նա ընդգծել է` այնպես չէ, որ 1994 թվականին ամբողջ սահմանը կահավորված է եղել, դա անելու համար երկար ժամանակ է պահանջվել։ Այս դեպքում էլ որոշակի ժամանակ կպահանջվի:

«Սա չպետք է ընկալել, որպես լոկալ միջադեպ, սա գլոբալ պրովոկացիա է, որը կատարվել է Ադրբեջանի և, համոզված եմ, դաշնակիցների դրդմամբ։ Հասկանում եմ մեր հայրենակիցների մտահոգությունները, բայց մենք ամեն ինչ անում ենք»,–ասել է Գրիգորյանը։

ԱԽ քարտուղարը նշել է, որ սեղմ ժամկետում հայկական բանակը լիովին կվերականգնվի։ Նրա խոսքով ՝ Ադրբեջանի կողմից սադրանքի փորձերը ձեռնարկվում են տարբեր ուղղություններով, սակայն ՀԱՊԿ-ում գործարկված գործընթացը թույլ կտա լուծել այդ հարցը:

Հիշեցնենք` մայիսի 12–ին լրատվամիջոցներում ու սոցկայքերում լուրեր էին տարածվել, թե Սյունիքի մարզի Իշխանասար գյուղի հատվածում թշնամին մարտական գործողություններ է սկսել։

Գորիսի փոխհամայնքապետ Իրինա Յոլյանը Facebook-ում գրել էր, որ թշնամին Իշխանասարի հատվածում պետական սահմանն անցել է և ևս երեք կիլոմետր առաջ եկել դեպի Վերիշեն բնակավայր։

ՀՀ ՊՆ մամուլի ծառայությունն էլ հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Ուշ երեկոյան ՀՀ վարչապետի պաշտոնակատար Նիկոլ Փաշինյանի գլխավորությամբ Անվտանգության խորհրդի նիստ տեղի ունեցավ այս թեմայի շուրջ, որի ընթացքում Փաշինյանը փաստեց, որ սա Արդբեջանի կողմից դեվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն այսօր հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

ԱԽ նիստ կայացավ նաև այսօր։ Փաշինյանը հայտարարեց, որ հանձնարարել է ՀԱՊԿ պայմանագրով նախատեսված խորհրդակցություններ սկսել։

Ադրբեջանցիները մտածված են եկել, իսկ հիմա պետք է գնան իրենց տեղերը. Սյունիքի մարզպետ

9
թեգերը:
Սահման, ադրբեջանցի, Արմեն Գրիգորյան, Հայաստան
Ըստ թեմայի
Ադրբեջանցիները դեռ ՀՀ պետական սահմանից ներս են. բանակցությունները շարունակվում են
Արա Այվազյանը հայ–ադրբեջանական սահմանին տիրող իրավիճակի մասին խոսել է Սերգեյ Լավրովի հետ
Արմեն Սարգսյանը չափազանց մտահոգիչ է համարում Սյունիքում ստեղծված իրավիճակը
Գեղարքունիքի և Սյունիքի մարզերի բնակիչներն ահազանգում են ադրբեջանցիների ներկայության մասին
Ստանիսլավ Զասը Սյունիքի հարցով զանգել է Վաղարշակ Հարությունյանին և Արա Այվազյանին
Արա Այվազյանն ու Սերգեյ Լավրովը

Արա Այվազյանը հայ–ադրբեջանական սահմանին տիրող իրավիճակի մասին խոսել է Սերգեյ Լավրովի հետ

24
(Թարմացված է 23:51 13.05.2021)
Արա Այվազյանն ընդգծել է ադրբեջանական կողմի սադրանքների հրահրման և դրա հետևանքով Հայաստանի Հանրապետության ինքնիշխան տարածքի նկատմամբ ոտնձգության ցանկացած դրսևորման անթույլատրելիությունը։

ԵՐԵՎԱՆ, 13 մայիսի – Sputnik. Մայիսի 13-ին` օրվա առաջին կեսին, ՀՀ ԱԳ նախարարի պաշտոնակատար Արա Այվազյանը զրուցել է ՌԴ արտգործնախարար Սերգեյ Լավրովի հետ։ Տեղեկությունը հայտնում է ՀՀ արտգործնախարարության մամուլի ծառայությունը։

«Զրուցակիցները շարունակեցին քննարկումները ադրբեջանական կողմի գործողությունների հետևանքով ՀՀ պետական սահմանին ստեղծված իրավիճակի և լարվածության թուլացման ուղղությամբ ձեռնարկվելիք քայլերի շուրջ: Նախարարի պաշտոնակատար Արա Այվազյանն ընդգծեց ադրբեջանական կողմի սադրանքների հրահրման և դրա հետևանքով Հայաստանի Հանրապետության ինքնիշխան տարածքի նկատմամբ ոտնձգության ցանկացած դրսևորման անթույլատրելիությունը»,– նշված է հաղորդագրության մեջ:

Հայաստանի և Ռուսաստանի արտաքին գերատեսչությունների ղեկավարները մտքեր են փոխանակել տարածաշրջանային անվտանգության և կայունության պահպանման շուրջ:

Հիշեցնենք` մայիսի 12–ին լրատվամիջոցներում ու սոցկայքերում լուրեր էին տարածվել, թե Սյունիքի մարզի Իշխանասար գյուղի հատվածում թշնամին մարտական գործողություններ է սկսել։

Գորիսի փոխհամայնքապետ Իրինա Յոլյանը Facebook-ում գրել էր, որ թշնամին Իշխանասարի հատվածում պետական սահմանն անցել է և ևս երեք կիլոմետր առաջ եկել դեպի Վերիշեն բնակավայր։

ՀՀ ՊՆ մամուլի ծառայությունն էլ հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Ուշ երեկոյան ՀՀ վարչապետի պաշտոնակատար Նիկոլ Փաշինյանի գլխավորությամբ Անվտանգության խորհրդի նիստ տեղի ունեցավ այս թեմայի շուրջ, որի ընթացքում Փաշինյանը փաստեց, որ սա Արդբեջանի կողմից դեվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն այսօր հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

ԱԽ նիստ կայացավ նաև այսօր։ Փաշինյանը հայտարարեց, որ հանձնարարել է ՀԱՊԿ պայմանագրով նախատեսված խորհրդակցություններ սկսել։

Ադրբեջանցիները մտածված են եկել, իսկ հիմա պետք է գնան իրենց տեղերը. Սյունիքի մարզպետ

24
թեգերը:
Արա Այվազյան, Սերգեյ Լավրով, Ադրբեջան, Հայաստան