ԵՐԵՎԱՆ, 6 մարտի - Sputnik. Զինված ուժերի ԳՇ պետ Օնիկ Գասպարյանի շուրջ ստեղծված թնջուկի իրավական ճանապարհները մի քանիսն են։ Ավելին, եթե ՀՀ նախագահ Արմեն Սարգսյանը ստորագրի վարչապետի` Գասպարյանին աշխատանքից ազատելու որոշումը և այն ՍԴ չուղարկի, ապա վերջինս իրավունք ունի Վարչական դատարանում բողոքարկելու այդ որոշումը։ Բաղրամյան պողոտայում ընդդիմության հանրահավաքի ժամանակ լրագրողների հետ զրույցում այս մասին ասաց արդարադատության նախկին նախարար Արփինե Հովհաննիսյանը:

«Թե ինչ կորոշի Օնիկ Գասպարյանը, ես չեմ կարող ասել, բայց փաստն այն է, որ թնջուկը չի հանգուցալուծվել։ Եթե մեկնաբանեմ նախագահ Արմեն Աարգսյանի քայլերը, ապա շատ կոշտ մեկնաբանություն է հնչելու։ Ավելին, ես կարծում եմ, որ Օնիկ Գասպարյանի` աշխատանքից ազատման դիմումն արդեն պետք է Սահմանադրական դատարանում լիներ»,–ասաց Հովհաննիսյանը։

Նա նշեց, որ եթե նախագահի` Գասպարյանին առնչվող փաստաթղթի ստորագրել–չստորագրելու հարցը մեկնաբանի վարչապետի դիրքերից, ապա այդտեղ կարող է լինել ցանկացած բան` սպառնալիք, քաղաքացիության թղթի շահարկում, արցունքներ, քաղաքական առևտուր:

© Sputnik / Aram Nersesyan

«Օնիկ Գասպարյանն ինչ էլ անի` իր կողքին կանգնած ենք». զինվորականները ՊՆ–ի մոտ են

Հիշեցնենք, որ արդեն իսկ նման նախադեպ կա` ԶՈւ գլխավոր շտաբի պետի առաջին տեղակալ Տիրան Խաչատրյանը դիմել է ՀՀ վարչական դատարան` իրեն պաշտոնից ազատելու մասին ՀՀ նախագահի հրամանագիրն անվավեր ճանաչելու պահանջով։ Մինչ այդ` 2021թ. փետրվարի 24-ին, ՀՀ նախագահ Արմեն Սարգսյանը, հիմք ընդունելով վարչապետի առաջարկությունը, հրամանագիր էր ստորագրել Տիրան Խաչատրյանին զբաղեցրած պաշտոնից ազատելու մասին։

Մարտի 2-ին հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով:

«Հասնելու ենք հաղթանակի». Բաղրամյան պողոտայում մեկնարկել է ընդդիմության հանրահավաքը

ԵՐԵՎԱՆ, 23 մարտի - Sputnik. Եթե Սահմանադրական դատարանը որոշի, որ 300.1 հոդվածը չի համապատասխանում Սահմանադրությանը, այդ հոդվածով ՀՀ երկրորդ նախագահ Ռոբերտ Քոչարյանի նկատմամբ քրեական հետապնդումը կդադարեցվի։ Լրագրողների հետ զրույցում հայտնեց Քոչարյանի պաշտպան Արամ Վարդևանյանը։

© Sputnik / Aram Nersesyan

Ռոբերտ Քոչարյանի` ՍԴ ներկայացրած դիմումը հրապարակային չի քննարկվի. որոշում կայացվեց

Նշենք, որ այս պահին ՍԴ–ն գրավոր ընթացակարգով քննում է Քոչարյանի և Երևանի առաջին ատյանի ընդհանուր իրավասության դատարանի դիմումների հիման վրա ՀՀ քրեական օրենսգրքի 300.1-ին հոդվածի (սահմանադրական կարգը տապալելու)՝ Սահմանադրությանը համապատասխանելու հարցը։

Վարդևանյանի խոսքով` եթե դիմումի քննարկումն անցներ բանավոր ընթացակարգի շրջանակներում, ինքը պատրաստվում էր շատ պարզ ներկայացնել վերոհիշյալ հոդվածի` Սահմանադրությանը հակասելու փաստն այնպես, որ որևէ մեկի մոտ կասկածներ չմնային։

«ՍԴ դատավորներ Արևիկ Պետրոսյանի և Հրայր Թովմասյանի` նիստը հրապարակային անցկացնելու միջնորդությունը հիմնավոր էր։ Ես ինքս 15 օր առաջ նման միջնորդություն էի ներկայացրել ՍԴ։ Ինչևէ, հակափաստարկներ` գրավոր ընթացակարգով դիմումն այսօր քննելու վերաբերյալ, ես այդպես էլ չլսեցի»,–ասաց Վարդևանյանը։

Նրա խոսքով` օրենքով նախատեսված է` եթե գործը հանրային հնչեղություն ունի, ապա այն պետք է բանավոր ընթացակարգով քննվի։ Վարդևանյանը հռետորական հարց հղեց` այս գործը հանրային հնչեղություն չունի՞։

© Sputnik / Andranik Ghazaryan

«Այս գործով տպավորության կարիք այլևս չկա». ՍԴ–ում բուռն քննարկվում է Քոչարյանի դիմումը

Բացի այդ, նրա խոսքով` 300.1 հոդվածը չի համապատասխանում Սահմանադրությանը, քանի որ նախ որոշակիության դեֆիցիտ կա, այսինքն` գործ ունենք մի հոդվածի հետ, որը հստակ և հասկանալի չէ։

Ավելի վաղ հայտնել էինք, որ ՍԴ այսօրվա նիստի ժամանակ դատավորներ Արևիկ Պետրոսյանը և Հրայր Թովմասյանը նիստը հրապարակային անցկացնելու միջնորդություն էին ներկայացրել։ Բուռն քննարկումներից հետո հարցը քվեարկության դրվեց, և ձայները բաշխվեցին հավասար` 4 կողմ, 4 դեմ։ ՍԴ նախագահ Արման Դիլանյանը որոշեց փակ նիստով քննարկել դիմումը։

Հիշեցնենք, որ Քոչարյանի գործով ՍԴ-ն 2019-ի հուլիսի 18–ին որոշել էր խորհրդատվական կարծիք ստանալու համար դիմել ՄԻԵԴ և Վենետիկի հանձնաժողով` Երևանի ընդհանուր իրավասության դատարանի և Քոչարյանի դիմումների հիման վրա ՀՀ քրեական օրենսգրքի 300.1-րդ հոդվածի` սահմանադրական կարգը տապալելու, Սահմանադրությանը համապատասխանելու հարցը որոշելու վերաբերյալ։

Վենետիկի հանձնաժողովը հայտնել էր իր կարծիքը` արձանագրելով, որ սահմանադրական կարգի դեմ ուղղված հանցագործությունների ձևակերպման հարցում միջազգային պրակտիկայում միասնական մոտեցումներ չկան. պետությունների մի մասում հղումները վերաբերում են Սահմանադրությանն ամբողջությամբ, մյուսներն ուղղակի հղում են կատարում սահմանադրական կարգը պահպանելու անհրաժեշտությանը՝ առանց սահմանելու այն։

Հավելենք, որ ՀՀ ՔՕ 300.1 հոդվածը 2008-ի մարտի 1-ին չկար։ Այն որպես լրացում ավելացվել է 2009-ի մարտին։

Միասին կարող ենք բուժել վերքերը և նորից վերականգնել երկիրը. Ռոբերտ Քոչարյանի գրառումը