Ռուսլան Պուխով

Փաշինյանը մինչև վերջ չի հասկանում «Իսկանդերի» թեմայի ամբողջ նրբությունը. ռուս փորձագետ

837
(Թարմացված է 19:43 24.02.2021)
ՀՀ վարչապետի խոսքերը «Իսկանդեր» ՕՏՀՀ-ի չպայթած հրթիռների մասին արձագանք գտան ոչ միայն ԶԼՄ-ներում։ Sputnik Արմենիան ռազմական փորձագետ Ռուսլան Պուխովին խնդրել է մեկնաբանել թեման։

ԵՐԵՎԱՆ, 24 փետրվարի – Sputnik. ՀՀ վարչապետի խոսքերը չպայթած «Իսկանդերների» մասին բավականին զարմացրել են մասնագետներին։ Նման տարակուսանքը պարզ պատճառ ունի․ դրանք միանգամայն ժամանակակից և արդյունավետ օպերատիվ-տակտիկական համակարգեր են և դրանց «ծառայողական ցուցակում» մինչև օրս որևէ շեղում չի գրանցվել։

Նախօրեին 1in.am-ին տված հարցազրույցում, անդրադառնալով Արցախում ռազմական գործողությունների ընթացքում ժամանակին «Իսկանդերը» չօգտագործելու մասին` ՀՀ 3–րդ նախագահ Սերժ Սարգսյանի մեղադրանքներին, ՀՀ վարչապետ Նիկոլ Փաշինյանը հայտարարեց, որ Սարգսյանն «ինքը գիտի իր հարցերի պատասխանը»:

«Թող հարցնի, թե ինչու «Իսկանդերի» հրթիռը չի պայթել։ Կամ ինչու է պայթել 10 %-ով, օրինակ»,-ասել էր Փաշինյանը։ Լրագրողի ճշգրտող հարցին` մի՞թե այդպես էլ է լինում, Փաշինյանը պատասխանել էր. «Չգիտեմ։ Գուցե 80-ականների զենք է»:

Մինչդեռ «Իսկանդերը» նոր սերնդի համակարգ է, այն մշակվել է 90-ականների վերջին և ռուսական բանակի սպառազինության մեջ ներառվել է 2000-ականների սկզբին։

Ռազմավարությունների և տեխնոլոգիաների վերլուծության կենտրոնի տնօրեն Ռուսլան Պուխովն այդ կապակցությամբ Sputnik Արմենիային ասաց, որ իրեն ոչինչ հայտնի չէ «Իսկանդերների» աշխատանքում որևէ վրիպման մասին։

«Համակարգը շատ հուսալի է և պահանջված։ Ինչպես հայտնի է, Հայաստանից բացի այն գնել է նաև Ալժիրը։ Ուրիշներն էլ կան, որ ցանկանում են գնել։ Ես կարծում եմ, որ ՀՀ վարչապետի այս հայտարարությունը կապված է երեք երևույթի հետ»,-ասաց Պուխովը։

Պաշտպանության նախարարությունը չի մեկնաբանում չպայթած «Իսկանդերի» մասին Փաշինյանի խոսքերը

Նրա խոսքով` առաջինը՝ ՀՀ կառավարության ղեկավարը հումանիտար կրթություն ունի և այնքան էլ գլուխ չի հանում ռազմական հարցերից։ Նա քաղաքական գործիչ է, ուստի մինչև վերջ չի հասկանում թեմայի բոլոր նրբությունները։

«Երկրորդ պահը կապված է նրա հետ, որ հայ հանրությունն ընդհանուր առմամբ արևմտամետ է և, այսպես ասած, շոշափողի գծով նայում է Արևմուտքին։ Դա համահայկական պատրանքների յուրօրինակ «վերապրուկ» է։ Երրորդ պահը քաղաքական բաղկացուցիչն է։ Նախկին նախագահ Սերժ Սարգսյանը Փաշինյանին մի բանում է մեղադրում, Փաշինյանը նրան՝ մեկ այլ բանում»,-ասում է կենտրոնի տնօրենը։

«Դրանք բացառիկ համակարգեր են։ Ի տարբերություն նույն «Սկադի», որը թռչում է հասկանալի հետագծով, և այն կարելի է որսալ, «Իսկանդերը» անկանխատեսելի հետագծով է թռչում։ Բայց ինչ վերաբերում է Հայաստանին, այստեղ հարցը նաև այն է, թե ով է կառավարել այդ զենքը։ Պատկերավոր ասած՝ եթե կառավարման վահանակի մոտ ժամկետային զինծառայողներ են նստած, ապա այդպես ցանկացած զենք կարելի է «վարի տալ»»,-նշում է Պուխովը։

Հարկ է նշել, որ Հայաստանը 2016թ․-ին արտասահմանյան երկրներից առաջինն էր, որ Ռուսաստանից ստացավ տվյալ ՕՏՀՀ-ները։ Նույն տարվա սեպտեմբերին դրանք ցուցադրվեցին Անկախության օրվա առթիվ կայացած շքերթում։ Համակարգի հիմնական նշանակությունը հակառակորդի ՀՕՊ և ՀՀՊ համալիրների, հրամանատարական կետերի և ռազմավարական օբյեկտների ոչնչացումն է մինչև 500 կմ հեռավորության վրա։ Երևանի սպառազինության մեջ ներառված է «Իսկանդեր» համալիրի արտահանվող տարբերակը՝ 280 կմ հեռահարությամբ։

Անցած տարվա նոյեմբերին ԶՈւ Գլխավոր շտաբի նախկին պետ Մովսես Հակոբյանը հայտարարել էր, որ «Իսկանդերներն» օգտագործվել են պատերազմի վերջին օրերին։ Երրորդ նախագահն իր հերթին վերջերս ասաց, որ ըստ իր ունեցած տեղեկությունների՝ համալիրներից կրակել են Շուշիի ուղղությամբ։ Մինչդեռ ՀՀ իշխանություններն ու ԶՈւ-ն երբևէ պաշտոնապես չեն հաստատել դրանց կիրառման մասին տեղեկությունները։

«Իսկանդերը» կիրառվել է պատերազմի վերջին շրջանում Շուշիի ուղղությամբ. Սերժ Սարգսյան

837
թեգերը:
փորձագետ, ռուս, Արցախ, Զենք, Իսկանդեր, Նիկոլ Փաշինյան
Ըստ թեմայի
Փաշինյանը խոսեց «Իսկանդեր»-ներից, քանի որ առաջինը խոսել էր Սերժ Սարգսյանը. Քոչարյան
«Իսկանդերը» կարո՞ղ էր չպայթել կամ 10%-ով պայթել. Դավիթ Հարությունովը պարզաբանում է
«Իսկանդերները» կկիրառվե՞ն Արցախում. Փաշինյանը պատասխանեց Sputnik Արմենիայի հարցին
Տոնոմետր

Կանգնեցրեք «լուռ մարդասպանին»․ Հայաստանում մահերի 50%-ի պատճառը սրտի հիվանդություններն են

5
(Թարմացված է 15:58 17.05.2021)
Մասնագետների նպատակն է նվազեցնել մահացության ցուցանիշը, հատկապես երիտասարդների շրջանում։ Լրջագույն ռիսկի գործոն է զարկերակային գերճնշումը։

ԵՐԵՎԱՆ, 17 մայիսի – Sputnik․ Ինչպես գրեթե բոլոր երկրներում, այնպես էլ Հայաստանում գերակշռում են սրտանոթային հիվանդությունների պատճառով մահերը։

Երևանի գլխավոր սրտաբան, Սրտաբանության ինստիտուտի տնօրեն Պարունակ Զելվեյանն այսօր լրագրողների հետ զրույցում նշեց, որ այդ ցուցանիշը 50 տոկոսից բարձր է։ 18 տարեկանից բարձր տարիքային խմբում բնակչության 42 տոկոսն ունի բարձր զարկերակային ճնշում, ինչը լրջագույն ռիսկի գործոն է։ Հենց զարկերակային գերճնշումով են պայմանավորված սրտանոթային ընդհանուր մահացությունները։

Զելվեյանի խոսքով՝ զարկերակային գերճնշում ունեցողների 73% -ը տեղյակ է դրա մասին, 68% -ը բուժում է անցնում: Բուժում ստացողների գրեթե 40% -ը հասել է նպատակին՝ 140/90 մմ-ից ցածր։

Մասնագետը վստահ է, եթե կարողանան ճիշտ ժամանակին կանխարգելել և հսկել զարկերակային գերճնշումը, կունենան սրտանոթային պատահարների և բարդությունների նվազեցում:

Սրտանոթային խնդիրներ ունեցող անձինք ու կորոնավիրուսը. ինչու է այն վտանգավոր

«Դրան «լուռ մարդասպան» են կոչում, քանի որ զարկերակային գերճնշման պարագայում յուրաքանչյուր 10 միլիմետրի բարձրացումը կրկնապատկում է սրտանոթային պատահարների քանակը»,- նշեց նա:

Զարկերակային գերճնշումը վերահսկելու և բուժելու համար 42% -ը օրական օգտագործում է մեկ դեղահաբ, 35% -ը՝ 2 դեղահաբ, 22% -ը` 3 դեղահաբ:

Միևնույն ժամանակ, վերջին տվյալների համաձայն, հիվանդության երիտասարդացում չկա: Ախտանիշները հիմնականում հայտնվում են 35 տարեկանից հետո: 50 տարեկանից բարձր տարիքային խմբում յուրաքանչյուր երրորդը տառապում է արյան բարձր ճնշմամբ, 60 տարեկան հասակում ՝ երկուսից մեկը:

Զելվեյանը նշեց, որ «դարի մարդասպանին» կանգնեցնելու համար որոշակի ծրագրեր են մշակվել։ Օրինակ` այս ամռանը կիրականացվի սքրինինգային ծրագիր բնակչության շրջանում զարկերակային գերճնշումը հայտնաբերելու համար։ Հայ բժիշկները պատրաստվում են տեղի բնակչությանը ապացուցել, որ այս հիվանդությունը, չնայած վտանգավոր է, բայց դատավճիռ չէ։

Սրտաբանը նշում է՝ այս հիվանդության դեպքում գրագետ բուժում է պետք, միայն դեղահաբով հարցը չի լուծվի, պետք է բժշկի հետ շփման մեջ լինել, այլապես կարող է գա մի փուլ, որ դեղամիջոցն այլևս չօգնի:

Բժիշկը խորհուրդ է տալիս ֆիզիկական ակտիվ կյանք վարել, նվազեցնել սննդակարգում աղի, ճարպերի, քաղցրի, ալկոհոլի օգտագործումը, բացառել ծխախոտը, ուշադրություն դարձնել հոգեկան հանգստությանը, ուշադիր լինել առողջության հանդեպ, գանգատների դեպքում էլ անմիջապես բժշկի դիմել։

5
թեգերը:
Մահ, արյան ճնշում, բժիշկ, սիրտ
Ըստ թեմայի
Հայտնի է դարձել սրտի կաթվածի ռիսկը նվազեցնող անսպասելի մթերքը
Արդյոք սրտի համար վտանգավոր է ձախ կողքի վրա քնելը. բժշկի դիտարկումը
Սիրտ-անոթային հիվանդություններով դիմելիության ցուցանիշն աճել է. ի՞նչ կապ ունի երկրաշարժը
Ռուս խաղաղապահներ

Պուտինը շատ բան է արել Ղարաբաղյան հակամարտությունը դադարեցնելու համար. Վոլոդին

17
(Թարմացված է 15:49 17.05.2021)
Ռուսաստանի Պետդումայի ղեկավարը հուսով է, որ հայ գործընկերոջ հետ երկխոսությունը կշարունակվի ՀԱՊԿ խորհրդարանական վեհաժողովի շրջանակում:

ԵՐԵՎԱՆ, 17 մայիսի - Sputnik. ՌԴ Պետդումայի խոսնակ Վյաչեսլավ Վոլոդինը ՀՀ Ազգային ժողովի նախագահ Արարատ Միրզոյանի հետ հանդիպման ժամանակ հայտարարել է, որ ՌԴ նախագահ Վլադիմիր Պուտինը շատ բան է արել Ղարաբաղյան հակամարտությունը կանգնեցնելու համար։ Տեղեկությունը հրապարակվել է Ռուսաստանի խորհրդարանի ստորին պալատի կայքում։

Վոլոդինը նշել է, որ այդ հակամարտությունը կարող էր վերածվել սարսափելի իրավիճակի:

Հայաստանի խորհրդարանի խոսնակն էլ իր հերթին հայտնել է, որ Երևանին ու Մոսկվային կապում են հատուկ, եղբայրական հարաբերությունները, որոնք հիմնված են բազմադարյա պատմության վրա:

«Դրանք ռազմավարական գործընկերների, դաշնակիցների հարաբերություններն են։ Ես վստահ եմ, որ ոչ ոք չի կասկածում, որ այդ հարաբերությունները հետագայում դինամիկ կերպով կզարգանան և կամրապնդվեն», - ասել է Միրզոյանը ։

Հանդիպման ընթացքում Վոլոդինը նաև հույս է հայտնել, որ երկխոսությունը կշարունակվի հուլիսի 1-ին ՀԱՊԿ խորհրդարանական վեհաժողովի շրջանակում:

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։

2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

17
թեգերը:
Արարատ Միրզոյան, Վյաչեսլավ Վոլոդին, Վլադիմիր Պուտին, Հայաստան, Ռուսաստան
Ըստ թեմայի
Պուտինն ու Ալիևը զրուցել են հեռախոսով
Հայկական կողմը մանրամասներ է հայտնել Փաշինյան–Պուտին հեռախոսազրույցից
Նիկոլ Փաշինյանը դիմել է Վլադիմիր Պուտինին ռազմական օգնության հարցով. Ալեն Սիմոնյան