Ռոբերտ Քոչարյանի դատ. արխիվային լուսանկար

«Մարտի 1»-ի դատն անհարկի ձգձգվում է. փաստաբաններն ու դատավորը մեղադրում են միմյանց

44
(Թարմացված է 15:16 23.02.2021)
Դատական նիստն այսօր էլ հետաձգվեց Արմեն Գևորգյանի պաշտպան Էրիկ Ալեքսանյանի միջնորդության ու նրա բացակայության արդյունքում։

ԵՐԵՎԱՆ, 23 փետրվարի - Sputnik. Տպավորություն է, թե դատարանն արհեստականորեն ձգձգում է դատավարությունը։ Այսօր «Մարտի 1»-ի գործով դատական նիստում հայտարարեց ՀԱՊԿ նախկին գլխավոր քարտուղար Յուրի Խաչատուրովի պաշտպան Միհրան Պողոսյանը` գնահատելով դատավոր Աննա Դանիբեկյանի գրծողությունները։

«Ինչո՞ւ է դատական նիստը ուշ սկսվել։  Այսինքն` դատարանը արհեստականորեն գործողություններ էր կատարում, հետաձգում, որ տպավորություն ստեղծի, թե Էրիկ Ալեքսանյանն անհարգելի չի ներկայացել։ Դատական նիստը նշանակված էր ժամը 13։00-ին, 13։01-ին Էրիկ Ալեքսանյանն ունեցել է աշխատանքային ծանրաբեռնվածություն, ինչի մասին նախորդ դատական նիստում հայտնել է։ Կամ որտեղի՞ց դատարանը գիտեր, որ այն մի դատական նիստը պիտի հետաձգվի։ Իսկ կարո՞ղ է դատարանն արդեն միջոցներ էր ձեռնարկել, որ այն դատական նիստը հետաձգվի ու տպավորություն ստեղծվի, թե Ալեքսանյանը անհարկի չի ներկայացել»,– ասաց  Պողոսյանը։

Նա նաև նշեց, որ դատարանն այս կերպ արհեստականորեն ձգձգում է դատական նիստերը։

ՀՀ երկրորդ նախագահ Ռոբերտ Քոչարյանի փաստաբան Հայկ Ալումյանն էլ կասկած հայտնեց, որ քննիչն ու դատախազն արհեստականորեն տապալել են վերաքննիչ դատական նիստը` չներկայանալով դրան, ինչի արդյունքում վերաքննիչ նիստը չի կայացել, իսկ Արմեն Գևորգյանի պաշտպանը չի կարողացել մասնակցել առաջին ատյանի նիստին։

Դատավոր Աննա Դանիբեկյանն էլ փոխադարձաբար մեղադրեց փաստաբաններին` դատական նիստերը ձգձգելու համար։ Նա հիշեցրեց, որ վերջին դատական նիստերում փաստաբանները մի շարք միջնորդություններ են ներկայացրել, որոնց հետևանքով դատական նիստերը պարբերաբար հետաձգվել են։

Մարտի 1-ի գործը բաղկացած է բազմաթիվ միֆերից. ինչու տուժող ոստիկանները դատարան չեն գալիս

Այդուհանդերձ, Աննա Դանիբեկյանը հայտարարեց, որ դատական նիստն այսօր էլ հետաձգվում է Արմեն Գևորգյանի պաշտպան Էրիկ Ալեքսանյանի միջնորդության ու նրա բացակայության արդյունքում։

Դատական հաջորդ նիստը նշանակվեց մարտի 2-ին, ժամը 13։00-ին։

Հաշմանդամություն ստացած ոստիկանը Մարտի 1-ի գործով տուժող չհամարվեց

Հիշեցնենք` ՀՀ նախկին փոխվարչապետ Արմեն Գևորգյանի պաշտպանը դատարանին միջնորդել էր հետաձգել «Մարտի 1»-ի գործով այսօր նշանակված դատական նիստը` Վերաքննիչ դատարանում զբաղված լինելու հիմնավորմամբ։ Դատավոր Աննա Դանիբեկյանը դատարանում հայտարարեց, որ պարզել են, որ Վերաքննիչ դատական նիստը հետաձգվել է սկսվելուց անմիջապես հետո և կասկած հայտնեց Արմեն Գևորգյանի փաստաբանի բացակայության պատճառի վերաբերյալ։

44
թեգերը:
պաշտպան, Աննա Դանիբեկյան (դատավոր), Յուրի Խաչատուրով, Ռոբերտ Քոչարյան, «Մարտի 1–ի» գործով դատավարություն, Դատարան, Դատավոր, Հայաստան
թեմա:
«Մարտի 1»-ի գործը (273)
Ըստ թեմայի
Քոչարյանի և մյուսների գործով նիստը դռնփակ է անցնում. Խաչատուրովն առողջական խնդիրներ ունի
«Այդ օրը դաջվել է հիշողությանս մեջ». Բելլա Քոչարյանը հիշել է 33 տարի առաջ տեղի ունեցածը
«Ցավոք, կանխատեսումներն իրականացան». Քոչարյանի գրասենյակը վերահրապարակել է նրա ուղերձը
Արա Զոհրաբյան

Նախագահը մինչև մարտի 9-ը իրավունք ունի Գասպարյանի ազատման հարցով դիմելու ՍԴ. Արա Զոհրաբյան

27
(Թարմացված է 15:24 06.03.2021)
ՀՀ փաստաբանների պալատի նախագահը կարծում է, որ ՀՀ նախագահ Արմեն Սարգսյանը շատ հարցերում է լռում։

ԵՐԵՎԱՆ, 6 մարտի - Sputnik. ՀՀ նախագահ Արմեն Սարգսյանը մինչև մարտի 9-ն իրավունք ունի ԳՇ պետ Օնիկ Գասպարյանի ազատման հարցով դիմել Սահմանադրական դատարան։ ՀՀ պաշտպանության նախարարության դիմաց լրագրողների հետ զրույցում ասաց փաստաբանների պալատի նախագահ Արա Զոհրաբյանը։

«Այս փուլում իրավիճակն այսպիսին է` նախագահը կա՛մ պետք է դիմի Սահմանադրական դատարան, կա՛մ ստորագրի հրամանագիրը և համաձայնի վարչապետի հետ։ Մենք նախագահին ուզում ենք ասել, թե ինչո՞ւ է նա երկու մարմինների միջև ծագած վեճը թողնում, որ նրանք էլ լուծեն` ՍԴ–ից լավ հարթակ կա՞»,–ասաց Զոհրաբյանը։

Նրա խոսքով` Արմեն Սարգսյանը շատ հարցերում է լռում։ Զոհրաբյանը նշեց, որ նախագահն արդեն հայտնել է, որ կա խնդիր, և հիմա զարմանալի է` ինչո՞ւ է վարանում ՍԴ դիմել։ ՓՊ նախագահն ասաց, որ մի խումբ մարդկանցով դիմելու են նախագահին, որ սահմանադրականության շրջանակում լուծվեն առկա խնդիրները։

Հիշեցնենք, որ քիչ առաջ ՊՆ–ի մոտ զինվորականներ, տարբեր ոլորտի մարդիկ և շարքային քաղաքացիներ էին հավաքվել` ի աջակցություն ԳՇ պետ Օնիկ Գասպարյանի։

Նրանք ակցիայի վերջում ավտոերթով գնացին Բաղրամյան 26` նախագահին դիմելու, որպեսզի ՍԴ դիմի Գասպարյանին աշխատանքից ազատելու վերաբերյալ։

Հիշեցնենք նաև, որ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

Գլխավոր շտաբը մարտի 1-ին նոր հայտարարություն տարածեց նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։

Մարտի 2-ին հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով:

27
թեգերը:
Արմեն Սարգսյան, Օնիկ Գասպարյան, Արա Զոհրաբյան, Բողոքի ակցիա
Ըստ թեմայի
«Բանակի փեշերից են կախվել». Քոչարյանն ասաց` ինչպես է լուծվելու Օնիկ Գասպարյանի հարցը
ԳՇ–ն միանգամից 3 պետ կունենա՞, կամ ՍԴ–ից բացի ուրիշ ինչ ուղի ունի Օնիկ Գասպարյանը
«Օնիկ Գասպարյանն ինչ էլ անի` իր կողքին կանգնած ենք». զինվորականները ՊՆ–ի մոտ են
Նորատ Տեր–Գրիգորյանց

Հոգնել են բարձիթողի վիճակից. Տեր–Գրիգորյանցը մեկնաբանել է ԳՇ– Փաշինյան «հակամարտությունը»

108
(Թարմացված է 14:29 06.03.2021)
Հայկական բանակի հիմնադիրներից Նորատ Տեր-Գրիգորյանցն ասել է, որ ստեղծված իրավիճակում կողմերից ոչ մեկին չի աջակցում։

ԵՐԵՎԱՆ, 6 մարտի – Sputnik. ՀՀ զինված ուժերը նախատեսված չեն հեղաշրջման համար, դրանք ապահովում են երկրի անվտանգությունը դրսից նախաձեռնված հարձակման ժամանակ։ Sputnik Արմենիայի հետ  զույցում այս մասին ասաց  ԽՍՀՄ ԶՈւ ցամաքային զորքերի գլխավոր շտաբի պետի տեղակալ, անկախ Հայաստանի Զինված ուժերի ստեղծողներից գեներալ-լեյտենանտ Նորատ Տեր-Գրիգորյանցը՝ մեկնաբանելով երկրում տիրող իրավիճակը։

«Հայաստանի զինված ուժերը ճիշտ այնպես, ինչպես ԽՍՀՄ-ում և ՌԴ-ում, պարզապես նախատեսված չեն այդ գործի (հեղաշրջման,–խմբ.) համար։ Այն, ինչ Գլխավոր շտաբի պետը գրել է, կարծում եմ` նրանք պարզապես հոգնել են բարձիթողի վիճակից ու այլանդակությունից, երբ վերադաս մարմինները հանկարծակի հանում են ռազմական գեներալներին, սպաներին պատերազմից առաջ և պատերազմի ժամանակ», - ասաց նա։

Նրա խոսքով՝ այդ պատճառով բանակը մերկացվում է, խախտվում է բարոյական ու մարտական ոգին, վիճակը, մարտունակությունը։ Տեր-Գրիգորյանցը կարծում է, որ ամենայն հավանականությամբ, Գլխավոր շտաբի պետը հոգնել է նման իրավիճակից, դրա համար էլ նա հանդես է եկել այդ հայտարարությամբ։

Տեր-Գրիգորյանցը նաև ընդգծեց, որ բանակը քաղաքականությամբ չի զբաղվում։ Բացի այդ, նա պարզաբանել է, որ ինքն այդ իրավիճակում ոչ մեկին չի աջակցում։

Հիշեցնենք` ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

Գլխավոր շտաբը մարտի 1-ին նոր հայտարարություն տարածեց նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։

Մարտի 2-ին հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով:

108
թեգերը:
Նիկոլ Փաշինյան, Օնիկ Գասպարյան, Զինված ուժեր, Նորատ Տեր–Գրիգորյանց