Սյունիք

«Մենք էլ ենք զարմացել». նախկինում սահմանամերձ Շինուհայրն այժմ չկա որևէ ցանկում. ինչո՞ւ

306
(Թարմացված է 22:12 22.02.2021)
Պատերազմից հետո Սյունիքի մարզի Շինուհայր գյուղի կարգավիճակը փոխվել է` կառավարության հրապարակած սահմանամերձ համայնքներում այն ներառված չէ, ռուս սահմանապահներն էլ հեռացել են համայնքից։

ԵՐԵՎԱՆ, 22 փետրվարի - Sputnik. Նախկինում սահմանամերձի կարգավիճակ ունեցող Սյունիքի մարզի Շինուհայր գյուղը պատերազմից հետո ՀՀ կառավարության կազմած սահմանամերձ համայնքների ցուցակում չկա։ Sputnik Արմենիայի հետ զրույցում Տաթև խոշորացված համայնքի ղեկավար Մուրադ Սիմոնյանը հայտնեց` խոշորացված Տաթև համայնքի երկու գյուղերն էլ` Խոտը և Շինուհայրը, նախկինում ներառվել են սահմանամերձ բնակավայրերի ցանկում, իսկ հիմա միայն Խոտն է սահմանամերձ համարվել։

«Բացթողում է, թե ինչ է` չգիտենք, բայց Խոտն ընդգրկված է սահմանամերձ համայնքների ցանկում, Շինուհայրը` ոչ։ Դեռևս պատճառը չեմ հասկանում: Այստեղ սահմանազատման աշխատանքները չեն ավարտվել. մտածում եմ` գուցե հետո ներառեն, ո՞վ իմանա, մենք էլ զարմացած ենք»,–ասաց Սիմոնյանը։

Նա հայտնեց, որ շուրջ 2300 բնակչություն ունեցող Շինուհայրն Ադրբեջանից սահմանազատվում է ձորով, և բնակելի հատվածը` բուն գյուղը, 4-5 կիլոմետր է հեռու սահմանից։ Սակայն գյուղը գերակա դիրք ունի ադրբեջանական դիրքերի նկատմամբ` վերևում է գտնվում։ Սիմոնյանը նշեց` պատերազմի հետևանքով թշնամին շատ է մոտեցել իրենց համայնքին։

Նրա խոսքով` համայնքում` Խոտ գյուղի փոքր ջրամբարի մոտ, ռուս սահմանահներ էին տեղակայվել, սակայն օրեր առաջ նրանք էլ են գնացել, և ոչ ոք չգիտի` նորից կգա՞ն, թե ոչ կամ էլ ինչո՞ւ են գնացել։ Նրանց փոխարեն, այդ նույն տարածքում հայկական զինված ուժեր էլ տեղակայված չեն (քանի որ ներկա կարգավորումներով գյուղը սահմանամերձ չի համարվում, սահմանապահների ներկայությունն այնտեղ այլևս պետք չէ– խմբ.)։

«Շինուհայրում սահմանը այդքան էլ մոտ չէ, և բնակչության համար այդքան էլ վտանգավոր չէ հիմա, բայց որ մարդիկ իջնեն իրենց պարտեզները, հանդերը, արդեն մոտիկանալու են։ Չնայած դրան, շուտով գարնանամուտ է ու մարդիկ իջնելու են և այգիներում գործ անելու»,–ասաց Սիմոնյանը։ Նրա խոսքով` Շինուհայրից Ադրբեջանին որևէ տարածք չի անցել և կարծես չի էլ անցնելու։

Սյունիքի և Գեղարքունիքի սահմանամերձ դարձած 39 բնակավայրում կօգտվեն աջակցության ծրագրերից

Որպես սահմանամերձ գյուղ` մինչև այս տեղի բնակիչներն օգտվում էին 50 տոկոս զեղչից՝ կադաստրային վճարումներն անելու համար։

Սիմոնյանը հայտնեց` վաղը համայնք է գալու Սյունիքի մարզպետ Մելիքսեթ Պողոսյանը, և նրան էլ Շինուհայրի խնդրի և կարգավիճակի մասին տեղյակ է պահելու։ Բացի այդ, համայնքի ղեկավարն ասում է, որ լավ կլիներ` սահմանապահները նորից վերադառնային, քանի որ նրանց ներկայությամբ ավելի անվտանգ են զգում։

ՀՀ աշխատանքի և սոցիալական հարցերի նախարարության լրատվական ծառայությունից էլ Sputnik Արմենիային հայտնեցին, որ սահմանամերձի կարգավիճակ ստացած համայնքների ցանկը վերանայվում է։ Մի շարք համայնքների հարցով ուսումնասիրություն է գնում` սահմանամերձի կարգավիճակ տալու համար։ Նախարարությունից վստահեցնում են`  Շինուհայրն էլ է այն համայնքների թվում, որոնք ուսումնասիրվում են։

Ի դեպ, ՀՀ կառավարության փետրվարի 12-ի N 184 -Ն որոշման համաձայն` 23 համայնքի 77 բնակավայրեր են համարվել սահմանամերձ (ցանկին կարող եք ծանոթանալ այստեղ

Հիշեցնենք, որ կառավարության հրապարակած ցանկից բացակայում էին նաև Խնձորեսկ և Քարահունջ բնակավայրերերը, և այդ փաստը բազմաթիվ դժգոհությունների պատճառ էր դարձել։ Խնձորեսկի գյուղապետ Երվանդ Մալունցը գրել էր, որ կառավարությունում գյուղի իրավիճակից տեղյակ չեն և չգիտեն, որ խնձորեսկցին իր սեփական դաշտում սեզոնային աշխատանքներ իրականացնելու հնարավորություն այլևս չունի։

Դրանից հետո ՀՀ աշխատանքի և սոցիալական հարցերի փոխնախարար Դավիթ Խաչատրյանը հայտարարել էր, որ վերոհիշյալ երկու համայնքներն ամենայն հավանականությամբ կընդգրկվեն սահմանամերձ բնակավայրերի ցանկում։

306
թեգերը:
ՀՀ կառավարություն, սահմանամերձ գյուղեր, Սահման, Գյուղ, Շինուհայր, Սյունիք
Ըստ թեմայի
Զինված ադրբեջանցիները Խնձորեսկում հովվից խլել են մեծ թվով մանր եղջերավոր անասուններ
Միլիոններ ենք թողել այնտեղ․ արցախցի ընտանիքը տեղավորվել է Ներքին Խնձորեսկում. տեսանյութ
Վերքին աղ լցնելը չիմացության հետևա՞նք է. Խնձորեսկն ու Քարահունջը սահմանամերձ չեն ճանաչվել
Ընդդիմության հանրահավաքը Բաղրամյան պողոտայում. 1 մարտի, 2021

Պատերազմին մասնակցած եզդիները միացել են Փաշինյանի հրաժարականի պահանջին. Այսեր Իսոյան

2
(Թարմացված է 20:34 01.03.2021)
Եզդիական համայնքի ներկայացուցիչը նշեց` վարչապետի հրաժարականը պահանջում է առաջին արցախյանի ժամանակ իր ընտանիքից ընկած տղաների անունից, իսկ հիմա` անհայտ կորած իր քրոջ տղայի անունից։

ԵՐԵՎԱՆ, 1 մարտի - Sputnik. Եզդիական համայնքի այն անձինք, որոնք սեպտեմբերի 27-ին կանգնած էին հայոց բանակի կողքին, միանում են վարչապետ Նիկոլ Փաշինյանի հրաժարականին։ Բաղրամյան պողոտայում Հայրենիքի փրկության շարժման հանրահավաքի ժամանակ ասաց եզդիական համայնքի ներկայացուցիչ Այսեր Իսոյանը։

«Եզդիական ջոկատը այսօր դեռ հերթափոխում է սահմանին։ ՊՆ–ի կազմում եզդիական առանձին ստորաբաժանում կստեղծվի, որը ցույց կտա, որ եզդին հայոց հարցի պահանջատերն է։ Մենք` 100 000 եզդիներս, կանգնած ենք ԳՇ պետ Օնիկ Գասպարյանի, սպայական և հրամանատարական կազմի կողքին»,–ասաց նա։

Իսոյանը հիշեցրեց, երբ զոհված եզդիներից մեկին հողին են հանձնում, ծածկում են երկու դրոշով` ՀՀ–ի և եզդիների, քանի որ երկուսն էլ իրենց համար նույն խորհրդանիշն ունեն։ Իսոյանի խոսքով` հայ–եզդիական հզոր բանակը հարվածելու է ՀՀ իշխանության քթին։

«Ես Փաշինյանի հրաժարականը պահանջում եմ առաջին արցախյանի ժամանակ իմ ընտանիքից ընկած տղաների անունից, իսկ հիմա` անհայտ կորած իմ քրոջ տղայի անունից։ Հավաքի քեզ նմաններին ու գնա»,–ասաց Իսոյանը։

Հիշեցնենք, որ այս րոպեներին Երևանում 2 հակընդդեմ ակցիաներ են. Հանրապետության հրապարակի հանրահավաքի մասնակիցները երթով շարժվում են դեպի Մյասնիկյանի արձան, իսկ Բաղրամյան պողոտայում շարունակվում է ընդդիմության հանրահավաքը։

Ներքաղաքական իրավիճակը Հայաստանում սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Մարտի 1-ին իշխանությունը բանակը հանեց սեփական ժողովրդի դեմ. Նիկոլ Փաշինյան

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

2
Նիկոլ Փաշինյանի հանրահավաքը

Փաշինյանը գնում է արտահերթ ընտրության. հայտնի է կարգախոսը

33
(Թարմացված է 20:20 01.03.2021)
ՀՀ վարչապետը մարտահրավեր նետեց խորհրդարանական ընդդիմությանը` եկեք գնանք արտահերթ ընտրությունների։

ԵՐԵՎԱՆ, 1 մարտի - Sputnik. ՀՀ վարչապետ Նիկոլ Փաշինյանն այսօր Հանրապետության հրապարակում հրավիրված հանրահավաքի իր ելույթում հայտարարեց, որ ընդունում է ընդդիմության մարտահրավերը` գնալու արտահերթ ընտրությունների։

Հայտնի է անգամ, թե ինչ կարգախոսով իշխող քաղաքական ուժը կմասնակցի ընտրություններին։

«Մենք անգամ կարգախոսներ էինք մտածել, և այդ կարգախոսներից մեկը հետևյալն էր. «Վերջ թավիշին»»,– ասաց Փաշինյանը` իր մարտահրավերը նետելով խորհրդարանական ընդդիմությանը` եկեք գնանք արտահերթ ընտրությունների։

Վարչապետը նաև հայտարարեց, որ ժողովուրդն է իրեն ընտրել վարչապետ, ժողովուրդն էլ կարող է իրեն պաշտոնանկ անել։

Իրադրությունը սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

33
թեգերը:
ընդդիմություն, Ընտրություններ, Հայաստան, Վարչապետ, Նիկոլ Փաշինյան
Ըստ թեմայի
2021թ.–ի հոկտեմբերին Հայաստանում կանցկացվի սահմանադրական հանրաքվե. Փաշինյան
Մեր թիկունքում հայկական ողջ բանակն է կանգնած. Յուրի Խաչատուրով
Փաշինյանի կազմակերպած հանրահավաքի մասնակիցները երթով անցնում են Ամիրյան փողոցով. տեսանյութ