Արխիվային լուսանկար

Մաքսատուրքերի բարձրացումից հետո Հայաստան ներկվող ավտոմեքենաները 25 անգամ պակասել են

244
(Թարմացված է 12:42 19.02.2021)
ՊԵԿ վիճակագրության համաձայն` 2020թ.-ին Հայաստան է ներկրվել 7300 ավտոմեքենա՝ 2019թ.-ի 189 000-ի դիմաց:

ԵՐԵՎԱՆ, 19 փետրվարի – Sputnik. 2019թ.-ի համեմատ 2020թ.-ին Հայաստան ներկրված ավտոմեքենաների թիվը 25 անգամ նվազել է: Այդ մասին են վկայում այսօր հրավիրված ասուլիսում լրագրողներին ներկայացված ՀՀ ՊԵԿ մաքսային վիճակագրության տվյալները:

Դրանց համաձայն` 2019թ.-ին Հայաստան էր ներկրվել 189 000, իսկ 2020թ.-ին՝ 7 300 ավտոմեքենա:

Ասուլիսին ներկա ՊԵԿ մաքսային հսկողության վարչության պետ Արտեմ Կարապետյանը հիշեցրեց, որ 2018-19թթ-ին Հայաստան ներկրված ավտոմեքենաների թիվն ուղղակի աննախադեպ է եղել:

«Քանակն այնքան շատ էր, որ նույնիսկ Վրաստանի նավահանգիստները չէին հասցնում ժամանակին բաց թողնել այդ տրանսպորտային միջոցները»,- հիշեցրեց ՊԵԿ պաշտոնյան:

Ներկրման այս ծավալը պայմանավորված էր այն հանգամանքով, որ 2019թ.-ին Հայաստանում դեռ գործում էր ԵԱՏՄ-ին անդամակցության մաքսային արտոնությունը, որն ավարտվում էր 2020թ.-ի հունվարի 1-ին:

Ավտոներկրողների հույսը Ղազախստանն է. ինչ կանի ՀՀ կառավարությունը նրանց փրկելու համար

Արտոնյալ պայմանները հայաստանցի ներկրողներին մրցունակ էին դարձնում ԵԱՏՄ իրենց գործընկերների համեմատ, ինչը հնարավորություն էր ընձեռում Հայաստան ներկրված էժան ավտոմեքենաները ձեռնտու պայմաններով վերավաճառել ԵԱՏՄ անդամ մյուս երկրների քաղաքացիներին:

Ու թեև արտոնված ժամկետն ավարտվում էր 2020թ.-ին, բայց 2019թ.-ին գնված շատ ավտոմեքենաներ այդ ժամկետին դեռ ճանապարհին էին, ուստի ՀՀ կառավարությունը որոշեց թույլ տալ 2019թ.-ին պատվիրված, բայց 2020-ին Հայաստան հասնող ավտոմեքենաները մաքսազերծել դրանց գնման պահին ՀՀ-ում գործող անհամեմատ ավելի ցածր դրույքաչափերով:

Այս արտոնյալ պայմաններով, ՊԵԿ-ի վիճակագրության համաձայն, 2020թ.-ին Հայաստան է ներկրվել 4180 ավտոմեքենա: Այլ կերպ ասած՝ անցյալ տարվա ընթացքում Հայաստան բերված 7 300 ավտոմեքենաներից 4180-ը գնվել էր դեռ 2019թ.-ին և մաքսազերծվել է դեռ նախորդ՝ արտոնյալ պայմաններով:

Իսկ մաքսատուրքերի թանկացումից հետո, փաստորեն, Հայաստան ներկված ավտոմեքենաների թիվը կազմել է ընդամենը 3120 ավտոմեքենա՝ 2019թ-ի 189 000-ի դիմաց:

Ինչքան կարող ենք՝ ավտո բերենք, իսկ ավտոների «թաղման» բյուրո» հետո կբացենք

244
թեգերը:
Հայաստան, Եվրասիական տնտեսական միություն (ԵԱՏՄ), ներկրում, ավտոմեքենա, Պետական եկամուտների կոմիտե (ՊԵԿ)
Ըստ թեմայի
Փաշինյանը հարցը կլուծի՞. ավտոներկրողներն իրենց բողոքը ներկայացրին ՊԵԿ փոխնախագահին
Ավտոներկրողներն օրենքի հեղինակներին հրավիրում են ավտոշուկա
Հսկայական հերթեր Ճապոնիայի նավահանգիստներում. հայ ավտոներկրողները փակուղու մեջ են
Նիկոլ Փաշինյանի հանրահավաքը

Փաշինյանը գնում է արտահերթ ընտրության. հայտնի է կարգախոսը

26
(Թարմացված է 20:20 01.03.2021)
ՀՀ վարչապետը մարտահրավեր նետեց խորհրդարանական ընդդիմությանը` եկեք գնանք արտահերթ ընտրությունների։

ԵՐԵՎԱՆ, 1 մարտի - Sputnik. ՀՀ վարչապետ Նիկոլ Փաշինյանն այսօր Հանրապետության հրապարակում հրավիրված հանրահավաքի իր ելույթում հայտարարեց, որ ընդունում է ընդդիմության մարտահրավերը` գնալու արտահերթ ընտրությունների։

Հայտնի է անգամ, թե ինչ կարգախոսով իշխող քաղաքական ուժը կմասնակցի ընտրություններին։

«Մենք անգամ կարգախոսներ էինք մտածել, և այդ կարգախոսներից մեկը հետևյալն էր. «Վերջ թավիշին»»,– ասաց Փաշինյանը` իր մարտահրավերը նետելով խորհրդարանական ընդդիմությանը` եկեք գնանք արտահերթ ընտրությունների։

Վարչապետը նաև հայտարարեց, որ ժողովուրդն է իրեն ընտրել վարչապետ, ժողովուրդն էլ կարող է իրեն պաշտոնանկ անել։

Իրադրությունը սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

26
թեգերը:
ընդդիմություն, Ընտրություններ, Հայաստան, Վարչապետ, Նիկոլ Փաշինյան
Ըստ թեմայի
2021թ.–ի հոկտեմբերին Հայաստանում կանցկացվի սահմանադրական հանրաքվե. Փաշինյան
Մեր թիկունքում հայկական ողջ բանակն է կանգնած. Յուրի Խաչատուրով
Փաշինյանի կազմակերպած հանրահավաքի մասնակիցները երթով անցնում են Ամիրյան փողոցով. տեսանյութ
Միքայել Մելքումյանը Բաղրամյան պողոտայում՝ ընդդիմության հանրահավաքում. 1 մարտի, 2021

Մենք պետք է սահմանադրական ճանապարհով իշխանափոխության հասնենք. Մելքումյան

10
(Թարմացված է 20:21 01.03.2021)
ԲՀԿ–ական պատգամավորը դիմեց «Իմ քայլի» գործընկերներին` ասելով, որ նրանց պատասխանատվությունը կայանում է ոչ թե թիմում մնալով, այլ ժողովրդին միանալով։

ԵՐԵՎԱՆ, 1 մարտի - Sputnik. ԲՀԿ–ն վաղն ԱԺ–ում նորից գործընթաց է սկսելու, որ ԱԺ օրակարգ մտնի ռազմական դրությունը վերացնելու և ներկայիս դրությունը քննարկելու հարցը։ Բաղրամյան պողոտայում ընթացող հանրահավաքի ժամանակ հայտարարեց ԲՀԿ–ական Միքայել Մելքումյանը։

«Վաղն ԱԺ–ում լիագումար նիստն է սկսվելու, սակայն ես չեմ ուզում գնալ ու լսել տնտեսական կամ այլ թեմայով ինչ–որ բան։ Պետք է Աժ–ում գործընթաց սկսվի, որպեսզի հրավիրված և տապալված` ռազմական դրությունը չեղյալ հայտարարելու և ստեղծված իրավիճակը քննարկելու օրակարգով նիստը մտնի ԱԺ օրակարգ։ Մենք պետք է հասնենք սահմանադրական ճանապարհով իշխանափոխության»,–ասաց Մելքումյանը։

Նա «Իմ քայլի» գործընկերներին դիմեց` ասելով, որ նրանց պատասխանատվությունը կայանում է ոչ թե իրենց թիմում մնալով, այլ ժողովրդին միանալով։

Մելքումյանը վստահեցրեց, որ մնացել է մի վերջին ճիգ գործադրել, և մի քանի օրից նույն վայրում հաղթանակ են տոնելու։

Հիշեցնենք, որ այս րոպեներին Երևանում 2 հակընդդեմ ակցիաներ են. Հանրապետության հրապարակի հանրահավաքի մասնակիցները երթով շարժվում են դեպի Մյասնիկյանի արձան, իսկ Բաղրամյան պողոտայում շարունակվում է ընդդիմության հանրահավաքը։

Ներքաղաքական իրավիճակը Հայաստանում սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Մարտի 1-ին իշխանությունը բանակը հանեց սեփական ժողովրդի դեմ. Նիկոլ Փաշինյան

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

10
թեգերը:
ԱԺ, հանրահավաք, ընդդիմություն, Միքայել Մելքումյան
Ըստ թեմայի
Բանակը ճիշտ է արել, և վարչապետն իրավունք չունի հետապնդելու հրամանատարներին. Սեյրան Օհանյան
Մեր թիկունքում հայկական ողջ բանակն է կանգնած. Յուրի Խաչատուրով
Փաշինյանի կազմակերպած հանրահավաքի մասնակիցները երթով անցնում են Ամիրյան փողոցով. տեսանյութ

Առանց Նիկոլի՞, թե՞ նրա հետ. Փաշինյանի կողմնակիցներն ու հակառակորդները լապտերներ վառեցին

0
Երևանի կենտրոնում կազմակերպված երկու հանրահավաքի մասնակիցները միացրին հեռախոսների լապտերները, բայց տարբեր նպատակներով:

Հայաստանի վարչապետ Նիկոլ Փաշինյանի հրաժարականի պահանջով Բաղրամյան պողոտայում հավաքվածները միացրին հեռախոսների լապտերները։ Այդ խնդրանքով նրանց դիմեց Հայրենիքի փրկության շարժման համակարգող Գեղամ Մանուկյանը։

«Քանի որ մութ է, և շատերը չեն պատկերացնում` որքան մարդ կա այստեղ, միացնենք հեռախոսների լույսերը, որպեսզի երևա, թե որքան ենք մենք», - ասաց Մանուկյանը։

Դրանից անմիջապես հետո բոլորը միացրին հեռախոսների լապտերները և սկսեցին վանկարկել. «Առանց Նիկոլ Հայաստան»։

Իսկ Հանրապետության հրապարակում հավաքվածները, որոնց եկել էին ՀՀ վարչապետի կազմակերպած հանրահավաքին, նույն գործողությունն արեցին` այդկերպ հարգանքի տուրք մատուցելով Մարտի 1-ի զոհերի հիշատակին։

Հիշեցնենք` այսօր Երևանում միանգամից երկու հանրահավաք էր կազմակերպվել։ Փաշինյանն իր կողմնակիցներին Հանրապետության հրապարակ է հրավիրել 18։30–ին, իսկ ընդդիմադիր Հայրենիքի փրկության շարժումը 18։30-ին հանրահավաք է կազմակերպել Բաղրամյան պողոտայում։

0