Արամ Օրբելյան

Փաշինյանի նկատմամբ քրգործի հարուցումը մերժելու դեմ բողոքի քննությունը հետաձգվեց

60
(Թարմացված է 18:24 17.02.2021)
Փաստաբան Հովհաննես Խուդոյանը հայտնեց` քանի որ բողոքի վերաբերյալ լրացուցիչ նյութեր են ստացվել, ապա իրենց ժամանակ է պետք դրանց ծանոթանալու համար։

ԵՐԵՎԱՆ, 17 փետրվարի - Sputnik. ՀՀ վարչապետ Նիկոլ Փաշինյանի նկատմամբ քրեական գործի հարուցումը մերժելու դեմ բողոքի քննությունը հետաձգվեց։ Նման որոշում կայացվեց այսօր Երևանի ընդհանուր իրավասության դատարանում ընթացող նիստի ժամանակ։ Նշենք, որ նիստը նախագահում էր դատավոր Մնացական Մարտիրոսյանը։

Փաստաբաններ Հովհաննես Խուդոյանն ու Արամ Օրբելյանն են դատարանից պահանջում չեղարկել Փաշինյանի դեմ քրգործ հարուցելը մերժելու մասին ՀՔԾ–ի և դատախազության որոշումները:

Մարտիրոսյանը հայտնեց, որ դատարանը լրացուցիչ նյութեր է ստացել։ Խոսքը, մասնավորապես, 2019-ին մայիսի 20-ին դատարանների մուտքուելքերը փակելու մասին բողոքի հիման վրա քրգործ հարուցելը մերժելու մասին որոշումն է, ինչպես նաև ԲՀԿ-ական Արման Աբովյանի, «Մեկ Հայաստան» կուսակցության նախագահ Արթուր Ղազինյանի և ՀՀ մարդու իրավունքների առաջին պաշտպան Լարիսա Ալավերդյանի ներկայացրած հաղորդման հիման վրա` Փաշինյանի 2020-ի նոյեմբերի 16-ի ֆեյսբուքյան գրառման հիման քրգործ հարուցելու ՀՔԾ որոշումը (խմբ. Փաշինյանն այդ օրը գրել էր, թե առաջնագծի զինվորների տասնյակ տեսանյութեր է դիտել և ապշել։ Նա հավելել էր, թե սպասում է նրանց Երևանում` վերջնականորեն լուծելու պատերի տակ վնգստացողների հարցերը)։

Ինչ է քննարկել Փաշինյանն «Իմ քայլի» հետ

ՀՔԾ լիազորված անձը հայտնեց, որ Փաշինյանի նկատմամբ քրեական գործի հարուցումը մերժելու դեմ բողոքը պատճառաբանված չէ, դրա հիմքում հիմնավորումներ չկան։ Բացի այդ, ըստ նրա, փաստաբանների կողմից նյութերի համադրում չի կատարվել, երբ քրգործի հարուցումը մերժվել է։

Դատախազության ներկայացուցիչն էլ ասաց, որ քրգործի հարուցումը մերժվել է, քանի որ դրա հիմքերը չկան։

Փաստաբան Հովհաննես Խուդոյանը հայտնեց` քանի որ բողոքի վերաբերյալ լրացուցիչ նյութեր են ստացվել, ապա իրենց ժամանակ է պետք դրանց ծանոթանալու համար։

Դատավորը որոշեց հետաձգել նիստը. այն տեղի կունենա փետրվարի 24-ին` ժամը 10։00-ին։

Հիշեցնենք` փաստաբանները ՀՔԾ և դատախազություն էին դիմել Նիկոլ Փաշինյանի՝ նոյեմբերի 10-ի ֆեյսբուքյան ուղիղ եթերում արած հայտարարությունների հիմքով: «Էդ հայրենիք ծախողները մտածում են, որ կարող են հայրենիքի բեռը մեր վրա թողնե՞ն, բացառված է։ Ես ՀՀ բոլոր արժանապատիվ քաղաքացիներին կոչ եմ անում պատրաստ լինել, որ մենք գնալու ենք դրանց հետևից, էսօրվա դեբոշերների հետևից՝ հատ-հատ, և իրենց շեֆերի հետևից։ Գնալու ենք «Դաշնակցության» կոռուպցիոն հատվածի հետևից։ Էդ հայրենիքի ծախողները, էդ ազատագրված տարածքները փողով ծախողները, որի առիթով քրգործ կա հարուցված, հանկարծ չմտածեն, թե էս ծխածածկույթի տակ հաջողելու են․ բացառված է»,- ասել էր Փաշինյանը։

Փաստաբանները վարչապետի այդ հայտարարությունը մեկնաբանում են քրեական իրավունքի տեսանկյունից ու կարծում, որ այն պարունակում է ՀՀ ՔՕ 137-րդ հոդվածի հատկանիշներ (Սպանության, առողջությանը ծանր վնաս պատճառելու կամ գույք ոչնչացնելու սպառնալիքը):

«Ես նման նախագիծ չէի ցանկանա նույնիսկ իմ թշնամուն». Սերժ Սարգսյանը՝ Նիկոլ Փաշինյանի մասին

60
թեգերը:
Նիկոլ Փաշինյան, Հովհաննես Խուդոյան, Դատարան, Արամ Օրբելյան, Հայաստան
Ըստ թեմայի
Մեզ ընտրություններ պե՞տք են, կամ ինչո՞ւ Նիկոլ Փաշինյանը մտափոխվեց
«Մենք Ռոբերտ Քոչարյանին սատարելու որևէ հարց չենք քննարկել». Սաղաթելյան
Այդ մարդկանց միանգամից թիրախավորում են. Վազգեն Մանուկյանն` իր կաբինետի անդամների մասին
Փաշինյանի աշխատակազմից հրահանգել են 10%–ով կրճատել ծախսերը. «Հրապարակ»
Գարեգին Բ

Արցախը չի կարող լինել Ադրբեջանի կազմում․ Գարեգին Բ–ն հիշեցնում է վերջին 33 տարիները

0
(Թարմացված է 10:57 28.02.2021)
Կորուստների ցավը մեր սրտերում՝ պետք է ջանքեր չխնայենք մեր երկիրը հզորացնելու, նոր ձեռքբերումներ ու հաջողություններ արձանագրելու համար։

ԵՐԵՎԱՆ, 28 փետրվարի - Sputnik. Ամենայն հայոց կաթողիկոս Գարեգին Երկրորդը Սումգայիթի ջարդերի զոհերի հիշատակի ոգեկոչման օրը Facebook-ի իր էջում անդրադարձել է վերջին 33 տարիների ընթացքում ադրբեջանական վայրագություններին, մեր երկրի ու ժողովրդի հանդեպ կատարված բռնություններին։ Նա նշել է, որ 1988 թ. Ադրբեջանի իշխանությունների կազմակերպած Սումգայիթյան ջարդերից հետո նոր եղեռնագործությամբ պարբերաբար զինված հարձակումների էին ենթարկում Արցախն ու Հայաստանի սահմանամերձ շրջանները։ Որպես Սումգայիթյան ոճրագործությունների շարունակություն նա նշել է նաև Ադրբեջանի ու Թուրքիայի սանձազերծած վերջին պատերազմը։

«Զոհվեցին խաղաղ բնակիչներ, հայրենյաց պաշտպան մեր շատ զավակներ, տեղահանվեցին բազմահազար հայորդիներ, ավերվեցին հոգևոր-մշակութային կոթողներ ու հուշարձաններ, կորցրեցինք Արցախի զգալի մասը, և դեռ կան անհայտ կորածներ ու գերեվարվածներ։ Ցավով ենք անդրադառնում, որ պատերազմի դադարից հետո տակավին տեղ են գտնում բռնություններ ու չարագործություններ, ոտնահարվում մեր երկրի ու ժողովրդի իրավունքները: Այս ողբերգական իրողությունները, արցախյան երկրորդ պատերազմի արհավիրքները վկայում են, որ Արցախը չի կարող լինել Ադրբեջանի կազմում»,- Facebook-ի իր էջում գրել է կաթողիկոսը։

Նա շեշտել է՝ կորուստների ցավը մեր սրտերում՝ միասնաբար ամեն ջանք պետք է գործիք դնենք՝ հաղթահարելու աղետալի հետևանքներն ու փորձությունները, զորացնենք մեր հայրենիքը և կերտենք նոր ձեռքբերումներ ու հաջողություններ։

«Խոնարհվելով մեր զոհերի վառ հիշատակի առջև՝ ի խորոց սրտի աղոթում ենք նրանց հոգիների հանգստության ու խաղաղության համար։ Հայցում ենք, որ Աստված իր ողորմությունը, շնորհներն ու բարեգթությունը տարածյալ պահի համայն մեր ժողովրդի և մեր հայրենիքի վրա և պահպանի ամենախնամ իր սուրբ աջի հովանու ներքո։ Ամեն»,- եզրափակել է Վեհափառ հայրապետը։

Հիշեցնենք, որ 1988թ. փետրվարի 26-ից Բաքվից 20 կիլոմետր հեռավորության վրա գտնվող Սումգայիթ քաղաքում ադրբեջանական իշխանությունները սկսեցին տեղի հայ բնակչության բնաջնջումը, որն ուղեկցվում էր հայերի ունեցվածքի զանգվածային թալանով և ոչնչացմամբ:

Պաշտոնական տվյալներով՝ զոհվել է 26 հայ, ոչ պաշտոնական տվյալներով՝ զոհերի թիվը մի քանի հարյուր է։

 

0
Արմեն Սարգսյանի անունից հարգանքի տուրք է մատուցվել Սումգայիթի ջարդերի զոհերի հիշատակին

Արմեն Սարգսյանի անունից հարգանքի տուրք է մատուցվել Սումգայիթի ջարդերի զոհերի հիշատակին

7
(Թարմացված է 10:36 28.02.2021)
Արյունալի դեպքերից 33 տարի է անցել։ Ոչ պաշտոնական տվյալներով՝ Սումգայիթյան ջարդերի զոհերի թիվը մի քանի հարյուր է։

ԵՐԵՎԱՆ, 28 փետրվարի - Sputnik. Փետրվարի 28-ը Ադրբեջանական ԽՍՀ-ում կազմակերպված ջարդերի զոհերի հիշատակի և բռնագաղթված հայ բնակչության իրավունքների պաշտպանության օրն է: ՀՀ նախագահ Արմեն Սարգսյանի անունից հարգանքի տուրք է մատուցվել Սումգայիթի զոհերի հիշատակին։ Տեղեկությունը հայտնում է նախագահի մամուլի ծառայությունը։

«Հանրապետության նախագահ Արմեն Սարգսյանի անունից այսօր Ծիծեռնակաբերդի բարձունքում հարգանքի տուրք է մատուցվել և ծաղկեպսակ դրվել անմեղ զոհերի հիշատակը հավերժացնող խաչքարի մոտ»,- նշված է հաղորդագրության մեջ։

Մեր իշխանությունները սումգայիթյան ցեղասպանությունից այդպես էլ դասեր չեն քաղել. Ուլուբաբյան

Հիշեցնենք, որ 1988թ. փետրվարի 26-ից Բաքվից 20 կիլոմետր հեռավորության վրա գտնվող Սումգայիթ քաղաքում ադրբեջանական իշխանությունները սկսեցին տեղի հայ բնակչության բնաջնջումը, որն ուղեկցվում էր հայերի ունեցվածքի զանգվածային թալանով և ոչնչացմամբ:

Պաշտոնական տվյալներով՝ զոհվել է 26 հայ, ոչ պաշտոնական տվյալներով՝ զոհերի թիվը մի քանի հարյուր է։

Սումգայիթում մարդասպանների հերոսացումն իր արտացոլումը ստացավ Արցախյան պատերազմում. ԱԳՆ

7
թեգերը:
Արմեն Սարգսյան, Սումգայիթ, Հայաստան
Ըստ թեմայի
Այլ տարբերակ, քան մեր ապրելու իրավունքի հետ հաշվի նստելն է, գոյություն չունի. Միրզոյան
Արցախն Աստծունն է. ինչպես հայ ուսուցչին հաջողվեց փրկվել ադրբեջանական գերությունից
Ինչո՞ւ են Արցախում դադարեցվել որոնողափրկարարական աշխատանքները