Հոլոքոստի և Ցեղասպանության զոհերի հուշարձանը

Երևանի կենտրոնում պղծել են հայ և հրեա ժողովուրդների եղեռնի հիշատակին նվիրված հուշաքարը

194
(Թարմացված է 12:43 17.02.2021)
Հոլոքոստի հուշարձանը պղծելու մասին հրապարակումների հիման վրա ոստիկանությունը նյութեր է նախապատրաստում։

ԵՐԵՎԱՆ, 12 փետրվարի – Sputnik. Երևանի կենտրոնում պղծել են հայ և հրեա ժողովուրդների եղեռնի զոհերի հուշարձանը։ Այս մասին ահազանգում է «Ժողովրդի ձայն» ակումբի փորձագետ Ծովինար Կոստանյանը։

Նա գրառում է արել Facebook-ում և լուսանկար հրապարակել. հուշաքարի վրա կարմիր ներկով անհասկանալի բաներ են գրված։

«Չեմ ուզում հավատալ, որ սա հայի ձեռքով է արված։ Սա կարող է նպատակաուղղված սադրանք լինել թշնամական պետության գործակալների կողմից՝ Հայաստանում առանց այդ էլ խարխլված ներքին համերաշխությունը էլ ավելի պառակտելու նպատակով»,–գրել է Կոստանյանը։

Նա հիշեցրել է, որ արցախյան 44-օրյա պատերազմին մասնակցել և կորուստներ են ունեցել նաև մեր հրեա հայրենակիցները, իսկ հրեական համայնքի ղեկավարը այդ օրերին հատուկ նամակ-ուղերձով դիմել է Իսրայելի վարչապետ Բենիամին Նեթանյահուին՝ դատապարտելով և պահանջելով դադարել զենքի վաճառքը Ադրբեջանին:

Ոստիկանության լրատվական ծառայությունից Sputnik Արմենիային տեղեկացրին, որ հրապարակումների հիման վրա ոստիկանութփյունը նյութեր է նախապատրաստում։

Հիշեցնենք, որ նախորդ տարի հոկտեմբերին անհայտ անձը կամ անձինք կրկին պղծել էին այս հուշարձանը` նորից կարմիր ներկ լցնելով դրա վրա։ Երևանի քաղաքապետարանի կենտրոն վարչական շրջանի աշխատակազմի աշխատակիցները շատ արագ մաքրել էին հուշարձանը։

Ինչ են թողել հայերը Շուշիում. պատմության ավերակներ, թե ավերակների պատմություն

Հայ և հրեա ժողովուրդների եղեռնի զոհերի հուշարձանը գտնվում է Երևանի օղակաձև զբոսայգում` Տերյան և Մոսկովյան փողոցների հատման վայրում։ Այն տեղադրվել է 2006 թվականի հոկտեմբերի 27-ին։

Երբ կոշիկները ճակատագրեր են հիշեցնում

194
թեգերը:
Հուշարձան, Երևան, Հայաստան
Ըստ թեմայի
Թուրքերը Ֆրանսիայում պղծել են Հայոց ցեղասպանության զոհերի հուշարձանը
Լիոնում թուրքերը պղծել են ՀՀ գլխավոր հյուպատոսության շենքը
Հերթական վանդալիզմն Ադրբեջանի կողմից. պղծվել է Շուշիի Կանաչ ժամը
Ադրբեջանական ԶՈւ–ն պղծել է հուշակոթողները, հայ զինվորների գերեզմանները. դատախազություն
Աշոտ Մինասյան

Կողոպտել են «Սիսական» ջոկատի հրամանատար Աշոտ Մինասյանի տունը և գողացել նրա շքանշանները

233
(Թարմացված է 23:17 08.03.2021)
Այդ տանը ոչ ոք հիմա չի ապրում։ Այն, որպես հայրական օջախ, վերածվել էր Աշոտ Մինասյանի` Արցախյան պատերազմում զոհված եղբոր` Աղվան Մինասյանի թանգարանի։

ԵՐԵՎԱՆ, 8 մարտի - Sputnik․ Անհայտ անձինք կողոպտել են «Սիսական» ջոկատի լեգենդար հրամանատար Աշոտ Մինասյանի հայրական տունը։ Լուրը Sputnik Արմենիայի հետ զրույցում հաստատեց նրա քրոջ դուստրը` Արմինե Սահակյանը։

Նշենք, որ Աշոտ Մինասյանի հայրական տունը գտնվում է Սիսիանի Լծեն գյուղում։

Մեր զրուցակցի խոսքով` այդ տանը ոչ ոք հիմա չի ապրում։ Այն որպես հայրական օջախ վերածվել էր Արցախյան պատերազմին մասնակցած որդիների թանգարանի։ Կողոպուտի մասին նրանց զանգել, տեղեկացրել է հարևանը։

«Ջարդել են ամեն ինչ և տարել են հրամանատարի` առաջին Արցախյան պատերազմի ռազմական շքանշանները: Տարել են նաև զոհված մորեղբորս` Աղվանի Մինասյանի շքանշանները ու նրա մատանին, որը պահում էինք որպես մասունք։ Աղվանի նկարները գցել են գետնին և քայլել վրայով»,–ասաց հրամանատարի ազգականը` հավելելով, որ հնարավոր է` դիտավորյալ արված քայլ է` վախեցնելու, լռեցնելու նպատակ են ունեցել։

Սահակյանը նշեց, որ տան ամեն ինչը խառնել, թափել են գետնին, տանը եղած օղիները մասամբ խմել, մասամբ բացել ու թափել են։ Սենյակներից մեկի վարագույրը մասամբ այրված է եղել, նա ենթադրում է, որ գուցե փորձել են այրել տունը։

Հիշեցնենք, որ ՀՀ ազգային անվտանգության ծառայությունը 2020-ի նոյեմբերի 14-ին ՀՀ վարչապետ Նիկոլ Փաշինյանի սպանության փորձի փաստով հարուցված քրեական գործի շրջանակներում որպես կասկածյալներ ձերբակալել էր մի շարք անձանց, այդ թվում՝ «Հայրենիք» կուսակցության ղեկավար Արթուր Վանեցյանին, ՀՀ ԱԺ նախկին պատգամավոր, ՀՀԿ խմբակցության ղեկավար Վահրամ Բաղդասարյանին, ՀՅԴ անդամ Աշոտ Ավագյանին, ինչպես նաև Սիսիանի կամավորականների ջոկատի հրամանատար Աշոտ Մինասյանին։

Բոլոր 4 կասկածյալներին մեղադրանք է առաջադրվել Քրեական օրենսգրքի 35-300-րդ հոդվածի 1-ին մասի (իշխանության յուրացման), 35-305-րդ հոդվածի (պետական, քաղաքական կամ հասարակական գործչի գործունեությունը դադարեցնելու նպատակով սպանության նախապատրաստման) և 235-րդ հոդվածի (ապօրինի զենք զինամթերք պահելու) կասկածանքով։

233
թեգերը:
Սիսիան, շքանշան, տուն, գողություն, կողոպուտ, Աշոտ Մինասյան
Մարիան Քլարկ–Հաթինգ

ՅՈՒՆԻՍԵՖ–ի հայաստանյան գրասենյակի ղեկավարը հապճեպ հեռացել է ՀՀ-ից

1044
(Թարմացված է 22:21 08.03.2021)
Նրա այդ շտապողականությունը պայմանավորված է հայաստանյան առաքելության ընթացքում Մարիան Քլարկ–Հաթինգի թույլ տված ինչ-որ սխալներով:

ԵՐԵՎԱՆ, 8 մարտի - Sputnik․ ՅՈՒՆԻՍԵՖ–ի հայաստանյան  գրասենյակի ղեկավար Մարիան Քլարկ–Հաթինգը հապճեպ լքել է Հայաստանը: Տեղեկությունը Sputnik Արմենիային հայտնել է ԱԳՆ-ում մեր աղբյուրը: Նրա խոսքով` այդ շտապողականությունը պայմանավորված է հայաստանյան առաքելության ընթացքում Մարիան Քլարկ–Հաթինգի թույլ տված ինչ-որ սխալներով: Այլ կերպ ասած՝ ՅՈՒՆԻՍԵՖ–ի հայաստանյան գրասենյակի ղեկավարն ինչ-որ հարցում իրեն ճիշտ չի դրսևորել:

Թե ինչ սխալների մասին է խոսքը, պաշտոնական աղբյուրներն առայժմ լռում եմ:

Mediaport  Տելեգրամ- ալիքի տեղեկություններով, սակայն , ՅՈՒՆԻՍԵՖ-ի հայաստանյան գրասենյակի ղեկավարը լրտեսություն է արել  հօգուտ Ադրբեջանի և Մեծ Բրիտանիայի, ինչի հետևանքով, ՀՀ իշխանությունները նրան հայտարարել են «պերսոնա նոն գրատա»:

Նշենք, որ Մարիան Քլարկ–Հաթինգը ՅՈՒՆԻՍԵՖ–ի հայաստանյան գրասենյակի ղեկավարությունը ստանձնել է ընդամենը 2020 թ. հուլիսին։ Մինչ այդ՝ 2016–2020 թթ․, որպես ՅՈՒՆԻՍԵՖ–ի ներկայացուցիչ պաշտոնավարել է Մալայզիայում։

1044
թեգերը:
Ադրբեջան, լրտեսություն, լրտես, Հայաստան, ՅՈՒՆԻՍԵՖ
Ըստ թեմայի
Ադրբեջանի օգտին լրտեսություն կատարած երկու անձինք կալանավորված են. ԱԱԾ
Հնարավոր է` Թուրքիայում ձերբակալված ռուս լրագրողներին լրտեսության մեղադրանք առաջադրվի
Մինասյանը պետք է պատասխան տա. Արարատ Միրզոյանը՝ լրտեսության մեղադրանքի մասին