Նաիրա Զոհրաբյան

Ինչո՞ւ է Հայաստանում պահպանվում ռազմական դրությունը. Նաիրա Զոհրաբյան

62
(Թարմացված է 17:16 09.02.2021)
Ընդդիմադիր պատգամավորի համար տարօրինակ է, երբ ՌԴ նախագահն է Դավոսի տնտեսական համաժողովում խոսում Արցախի հիմնախնդրից ու դիմում միջազգային հանրությանը՝ ասելով՝ եկեք և օգնեք:

ԵՐԵՎԱՆ, 9 փետրվարի – Sputnik. Ինչո՞ւ է Հայաստանում առ այս պահը պահպանվում ռազմական դրությունը: Հարցն այսօր ԱԺ հայտարարությունների ժամին հնչեցրեց «Բարգավաճ Հայաստան» խմբակցության պատգամավոր Նաիրա Զոհրաբյանը:

«Ի վերջո ադրբեջանցի զինվորականներն ինչ ուզում, անում են: Ադրբեջանցի զինվորականները Սյունիքում GPS-ը գրկած, Սյունիքը ոնց ուզում, ձևում են: Հիմա գնացեք Ներքին Խնձորեսկ, տեսեք՝ քանի մետր, քանի կիլոմետր, աջ, ձախ, հյուսիս, հարավ, ոնց ուզում, գալիս են: Նույնը՝ Սյունիքի Կապանին կից բնակավայրերում: Ինչ-որ մեկը կարող է ասել՝ ինչո՞ւ է Հայաստանում պահպանվում ռազմական դրությունը, երբ այս իշխանությունը ռազմագերիների, անհետ կորածների խնդրով զբաղվում է ընդամենը «գալչկայի» համար»,- ասաց Զոհրաբյանը:

Պատգամավորը հայտնեց, որ անհետ կորած զինծառայողների ծնողները, հավատալով այն տեղեկություններին, թե իրենց երեխաները Արցախի հարավային հատվածից կարող են անցած լինել Իրան, խնդրել են իրեն կապ հաստատել Իրանում ՀՀ դեսպան Արտաշես Թումանյանի հետ՝ պարզելու որքանով կարող է դա համապատասխանել իրականությանը:

«Ինձ համար տարօրինակ է, երբ ՌԴ նախագահն է Դավոսի տնտեսական համաժողովում խոսում Արցախի հիմնախնդրից ու դիմում միջազգային հանրությանը՝ ասելով հումանիտար ճգնաժամ է Արցախում, եկեք և օգնեք»,- ասաց Զոհրաբյանը:

Հիշեցնենք` Հայաստանի Հանրապետությունում ռազմական դրություն և ընդհանուր զորահավաք հայտարարվեց սեպտեմբերի 27-ին։

Ռազմական դրության ժամանակ արգելվում էր պետական և տեղական ինքնակառավարման մարմինների և պաշտոնատար անձանց` ռազմական դրության իրավական ռեժիմի ապահովմանը և պետական անվտանգության ապահովմանն առնչվող գործողությունները (այդ թվում` ելույթները, հրապարակումները) քննադատող, հերքող, դրանց արդյունավետությունը կասկածի տակ դնող կամ որևէ այլ կերպ արժեզրկող հաղորդումների հրապարակում անելը։

Արգելվում էր նաև Հայաստանի և Արցախի Հանրապետությունների պաշտպանունակության ու անվտանգության դեմ ուղղված քարոզչությունը, այդ թվում` պաշտպանունակությունը կասկածի տակ դնող հաղորդումների հրապարակումը։

«Լուսավոր Հայաստանն» ԱԺ-ին առաջարկել էր վերացնել ռազմական դրությունը, սակայն խորհրդարանը նոյեմբերի 26-ին 36 կողմ, 56 դեմ, 2 ձեռնպահ ձայներով մերժեց այդ առաջարկը։

Դեկտեմբերի 2-ին Հայաստանի կառավարությունը ամբողջությամբ վերացրեց ռազմական դրության շրջանակում կիրառված սահմանափակումները:

62
թեգերը:
Նաիրա Զոհրաբյան, ռազմական դրություն, Հայաստան
Ըստ թեմայի
«Ավրորան» ավելի քան 470.000 ԱՄՆ դոլարի աջակցություն է տրամադրել Արցախի օգնության ծրագրին
ՀՀ վարչապետն ու Արցախի նախագահը խոշոր նախագծեր են քննարկել
Ժամկետային զինծառայողներին Հայաստանից Արցախ չեն ուղարկում
Արցախի նախագահն անվտանգության խորհրդի նիստ է անցկացրել
Արթուր Վանեցյան

Ի՞նչ է նշանակում գերիներ չկան. Վանեցյանը խոստանում է մի քանի օրում վերադարձնել գերիներին

22
(Թարմացված է 14:27 26.02.2021)
Ընդդիմադիր կուսակցության ղեկավարը նաև հայտարարեց, որ ընդդիմությունը, այդ թվում` ինքը, իշխանության «կռիվ» չեն անում, բայց պնդում են, որ գործող իշխանությունը պետք է հեռանա։

ԵՐԵՎԱՆ, 26 փետրվարի - Sputnik. ՀՀ ներկա իշխանությունը պարտված իշխանություն է և չի կարող իր պահանջները ներկայացնել Ալիևին ։ Այսօր Բաղրամյան պողոտայում լրագրողների հետ զրույցում հայտնեց ԱԱԾ նախկին տնօրեն, «Հայրենիք» կուսակցության նախագահ Արթուր Վանեցյանը։

«Պաշտոնապես հայտարարում եմ, որ իմ` իշխանության գալու պարագայում, գերիների վերադարձի հարցը լինելու է մի քանի օրվա հարց»,– ասաց նա` հավելելով, որ ՌԴ–ում ու այլ երկրներում , բայց` ոչ Ադրբեջանում, ունի անձնական կապեր, մարդկային հարաբերություններ, որոնք կարող են օգտակար լինել այդ հարցում։

Մեկնաբանելով Ալիևի այսօրվա հայտարարությունը, թե Ադրբեջանում այլևս հայ գերիներ չկան` Վանեցյանը նշեց, որ նման բան ուղղակի չի կարող լինել։

«Ի՞նչ է նշանակում գերիներ չկան, ի՞նչ է նշանակում հանցագործներ։ Հենց դա է թուլությունը։ Բա մենք  ինչո՞ւ ենք ասում, որ մեր իշխանություններն այսօր չեն կարողանում պաշտպանել մեր երկրի շահերը»,– ասաց Վանեցյանը։

Ընդդիմադիր կուսակցության ղեկավարը նաև հայտարարեց, որ ընդդիմությունը, այդ թվում` ինքը, իշխանության «կռիվ» չեն անում, բայց պնդում են, որ գործող իշխանությունը պետք է հեռանա։

«Լավ, մեզ չեն սիրում, ինձ չեն սիրում, Վազգեն Մանուկյանին չեն սիրում, մնացածին չեն սիրում, թող մարդիկ դուրս գան և պահանջեն, որ Նիկոլ Փաշինյանը հեռանա և ուրիշ քաղաքական գործիչներ, ուրիշ մարդիկ գան իշխանության»,– ասաց նա։

ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

Նույն օրը Երևանում զուգահեռ հանրահավաքներ ու բողոքի երթեր անցկացվեցին։ Նիկոլ Փաշինյանն ու իր կողմնակիցները հավաքվել էին Հանրապետության հրապարակում, իսկ ընդդիմադիրները` Հայրենիքի փրկության շարժման նախաձեռնությամբ Ազատության հրապարակում պահանջում էին Նիկոլ Փաշինյանի հրաժարականը։

Նրանք հայտարարել են, որ Բաղրամյան պողոտայում` ԱԺ-ի դիմաց, անժամկետ նստացույց են իրականացնելու։

22
թեգերը:
Իշխանություն, Ադրբեջան, ռազմագերի, գերի, Հայաստան, Արթուր Վանեցյան
Ըստ թեմայի
Գերիների վերադարձ, սահմանազատում. էլ ի՞նչ են քննարկել Արմեն Սարգսյանն ու Ռուստամ Մուրադովը
Ադրբեջանը շարունակում է որպես գործիք օգտագործել գերիների վերադարձի հարցը. Այվազյան
Արցախի կարգավիճակ, գերիների վերադարձ. էլ ինչ են քննարկել Հայաստանի և Արցախի ԱԳ նախարարները
Ընդդիմության բողոքի ակցիան Բաղրամյան պողոտայում. 26 փետրվարի, 2021

Ընդդիմադիրները շարժվում են նախագահական. պահանջելու են չստորագրել ԳՇ պետին ազատելու դիմումը

29
(Թարմացված է 14:28 26.02.2021)
Արմեն Սարգսյանը հայտնել է, որ այս պահին հանդիպման է, սակայն ժամը 15։40-ին կընդունի Հայրենիքի փրկության շարժման անդամներին։

ԵՐԵՎԱՆ, 26 փետրվարի - Sputnik. Հայրենիքի փրկության շարժման համակարգող, ՀՅԴ Հայաստանի ԳՄ ներկայացուցիչ Իշխան Սաղաթելյանը հայտարարեց, որ այժմ գնալու են ՀՀ նախագահական` Արմեն Սարգսյանից պահանջելու, որպեսզի չստորագրի ԳՇ պետ Օնիկ Գասպարյանի աշխատանքից ազատման դիմումը։ Սաղաթելյանը հանրահավաքի ժամանակ հայտնեց այդ մասին` հավելելով, որ այսօրվա իրենց պահանջը հենց դա է։

«Պետք է պահանջենք, որ ՀՀ նախագահը չտրվի վարչապետի շանտաժներին` չստորագրի փաստաթուղթը, հստակ ձևակերպի իր առարկությունը և դիմի ՍԴ` այդ դիմումը հակասահմանադրական ճանաչելու համար։ Նախագահից կպահանջենք հանդիպում, որպեսզի մեր խնդիրը ներկայացնենք»,–ասաց Սաղաթելյանը։

Նրա խոսքով` իրավիճակը հստակ է` Նիկոլ Փաշինյանը շարունակում է ճնշումները բանակի, Օնիկ Գասպարյանի նկատմամբ, որպեսզի հասնի նրա հրաժարականին։ Սակայն ԶՈւ–ի տրամադրությունը հստակ է` իրենք ժողովրդի կողքին են. այս իրավիճակում շատ կարևոր է ՀՀ նախագահի դիրքորոշումը։

Սաղաթելյանը նշեց, թե նախագահը հայտարարել է, որ նա չի ստորագրելու, բայց դա բավարար չէ` անհրաժեշտ է, որպեսզի նախագահն օրենքի շրջանակներում իր անհամաձայնությունը հայտնի։

Ընդդիմադիրները երթով շարժվեցին դեպի նախագահի նստավայր։

Հայտնի դարձավ, որ նախագահ Արմեն Սարգսյանը հայտնել է, որ այս պահին հանդիպման է, սակայն ժամը 15։40-ին կընդունի Հայրենիքի փրկության շարժման անդամներին։

Երեկ` փետրվարի 25-ին, ԶՈւ Գլխավոր շտաբը պահանջեց Փաշինյանի հրաժարականը։ Դա տեղի ունեցավ այն բանից հետո, երբ վարչապետը պաշտոնից հեռացրեց ԳՇ պետի առաջին տեղակալ Տիրան Խաչատրյանին։

Ի պատասխան Փաշինյանը հայտարարեց ռազմական հեղաշրջման փորձի մասին և Հանրապետության հրապարակում հավաքվելու կոչ արեց իր համակիրներին։ Նա հայտնեց նաև, ստորագրել է ԳՇ պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել նախագահ Արմեն Սարգսյանը։

29