Ռոբերտ Քոչարյան

Ռոբերտ Քոչարյանին թույլատրեցին իրեն պատկանող գույքի վերաբերյալ պայմանագրեր կնքել

340
(Թարմացված է 14:59 09.02.2021)
Ռոբերտ Քոչարյանի պաշտպանները դատավորին ներկայացնում են, թե ՀՀ երկրորդ նախագահն ինչ պայմանագրեր է ուզում կնքել իրեն պատկանող գույքի առնչությամբ։

ԵՐԵՎԱՆ, 9 փետրվարի – Sputnik. Երևանի ընդհանուր իրավասության դատարանի դատավոր Աննա Դանիբեկյանն այսօր թույլատրեց ՀՀ երկրորդ նախագահ Ռոբերտ Քոչարյանի կալանադրված գույքի հետ կնքել ցանկացած պայմանագիր, բացի օտարումից։

Դանիբեկյանը նման որոշում կայացրեց` բավարարելով Քոչարյանի պաշտպան Հովհաննես Խուդոյանի` այդ առնչությամբ ներկայացրած միջնորդությունը։

Նշենք, որ Քոչարյանը մասնակցում է նիստին։

«Դատարանը որևէ խոչընդոտ չի տեսնում գույքի օտարում չհանդիսացող և օտարմանը չհանգեցնող գործարքների կնքման թույլտվություն տալ կալանադրված անշարժ գույքի նկատմամբ։ Դատարանը որոշեց Ռոբերտ Քոչարյանին թույլատրել իրեն պատկանող կալանադրված գույքի հետ կնքել ցանկացած գործարք, որը չի կարող հանգեցնել այդ գույքի օտարման»,–ասաց դատավորը։

Սակայն Դանիբեկյանը հայտնեց, որ Խուդոյանի միջնորդության մեջ նշված է, որ այդ գույքը Քոչարյանն ուզում է անհատույց օգտագործման, ինչպես նաև պահնորդական ծառայության հանձնել։ Դատավորը հետաքրքրվեց, թե ինչի մասին է խոսքը։ Խուդոյանը պատասխանեc, որ ուզում է դռնփակ նիստում ներկայացնել մանրամասները։

Գործով դատախազները չառարկեցին ներկայացված միջնորդությանը։ Այժմ դատական նիստը շարունակվում է դռնփակ։

Մարտի 1-ի գործը բաղկացած է բազմաթիվ միֆերից. ինչու տուժող ոստիկանները դատարան չեն գալիս

Հիշեցնենք, որ ՀՀ երկրորդ նախագահը մասնակցում է 2008 թվականի մարտի 1-ի դեպքերի վերաբերյալ քրեական գործի դատաքննությանը: Նրա դեմ քրեական հետապնդումը սկսվել է 2018-ին Հայաստանում իշխանափոխությունից հետո։ Այդ ժամանակ էլ Ռոբերտ Քոչարյանը հայտարարել էր քաղաքականություն վերադառնալու մասին։ ՀՀ երկրորդ նախագահին երեք անգամ կալանավորել են։ Կալանավայրում նա ընդհանուր առմամբ 500 օր է անցկացրել։

2020 թվականի հունիսին Վերաքննիչ դատարանը նրան գրավի դիմաց ազատ արձակելու որոշում է կայացրել։

Քոչարյանը բազմիցս հայտարարել է, որ իր դեմ հարուցված քրեական գործն ամբողջությամբ շինծու է և իրենից ներկայացնում է ոչ այլ ինչ, քան քաղաքական հետապնդում։

Ռոբերտ Քոչարյան․ «Ես վերադառնում եմ մեծ քաղաքականություն»

340
թեգերը:
գույք, Ռոբերտ Քոչարյան, Հայաստան
թեմա:
Ռոբերտ Քոչարյան (458)
Ըստ թեմայի
«Եթե 2020թ․-ին ես իշխանության լինեի, պատերազմ չէր սկսվի». Ռոբերտ Քոչարյան
Ռոբերտ Քոչարյանի միակ հաղթաթուղթը Նիկոլ Փաշինյանն է. քաղաքագետ
«Մենք Ռոբերտ Քոչարյանին սատարելու որևէ հարց չենք քննարկել». Սաղաթելյան
ՃՏՊ, արխիվային լուսանկար

Վրաերթ Արարատի մարզում. տղամարդը մի քանի մետր շպրտվել է ու տեղում մահացել

42
(Թարմացված է 00:19 01.03.2021)
Վարորդը փախուստի չի դիմել, փորձել է օգնություն ցուցաբերել վրաերթի ենթարկված տղամարդուն։

ԵՐԵՎԱՆ, 28 փետրվարի – Sputnik. Այսօր՝ փետրվարի 28-ին, մահվան ելքով վրաերթ է տեղի ունեցել Արարատի մարզում: Ժամը 20:30–ի սահմանում Նիզամի գյուղի բնակիչ, 38-ամյա Էդուարդ Աբրահամյանը՝ Նիզամի գյուղի կենտրոնական փողոցում իր վարած «Mercedes» մակնիշի ավտոմեքենայով վրաերթի է ենթարկել համագյուղացուն` 76-ամյա Միրզա Աբրամովին: Տեղեկությունը հայտնում է shamshyan.com–ը։

Ըստ կայքի` վարորդը փախուստի չի դիմել, փորձել է օգնություն ցուցաբերել վրաերթի ենթարկվածին, սակայն վերջինս, որ հարվածից մի քանի մետր շպրտվել է, տեղում մահացել է:

Սպանություն Լոռիում. 35–ամյա տղամարդը մահացել է մինչև հիվանդանոց հասնելը

Փաստի առթիվ հարուցվել է քրեական գործ ՀՀ ՔՕ 242 հոդվածի 2-րդ մասի հատկանիշներով:

Քննիչի հանձնարարականով ավտոմեքենան տեղափոխվել է ոստիկանության Մասիսի բաժնի պահպանվող հատուկ տարածք:

Փարաքար-Մուսալեռ ավտոճանապարհին բախվել են «Mazda»-ն և «Honda Elison»-ը․ կա զոհ

42
թեգերը:
վարորդ, Մահ, Վրաերթ, Արարատի մարզ, Հայաստան
Ըստ թեմայի
Երկու անգամ նույն տունն է մտել գողության համար, Սևանի ոստիկանները բռնել են դեպքի վայրում
Հրդեհ Աբովյան քաղաքում. այրված կրպակում դիակ են հայտնաբերել
Նուբարաշենի գերեզմանները թալանել են. ոստիկանները հայտնաբերել են գողերին
ԱԱԾ

Թուրքիայից հատուկջոկատայիններ Հայաստան չեն գալու․ ԱԱԾ-ն հերքում է

163
(Թարմացված է 23:41 28.02.2021)
Համացանցում լուրեր էին տարածվել, թե հատուկ խումբն արդեն Հայաստանի տարածքում է։

ԵՐԵՎԱՆ, 28 փետրվարի – Sputnik․ Թուրքիայի զինված ուժերի հատուկ խմբի ներկայացուցիչներ Հայաստան չեն գալու։ Ազգային անվտանգության ծառայությունը պաշտոնապես հերքում է տարբեր լրատվամիջոցների կողմից և համացանցում տարածվող տեղեկությունները։ ԱԱԾ–ն շեշտում է՝ դրանք չեն համապատասխանում իրականությանը:

«Հերքելով այդ տեղեկությունը՝ մեր հայրենակիցներին կրկին հորդորում ենք տուրք չտալ նմանատիպ ապատեղեկատվություններին, ցուցաբերել զգոնության, իսկ չճշտված լուրեր տարածողներին կոչ ենք անում զերծ մնալ այդօրինակ գործելաոճից»,- նշված է հաղորդագրության մեջ։

Նշենք, որ համացանցում տեղեկություններ էին տարածվել, թե Նիկոլ Փաշինյանը Թուրքիայից հատուկջոկատայինների խումբ է խնդրել ՀՀ ԶՈւ վերնախավին լիկվիդացնելու համար։ Նշվում էր, թե 13 հոգանոց խումբն արդեն հատել է Վրաստանի սահմանը և այժմ գտնվում է Հայաստանի Հանրապետության տարածքում:

Ըստ տարածվող տեղեկությունների՝ խմբում ընդգրկված են թուրքական 3-րդ բանակի, ռազմական հետախուզության, հետախուզության պլանավորման և համակարգման օպերատիվ վարչության ներկայացուցիչներ:

«Վաղը նոր «Մարտի 1» չի լինելու»․ Փաշինյանն ի ցույց կդնի նախագահի որոշման անհիմն լինելը

163
թեգերը:
Թուրքիա, ՀՀ ազգային անվտանգության ծառայություն. ԱԱԾ, Հայաստան
Ըստ թեմայի
Փաշինյանը սխալ հաշվարկ արեց. Սարգսյանը` «Իսկանդերի» և վտանգված հարաբերությունների մասին
Ավելի լավ առաջարկ չի լինելու․ Մարուքյանը ելք է առաջարկում Փաշինյանին
Մահափորձը ձախողված է, կամ ինչպես են թիկնապահները պաշտպանում առաջին դեմքերին