Ազգային ժողով

ԱԺ–ն Վճռաբեկ դատարանի նախագահ է ընտրում. թեկնածուն կարևորեց դատավորների անկախության հարցը

41
(Թարմացված է 11:30 09.02.2021)
Վճռաբեկ դատարանի նախագահ թեկնածուն կարևորում է դատարանների և դատավորների անկախության հարցը։

ԵՐԵՎԱՆ, 9 փետրվարի – Sputnik. Ազգային ժողովը Վճռաբեկ դատարանի նախագահ է ընտրում. ՀՀ Բարձրագույն դատական խորհուրդն առաջադրել է Վճռաբեկ դատարանի քրեական պալատի նախագահ Լիլիթ Թադևոսյանի թեկնածությունը:

Նրա թեկնածությունը ներկայացրեց ԲԴԽ նախագահի պարտականությունները ժամանակավորապես ստանձնած Ստեփան Միքայելյանը. ԲԴԽ նախագահն առողջական խնդիրների պատճառով արձակուրդ է վերցրել։

Միքայելյանը հայտնեց` Թադևոսյանը իրավաբանական գիտությունների դոկտոր պրոֆեսոր է: Ավարտել է Երևանի պետական համալսարանը և դասավանդում է նույն բուհում: Ծնվել է 1978թ-ին: Մասնագիտական գործունեության ընթացքում աշխատել է որպես քննիչ, դատախազ, դատավոր: 2020թ.-ին պարգևատրվել է «Մխիթար Գոշ» մեդալով:

Լիլիթ Թադևոսյանն էլ իր ելույթում կարևորեց դատավորների և դատարանների անկախությունը` ասելով, որ առանց դրա խոսք չի կարող լինել արդարադատության մասին։

«Դատական համակարգը չի կարող ապահովել ակնկալվող արդյունք գերծանրաբեռնված աշխատանքի պայմաններում։ Իսկ դատական համակարգը լավագույն մասնագետներով համալրելու համար անհրաժեշտ նախապայման է սոցիալական բավարար երաշխիքների սահմանումը»,–ասաց նա։

Փորձ է արվում ԲԴԽ–ում փոխել բալանսը. Այվազյանը` համակարգի հետ կապված զարգացումների մասին

Հիշեցնենք, որ մինչ այս Վճռաբեկ դատարանի նախագահը Երվանդ Խունդկարյանն էր։ Նա, սակայն, նախորդ տարի վայր դրեց նախագահի լիազորություններն ու սեպտեմբերի 18-ին ընտրվեց ՍԴ դատավոր։

41
թեգերը:
Դատավոր, Դատարան, ԱԺ, Հայաստան
Ըստ թեմայի
Իշխանությունը քաղաքականացնում է ոստիկանության համակարգը. Կոստանյանը` ՆԳՆ ստեղծելու մասին
Ականատես ենք լինում դատական համակարգի քաղաքականացման փորձերի, անթույլատրելի է. Փաշինյան
Ուղղակի պետք է թողնել, որ դատական համակարգը շարունակի ինքնազարգանալ. փաստաբան
Գագիկ Ծառուկյան. արխիվային լուսանկար

Գագիկ Ծառուկյանն ամուսնացնում է որդուն. հայտնի է հարսանիքի օրն ու տեղը. «Հրապարակ»

54
(Թարմացված է 11:31 06.03.2021)
Գագիկ Ծառուկյանի որդու հարսանիքը մեկ անգամ արդեն իսկ հետաձգվել էր։ Սակայն այժմ ամեն ինչ որոշվել է։

ԵՐԵՎԱՆ, 6 մարտի - Sputnik. ԲՀԿ առաջնորդ, ԱԺ «Բարգավաճ Հայաստան» խմբակցության նախագահ Գագիկ Ծառուկյանի որդու` Նվեր Ծառուկյանի հարսանիքի օր է նշանակվել ապրիլի 10-ը։ Տեղեկությունը հայտնում է «Հրապարակ» օրաթերթը։

«Նվեր Ծառուկյանի հարսանիքը կկայանա «Փարավոն» ռեստորանային համալիրում»,–գրում է թերթը։

Հիշեցնենք, որ Նվեր Ծառուկյանի հարսանիքը ծրագրված էր 2020-ի հոկտեմբերի 3-ին, սակայն նախ Ծառուկյանի կալանավորումը, ապա արցախյան 44–օրյա պատերազմը խանգարեցին, և այն անորոշ ժամանակով հետաձգվեց։

Նվեր Ծառուկյանը 21 տարեկան է։ Նրա հարսնացուն Արփի Ավետիսյանն է:

Հարսանիք լեռներում՝ ամպերից վեր. Խուստուփի հայտնի զույգի պատմությունը

54
թեգերը:
հարսանիք, որդի, Գագիկ Ծառուկյան
Ըստ թեմայի
«Հայրիկն ինձ ուզում էր հարսի շորով տեսնել` չհասցրեց». հետպատերազմյան հարսանիքներն Արցախում
Սոցցանցերում տեսանյութ է հայտնվել Օլգա Բուզովայի և Դավիթ Մանուկյանի հարսանիքից
Պատերազմից հետո սեր կա. արցախցի Հայկազի ու Ռուզանի հարսանիքը` ժամանակավոր կացարանում
Արխիվային լուսանկար

«Թաքուն գնած» 600 դոլարանոց զրահաբաճկոնների առեղծվածն ու ՊՆ–ի պատասխանը. «Ժողովուրդ»

57
(Թարմացված է 11:23 06.03.2021)
ՀՀ երրորդ նախագահ Սերժ Սարգսյանը հայտարարել էր, որ պատերազմի ժամանակ կառավարությունը, շրջանցելով ՊՆ-ին, 600 դոլարով զրահաբաճկոններ է գնել։ ՊՆ–ն պատասխանել է «Ժողովուրդ» օրաթերթի գրավոր հարցմանը։

ԵՐԵՎԱՆ, 6 մարտի - Sputnik. Պատերազմի ընթացքում զրահաբաճկոններ գնելու վերաբերյալ նախկին նախագահ Սերժ Սարգսյանի հայտարարությանը հետևած իրադարձությունները բավականին հետաքրքիր են:

Երեկ «Ժողովուրդ» օրաթերթի հարցմանը պատասխանել է ՀՀ  պաշտպանության նախարարությունը և հայտնել, որ պատերազմի ժամանակ պաշտպանության նախարարությանը շրջանցման և ՀՀ կառավարության կողմից գնման միջոցով (600 դոլար արժողությամբ) զրահաբաճկոններ ՀՀՍ (Հրթիռահրետանային սպառազինություն) կենտրոնական բազա չեն մատակարարվել։

Հիշեցնենք, որ Սերժ Սարգսյանը «Արմնյուզին» տված հարցազրույցի ժամանակ խոսելով «թալանի և լափելու» մասին, սկանդալային հայտարարություն էր արել։ Ըստ նրա՝ պատերազմի ժամանակ կառավարությունը, շրջանցելով ՊՆ-ին, գնել է զրահաբաճկոն 600 դոլարով։ Եվ չնայած ՊՆ–ն, ըստ էության, հերքում է երրորդ նախագահին, սակայն հետաքրքիր է, որ կառավարությունն այս ամենը պետական գաղտնիք էր համարել:

Կոռուպցիոն ռիսկեր չենք տեսել. ՊԵԿ նախագահը` Սերժ Սարգսյանի հիշատակած զրահաբաճկոնների մասին

Այսինքն` կառավարությունը «Ժողովուրդ» օրաթերթի գրավոր հարցմանն ի պատասխան հայտնել էր, որ այդ տեղեկությունը պետական գաղտնիք է պարունակում, ուստի այն հրապարակման ենթակա չէ։

Մանրամասները կարդացեք թերթի այսօրվա համարում։

Ինչու պատերազմում ունեցանք այս արդյունքը. Միքայել Համբարձումյանը խոսել է պատճառների մասին

57
թեգերը:
Սերժ Սարգսյան, ՀՀ Պաշտպանության նախարարություն (ՊՆ), զրահաբաճկոն
Ըստ թեմայի
Սերժ Սարգսյանը պատասխանել է հարցին՝ արդյոք Օնիկ Գասպարյանն իր դրդմամբ է գործում
Փաշինյանը խոսեց «Իսկանդեր»-ներից, քանի որ առաջինը խոսել էր Սերժ Սարգսյանը. Քոչարյան
Դա կարող էր տեղի ունենալ միայն ու միայն Ալիևի երազում. Սերժ Սարգսյանի արձագանքը

«Ի սրտե». Ավետ Բարսեղյանը Ռիտա Սարգսյանի հիշատակին նվիրված երգ է գրել. տեսանյութ

0
(Թարմացված է 12:12 06.03.2021)
Մի քանի ամիս է, ինչ Ռիտա Սարգսյանը հեռացել է կյանքից։ Հայաստանյան երգիչները նրան նվիրված երգ են կատարում։

ՀՀ երրորդ նախագահ Սերժ Սարգսյանի կնոջ` Ռիտա Սարգսյանի հիշատակին նվիրված երգ է գրվել, որը թողարկվել է այսօր` նրա ծննդյան օրը։ Ռիտա Սարգսյանն այսօր կդառնար 59 տարեկան։ «Ի սրտե» խորագրով երգի բառերի հեղինակն Ավետ Բարսեղյանն է, իսկ երաժշտությունը Կարեն–Սևակինն է (Կարեն Համբարձումյանն ու Սևակ Մելքոնյանը)։

Երգը կատարում են Ռազմիկ Ամյանը, Նունե Եսայանը, Սարո Թովմասանն ու Շուշան Պետրոսյանը։

Հիշեցնենք, որ Ռիտա Սարգսյանը կյանքից հեռացավ նախորդ տարվա նոյեմբերի 20-ին` կորոնավիրուսի հետևանքով։ Ավելի վաղ հայտնի էր դարձել, որ Ռիտա Սարգսյանը կորոնավիրուսով է վարակվել և գտնվում է «Նաիրի» բժշկական կենտրոնի վերակենդանացման բաժանմունքում:

Sputnik Արմենիայի տեղեկություններով` Ռիտա Սարգսյանին տեղափոխել էին Գերմանիայի բժշկական կենտրոններից մեկը, սակայն նրա կյանքը փրկել չհաջողվեց։

Ռիտա Սարգսյանը ժամանակին բարեգործական մի շարք ծրագրեր էր իրականացնում։ Մասնավորապես, նա 2009 թ. հիմնադրված «Նվիրիր կյանք» հայկական հիմնադրամի հոգաբարձուների խորհրդի պատվավոր նախագահն էր։ Հիմնադրամն աջակցում էր արյան քաղցկեղով հիվանդ երեխաների բուժմանը։

Ռիտա Սարգսյանին ծանր վիճակում տեղափոխել են արտերկիր

0
թեգերը:
տեսանյութ, Շուշան Պետրոսյան, Ավետ Բարսեղյան, երգ, Ռիտա Սարգսյան
Ըստ թեմայի
«Ռիտա Սարգսյանը մեծ սեր ու հարգանք էր վայելում հարազատ Արցախում». Արայիկ Հարությունյան
Սերժ Սարգսյանի կինը մահացել է
Սերժ Սարգսյանի գրասենյակը հայտարարություն է արել Ռիտա Սարգսյանի առողջական վիճակի մասին