Երկաթգիծ

Հայաստանը տարածաշրջանում տարանցման կետ կդառնա. վրացի փորձագետը նշել է պայմանները

667
(Թարմացված է 21:55 08.02.2021)
Եթե Հայաստանը ճիշտ օգտագործի այն հնարավորությունները, որոնք ի հայտ կգան տրանսպորտային հաղորդակցությունների ապաարգելափակման դեպքում, ապա իսկապես կարող է տարածաշրջանում տրանսպորտային տարանցիկ հանգույց դառնալ։

Թեհրան–(Ջուլֆա)–Երևան երկաթուղու գործարկումը կփոխի Հայաստանի դերը տարածաշրջանում և թույլ կտա, որ հանրապետությանը դառնա տարանցիկ երկիր ու առանցքային տրանսպորտային հանգույց Հարավային Կովկասում։ Սակայն մինչ այդ Երևանը պետք է ոչ միայն մեծ ռեսուրսներ գտնի, այլև լուծի քաղաքական հարցերը, որոնց պատճառով տարիներ շարունակ փակ են երկրի սահմանները։

Հայաստան–Իրան երկաթուղային ճյուղի գործարկման մտադրության մասին վաղուց է հայտնի։ Թեման կրկին արդիական դարձավ ՀՀ էկոնոմիկայի նախարար Վահան Քերոբյանի հայտարարությունից հետո։ Նա Իրանում ասել էր, որ Երևան-Թեհրան երկաթգծի գործարկումը թույլ կտա լուծել երկու երկրների միջև առկա տրանսպորտային խնդիրները։

Վրաստանի տրանսպորտային միջանցքի ուսումնասիրման կենտրոնի տնօրեն Պաատա Ցագարեիշվիլին այդ տարբերակի իրականացումը հեռանկարային է համարում Հայաստանի համար, բայց ոչ շահավետ` Թբիլիսիի համար։

Sputnik Արմենիայի թղթակցի հետ զրույցում նա նշեց, որ եթե Երևանն իսկապես երկաթուղային կապ հաստատի Թեհրանի հետ, ապա Հայաստանը մեխանիկորեն կդառնա տարանցիկ երկիր։

«Այդ դեպքում Իրանից ու Հնդկաստանից, ինչպես նաև Չինաստանից ապրանքները Հայաստան կհասնեն ոչ թե Վրաստանով, այլ նշված երկաթուղով, և Վրաստանի տրանսպորտային միջանցքը տարեկան 700 հազարից մինչև 1 մլն տոննա ապրանք կկորցնի», – ասաց Ցագարեիշվիլին։

Նա կարևոր է համարում նաև Բաքու–Մեղրի–Նախիջևան–Ախուրյան–Կարս երթուղու գործարկումը, որը թույլ կտա Հայաստանին դուրս գալ ճանապարհային գերությունից։ Սակայն այդ նախագիծը նա դժվար իրագործելի է համարում ինչպես քաղաքական, այնպես էլ ենթակառուցվածքների առումով։

Ցագարեիշվիլու խոսքով` Երևանը կշահի նաև այն դեպքում, եթե կարգավորի Անկարայի հետ հարաբերությունները, և երկրները երկաթուղային հաղորդակցություն գործարկեն։

Այդ դեպքում Վրաստանը կկորցնի հայկական արտահանման ու ներմուծման հոսքի մեծ մասը։

Միևնույն ժամանակ Վրաստանին կմնան Ռուսաստանից, Ղազախստանից և Կենտրոնական Ասիայից Եվրոպա գնացող բեռները։ Բացի այդ, հայ–ադրբեջանական մայրուղին չի փոխարինի Ռուսաստանից Հայաստան` «Վերին Լարսի» անցակետով անցնող ճանապարհը։

«Լարսով անցնում է ցորենը, որը Հայաստան են բերում Ստավրոպոլից ու Կրասնոդարից։ Դա կարճ ու տնտեսապես շահավետ ճանապարհ է։ Իսկ Հայաստան–Ադրբեջան հավանական մայրուղով պտույտ կատարելը բիզնեսի վրա թանկ կնստի»,– ասաց Ցագարեիշվիլին։

ՀՀ տրանսպորտային առաքողների միության նախագահ Եղիշե Հովհաննիսյանն իր հերթին Sputnik Արմենիայի թղթակցի հետ զրույցում դրական գնահատեց գործող իշխանության մտադրությունը` ընդգծելով, որ կարևորն այն է, որ նախաձեռնությունը զուտ մտադրություն չմնա։

Նա նշեց, որ երկաթգիծը պետք է գործարկվի այն ժամանակ, երբ ենթակառուցվածքային առումով պատրաստ կլինի։

«Հայաստանը ստիպված կլինի ավարտին հասցնել լրացուցիչ 500-600 կմ ճանապարհի կառուցումը մինչև սահման` Սադարակ։ Ճանապարհը կարելի է արագ վերականգնել, առավել ևս որ մինչև Երասխ մեզ մոտ ամեն ինչ նորմալ է։ Շարժակազմը Երասխով կհասնի Ջուլֆա, ապա Արաքսի վրայով, երկաթուղային կամրջով` իրանական Ջուլֆա կայարան», – ասաց Հովհաննիսյանը։

Նա նշեց, որ ցանկության դեպքում ճանապարհը կարելի է վերականգնել կարճ ժամկետում և առանց մեծ ծախսերի։ Հովհաննիսյանն ընդգծեց, որ Հայաստանի համար կարևոր է Իրանի երկաթուղու հետ կապը։ Դա Երևանի համար ճանապարհ կբացի դեպի Իրանի ծովային նավահանգիստներ, մասնավորապես` Բենդեր–Աբաս։

Օրինակ` բեռը Չինաստանից Բենդեր–Աբաս նավահանգիստ կարող է հասնել 18 օրում, Փոթիի նավահանգիստ` մոտավորապես 33 օրում։ Հովհաննիսյանի խոսքով` դա ոչ միայն կկրճատի հեռավորությունը, այլև շահեկան կլինի ժամանակի և գումարի առումով։

Նշենք, որ Հայաստանն այսօր ապրանքների արտահանման և ներմուծման համար հիմնականում օգտվում է Վերին Լարսի անցակետից։ Այլընտրանքային 8 ճանապարհ կա, բայց բոլորը փակ են քաղաքական պատճառներով։ Դրանցից առավել շահեկանը` Նար (Հյուսիսային Օսեթիա)–Գորի ճանապարհն է, որն անցնում է Հարավային Օսեթիայով։ Այն 80 կմ–ով երկար է Լարս տանող ճանապարհից, սակայն օսական երթուղին նախընտրելի է կլիմայական առավել հարմարավետ պայմանների ու ռելիեֆի պատճառով։

667
թեգերը:
Եղիշե Հովհաննիսյան, երկաթուղի, Իրանի Իսլամական Հանրապետություն, Հայաստան
Ըստ թեմայի
Վերադարձնել ազդեցությունը Բաքվի վրա, Երևանին էլ նախագծեր առաջարկել․ Իրանը «թափ է հավաքում»
Մենք տնտեսական առումով լուրջ կախվածություն ունենք Իրանից. իրանագետը` Զարիֆի այցի մասին
Հնարավո՞ր է Իրանի հետ առևտրաշրջանառությունն արագ կրկնապատկել. Արամյանը հիմքեր չի տեսնում
Վահան Դումանյան

«Անհետաձգելի գործեր ունեի».ԿԳՄՍ նախարարը` վարչապետի հանրահավաքին չմասնակցելու մասին

33
(Թարմացված է 19:09 26.02.2021)
ԿԳՄՍ նախարարի խոսքով` յուրաքանչյուր պրոֆեսիոնալ աշխատանք կատարող պաշտոնյա պետք է զբաղվի իր գործով։

ԵՐԵՎԱՆ, 26 փետրվարի - Sputnik. ՀՀ կրթության, գիտության, մշակույթի և սպորտի նախարար Վահրամ Դումանյանը ասում է, որ գտնվելով որոշակի պաշտոնում, անձը պարտավոր է կատարել այդ պաշտոնում իր առաքելությունը։ Այս մասին Դումանյանը հայտարարեց լրագրողների հետ զրույցում`անդրադառնալով ԶՈւ ԳՇ հայտարարությանը, որով Զինված ուժերը պահանջում են Նիկոլ Փաշինյանի և կառավարության հրաժարականը։

«Զինվորականները պետք է մեր սահմանները և մեր երկրի անվտանգությունը պահպանեն։ Կարելի է անհամաձայն լինել որպես անձ այս կամ այն որոշման հետ։ Որևիցե մեկս ամրագրված չենք մեր պաշտոնին, բոլորս ազատ ենք անձնական որոշումներ կայացնելիս։ Բայց, գտնվելով որոշակի պաշտոնում, դուք պարտավոր եք կատարել այդ պաշտոնում ձեր առաքելությունը։ Այս երևույթը նոր չէ։ Արցախյան առաջին պատերազմում կային նման քաղաքական գործիչներ, որոնք անընդմեջ ասում էին, որ հոսանքը հատուկ հողանցում է արվում օրվա իշխանությունների կողմից, որպեսզի ժողովրդին հոսանք չգնա։ Դա դեմ էր ֆիզիկայի օրենքներին, անհնար բան էր, բայց կային մարդիկ, որոնք հավատում էին և նույնիսկ հիմա կան նման մարդիկ, որոնք իներցիայով նույն կերպ են մտածում»,- նշեց Դումանյանը։

Լրագրողներից մեկի հարցին, թե նախարարն ինչու ներկա չի եղել երեկվա հանրահավաքին, Դումանյանը պատասխանեց, որ աշխատում էր։ «Անհետաձգելի գործեր ունեի»,–ասաց նա։

ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

Նույն օրը Երևանում զուգահեռ հանրահավաքներ ու բողոքի երթեր անցկացվեցին։ Նիկոլ Փաշինյանն ու իր կողմնակիցները հավաքվել էին Հանրապետության հրապարակում, իսկ ընդդիմադիրները` Հայրենիքի փրկության շարժման նախաձեռնությամբ Ազատության հրապարակում պահանջում էին Նիկոլ Փաշինյանի հրաժարականը։

Նրանք հայտարարել են, որ Բաղրամյան պողոտայում` ԱԺ-ի դիմաց, անժամկետ նստացույց են իրականացնելու։

33
թեգերը:
Հրաժարական, հանրահավաք, Վարչապետ, Նիկոլ Փաշինյան, Հայաստան, Վահրամ Դումանյան
Ըստ թեմայի
Սաշիկ Սարգսյանը պահանջում է «բուկետի» հրաժարականը. նա ներկա է ընդդիմության հանրահավաքին
Հանրապետության հրապարակում Նիկոլ Փաշինյանի կողմնակիցներն են. տեսանյութ
Իրարամերժ ուժերի հանրահավաքներ նույն օրը, նույն քաղաքում. այսօրվա Երևանը` լուսանկարներում
Սերժ Սարգսյան, Իլհամ Ալիև

Դա կարող էր տեղի ունենալ միայն ու միայն Ալիևի երազում. Սերժ Սարգսյանի արձագանքը

134
(Թարմացված է 19:15 26.02.2021)
Սերժ Սարգսյանի գրասենյակի տարածած հայտարարության մեջ նշվում է, որ շատ պարզ ու հասկանալի է, թե ինչու է Ալիևը հենց հիմա իր մասին նման սուտ հայտնում։

ԵՐԵՎԱՆ, 26 փետրվարի - Sputnik. ՀՀ երրորդ նախագահի գրասենյակն արձագանքել է Ադրբեջանի նախագահ Իլհամ Ալիևի` այսօր կայացած մամուլի ասուլիսում հնչեցրած ստերին։ Մասնավորապես, Ալիևն ասել է, որ իբրև թե Սերժ Սարգսյանը 2016 թվականին իրենից երկու շաբաթ է խնդրել զորքը գրավյալ տարածքներից դուրս բերելու համար:

«Դա կարող էր տեղի ունենալ միայն ու միայն Ալիևի երազում: Որևէ մեկը մտածե՞լ է, թե ինչու այդպիսի «խնդրանքն» Ալիևը մինչև հիմա տարբեր առիթներով չի բարձրաձայնել սեփական լսարանի առջև ու գլուխ չի գովացել. այդ գայթակղությանը հաստատապես և ոչ մի դեպքում նա չէր դիմանա: Իսկ ինչո՞ւ 2016թ. Սանկտ Պետերբուրգի բանակցային փաստաթղթում այդ մասին ոչ մի խոսք չկա»,–նշված է Սարգսյանի գրասենյակի արձագանքի մեջ։

Ալիևին հիշեցնում են նաև, թե ի՞նքը չէր, որ 2016 թվականին իր կառավարության նիստում նեղսրտած հայտարարում էր, որ փակ դռների հետևում իրեն ստիպում են ճանաչել ԼՂ անկախությունը, սակայն Ադրբեջանը երբեք չի համաձայնի գնալ այդ քայլին:

«Սակայն, պետք է նկատել, որ նա իր հայաստանյան ներկայիս գործընկերոջից հետ չի մնում անամոթաբար ու անպատասխանատու ձևով ստելու գործում: Շատ պարզ ու հասկանալի է, թե ինչու է դա հիմա անում՝ դժվար պահին օգնության է
շտապում գործընկերոջը: Հավանաբար երկուսի մոտ էլ տարբեր ժամանակահատվածներում պարտվածի բարդույթը ծանր հետևանքներ է ունեցել»,–նշված է հայտարարության մեջ։

Հիշեցնենք, որ Ալիևը նաևհայտարարել էր, թե Բաքուն բոլոր ռազմագերիներին հանձնել է Երևանին:

Ադրբեջանը փորձում է գերիների հարցը սակարկել. ՀՀ փոխվարչապետի խոսնակ

134
թեգերը:
Իլհամ Ալիև, Սերժ Սարգսյան
Ըստ թեմայի
Ալիևը հայտարարել է, թե բոլոր ռազմագերիներին հանձնել է Հայաստանին
Ղարաբաղի վերաբերյալ բոլոր պայմանավորվածություններն առայժմ իրագործվում են. Կրեմլ
Արցախի հարցով համակարգող խմբի հանդիպումը նախատեսված է անցկացնել փետրվարի 27-ին
Արման Աբովյան

«Արդյունավետ էր». Արման Աբովյանը նախագահի հետ հանդիպումից մանրամասներ է հայտնել

0
(Թարմացված է 19:21 26.02.2021)
«Բարգավաճ Հայաստան» խմբակցության քարտուղար Արման Աբովյանը Sputnik Արմենիայի եթերում ներկայացրել է, թե ինչ են քննարկել ՀՀ նախագահի հետ։
«Արդյունավետ էր». Արման Աբովյանը նախագահի հետ հանդիպումից մանրամասներ է հայտնել

«Բարգավաճ Հայաստան» խմբակցության քարտուղար Արման Աբովյանը նախագահ Արմեն Սարգսյանի հետ հանդիպումն ընդհանուր առմամբ արդյունավետ է գնահատում։ Ասում է` քննարկել են վերջին զարգացումների ֆոնին ՀՀ-ում ստեղծված իրավիճակը, ԲՀԿ-ն էլ վերահաստատել է իր դիրքորոշումը` վարչապետը պետք է հեռանա։

«Քննարկվել են բոլոր այն իրադարձությունները, որոնք տեղի են ունենում, ընդ որում թիրախավորված չեն քննարկվել, ընդհանուր կոնտեքստի մեջ»,- Sputnik Արմենիայի հետ զրույցում ասաց պատգամավորը։

Նրա խոսքով` հանրապետության նախագահը փորձում էր հասկանալ խորհրդարանական ֆրակցիաների դիրքորոշումը, պարզել` տարբեր քաղաքական ուժերի տեսակետները փոխվել են, թե ոչ և առհասարակ ինչ է կատարվում։ 

«Քաղաքական ուժերի հետ հանդիպումներն առանձին են եղել և ես տեղյակ չեմ մյուս հանդիպումների մանրամասներից ։ Լուծումների մասին առայժմ խոսք չի եղել»,- նշեց նա։

Մեկնաբանելով ԱԺ նախագահ Արարատ Միրզոյանի` ԱԺ խորհրդի նիստին չներկայանալու, հետևաբար այն տապալելու իրողությանը` Աբովյանը նշեց, որ այդպիսով ԱԺ նախագահը սաբոտաժի է ենթարկում ՀՀ կարևորագույն ինստիտուտը։ 

Հիշեցնենք` ավելի վաղ ՀՀ նախագահ Արմեն Սարգսյանի պաշտոնական կայքը հայտնել էր, որ  Սարգսյանը, իր կողմից նախաձեռնած քննարկումների շրջանակում հանդիպումներ է ունեցել Ազգային ժողովի «Իմ քայլը» խմբակցության ղեկավար Լիլիթ Մակունցի, «Լուսավոր Հայաստան» խմբակցության ղեկավար էդմոն Մարուքյանի և «Բարգավաճ Հայաստան» խմբակցության քարտուղար Արման Աբովյանի հետ:

0
թեգերը:
Հայաստան, Արմեն Սարգսյան, Բարգավաճ Հայաստան կուսակցություն (ԲՀԿ), Արման Աբովյան
թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո
Ըստ թեմայի
Նախագահը ԳՇ պետի ազատման մասին վարչապետին առարկություն չի ուղարկել
Հայտնի է, թե ինչ են քննարկել Հայրենիքի փրկության շարժման անդամները ՀՀ նախագահի հետ
Հայաստանյան ժողովրդավարությունը պետք է դիմակայի. Ֆրանսիայի ԱԳՆ–ն երկխոսության կոչ է արել