Հայաստան վերադարձած գերիները, արխիվային լուսանկար

Հարցը կլուծվի. Կոպիրկինը՝ Ադրբեջանում գտնվող հայ գերիների մասին

220
(Թարմացված է 17:25 08.02.2021)
Ռուսաստանի նախագահ Վլադիմիր Պուտինն անձամբ է զբաղվում հայ գերիներին հայրենիք վերադարձնելու խնդրով։

ԵՐԵՎԱՆ, 8 փետրվարի – Sputnik. Հայաստանում Ռուսաստանի արտակարգ և լիազոր դեսպան Սերգեյ Կոպիրկինն այսօր լրագրողների հետ զրույցում ասաց, որ հայ ռազմագերիների հարցն այն առաջնահերթ խնդիրներից մեկն է, որոնք լուծվում են նոյեմբերի 9-ի եռակողմ հայտարարության իրականացման շրջանակում։

«Ես չեմ չափազանցնում, երբ ասում եմ, որ սա իսկապես առաջնային հարցերից մեկն է, որով զբաղվում են անձամբ մեր նախագահը, արտգործնախարարը, պաշտպանության նախարարը»,– նշեց Կոպիրկինը:

Նրա խոսքով` հարցը ցանկալի արագությամբ չի լուծվում, բայց այդ ուղղությամբ առավելագույն ջանքեր են գործադրվում։ Կոպիրկինը վստահեցրեց` խնդիրն ի վերջո լուծվելու է։

Հիշեցնենք` Բաքուն պաշտոնապես հաստատում է, որ 57 գերի կա իր տարածքում, մինչդեռ հայկական կողմը հայտարարում է ավելի քան 120 գերեվարված զինծառայողների և քաղաքացիական անձանց մասին:

Պատերազմից հետո Ադրբեջանից Հայաստան է վերադարձել մոտ 60 մարդ, այդ թվում ՝ քաղաքացիական անձինք։

Չեխիայի խորհրդարանում Ադրբեջանում գտնվող հայ գերիների վերաբերյալ բանաձև են ընդունել

220
թեգերը:
Սերգեյ Կոպիրկին, գերի, Ադրբեջան, Հայաստան
Ըստ թեմայի
Ինչ պետք է անեին ՀՀ դեսպանները գերիների հարցով, որ չեն արել. Մարուքյանի տեսակետը
Ադամ Շիֆը պահանջում է վերադարձնել հայ գերիներին
Ադրբեջանում Կարմիր խաչն այցելել է 4 հայ գերիների
Առաջնահերթ հարց է գերիների շուտափույթ վերադարձը․ ԱԺ նախագահը՝ ՄԱԿ-ի ԶԾ ներկայացուցչին
Հիվանդանոց

265 նոր դեպք, 2 մահ` մեկ օրում. կորոնավիրուսային հիվանդության ընթացքը Հայաստանում

43
(Թարմացված է 11:03 28.02.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:

ԵՐԵՎԱՆ, 28 փետրվարի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 265–ով և դարձել 172058։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 4657 (+176) մարդ, կատարվել է 729267 թեստավորում (+4661), առողջացել են վարակվածներից 163394-ը (+85)։ Գրանցվել է մահվան 3192 դեպք (+2)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 2-ով և հասել 815-ի։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Գիտնականներն ասել են, թե մարդկությունը քանի տարի է կորցրել կորոնավիրուսի պատճառով

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։

43
թեգերը:
վարակ, հիվանդ, Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Հայաստանում հնարավոր է կորոնավիրուսի երրորդ ալիքը. Ռոմելա Աբովյան
ԱՀԿ-ն հայտնել է կորոնավիրուսի համավարակի ավարտի ժամկետները
Հավատա՞լ Հայաստանի կորոնավիրուսի պաշտոնական վիճակագրությանը, և ինչ կապ ունի ԱՄՆ–ի ՊՆ–ն
Գարեգին Բ

Արցախը չի կարող լինել Ադրբեջանի կազմում․ Գարեգին Բ–ն հիշեցնում է վերջին 33 տարիները

14
(Թարմացված է 11:06 28.02.2021)
Կորուստների ցավը մեր սրտերում՝ պետք է ջանքեր չխնայենք մեր երկիրը հզորացնելու, նոր ձեռքբերումներ ու հաջողություններ արձանագրելու համար։

ԵՐԵՎԱՆ, 28 փետրվարի - Sputnik. Ամենայն հայոց կաթողիկոս Գարեգին Երկրորդը Սումգայիթի ջարդերի զոհերի հիշատակի ոգեկոչման օրը Facebook-ի իր էջում անդրադարձել է վերջին 33 տարիների ընթացքում ադրբեջանական վայրագություններին, մեր երկրի ու ժողովրդի հանդեպ կատարված բռնություններին։ Նա նշել է, որ 1988 թ. Ադրբեջանի իշխանությունների կազմակերպած Սումգայիթյան ջարդերից հետո նոր եղեռնագործությամբ պարբերաբար զինված հարձակումների էին ենթարկում Արցախն ու Հայաստանի սահմանամերձ շրջանները։ Որպես Սումգայիթյան ոճրագործությունների շարունակություն նա նշել է նաև Ադրբեջանի ու Թուրքիայի սանձազերծած վերջին պատերազմը։

«Զոհվեցին խաղաղ բնակիչներ, հայրենյաց պաշտպան մեր շատ զավակներ, տեղահանվեցին բազմահազար հայորդիներ, ավերվեցին հոգևոր-մշակութային կոթողներ ու հուշարձաններ, կորցրեցինք Արցախի զգալի մասը, և դեռ կան անհայտ կորածներ ու գերեվարվածներ։ Ցավով ենք անդրադառնում, որ պատերազմի դադարից հետո տակավին տեղ են գտնում բռնություններ ու չարագործություններ, ոտնահարվում մեր երկրի ու ժողովրդի իրավունքները: Այս ողբերգական իրողությունները, արցախյան երկրորդ պատերազմի արհավիրքները վկայում են, որ Արցախը չի կարող լինել Ադրբեջանի կազմում»,- Facebook-ի իր էջում գրել է կաթողիկոսը։

Նա շեշտել է՝ կորուստների ցավը մեր սրտերում՝ միասնաբար ամեն ջանք պետք է գործիք դնենք՝ հաղթահարելու աղետալի հետևանքներն ու փորձությունները, զորացնենք մեր հայրենիքը և կերտենք նոր ձեռքբերումներ ու հաջողություններ։

Սումգայիթում մարդասպանների հերոսացումն իր արտացոլումը ստացավ Արցախյան պատերազմում. ԱԳՆ

«Խոնարհվելով մեր զոհերի վառ հիշատակի առջև՝ ի խորոց սրտի աղոթում ենք նրանց հոգիների հանգստության ու խաղաղության համար։ Հայցում ենք, որ Աստված իր ողորմությունը, շնորհներն ու բարեգթությունը տարածյալ պահի համայն մեր ժողովրդի և մեր հայրենիքի վրա և պահպանի ամենախնամ իր սուրբ աջի հովանու ներքո։ Ամեն»,- եզրափակել է Վեհափառ հայրապետը։

Հիշեցնենք, որ 1988թ. փետրվարի 26-ից Բաքվից 20 կիլոմետր հեռավորության վրա գտնվող Սումգայիթ քաղաքում ադրբեջանական իշխանությունները սկսեցին տեղի հայ բնակչության բնաջնջումը, որն ուղեկցվում էր հայերի ունեցվածքի զանգվածային թալանով և ոչնչացմամբ:

Պաշտոնական տվյալներով՝ զոհվել է 26 հայ, ոչ պաշտոնական տվյալներով՝ զոհերի թիվը մի քանի հարյուր է։

Միջազգային հանրությանը մեղադրելը տեղին չէ. Ալավերդյանը` Սումգայիթյան ջարդերի մասին

 

14
թեգերը:
հայեր, Ադրբեջան, Ամենայն Հայոց կաթողիկոս Գարեգին Բ, Սումգայիթ
Ըստ թեմայի
Արցախի վերածնունդն ու Ադրբեջանի բացեիբաց հայտարարությունները. ՀՀ ԱԳՆ–ն ուղերձ է հղել
Վարչապետը հարգանքի տուրք է մատուցել Սումգայիթի ոճրագործության զոհերի հիշատակին
Ինչո՞ւ են Արցախում դադարեցվել որոնողափրկարարական աշխատանքները