Հովհաննես Հարությունյան

«Իմ ուզած մարդկանց եմ նշանակել». ովքե՞ր են աշխատելու Շիրակի նորանշանակ մարզպետի հետ

675
(Թարմացված է 09:01 06.02.2021)
Մարզպետների փոփոխությունը նախատեսում է նաև հայեցողական պաշտոնների փոփոխություն։ Ընդունված կարգ է՝ նոր մարզպետներն իրենց հետ խորհրդականներ ու օգնականներ են բերում:

ԵՐԵՎԱՆ, 6 փետրվարի – Sputnik, Արմենուհի Մխոյան. Շիրակի նորանշանակ մարզպետ Հովհաննես Հարությունյանն արդեն օգնականներ ու խորհրդական ունի: Մարզպետը Sputnik Արմենիայի հետ զրույցում հայտնեց, որ հայեցողական պաշտոններն արդեն 90 տոկոսով համալրված են:

«Այս պահին դրությամբ թափուր է մնում միայն մեկ խորհրդականի պաշտոն, առաջիկայում դա էլ կլրացվի։ Ես իմ ուզած մարդկանց եմ նշանակել իմ ցանկությամբ, բայց, անխոս, հաշվի եմ առել թիմակիցներիս կարծիքը: Իհարկե, թիմն ընդհանուր է, ու մեր ընդհանուր թիմից մարդիկ կան»,– ասաց նա:

Երկուշաբթի մարզպետը աշխատակազմին կներկայացնի նաև նորանշանակ փոխմարզպետ Դավիթ Սեխլեյանին:

«Նրան կներկայացնեմ, և համատեղ աշխատանքով կլծվենք գործի, որպեսզի ժամ առաջ կարողանանք ինչ–որ հարցեր կարգավորել»,-ավելացրեց Հարությունյանը։

Նշենք, որ Դավիթ Սեխլեյանը ՀՀ վարչապետի Նիկոլ Փաշինյանի որոշմամբ Շիրակի փոխմարզպետ է նշանակվել փետրվարի 4-ին։ Շիրակի մարզի Փանիկ համայնքում ծնված Սեխլեյանը մասնագիտությամբ տնտեսագետ է, Փանիկ համայնքի բնակիչ, աշխատել է բանկային համակարգում, այժմ Փանիկում հիմնել է ֆերմերային տնտեսություն ու վերջին 5-6 տարիներին զբաղվում է հենց դրանով։ Ամուսնացած է, ունի 3 երեխա:

«Իմ առաջարկով է նշանակվել մարզպետի տեղակալը: Ինքն էլ է եղել «Իմ քայլի» ռեյտինգային ցուցակում: Ծանոթ եմ նրա գործունեությանը բանկային համակարգում և որպես ֆերմեր: Տիրապետում է գյուղատնտեսական հետաքրքիր լուծումների: Ուրախ եմ, որ նա միացել է մեր թիմին»,-նշեց մարզպետը՝ հույս հայտնելով, որ Սեխլեյանի տնտեսագիտական ու գյուղատնտեսական փորձը կօգնի մարզին:

Ի դեպ, դեռ անցած տարվա նոյեմբերից Շիրակի մարզպետի տեղակալի պաշտոնը ստանձնած գնդապետ Պողոս Աբրահամյանը, որը կանոնակարգում է աշխարհազորի գործառույթները, կշարունակի պաշտոնավարել:

«Շատ գոհ եմ նրա աշխատանքից, շատ գրագետ ու բանիմաց զինվորական է, և ուրախ եմ, որ նա մեր թիմում է»,– ասաց Հարությունյանը։

Մարզպետը վստահեցրեց՝ եթե այլ փոփոխություններ էլ լինեն, ապա դրանք կլինեն հիմնավորված,  մոտիվացիան երկրի զարգացումն է:

«Եթե այդ մոտիվացիան չի լինելու, ուրեմն մեր թիմում նման մարդու լինելը կդրվի հարցականի տակ»,- ասաց նա:

Sputnik Արմենիայի թղթակցի հարցին, թե մարզի բավականաչափ շատ խնդիրները չե՞ն թուլացրել նորանշանակ մարզպետի մոտիվացիան, Հարությունյանը պատասխանեց՝ մոտիվացիան օր օրի ավելանում է:

«Իմ էությամբ այնպիսին եմ, որ եթե տեսնում եմ խնդիրներ, ավելի ուժ ու եռանդով եմ լծվում գործին այդ խնդիրները լուծելու համար»,- շեշտեց նա:

Հիշեցնենք, որ հունվարի 15-ին հայտնի դարձավ, որ Շիրակի մարզպետ Տիգրան Պետրոսյանն աշխատանքից ազատվելու դիմում է գրել։ Հունվարի 21–ին ՀՀ կառավարության նիստում ՀՀ առողջապահության նախկին փոխնախարար Հովհաննես Հարությունյանը նշանակվեց Շիրակի մարզպետ։

675
թեգերը:
պաշտոն, Հովհաննես Հարությունյան, Շիրակի մարզ, Հայաստան
Ըստ թեմայի
Քոչարյանը Մանուկյանի փոխարե՞ն. փորձագետներն ընդդիմության ձևաչափի փոփոխում են կանխատեսում
Նիկոլ Փաշինյանը պաշտոնից ազատել է Սուսաննա Սաֆարյանին
«Պատրոն Դավոն» վստահեցնում է` Տոնոյանի խորհրդականը չի եղել. նա հայտարարություն է տարածել
Արարատի մարզպետարանն անդրադարձել է Տիգրանաշենն առաջիկայում Ադրբեջանին հանձնելու լուրերին
Գագիկ Ծառուկյան. արխիվային լուսանկար

Գագիկ Ծառուկյանն ամուսնացնում է որդուն. հայտնի է հարսանիքի օրն ու տեղը. «Հրապարակ»

69
(Թարմացված է 11:31 06.03.2021)
Գագիկ Ծառուկյանի որդու հարսանիքը մեկ անգամ արդեն իսկ հետաձգվել էր։ Սակայն այժմ ամեն ինչ որոշվել է։

ԵՐԵՎԱՆ, 6 մարտի - Sputnik. ԲՀԿ առաջնորդ, ԱԺ «Բարգավաճ Հայաստան» խմբակցության նախագահ Գագիկ Ծառուկյանի որդու` Նվեր Ծառուկյանի հարսանիքի օր է նշանակվել ապրիլի 10-ը։ Տեղեկությունը հայտնում է «Հրապարակ» օրաթերթը։

«Նվեր Ծառուկյանի հարսանիքը կկայանա «Փարավոն» ռեստորանային համալիրում»,–գրում է թերթը։

Հիշեցնենք, որ Նվեր Ծառուկյանի հարսանիքը ծրագրված էր 2020-ի հոկտեմբերի 3-ին, սակայն նախ Ծառուկյանի կալանավորումը, ապա արցախյան 44–օրյա պատերազմը խանգարեցին, և այն անորոշ ժամանակով հետաձգվեց։

Նվեր Ծառուկյանը 21 տարեկան է։ Նրա հարսնացուն Արփի Ավետիսյանն է:

Հարսանիք լեռներում՝ ամպերից վեր. Խուստուփի հայտնի զույգի պատմությունը

69
թեգերը:
հարսանիք, որդի, Գագիկ Ծառուկյան
Ըստ թեմայի
«Հայրիկն ինձ ուզում էր հարսի շորով տեսնել` չհասցրեց». հետպատերազմյան հարսանիքներն Արցախում
Սոցցանցերում տեսանյութ է հայտնվել Օլգա Բուզովայի և Դավիթ Մանուկյանի հարսանիքից
Պատերազմից հետո սեր կա. արցախցի Հայկազի ու Ռուզանի հարսանիքը` ժամանակավոր կացարանում
Արխիվային լուսանկար

«Թաքուն գնած» 600 դոլարանոց զրահաբաճկոնների առեղծվածն ու ՊՆ–ի պատասխանը. «Ժողովուրդ»

72
(Թարմացված է 11:23 06.03.2021)
ՀՀ երրորդ նախագահ Սերժ Սարգսյանը հայտարարել էր, որ պատերազմի ժամանակ կառավարությունը, շրջանցելով ՊՆ-ին, 600 դոլարով զրահաբաճկոններ է գնել։ ՊՆ–ն պատասխանել է «Ժողովուրդ» օրաթերթի գրավոր հարցմանը։

ԵՐԵՎԱՆ, 6 մարտի - Sputnik. Պատերազմի ընթացքում զրահաբաճկոններ գնելու վերաբերյալ նախկին նախագահ Սերժ Սարգսյանի հայտարարությանը հետևած իրադարձությունները բավականին հետաքրքիր են:

Երեկ «Ժողովուրդ» օրաթերթի հարցմանը պատասխանել է ՀՀ  պաշտպանության նախարարությունը և հայտնել, որ պատերազմի ժամանակ պաշտպանության նախարարությանը շրջանցման և ՀՀ կառավարության կողմից գնման միջոցով (600 դոլար արժողությամբ) զրահաբաճկոններ ՀՀՍ (Հրթիռահրետանային սպառազինություն) կենտրոնական բազա չեն մատակարարվել։

Հիշեցնենք, որ Սերժ Սարգսյանը «Արմնյուզին» տված հարցազրույցի ժամանակ խոսելով «թալանի և լափելու» մասին, սկանդալային հայտարարություն էր արել։ Ըստ նրա՝ պատերազմի ժամանակ կառավարությունը, շրջանցելով ՊՆ-ին, գնել է զրահաբաճկոն 600 դոլարով։ Եվ չնայած ՊՆ–ն, ըստ էության, հերքում է երրորդ նախագահին, սակայն հետաքրքիր է, որ կառավարությունն այս ամենը պետական գաղտնիք էր համարել:

Կոռուպցիոն ռիսկեր չենք տեսել. ՊԵԿ նախագահը` Սերժ Սարգսյանի հիշատակած զրահաբաճկոնների մասին

Այսինքն` կառավարությունը «Ժողովուրդ» օրաթերթի գրավոր հարցմանն ի պատասխան հայտնել էր, որ այդ տեղեկությունը պետական գաղտնիք է պարունակում, ուստի այն հրապարակման ենթակա չէ։

Մանրամասները կարդացեք թերթի այսօրվա համարում։

Ինչու պատերազմում ունեցանք այս արդյունքը. Միքայել Համբարձումյանը խոսել է պատճառների մասին

72
թեգերը:
Սերժ Սարգսյան, ՀՀ Պաշտպանության նախարարություն (ՊՆ), զրահաբաճկոն
Ըստ թեմայի
Սերժ Սարգսյանը պատասխանել է հարցին՝ արդյոք Օնիկ Գասպարյանն իր դրդմամբ է գործում
Փաշինյանը խոսեց «Իսկանդեր»-ներից, քանի որ առաջինը խոսել էր Սերժ Սարգսյանը. Քոչարյան
Դա կարող էր տեղի ունենալ միայն ու միայն Ալիևի երազում. Սերժ Սարգսյանի արձագանքը

«Ի սրտե». Ավետ Բարսեղյանը Ռիտա Սարգսյանի հիշատակին նվիրված երգ է գրել. տեսանյութ

0
(Թարմացված է 12:12 06.03.2021)
Մի քանի ամիս է, ինչ Ռիտա Սարգսյանը հեռացել է կյանքից։ Հայաստանյան երգիչները նրան նվիրված երգ են կատարում։

ՀՀ երրորդ նախագահ Սերժ Սարգսյանի կնոջ` Ռիտա Սարգսյանի հիշատակին նվիրված երգ է գրվել, որը թողարկվել է այսօր` նրա ծննդյան օրը։ Ռիտա Սարգսյանն այսօր կդառնար 59 տարեկան։ «Ի սրտե» խորագրով երգի բառերի հեղինակն Ավետ Բարսեղյանն է, իսկ երաժշտությունը Կարեն–Սևակինն է (Կարեն Համբարձումյանն ու Սևակ Մելքոնյանը)։

Երգը կատարում են Ռազմիկ Ամյանը, Նունե Եսայանը, Սարո Թովմասանն ու Շուշան Պետրոսյանը։

Հիշեցնենք, որ Ռիտա Սարգսյանը կյանքից հեռացավ նախորդ տարվա նոյեմբերի 20-ին` կորոնավիրուսի հետևանքով։ Ավելի վաղ հայտնի էր դարձել, որ Ռիտա Սարգսյանը կորոնավիրուսով է վարակվել և գտնվում է «Նաիրի» բժշկական կենտրոնի վերակենդանացման բաժանմունքում:

Sputnik Արմենիայի տեղեկություններով` Ռիտա Սարգսյանին տեղափոխել էին Գերմանիայի բժշկական կենտրոններից մեկը, սակայն նրա կյանքը փրկել չհաջողվեց։

Ռիտա Սարգսյանը ժամանակին բարեգործական մի շարք ծրագրեր էր իրականացնում։ Մասնավորապես, նա 2009 թ. հիմնադրված «Նվիրիր կյանք» հայկական հիմնադրամի հոգաբարձուների խորհրդի պատվավոր նախագահն էր։ Հիմնադրամն աջակցում էր արյան քաղցկեղով հիվանդ երեխաների բուժմանը։

Ռիտա Սարգսյանին ծանր վիճակում տեղափոխել են արտերկիր

0
թեգերը:
տեսանյութ, Շուշան Պետրոսյան, Ավետ Բարսեղյան, երգ, Ռիտա Սարգսյան
Ըստ թեմայի
«Ռիտա Սարգսյանը մեծ սեր ու հարգանք էր վայելում հարազատ Արցախում». Արայիկ Հարությունյան
Սերժ Սարգսյանի կինը մահացել է
Սերժ Սարգսյանի գրասենյակը հայտարարություն է արել Ռիտա Սարգսյանի առողջական վիճակի մասին